زوجي .. ماراح يسوي لي إلي أبي ..إلا إذا أرضيت أهله وحطيتهم فوق رأسي ........وش رأيكم؟

[سراديب حياتي]

السلام عليكم ورحمة الله ..
حبيباتي ..أدري كل وحدة منا لاهية في مشاكلها ..بس هذا ما يمنع إني آخذ رأيكم في مشكلتي..
الصراحة أحس بقهر..
أنا زوجي من النوع اللي يبيني أزور أهله كثير وأدخل معه وأسويلهم وأحط لهم..
يبين إذا رحنا لهم آخذ معي مثلا حلا ..أو عشاء أو شي..
أنا مع الوقت وقل التقدير ابتعدت عن الأشياء هذي ..وقللت الروحات لمهم..
المهم من فترة وأنا علاقتي بزوجي أحسها متدهورة ..يعني كل يوم هواش وخلافات..............
جلسنا اليوم نتقهوى ونسولف ..
المهم قالي..ماتلاحظين إن الهدايا بيننا قّلت..ما سألتس نفسك هذا السؤال...
قلت إلا جاء في بالي ..والسبب إني أنا دايم أقدملك في المناسبات ولا أشوف منك فرحة ولا حتى رد ..
المهم..قالي أكيد فيه أسباب تخليني أسوي كذا ((((((وهو بهذي الطريقة يستدرجني للي يبي يوصله ....)))
أكيد فيه أشياء تضيق صدري ..قلت ..وشي؟؟؟؟
المهم قالي ...علاقتك يأهلي..وزياراتك لهم...قلت وشلون تبين أزورهم وهم إذا رحت لمهم في اليوم المحدد ما ألاقيهم..
قالي أنا مو قصدي إنك تكثري الزيارات ..أهم شي تكون علاقتك حلوة معاهم..
ترسلين لهم حلا ..عشاء..تهدينهم...من هذي الأشياء...
لأنك إذاسويتي كذا أتذكر جمايلك وأقدملك اللي تبين ..
ألمهم....طال الحديث بيننا..................وتوصلت إلى أنه ماراح يقدم لي هايا أو أي شي أطلبه أو حتى سفرة..
إلا إذا حسنت علاقتي بأهله ..وحطيتهم بعيوني.........
طيب واللي قهرني زيااااااادة إني تقريبا لي شهرين أطلب منه نروح نتسوق من الرياض وهو يصرفن...
ألمهم بعد ما تصالحنا وقلت له إن شاء الله راح أسوي إلي يرضيك...
وقلتله عن سفرة الرياض قال يسهل الله.....
هذا الكلام العصر ..طلعت لأهلي المغرب ..بعد ما رجعنا في الليل...سألته عن السفرة ..
قال خليها الأسبوع اللي بعده ..الآن تونا متصالحين ..وخلينا نجرب أسبوع..
ألمهم ضاق صدري منه يعني ما راح يسوي لي إلي أبي إلا إذا أرضيت أهله........


وش رأيكم يا بنات بهذا الشي ..
وإذا صار بكرى ودي أناقشه بالموضوع..
أحسه بس يستغلن على شان يرضي أهله ...ويدري إني أبضطر أسوي هذا الشي علشان مصالحي...
فوش رأيكم ..وش أقوله.............ساعدون ..

 

[عنقود عنب]

رد: زوجي .. ماراح يسوي لي إلي أبي ..إلا إذا أرضيت أهله وحطيتهم فوق رأسي ........وش رأ

والله يا اختي مطلب زوجك مو صعب ابدا ...

اذا كانت وجبة عشاء او طبق حلا راح تخليك تعيشين بسعادة وتحصلين اللي تبغينه

خليك ذكية يا اختي ..ما اشوف فيها اي شي

ولا تسوين هذا الامر وانت تحسين ان هذا عبئ عليك ...لانك بعدين ما راح تقدرين تواصلين وراح تنفجرين

اعتبرية من برنامجك اليومي

ما فيها شي اذا اتصلتي على امه وصبحتي عليها مرة في الاسبوع

ما فيها شي اذا زرتيهم واخذتي في يدك طبق خفيف ...

زوريهم ولكن لا تطولي الزيارة

زوريهم ولا تتكلمون في اشياء شخصية

تكلموا مثلا في احوال العالم ...الاسهم...السياسة ..الازياء ..اي شي ..مو شرط تقولين لهم عن اخبارك الخاصة

اختي خليك ذكية

يكفي انك في بيت مستقل ..يعني ما فرض عليك انه يسكنك مع اهلة ...

