زوجي مسافر وش اسوي

[مايهزك ريح]

السلام عليكم اخواتي ابي منكم الصيحه

انا متزوجه من 15 سنه وزوجي مايسافر ولارعي خربطه وانسان مستقيم السنه اللي فاتتت

اول مرة يسافر مع اصحابه لبلد عربي مشهور بالانفتاح ونكدت عليه سفرته بالاتصالات ورجع بعد اسبوع

وتاسف وانتهت السالفه على خير



الحين سافر مع نفس اصحابه لاوروبا ::: وش اسوي راح وانا مرة متضايقه حتى جواله مسكرة عشان مادق واسوي نفس السالفه العام وانا حامت كبدي منه كرهته وحسيت ببرود من ناحيته


انا انقهر من شي ليه دايم يقولي احبك ولا استغنى عنك اذا راح الطبيب لازم ياخذني معه مايبني اخليه بروحه متعود علي مايستغني عني

يوم صار السفر والوناسه نساني ولا اهتم

كيف استقبله كرامتي تمنعني ادق عليه او ارسله مسج مستحييييل


تكفون حلوني:blushing:

 

[طيف الروح]

طنشيه طيب الين يصحى من الغيبوبه تبعه وتبع السفر حقه

واثقلي

اشلون يرووووح والدنيا صارت مليانه انفلونزا الخنازيررر

حتى المرض ماخافوااا منه

الله يصلح حالك يربي ويسخرلك زوجك

طنشي كم يوم الين يدق عليكي اذا كلمك قال غريبه مادقيتي عليه

قووووووووولي والله ماني فاضيه مشغوله مع نفسي وعيالي اذا عندك عيال وجيران
وقووووولي اخليك تتونس اهم شي وناستك ام احنا على الدنيا السلام .
يعني تصنعي من نفسك الكلام وتشوفين ردت فعله

 

[غرااام المحبين]

استودعيه الله كل يوم

اللهم اني استودعك زوجي وقلبه وبصره وفرجهيامن لا تضيع ودائعك

 

[mnirah]

السلام عليكم ورحمة الله وبركاته

شوفي سلمك الله ,شي محزن ويقهر مرره :icon1366: الله يكون بعونك , بس أنت وأنا وغيرنا ما في يدنا حيلة مدام إنه راح , لا الزعل:tears: ينفع ولا المكالمات بترده عن شي إذا بغا ولا التغلي , الله القوي العزير الحافظ الحكيم الحي القيوم هو اللي سبحانه بيحفظه إن أراد واجتهدتي في الدعاء , واهم دعاء في هذي الحالات (استودعه الله الذي لاتضيع ودائعه , اللهم إني أستودع دينه أماناته وخواتيم أعماله ومن معه , اللهم سخر لهم جلساء صالحين مصلحين , اللهم اصرف عنهم كل حرام وأي خطوة تؤدي للحرام , اللهم آمين يا ذا الجلال والإكرام) اجتهدي في الدعاء وأنت تريدين وجه الله وحده , وأيضا وأنت موقنه بالإجابة ووكلي أمرك لله قال تعالى :" من توكل على الله كفاه" وأكثري من الإستغفار ولاحول ولا قوة إلا بالله وأنت جالسة وانت تمشين وانت نايمه عشان ترتاحين وعشان ربي يحفظه ويقذف في قلبه الخوف منه سبحانه , والشوق لك . وإن شاالله تدعين لي ترا للأدعية أثر عجيب .وبتشوفين وبتسمعين شي يفرح ويريح:bigsmile:

وأتركي عنك الزعل:schmoll: بالعكس إذا اتصل بيني إنك مشتاقة مرره وولهانه وخاصة للأشياء اللي بالي بالك , وبعدين قولي إنك بديتي تتعودين على بعده إنه والله مو زي المره اللي فاتت , إذا قال وش منشغله فيه حاولي تخلين الجواب غامض , يعني مثلا قولي يالله انشغلت اكلمك بعدين , بمعنى أصح خليه هو يتحمس ويسأل نفسه وش انشغلت فيه؟ ويخاف تبعدين عنه , غير إنه بيصير وده يعرف ايش اللي مشغلك عنه . ولما يجي الليل ارسلي رساله غرام خفيفة قصيرة عشان يتعلق قلبه بك اكثر وتكبرين في نظره .

وأهم شي حطي حيلك في نفسك , يعني كريمات تنعيم للجسم فازلين وجلسرين , وعسل وزبادي على الوجه , ورياضة خفيفة وصبغة وقصة شعر , خليه يجي يلقاك وحده ثانية زي الملكه :icon31: عشان يحرم يروح , خاصة إن الأوروبيات عليهم أجسام وبشرات ...
الله يسخر لك ويجعلك أجمل الجميلات في عيونه يارب​

 

[مايهزك ريح]

طيف الروح

غرام المحبين

جزاكم الله خير ووسع عليكم وفرج لكم

 

[مايهزك ريح]

mnirah

الله يوفقك ويسخر لك ما قصرتي

بس في نقطه بعلق عليها

اذا ارسلت له رساله شوق وحب وكلمته مكالمه شوووووووق كذا راح ينبسط ويحس انه صح ماسوا شي خطاء




وراح يكررها لازم يدري ان هالشي خطا عشان كذا انا اغلقت جوالي وماراح اكلمه

 

[بنت السنافيه]

انا مع الاخت اللي قبلي الا اني اقول لاتدقين عليه ولاترسلين مسج اتركيه الين يتصل
وعليك بالا ستغفار والدعاء

 

[احلام المستحيل]

الله يعينك عليك بالدعاااااء

 

[مايهزك ريح]

