زوجي ,, متعب نفسيتي !!

[دلوعة عاشقها]

السلام عليكم

شلونكم خواتي

صار لي فتره مادخلت المنتدى ... بس اول مايضايقني التفكير فكرت فيكم

يازوجات ياحلوات

انا زوجي تاعبني حيل

اهو طيب وحنون ويحمل المسؤوليه ويحبني كثير

بس المشكله انه واايد حساس واحسه دليع

يبيني وقت ماكون معصبه ومضايقه منه ,, اقوله كلام حلو ,, اقوله ماقدر يقولي لاازم تضغطين على نفسج

ولين نتناقش يبيني اقوله سمعنا وطاعه ,, وحتى لو كنت مو متفقه معاه يقول خاطري اسمع تقولين لي ان شاء الله .. احسه مايبي يكون عندي شخصيه ... وانا غير تماماا

انا ماسوي شي الا وانا مقتنعه فيه ,, وماحب احد يقولي لاتسوين ولاتطلعين من دون سبب

يقولي انا زوجج ولازم تسمعين كلامي

ويزعل لو ناقشته

وايد ماضيقني هالشي ,,, يبي فكل ساعه وفي كل دقيقه كلام حلو وحتى كلام جنسي معليش ,, لكن نتناقش واكون مخالفه لرايه .. يزعل ويضايق

وبعد بعض الاحيان لين اكلمه يكون مضايق من شي الله واعلم شنو ,, يتغير كلامه معاي يصير كأنه ماله خلق يكلمني واحسه يحط حرته فيني وهالشي جد يضايقني ويعصبني

كلمته اكثر من مره وقلت له لين تتضايق لاتحط حرتك فيني ,, بس مافيه فايده

اتوقع انه زوجي جنوبي من الشخصيات الي قريتهم ,, واحس دلعه وحساسيته الي بزياده مضايقتني ,,

انا احب اضحك واتغشمر وافرفش كثير ,,, واهو يحب كلام حلو وغزل كثير
احب ساعات اني اطيح فيه واتريق عليه من باب الغشمر واهو يزعل من هالشي ولين اوقف يقولي متملله مني

ولين اهوه يتريق علي وانا ارد اتريق عليه ,, كمان يزعل مني ههههه
يقولي بس انه اتريق عليش

بصراحه احس اني ماني فاهمته

نصحوني وش السوات معه وعرسي عقب بكره وانه جد خايفه كثير​

 

[هذا رأيي]

السلام عليكم

الله يوفقكم ويجمع بينكم بخير أول شي ,,,,


ثاني شي ولاتخافين ولاشي حبيبتي زوجك يتدلع عليك عشانكم توكم مخطوبين

بس لما تتزوجون وتصيرين ببيته بينشغل بالدنيا وبينسى الدلع

هم كذا يفرحون بالزواج لأنهم يتأملون بالزوجه اللي تدلعه وتداريه

زوجك أتوقع جنوبي شرقي ,,,يموت بكلمة سم وأبشر ,

قولي يالغلا ,,حققي أمنيته ,,ومن غير مايحس وبذكاك حققي اللي تبين

بالدلع والغنج وبس ,,لا للنكد والزن والزعل ,,

الله يوفقك وكل البنات ,,,,,,,,,,,​

 

[arradia]

الله يصلح لك زوجك ويكتب لكم السعادة دنيا واخرة

 

[إلـــ أين ـــى؟]

خليك ذكييييية وارضيه و خذي اللي تبغيه منه وهو مبسوط وبرضاه
الحين هو يقولك اللي يبغاه ويتمناه منك
الخوف اذا يأس منك وماعاد يصارحك باللي في نفسه للاسف غالبية الازواج يوصولون لهذي المرحلة بسبب عناد زوجاتهم ويبدأ النفور من طرف الزوج
ام طلب الكلام الحلو في فترة الخطوبة والالحاح عليه هذا شيء طبيعي راح تفهميه بعدييييين​

 

[جيهان سعد]

الله يديم المحبة بينكم

 

[الاهلي اهلي]

طيب حاولي تكتبين اللي في قلبك على ورقه يعني على شكل رساله غراميه في نفس الوقت قولي كل اللي في قلبك وبإحترام اذا هو زعول شوي إنشاء الله يجيب نتيجه حلوه لان بعض الرجال مايحب تنتقدية في وجهه مايبغاك تشوفي ردة فعله خليه لوحده يقراها وشوفي وش يصير معاك والله يهديكم لبعض ويصلح شانكم يارب

 

[الجده الصغيره]

الله يوفقكم...

وعادي قولي له وش يضرك؟.......عودي نفسك عالكلام الحلو...

 

[ام حنونه وكريمه]

والله تعبناااااااااااااااااااااا من هالرجال نروح يمين يقولون يسارررررررررررر ما اقول الا الله يسخرهم