انت متضايقة من طبق حلى ..اجل كيف لو انك عايشة معهم

كبريها تكبر ...صغريها تصغر

ولا عاد تفتحين له الموضوع مرة ثانية

خليك دبلوماسية وذكية

تحياتي

 

[عاشقة عبادي]

رد: زوجي .. ماراح يسوي لي إلي أبي ..إلا إذا أرضيت أهله وحطيتهم فوق رأسي ........وش رأ

انا مع الاخت عنقود عنب
لانه كلنا ياقلبي مثلك لابد في الحياه الزوجيه مشاكل مع اهل الزوج الاماندر

بس عشان نحافظ علي حيانتا لازم نجامل ونغطي علي عيوب اهله ونصبر ونحتسب كل شي لله
بكره اذا جلستي معه قوليله انك بتصلحين كل شي عشان خاطره وعشانك تحبينه حتي لو مو حقيقي .................
وابد وريه كل مارحتي خذي حاجه معك تكوني مسويته او جاهز غرقي اهله هدايي قدام عينه ولاتبيني له اي زعل وشوفي النتايج من زوجك اللي راح يحطك فوق راسه ومن اهله اللي مع الايام راح يحترموك ويقدروك وماراح يستغنون عنك بس الاهم احتسبي كل شي لله

واصبر..ييييييييييييييييييييييييي
هدي الطريقه مجربه انا مجربتها


بس حاولي انك تصفي قلبك عشان يطلع كل شي باتقان
والله يوفقك

 

[اماني العمر]

رد: زوجي .. ماراح يسوي لي إلي أبي ..إلا إذا أرضيت أهله وحطيتهم فوق رأسي ........وش رأ

اختي الكريمه .........سراديب حياتي

على قولت الأخت الفاضله عنقود عنب ,,,,,,طلب زوجك ماهو صعب

ترى بالفعل الزوج يشعر بحب زوجته له اذا حس انها مقدره اهله وتزورهم وتسأل عنهم ....... وزوجك من هذي النوعيه

يرى انك كل ما قدرتي اهلي معناه انك تحبيني اكثر فابتالي يبادلك كل التقدير والاهتمام

وعلى قولة القايل لاجل عين تكرم مدينه..

بس اهم شي يكون هذا الشي منك بطيب خاطر ... واعطيهم وقدريهم بحدود بدون ما تقللي من كرامتك عندهم يعني خليهم هم كمان يقدروك..

واهم شي لاتخلي زوجك يشعر انك بديتي تزوري اهله وانك تقدريهم عشان يحقق لك الي تبغيه . ويقدم لك الهدايا مقابل

ما تقديميه لاهله. لا ,خلي يشعر بقيمتك وانك اذا سويتي هذا الشي فهو من طيب اصلك وكرمك.. ماهو مقابل مردود منك,, و قوليله لاتخلي علاقتنا بعض مرتبطه بعلاقتي مع اهلك دام اني احترمهم ........ والله يوفقك

ااختي سراديب شيكي على الخاص

 

[نعومة داوني]

رد: زوجي .. ماراح يسوي لي إلي أبي ..إلا إذا أرضيت أهله وحطيتهم فوق رأسي ........وش رأ

والله ما عندي كلام أزيده على كلام الاميرات
كلامهم عين العقل وزي ما تحبين انه يقدر أهلك
قدري أهله حتى لو كانوما يستاهلون إنتي إعملي بأصلك
وخلاص أجل إيش اقول أنا حاطتهم بعيوني ودايم أنا الغلطانه
بس يكفيني إن زوجي فصفي
الله يعين محد مرتاح

 

[احب المرح]

رد: زوجي .. ماراح يسوي لي إلي أبي ..إلا إذا أرضيت أهله وحطيتهم فوق رأسي ........وش رأ

انا مع عنقود عنب

 

[أم خالد99]

رد: زوجي .. ماراح يسوي لي إلي أبي ..إلا إذا أرضيت أهله وحطيتهم فوق رأسي ........وش رأ

طيب انا ابي افهم انتي ليش ما تاخذين معك حلى ولا نوع من انواع الفطاير
مافيه اكثر من مخابز الحلويات
واحلى طبق حلا ما يتعدى 70 ريال

وكله من جيب ولدهم انتي وش خصرانه تري البخل شين
حتى مع الناس الي ماهم اهل الواحد يجيب معه شي
لزوم الاتيكيت

لا تزعلين من كلامي
واتمنى لك حياة سعيدة

 

[أميره]

رد: زوجي .. ماراح يسوي لي إلي أبي ..إلا إذا أرضيت أهله وحطيتهم فوق رأسي ........وش رأ

يا هلا ..