بنت السنافيه

احلام المستحيل
شكرا الله يوفقكم ويسخر لكم

 

[عنقود عنب]

عزيزتي

انت تقولين انه صايم مصلي ...وانه يحبك ..وانه حتى اذا راح الطبيب ما يقصر معك

وطول عمرة ما ياسفر

طيب وش فيها اذا سافر مع اصحابة ؟؟؟

ما فيها شي و تكبري المسألة ..ولا تحطي فيها كرامة وغيرة

اذا سافر راح يرجع لك مبسوط ...ونفسية حلوة ..وهذا راح ينعكس عليك

وهذا هو سافر ..وسكر جواله ...وانت اللي طعلتي خسرانه

لو انه مسافر وانت عادية ..كان طلبتي منه هدايا و واشياء حلوة ..وخليته يعوضك بدل السفر

اذا رجع خليك عادية ..ولا تكبري المسألة

 

[عينآؤيه]

هلا اختي ان نفس الشي صار لي قبل اسبوعين سافر عند ربعه لدوله عربيه وقالي انا بسافر قلت له على كيفك واستغرب وطنشته وماتصلت به ولا شي يعني برووووووووود والله يابنات اهو اللي اذاني باتصالاته انتي وين وليش ماتردين علي وشوه تسوين كاني انا اللي مسافره وبغيت اقهره اكثر طرشت له مسج اني انا وامك وابوك بنسافر والله تخبل مادريت مادريت ثاني يوم الا وهو راد قالي انا رجعت البيت قلت له وشو اسويلك قالي تعالو قلت له ان شاء الله بعد مانشبع من الحوطه ولا حلال عليك وحرام علينا
ههههههه قويه صح وقلت لكم قصت حياتي اسمحو لي

 

[رشا حسن]

:icon26:عزيزتي

انت تقولين انه صايم مصلي ...وانه يحبك ..وانه حتى اذا راح الطبيب ما يقصر معك

وطول عمرة ما ياسفر

طيب وش فيها اذا سافر مع اصحابة ؟؟؟

ما فيها شي و تكبري المسألة ..ولا تحطي فيها كرامة وغيرة

اذا سافر راح يرجع لك مبسوط ...ونفسية حلوة ..وهذا راح ينعكس عليك

وهذا هو سافر ..وسكر جواله ...وانت اللي طعلتي خسرانه

لو انه مسافر وانت عادية ..كان طلبتي منه هدايا و واشياء حلوة ..وخليته يعوضك بدل السفر

اذا رجع خليك عادية ..ولا تكبري المسألة

 

[أم شهد العسل]

عزيزتي الله يكوووووون بعونك ويسخركم لبعض أمييييين،،،

 

[مايهزك ريح]

عنقود عنب
شكرا لردك انا الي يقهرني ليه اذا صار عندي نايستغني عني وناشب فيه حتى اذا مرض انا اوديه الطبيب

الحين من سافر سكر الجوال ولا سال فيني ولا في عياله ولا بمسج على الاقل لو كلمني ولا ارسلي مسج ممكن

اهدا هذا الي قاهرني ليه هو اللي مطنشني ؟؟؟؟؟؟؟؟؟؟

 

[مايهزك ريح]

عيناويه

تسلمين على ردك الله يسخرة لك


رشا حسن

مشكورة جزاك الله خير

ام شهد العسل
آآآمين وياك يارب

 

[فجر القصيم]

هلا اختي ان نفس الشي صار لي قبل اسبوعين سافر عند ربعه لدوله عربيه وقالي انا بسافر قلت له على كيفك واستغرب وطنشته وماتصلت به ولا شي يعني برووووووووود والله يابنات اهو اللي اذاني باتصالاته انتي وين وليش ماتردين علي وشوه تسوين كاني انا اللي مسافره وبغيت اقهره اكثر طرشت له مسج اني انا وامك وابوك بنسافر والله تخبل مادريت مادريت ثاني يوم الا وهو راد قالي انا رجعت البيت قلت له وشو اسويلك قالي تعالو قلت له ان شاء الله بعد مانشبع من الحوطه ولا حلال عليك وحرام علينا
ههههههه قويه صح وقلت لكم قصت حياتي اسمحو لي

والله ماشاء الله عليك قويه قويه وبس تعجبينن
اختي قولي لي كيف سويت كذا بس والله زوجي كله واحدعنده قلبه ميت يقهرني له ست ايام ولا كلام ولا سال عن بنته تعبنه طبعن هو متزوج من وحده من دوله عربيه
الله يرده لي ردن جميلا ويسخره لي امينننننننننننن

 

[فجر القصيم]

اهلين اختي
الله يردلك زوجك ردن جميلا ويسخره لك ولا يشوف احد غيرك
اميننننننننننننننننننننننننننننننننننننننن

 

[مايهزك ريح]

فجر القصيم
آآآآآآآمين
اشكرك على الدعوة
الله يسخر لك زوجك ويفتنه فيك ولا يستغنى عنك

 

[شوق سدير]

الله يفرجهاااااااااا
على الجميع
الدعااااااااااء يا وخيتى في جوف الليل
له اثر عظيم ولا تنسيناااا من داعووواتك يا لغالييييه ""

 

[مايهزك ريح]

شوق سدير

الله يوفقك ويسخر لك والله ادعي كثير وانشالله ادعي لك


ادعوك الهي دعاء من اشتدت به فاقته وضعفت قوته وقلت حيلته ادعوك دعاء الملهوف المكروب الذي لايجد كشف مانزل به الا منك
ان تشفي( ام عبدالعزيز) شفاء لايغادرسقما ومرضى المسلميين

آآآآآآآآآآآآآآآآآآآآآآآآآآآآآآآآآآآآمين