زوجي موراضي ع الخدامه ؟؟

[نوور الدووحه]

السلام عليكم ورحمة الله وبركاته
شخباركم يابلقيسيات؟
انا عضوه يديده وهاي اول موضوع لي وحابه تساعودني بليز

انا ام لطفلين وحامل بال3 الحين والمشكله اني بكمل دراستي:: وجامعتي تبدى نهاية 9 وزوجي موراضي بفكرة الخدامه:dunno:..انا حاولت معاه وقلتله ان الخدامه تنتبه لليهال جدام امه يعني كأن امه الي قاعده وياهم بس موراضي؟؟ يقولي دبري عمرج حلي مشكلتج بنفسج هاي حياتج الشخصيه
المشكله هو عادي عنده اكمل دراستي وقاعد هالفتره يجهزني للجامعه اشترى لي لابتوب يديد للجامعه وغير وغير احسه عشان يثبت لي انه عادي عنده اكمل
انا عارفه هالنقطه بس موعارفه ليش موراضي يتفهم انا ليش ابي اجيب خدامه:dunno: مفروض يحس عندي اطفال ولابعد حامل بالثالث شسوي يعني توقعته مابيرفض؟؟:no:
يقولي انتي كلمي امي على هالموضوع وباسلوبج الحلو بتوافق تمسك لج اليهال ؟؟ وانا ااعرفها مستحيييل توافق وفوق هاي هي بعد تعبي له راسه ع الخدامه اتقول اني مومحتاجه:icon28:؟؟ وانا خواتي متزوجات والباقي بالجامعه وامي متزوجه وغير هاي لو تموت ماتمسك لي عيالي الله يهداها قولو لي شسوي تعبت والله حلم حياتي اني اكمل الجامعه بس ريلي ماقاعد يساعدني شسووووووووي؟؟:sadwalk:

 

[العجيبه]

الله يكون بعونش بس حني براس زوجش ان شاء الله يجيب لش ..

 

[نوور الدووحه]

4مرات كلمته تعبت والله تعبت..وهو عنيييد حيييل مايفيده عناد وحن؟؟

 

[شيخة84]

مرحبا اختي ..

الله يفرج همج ان شالله

بصراحة ريلج غريب ليش يرفض الخدامة ؟؟؟؟؟

يعني انتي سالي نفسج هالسؤال ؟؟ وحاولي تشوفي الاسباب الي تخليه يرفض ؟؟

مثلا ريلج يشتغل في الشرطة ؟؟؟ لانه واااايدين يرفضون الخدامات بسبب البلاوي الي يشوفونها في المراكز من ورا الخدامات ... هاي نقطة

النقطة الثانية معقولة هو رافض فكرة الخدامة عشان امه معبية راسه انج مب محتاجتنها ؟؟؟
اذا هي السبب يعني ابدي من عندها ... حاولي تقاهميها انج فعلا بحاجة لخدامة ؟؟؟؟؟؟؟؟؟؟؟

النقطة الثالثة وهي نقطة حساسة شوي .. لايكون ريلج يخاف الحرام ؟؟؟
اقصد يعني يخاف ما يقاوم وجود الخدامة ؟؟ آسفة بس انا اعرف بنت ريلها قاللها بالحرف الواحد اذا يبتي خدامة بتزوجها ؟؟؟؟؟؟

حبيبتي لازم تبحثين عن الاسباب مو بس تكلمينه .. والله يحنن قلبه عليج

تقبلي مروري

 

[مناكير وردي]

هلا عزيزتي
لاتعتمدي على امك في تربية اولادك
وقوليله اوك مافي خدامه ولاتعلقين ع السالفة ابد وابأي دراستك على خير بس حاولي تهملين في شي بالبيت طبعا مو زوجك لأنه مابيصدق عشان يلومك
لكن قصري بالأكل وبالأولاد وحاجات انتي اعرف فيها حتى بملابسه واذا عاتبك لاتقوليله انك تبين خدامه بس استسمحي منه وقوليله بجد تعبانه ومو قادرة الحق على شي عشان يحسك بجد تستاهلين وجود الخدامه ببيتك
ترى الرجال اذا استخسر ان زوجته ترتاح مراح يستخسر على عياله
الله معك

 

[نوور الدووحه]