وانا ايضا اضم صوتي الي صوت اختي عنقود عنب ..

كلامها عين العقل ..

اختك أميره ..

 

[زهرة البوادي2006]

رد: زوجي .. ماراح يسوي لي إلي أبي ..إلا إذا أرضيت أهله وحطيتهم فوق رأسي ........وش رأ

اختي كلام الاخت عنقود عنب عين العقل طبقيه وراح ترتاحي

 

[Rooma1]

رد: زوجي .. ماراح يسوي لي إلي أبي ..إلا إذا أرضيت أهله وحطيتهم فوق رأسي ........وش رأ

اختي أظن انك حساسة شوي....هو يريد اكرام أهله وانتي المستفيدة...
شوفيها انها فايدة لك , في الدنيا بترتاحين وفي الآخرة بتكسبين الأجر:clap:

 

[سراديب حياتي]

رد: زوجي .. ماراح يسوي لي إلي أبي ..إلا إذا أرضيت أهله وحطيتهم فوق رأسي ........وش رأ

أشكر جميع الأخوات كثيييييييييييييرا على هذه الردود اللي الصراحة وسعت صدري ونفست عني..
وأخص بالشكر أختي عنقود عنب.....الصراحة كلامك عين العقل وفي قمة الروعة...
الحمد لله اللي عوضني بخوات يرشدونن وينصحونن..

وهذا كلام أختي أماني العمر ..هو اللي أبغى أوصلوه..
(( و قوليله لاتخلي علاقتنا بعض مرتبطه بعلاقتي مع اهلك دام اني احترمهم .))

ما أبيه يخلي علاقتنا مرتبطة بعلاقتي بأهله.......

 

[المزن]

رد: زوجي .. ماراح يسوي لي إلي أبي ..إلا إذا أرضيت أهله وحطيتهم فوق رأسي ........وش رأ

تبين الصدق اني حساسه زياده
الحرمه يوم تكرم ريلها تكرم اهله
يعني شوه نقص منج لو سويتي شي امبونهم مب ميتين من اليوع علشان يبونج تسوين
بس حلو فحقج تروحين شلحه ملحه ما شاله لهم شيء
سوي طبق خفيف وروحي اي يوم مب شرط يوم معين ويلسي معاهم وسولفي بلا حساسيه بلا بطيخ

 

[ألوان]

رد: زوجي .. ماراح يسوي لي إلي أبي ..إلا إذا أرضيت أهله وحطيتهم فوق رأسي ........وش رأ

حبيبتي لالالالا تكبرين الموضوع ​

مشكلتك جداااا سهله ​

كل الأزواج مو زوجك بس ​

اذا شاف زوجته تحترم أهله وتخدمهم ​

يحطونها على راسهم ويمسكونها لك جميل ما راح ينسونه لك ​

وحلا وعشاء المفروض من نفسك تعملينه من غير ما يقولك زوجك ​

أنا أحس هذا طبيعي وأنا ما أروح بيت أهل زوجي ألا ومعايه شي ​

والله أن زوجي يستانس ويفرح حتى لما أروح بيت خواته ​

واذا عن سفرة الرياض يوم تكونوا متصالحين ورايقين قولي له ​

حبيبي أنا نفسي أروح الرياض أشتري لي بعض الشغلات ​

ونفسي أشتري هديه حق أمك الغاليه من الرياض ​

نفسي أفرحها 000 حتى لو تاخذين أي شي للبيت ​

ويا حب العمات والحريم بصفه عامه ​

بالصحون والمواعين وشغلات المطبخ ​

بس خليها تطلع من قلبك وحسسيه أنك فعلا ​

تحبين أمه وأهله ​

وسمعي لكلام عنقود عنب وأماني العمر ​

كلامهم عين العقل​

كلامهم عين العقل ​

 

[سراديب حياتي]

رد: زوجي .. ماراح يسوي لي إلي أبي ..إلا إذا أرضيت أهله وحطيتهم فوق رأسي ........وش رأ

الله يجزاكم خير ..وألف شكر لقلوبكم الطيبة..........
وألف شكر على تفكيركم الراقي.......

