زوجي مو عارف شو يبغي بالضبظ......ساعدوني

[السعادة غايتي]

السلام عليكم ......خواتي انا مالجة من 6 شهور وصار خلاف بيني وبين زوجي انه شاف عندي ايميل من 3 سنوات اني كنت داخلة الشات ولا في كلام ولا شي و عندي علاقات ولا اي شي المهم طلب انه ننفصل وغلط علي وانه ما يقدر يثق فيني ومن هالكلام تتدخل اخوه فالموضوع وشاف انه الي يسويه زوجي غلط ومن جي تنحل المشاكل (اخوه مصلح اسري) المهم تمينا 3 اسابيع ما انكلم بعض وخلاص انا اقتنعت اني بطلق ومستحيل اتم ويا انسان ما يبغيني رجع واتصل فيني وتاسف وانه الي صار كله قبل وانا واثق فيج بس كنت معصب وبنرجع نفس ما كنا انشالله قتله اوكي وكملت وياه وقتله اني انا قلت حق اهلي انك غلط علي واهلي ما رضوا ومن عقب ما قتله انجلب علي اونه انا ليش خبرت اهلي وانه هوه ما كان يقصد وكان محرج مايعرف شو يقول وتام متحسس من هالموضوع وقال انا بي اكلم ابوج وبفهمه قتله ابوي مب شال فخاطره عليه وبالعكس ابوي قال ما في حد ما يغلط واتعلموا من غلطكم المهم الحين هوه ما كلمني من 3 ايام ولا يرد علي وكله يأجل موضوع انه يكلم ابوي انا تعب وياه قولولي شو اسوي انصحوني.......

 

[غربة احساس]

الله يفرج همك يارب
اولا اختي خلي ثقتك في نفسك اكبر يعني بعدين ~اذا فتح الموضوع او لا مع ابوك بكيفه
وياعسل انا مافهمتك يعني من اول كانت عندك علاقات بالشات لانك ماوضحتي يعني كان عندك ايميل للشات و ماتدخلي اوايش بالضبط علشان اقدر افيدك يارب وضحي مين غلط ع الثاني