اشكركم على مساعدتكم يالغاليات
بس انا سألت نفسي ومالقيت جواب؟؟بس هو يقولي هاي مسؤوليتج وانتي مره ولازم اتعرفين اتدبرين امورج وامور عيالج؟؟المشكله ان ولدي عمره سنتين وبنتي عمرها 8 شهور يعني لوكبار بمشيها بس بعدهم صغار يبون انتباه..ومره اذكر قال لي انه مقصر في البيت مايساعد ابوه لان احنا ساكنين في بيت اهله بسبب انه مديون ويادوبه يصرف علي وعلى عياله وموحلوه يجيب لي خدامه شبيقولون حق مرته عادي بس احنا لا ::مادري شفيهم ؟؟ انا قلت له ولو انا مرتك ويحق لك اتساعدني لاني حامل وتعبانه وفوق انه ماعندي حد يمسك يهالي لي رحت الجامعه!! واكلمه باسلوب عدل وحلو واقوله انه مافي مره عظيمه الاوراها رجل عظيم ساعدها بحياتها وكسر الحواجز الي جدامها عشان توصل الي تبيه وقلتله بعد ان كل الحريم الناجحات متزوجات ولابعد امهات بس مومقتنع يقولي هاي حياتج ودبري عمرج؟؟

 

[زوجة سعيدة]

سامحيني زوجكِ صح وماهو غلطان وكاتمه سليم. الخدامة ما تأمنيها على أولادك وهم مساكيين صغار ما ينفع إلا أمكِ أو أمه, أو حتى ممكن تقدمي تأجي هذا العام إلى أن تلدي وربكِ يفرجها عليكِ بحل .
وممكن تحاولي مع أمه بحيث تبقي العيال معها ,, والله يهديها لكِ أما الخادمة فلا تأمني على أطفال صغار معها أبداً وأولادك أهم من الجامعة.

 

[لؤلؤاتي]

بصراحه انا رايي من راي زوجك
ليه؟هو مااقترح ان امه تمسك عياله الا انه عارف انها بتوافق..بعدين عيالك مابيظلون صغار بيكبرون الله يخليهم لكم ..
انا امي كانت تمسك عيال اخوي وامهم كانت تداوم بعيييد اربع ساعات بالسياره وماجابت خدامه الا لما كثرو العيال وامي تعبت وهيك
والله مايبي لك الا تنظيم وقتك وبس
وممكن مع الوقت ولمايشوف حوستك بالدراسه وشغل البيت يجيب لك خدامه انتي لاتستعجلين الحين وتحنين خلاص خلي الموضوع مثل ماقال..وتوكلي على ربك يحلها
وانتي خذي لك لفه على مشاكل الشغالات وبلاويهم والله ان تكرهينهم كره
الله يكافينا شرهم بس

الله يوفقك ويكتب لك اللي فيه خير

 

[كلمات مبدعة]

السلام عليكم
اختى الغاليه
ارجو من الله ان يسرلك حالك
شوية دلع كدا منك
حبيب انا تعبانه انا وانا وووو
بكره بتلاقيه يوافق
بس متعتمديش علي الشغاله فى جميع امور اولادك لان في بعض الامهات الان يعتبرنها اما بديله للاطفال
يعنى بصريح العباره ما يهتمو بالاطفال ابدا بوجود الشغاله
هى تاكل وتلبس وتطبخ وتعمل كل شى وده طبعا غلط
اكبر غلط
انا متاكده انه بيوافق بعديت
بس يمكن عليه ضغط من امه
الله يوفقك

 

[مايصحش هالحتسي]

طيب اقنعيه
قوليله انك تعبانه ومب قادرة ع شغل البيت والعيال لعل ربي يهديه

 

[وتر الحب]

حبيبتي استخيري في البداية لموضوع الخدامة

,, واذا خير لج ان شاء الله ,, يمكن من نفسه ,,

يجيبها ,, وداومي بالجامعة ,, وباذن الله تتخرجين

وتاخذين الشهادة اللي تحلمين فيها ,, هي فترة

وتعدي على خير ان شاء الله .. والله يوفقج

 

[اخت علي]

حبيبتي لا تضغطى على زوجك وأعتقد الفترة طويلة الى ما يبدء الدوام فلا تعكرى صفو الجو من الان بالعكس أنتهزيها فرصة تقربي الى زوجك أكثر حاولي تعملي شغل البيت أمامة وبيني تعبك وارهاقك وتعب الحمل وقولي لة وأنتي مبتسمة كل أيهون عشانك حبيبي وأستمرى في هذا ولا تملي أبدآ
صدقيني بعدها هو بنفسة بيحس فيك أسألي مجرب

 

[نوور الدووحه]

يسلمووو ع الردود والله ماعندي غير الله ثم انتو.....