 

[ام عنود]

رد: زوجي .. ماراح يسوي لي إلي أبي ..إلا إذا أرضيت أهله وحطيتهم فوق رأسي ........وش رأ

سلام عليكم والرحمه

الصراحه مشكلتج ضحكتني... انتي قولي الحمدالله ان هذه بس المشكله بينج وبين ريلج

ياليت كل المشاكل جذي

قولي الحمدالله

وانا رايي من راي الخوات

المفروض ما تعتبرينها مشكله بالعكس...انتي بتحصلين الاجر على الي اتسوينه...اولا بترضين ربج وريلج واهل ريلج...وبتعشين في سعاده


الله ايوفقج

 

[عزيزة نفس]

رد: زوجي .. ماراح يسوي لي إلي أبي ..إلا إذا أرضيت أهله وحطيتهم فوق رأسي ........وش رأ

اقول لكي شئ وما تزعلييييييييييييييييييييييييييييين انتي كيف تبينه يعامل اهلكي ليش ما تعاملين اهله مثل ما تحبينه يعامل اهلكي وخليها في الاسبوع مرة عشان ما يمللون من حلاكي ههههههههههههههههههههههههههههه من جد والله

 

[بدون جراح]

رد: زوجي .. ماراح يسوي لي إلي أبي ..إلا إذا أرضيت أهله وحطيتهم فوق رأسي ........وش رأ

والله يااختي البنات ما قصرو وشوفي مصايب غيرك مع الاهل علشان ترتاحين انا وحده ساكنه بشقه جنب اهل زوجي وزوجي على الطالعه والنازله وكل ما سويت شي اقسمي لاهلي وسوي لاهلي وانا بالمره متضايقه من المبالغه فقط ولكن علشانه راضيه وهو صراحه مقدر الي اسويه واهم شي اختي لا توضحين انك تكرهين اهلك لان مهما سويتي ما بينفع

 

[وجدان ام سارة]

رد: زوجي .. ماراح يسوي لي إلي أبي ..إلا إذا أرضيت أهله وحطيتهم فوق رأسي ........وش رأ

اختى عزيزتى اغلب الرجال يوزن حبك وحشمتك لة من حشمة اهلة ولله اننا نسوى كل الى قالة زوجك من غير مايطلبون ازواجنا وهذا واجب حشيمة اهل الزوج من حشيمة اهلة

 

[knoos]

رد: زوجي .. ماراح يسوي لي إلي أبي ..إلا إذا أرضيت أهله وحطيتهم فوق رأسي ........وش رأ

عزيزتي لو انك حسبتي اهل زوجك حسبة هلج ماتضايقتي ولا تمللتي من الموضوع لازم تتاكدين من شي واحد انج يوم تزوجتي صار عندج بيتين وهلين يعني مثل ماتحبين هلج حبي هله ومثل ماتحبين يعامل هلج عامليهم ليش التملل والضيجة تراها هينة هونيها وهي تهون عزيزتي اهم شي انج تكونين مقتنعة بالذي تسوي وتحبيهم من قلبج لان لو شو ماسويتي لهم وانتي مو مقتنعة راح يحس زوجك بالموضوع صدقيني حبيهم يحبج احترميهم يحترمج تصدكين انا من غير مايقولي زوجي اعمل واخذ معاي وحتى لو مارحت ارسللهم اتذكرهم بكل شي وبدون مايقولي لان هذا الشي راح ترضين في ربج قبل ماترضين زوجك وصدقيني اعمل كل هذا بدون مقابل حتى وانا علاقتي بزوجي غير جيدة وحتى وانا متمشكلة معاه ماتتغير علاقتي فيهم لان حسبتهم حسبة هلي ومشاكلي مع ابنهم مالها عاقة فيهم هم لانهم ببيتهم وانا ببيتي المستقل ومهما صار او بدر منهم وتضايقت منهم ممكن اتضايق لكن مااهتم للموضوع واخلي ياثر على حياتي لان بالنتيجة راح يعرفون الصح من الغلط ويعرفون قدرج ومكانتج واخلاقج الطيبة تدرين ليش مااهتم حتى لو بدر منهم تصرف او كلام يضايقني لاني واثقة ومرتاحة وضميري مرتاح لاني ماقصرت معاهم ولا مسببة لهم الاذية على شان كدة اصبر ويجيهم يوم هم الذي يعتذرون ويعرفوني عدل...........الله يهدي بالج ويبرد القلوب ويهديج لهم

 

[سراديب حياتي]

رد: زوجي .. ماراح يسوي لي إلي أبي ..إلا إذا أرضيت أهله وحطيتهم فوق رأسي ........وش رأ

ألف شكر يا الغالياااااااااااات على هالنصائح الحلوة
وأتمنى إني أتغير للأحسن....
يارب......