زوجي والبلوزه

[دلع الرياض..]

السلام عليكم
ببدا بالسالفه..البارح قالي زوجي يالله نطلع وقمت بلبس عبايتي قال لايكون تروحي بالبلوزه هاذي قلت ايش فيها عبايتي علي وربي يابنات بلوزتي مافيها شيوكلمه مني وكلمه منه تخانقنا وقال خلص كنسلت الطلعه وطلع وقعد يرسلي انتي ماتستاهلي احد يطلعك وكلام جارح مرررره وارسلتله تعال نتفاهم ورجع وقعد يخانق ويقول ليه ماغيرتي بلو زتك اول ماقلتلك وقعدنا نتخانق مره ثانيه وسكتنا وانا مابغيت تكبر السالفه تاسفت منه وبسته ..بس هو الى الحين مايتكلم معي..على ان السالفه ماتسوى تاسفت..وانه جرحني برسايله قولولي يابنات ايش اسوي والله قاعده ابكي من القهر..كيف اخليه يندم على رسايله وكيف اخلييه اتكلم عطوني افكاركم يابلقيسات واللله لادعيلها اللي ترد

 

[دلع الرياض..]

نسيت اقولكم زوجي جنوبي شرقي

 

[أحلى مشمشه]

آمممم حبيبتي انا كذا زيك زوجي لازم يخليني اغير التيشرت اذا كان علاقي
بس انا اذا كنت محتاجه الطلعه اسمع كلامه واغير بس علشان اسكته
اما على الكلام الجارح تكلمي معاه وقولي له ان كلامك جرحني
وانا ما اتحمل زي كدا ممكن انجرح من اي احد طزززز
الا انت مقدر لانك انت اقرب شخص لي
دعواااتك حبيبتي

 

[دلوعةزوجي]

عزيزتي من شان بلوزة كان غيرتيها وانتهى هالموال

لاكن ماعاد يفيد كلمت كان

الان روحي توضئ وادعي ربك فالدعوة بهالوقت من يوم الجمعه مستجاااااااابه

ادعي ربك انه يحنن قلب زوجك عليك ويسخره لك واعدي باللي تتمنين وبتشوفين بعد الدعاء وشلون بتتغير

الامور​

​

 

[سما دنيتي]

ياقلبي عليك عادي
مافيها شئ تنازلي له في بعض الامور حتى تنالي مرادك

 

[أحلى مشمشه]

صادقه

:16::27:صااااادقه سما دنتيتي

 

[دلع الرياض..]

الله يوفك كل من ردت علي ويسخر لها زوجها واللي بتردعلي..بس المشكله مايتكلم معي وانا اعتذرت ايش اسوي

 

[همي وهم غيري]

حبيبتي كلنا نتعرض لها الشي يمكن البلوزة حقت بيت مو خرجة انا زوجي مرة زعل مني من شان لبس توبة بعدها البس شي وانا خارجة يزعله خلاص قال غيري غيري بعدين احمدي ربك يقول غيريها بنخرج انا لو يبغى البس عبايتين مو لبس بس يخرجني اسوي اللي يبغاه حاولي تستسمحي منه وتراضيه الله يهديه ويسخرة لك

 

[تشكرات]

الله يفرج همك حبيبتي ..

المشكله مو مشكلة بلوزه ..بل المشكله أن الشيطان دخل بينكم

الله يكفيكم شرّه ....

والا الموضوع مايستاهل كل هالزعل ...كان أطعتي زوجك ومشيتي

كلامه ورحتي وأنبسطتي ورجعتي بنفسيه حلوه ومريحه ...وبعدين

استفسري من زوجك عن السبب الحقيقي وأتناقشي وأطرحي

وجهة نظرك وخلصنا ويادار مادخلك شر ....ماعلينا اللي حصل حصل

الآن أنتي تقولي أنك ( اعتذرتي لزوجك ) ...يعني وجهك أبيض ولله

الحمد ( خلاص أتركيـــــــه يهدأ ..ويأخذ الزعل حقّه منه ) ..ولا تكبري

الموضوع .....فمعروف أن الرجال ( زعلهم صعب شوي ..لأنه يعتبرك

( كسّرتي كلامه ) ...وهذا في نظره طبعآ ..

