:30:لي سنتين متزوجه وربي رزقني بتؤام ولد وبنت عمرهم سنه ونصف ولكن من اول شهر متزوجين مشاكل احيانا توصل للطلاق لان زوجي متهاون جدا بالصلاه اذا صلى فرض بعد شهر يصلي الثاني ولايصوم رمضان حاولت انصحه تعبت لان مجرد مااتكلم يزعل ويعصب ويسوي مشكله من لاشي عشان كذا اسكت وكل ما يتكلم بموضوع اواي شي ابغى اناقشه فيه يسوي مشكله طويله عريضه توصل انه يسب اهلي واحيانا على راتبي يسوي مشاكل وانا صابرة عليه والله ماني مقصره معاة بشي كل شي موفر له اكله ولبسه وكل شي يامر فيه اسويه له حتى نومه وجلسته اكثر شي في المجلس وعلى النت و لاخرجات ولا تمشيات ولا شي اخر مره سالني عن راتبي فين انصرف وانا اصرف على نفسي واذا في شي ناقص لاولادي اواي شي بالاضافه الى اني مشتركه في جمعيات واعطي امي وابوي شي بسيط واقول له ما ادري انصرف في اشيا كثيرة وبدا يزعل ويسب ويخاصم عشان قلت له انت تدري كيف تصرف احيانا يصرف الواحد وهو ما يدري فين تروح ويزعل طبعا هو ما عنده وظيفه بس يشتغل في العقار وتجيه احيانا فلوس يصرفها في اقل من شهر جدا مبذر وانا عندي مبلغ بسيط رافعاه لوقت الضروره وهو ما يدري لاني لوقلتله يقول في اي وقت انا محتاجه وياخذه ويصرفه على الفاضي تعبت معاة لايتفاهم اهم شي عنده يامر وانا انفذ صح غلط اهم شي رايه يمشي وبس وانا مدرسه لى عشر سنوات وهو ما معا غير المتوسطه احيانا احس انه ما يبغاني اكون احسن منه في الراي وفي المناقشه لان اهلي يحترمون راي ويقدرونه وهو دايما يقول اهلك ما يسمعون غير كلامك ومعطينك صلاحيه في كل شي الله يسعدكم والله اني عيشه في عذاب معا اش اسوي احيانا ادعي عليه بالموت والمرض واحيانا ادعي له بالهدايه والصلاح تعبت موراضي يفهم شي ابدا لانه متعود عند اهله كلمته تمشي حتى على امه وابوه حتى لوكانت غلط حتى اهله مستايين منه واخواته يكرهون يجتمعون عند اهلهم وهو موجود هو من اهل الشمال وانا من الغربيه