زوجي مزاجي .. ومب عارفة شو اسوي

[عذااابه]

السلام عليكم ورحمة الله وبركاته

الصرحة انا اعيش مأساه كبيره .. مع زوجي ..

انا توني من اسبوعين مالجة .. من انسان ابدا ما اعرف عنه شي... لكن قبل الملجة كنا نسال عنه وهو بعد كان دايما بتردد لنا .. وكنت احس انه طيب .. خصوصا بطريقة تعاملة مع خواته .. لان اعرفهم بس عن طريق صديقتي

المهم بعد الملجة ..

اول اسبوع حسيت انه يحبني .. وكلامه كان وايد حلوو

كان يكلمني 24 ساعه في اليوم .. لما اقوله ببند يقول لا ماريد ..

بوله عليج .. وغيره من الكلام ..

لكني انا ما بيغيت اني استمر على هالحال عشان ما يمل مني ..

المهم .. من بعد اسبوع تغير .. حسيت انه بدا يبتعد . صحيح انه يكلمني كل ما لقى فرصة .. ولما اتصل فيه علطول يرد عليه ..

وكل مرة يقولي اريد اشوفج ..

لكن اتصالاته خفت .. وكل ما يتصل فيني تيلفونه الثاني يرد .. ويكون واحد من اللي يشتغلون عنده (( لانه يحطهم على الاسبيكر )) في البداية شكيت فيه ..

وصارحته .. وقالي انا ما عندي اي وحده ثانية .. وبالعكس حول تيلفوناته عليه بش عشان اطمن ..

بس هو دايما يصر عليه ويقول انا عندي حياتي .. انا انسان تاجر وما اقدر اني ما ارد على المكالمات او اني اطنش

قلت له خلاص عطني وقت معين اتصل فيه عشان محد اكلمك على راحتي

على فكرة هو دايما يحب المزح .. حتى لما اكلمه بجد يتم يمزح .. ولما اقوله انت ما عندك وقت تكون فيه جاد يقولي انا جاد انا جاد ..

ولما ازعل يرجع يتصل بي وعادي يكلمني يقولي لا تزعلين ..

ويقهرني لما يقولي انت شكلج ما تبيني واحس من طبعة ان هو حنان وايد ويحب يتعامل مثل الاطفال وانا اتعامل معاه على هالاساس ..

هو دايما يناديني ماماتي وانا انادية باباتي ويقولي انا احب لما تناديني بهالاسم .. لكن ما حب تصرفاتح في التحكن فيني لما تقولين لي بند الخط اريد اكلمك

ابغي مساعدتكم

بليز

ماعرف شو اسوي

 

[f6mi-uae]

اولا الف مبرووووووووووووك

عيل الحل لا تقولين بند ...ليما روحه يبا يسكر وليش يمل خلج واثق من نفسج وخلج انتى المستمعه اكثر ...

هذا اللي عندي ...هذا ما يتعتبر مزاجي االريال مشغول وبزنس فهمتى

 

[عذااابه]

مشكوره حبوبة والله يبارك في حياتج

لكن المشكلة ان هو مب فاهم ان انا بعد لي حق عليه ..


يعني قبل كانت حياته هو نفسه .. اما الحين فانا بعد لي الحق عليه ..

المشكلة ان يعترف بقصورة ويوعدني انه بيتغير وما يكمل 10 دقايق الا ويرجع مثل ما كان

 

[عذااابه]

بس رد واحد

معقوله

 

[وداعة]

بالبركة عليكم ان شاالله
حبيبتي انا انصحج بمراجعة انماط الشخصيات عشان تعرفين شخصية زوجج بالضبط وعلى اساسها تحددين نوع الاساليب اللي تتبعينها وياه .... جربي وان شاالله بتلقين الحل لكل تساؤلاتج بخصوص التعامل مع زوج المستقبل
واتمنى انج ماتتسرعين في اي شي ...فكري قبل ماتتصرفين

 

[== فجر جديد==]

مبرووووووووك

مبرووك يا حلوه وعسى الله يتمم عليكم أما بنسب حق مشغاله فأنا اقولج من الحين لازم يحط وقت خاص لكى وحدك ولا ما راح تقدرين بعدين .....
وفى شغله ثانيه ليش ما يقولج حبيبتى وإنتى إتقوليله حبيبى أهو زوجك مو أبوك​

 

[أستغفرالله]

(بالبركة حبيبتي )أختي الغاليه إنتي لك أسبوعين وهذه الفترة قصيرة فلا تحكمي على زوجك ولا تدعي الشيطان يدخل ما بينكما.

 

[’’عزف’’]

انا اشوف انك تتريثين ولا تحكمين على الرجال من البدايه

ولازم تحطينها حلقه في آذنك انه ماراح يمل منك لو كلمتيه طططططططول الوقت...

ولا تقولين له راح تمل مني .. بعدين تكبر براسه

خلج تكلمينه وتسولفين وياه ولا تخلين الشك يدخل بينكم من البدايه...

حسسيه انك تتولهين عليه في كل ثانيه ...

 

[عذااابه]

مشكورين خواتي

الصراحة اليوم شفت في تغير كبير منه بعد ما فكرت في الموضوع

غيرت طريقة تعاملي معاه

اما بالنسبة لكلمة حبيبي وحبيبتي ..

فما عرف لان اول كملة قالها لي كانت ماماتي خصوصا ان امه متوفيه

وانا حسيت انه يعاملني بحنية كبيره ودايما احب استشيره مثل ابوي بالضبط

هو امعوضني عن كل شي ..

وانا اريد اعوضه وما اخلي شي ناقصة ..

بس بعد محتارة