هو يهدأ ويرتاح شوي وبعدها راح يكلمك وترجع المياه لمجاريها ..

بس الآن انتي ( أهتمي بأمور نفسك وبيتك وكأن شيئآ لم يكن )

حتى لا يتشعّب الموضوع ويكبر ...

اتسلّحي بالهدوء والحلم وطولة البال ...وربنا معك ..

 

[هلا الرياض]

خلاص غيري وماله داعي التطنيش اذا ما تبينه يزعل

 

[نقااء الثلج]

يزعل بيرضا لا تشيلي هم كلهم كذا المهم انتي لا تتضيقي

 

[دلع الرياض..]

والله صدقتي والله ملينا واحنا ندور رضاهم

 

[صاحبةعيالي]

يمكن كان طفشان وده يطلع معك وانت نكدتي عليه
المهم انت اللي عليك سوتيه خليك طبيعيه معه لاتبوزين مثله سولفي واضحك ولا كنه صار شي لا تكرري اعتذارك له خلاص رايتك بيضا بعتذارك الاول

 

[الداعية إلى الل]

السلام على الجميم
يابنــــــــــــــــــــــــــــــــــــــــــات
زوجك جنتك ونارك
ارضيهم لاجل الله لانه امرنا
ولانكون كافرين العشير
اكثر اهل النار النساء كما اخبر الرسول صلى الله عليه وسلم لانهن يكثرن اللعن ويكفرن العشيـــــــــــــــــــــــــــر
بنات أقرؤ قصة ريم رحمها الله بالمنتدى هنا ماتت وزوجها راضي عنها
الله يهدينا

 

[الداعية إلى الل]

عفوا
السلام ورحمة الله وبركاته
على الجميـــــــــــــــــــــع

 

[ماني من ناس]

انا عني لازم يكون تي شيرت ساتر
صراحه الوحده متدري شيصير لسمح الله حادث شي متدريين ادنيا متخلي
يووم قالك قصرتي شر وقلتي اوه نسيت
وبسسس
اما علشان يندم لانعلم محتووي رساله​

 

[سهم العشق]

ايوا يا اختي كنت غيرتيها وريحتي رأسك يمكن كانت بلوزتك كانت عريانه وزوجك شكله يغار عليك ما شاء الله على العموم لاتزعلي نفسك واعتذري منه مره ثانيه وقولي له اسفه لاني عاندتك وان شاء الله ما اكررها واذا ما فاد مازال زعلان سيبيه في حاله وهو من حاله يرضى 00 ​

 

[الروح الذائبة]

عادي اختي لو ما كان يحبك ويغار عليكي ما قال غيريها قولي له انك غلطانه وكان لازم اتغيريها واعتذري منه وخلاص

 

[انوثتي فخري]

حبيبتي انا زوجي كذا بس هو ما قالك السبب
انا زوجي قالي السبب وهوه انو لوحصل لنا حادث لا قدر الله الا انتي متسترة ما تتكشفين او لو ان سحبت عبايتك اذا هيه ازارير وانفتحت اكيد صدرك بيبان
ترى الموضوع كله غيرة يعني عشان كذا قالك انا اول زواجي كان كذا اللحين لا خلاص مل وانا بصراحة مرة حر المنطقة اللي انا فيها ما ينفع الا كت اقل شي
عشان لا اموت حر طيب كان قلتي هذا السبب
وعشان كلامه لك اكتبي كل اللي تبغي تقلينه في رساله
وقولي الموضوع مو مستاهل انك تجرحني ابدا
والله يهدي سركم يارب

 

[انوثتي فخري]

زوجك يغار عليك بكل بساطة
انا زوجي كذا بس قالي لسبب لو صار لنل حادث لا قدر الله ما تتكشفين تكوني مسترة وكمان لو علقت عبايتك في شي وانفتحت الا اني متسترة مايبان صدرك
وعشان يعتذر اكتبي له كل الي بقلبك في رساله وقولي الموضوع ما كان يستاهل التجريح