انا عارفه زوجي هو قال اكلم امه عشان تمسك لي اليهال بس لانه عارف ان امه بتحرجني ومابتوافق؟؟
اذا اخته مره فكرت تشتغل قالت لها امه اذا اشتغلتي جيبي خدامه عشان تمسك اليهال جدامي فما بالكم عني !! هي تبيها من الله عشان اقعد ومااكمل دراستي..قبل شهرين يوم تخرجت من الثانويه بنسبه عاليه ماباركتلي واحسها تضايقت ماتبيني اكمل!؟!؟ واذا طلبتها بتقولي امج وين ليش ماتقعد في بيتكم تمسك عيالج مع انها عارفه ان علاقتي مع امي ...!!!!! وفوق هاي كله الي منكم قالت ابين له تعبي تخيلو مره رد من الدوام وكنت قاعده اصيح قالي شفيج قلتله تعبانه قال التعبان يصيح؟؟ اي اكيييييد حدي تعبانه واليهال تعبانه والي ببطني تعبني مايحس

 

[بحرالسكون]

الله يعينك بس بقلك شي يمكن غايب عن ذهنك يمكن زوجك يوم رفض الشغاله لأنه عارف نفسه انه ضعيف قدام الحرام والشغاله عايشه عنده سنتين يمكن هو فكر من الناحيه هاذي أكثر من تفكيره في دراستك لأني أنا حسيت الشي هذا في زوجي يوم كنت أطلبه شغاله وافق وجابها بس كنت فاهمه زوجي زين لأنه كان يقول أهم شي شبعيني لا تهمليني ومن يومها أقسم بالله مارتحت مرقبتها مراقبه دقيقه فعلاً تعبت وشايله هم والحمد الله راح بتسافر الا سبوع الجاي الله يكفينا شرهم

 

[نوور الدووحه]

لا انا زوجي مو من هالنووع هوبروحه حياوي مايحب هالسوالف تخيلي يستحي من خواتي وخالاته وعماته ههههه وانا غصب تعود علي
واذا ع الخدامه امه عندها خدامه خاصه فيها متعودين عالخدم عادي يعني موغريبه عليه هالسالفه

 

[الدلع عندي]

الله يعينك اختي....انا زيك أدرس وعندي اطفال ومو راضي بالخدامه...اقوله ليه؟؟؟
يقول بلاويهم ماننسلم منها...
والى اللحين ازن ومكو فايده...
الله ييسر امري وامرك.

 

[نوور الدووحه]

آآآآآآآآآآمين يارب ...والله كل وقتي افكر بهالسالفه عقدني والله؟؟

 

[مرمار]

انا من راي الاخت زوجة سعيدة

 

[نبع الحياة]

انا اضم صوتي مع صوت الاخت منكير وردي

اسكتي عن الموضوع ولين يات الجامعه عطي عيالك امه ولين امه حست بالتعب بتقول ييبوا خدامه ولا بتقول لولدها موقاادره الحق على البيت والعيال فبتيي منهم مو منك

وهذا انا اشوفه احسن شئ خصوصا انه عقب فترة ببان عليكي تعب الحمل فهو من نفس بييب الخدامه

 

[أم عبـد اللـه]

السلام عليكم
مع احترامي للكل بس ما عجبني الا رد زوجة سعيدة والله أعلم
يا اختي اتق الله في نفسك وفي زوجك وفي عيالك
طيب دام انك تبين تكملين دراستك ليش رضيتي تتزوجين لا وبعد تخلفين؟
العيال بحاجة لله ثم لك وهذه المهمة ربنا سبحانه اوكلها لنا مو للخدامات
يا سبحان الله فوق مصايب الخدامات في حريم لم الحين يطالبون ازواجهم بخدامات؟
انا مع زوجك قلبا وقالبا ... للاسف تبين تطلعين تكملين دراستك وتتركين العيال حق خادمة؟
بصراحة لا امه ولا امك مضطرين يقعدون مع عيالك هذه مهمتك انتي وشغلك انتي.. انا ما ادري كيف الاخوات ينصحونك بأن تهملين بيتك وعيالك ويكون لك تقصير ستحاسبين عليه امام الله سبحانه وتعالى كله علشان الخادمة؟؟
يا اختي والله حمدي الله وشكريه في ناس نعمة الاطفال مو لاقينها فلا تخلينها نقمة عليك.
عطي عيالك كل وقتك .. الله ما أمرنا نخلف ونرمي عيالنا على الخدم
لا ... اوكل لنا هالمهمة لاننا قادرات على حملها
كلكم راع وكلكم مسؤول عن رعيته... والمرأة راعية في بيتها ومسؤولة عن رعيتها
ويقول سبحانه" وقفوهم انهم مسؤولون" وما يحتاج اسرد لك الكثير من الادلة اللي انتي بتصرفك هذا بتخالفينها شرعا في بيتك.
الدراسة مقدور عليها وممكن تتأجل لكن والله كل دقيقة تمر على عيالك وانتي مو جنبهم انتي المحاسبة عليها امام الله سبحانه وتعالى.
الله يسهل امرك ويهديك ويصلحك ويقومك بالسلامة يارب العالمين