زوجي لم يحمني لم يدافع عني انجدوني

[شموخ الجبلين]

:21:هي ثلاث مواقف مولمه في نفس اليوم وصادمه لي
اول موقف كانت بيني وبين زوجه ابن زوجي
جرحتني امام مجلس نساء وكنا في مناسبه وكنت جدا مودبه لانها كانت صديقه لي انا زوجه ثانيه
اصبحت تكرهني من كره ولد زوجي وامه واولادة وبناته
شكيت على زوجي ولم يبالي بالموضوع دخلت علينا وقالت هذه ياعمي تحرض اولادها علي تخريب بيت خالتي وكانت تحلف وانا كنت مصدومه ليش تكذب وقال لي زوجي قوم انقلعي
الموقف الثاني
جاء زوجها وهي تصارخ على امام زوجي وزوجها واخذها لغرفته جلست في الصاله نزل واخذ يصارخ علي ويتكلم وزجي ساكت جالس في المجلس يسمعه ولم يتحرك
الموقف الثالث
كنت بالليل احضر العشاء وكنت مجهزه صحون ابي اغرف الغشاء تصدقون انها تاخذ مواعيني اللي انا مجهزتهم وتحط فيها العشاء وسالتها قلت ليش تسوين كذا قالت بكيفي تركتها وجهزت صحون جديدة وحطيت عشانا
بعدين جلست تتكلم على بنتي وتقول لها انت مش مودبه تحتاجين تاديب وجاء ت بنت زوجي الكبيرة وهي كانت في دور المتفرج المتلذذ باللي يصير وتتكلم على بنتي قلت لها وش فيكم على بنتي وبعدين قلت انت مايشرفنا انك تكونين اخت لبنتي
جاء زوجي وكنت انتظره وجت البنت وقال يابابا تعال شوف زوجتك ليش تقول مايشرفني وش دخل الشرف الحين
قال تعالي وجيت قالت ليش تقوليت لبنتي هالكلام قلت ياسلام هالحين زوجه ولدك تكلمت علي مادريت
وولدك تسمعه يتكلم مارديت
والحين البنت بعد وش فيك علي المهم طلعني غلطانه
اانا متزوجه 9 س وكاني توي اعرف ليش مادافع عني ليش ماحماني
واخر شي زعلت وقاعد يترجى وقال وش تبن اسوي انت مرررت اب يعني ماحد يحبك بالله عليكم وش اسوي
حلفت اني الااغطي وجهي عن عياله ادري انه حررررررررررام بس وش اسوي على شان اولادة يحترموني
وقبل يومين جاءنا ولده الكبير يبغى يسلم ماسلمت عليه وهالحين هوزعلان علي بالله عليكم ردو علي انا للحين مجروحه منه احس ماكاني متزوجه واخاف مااي موقف اتعرض له من ناحياتهم من غير احس اني مسكينه وضعيفه الشخصيه بالله ردو علي

 

[نيازك]

هلا حبيبتي
اولا خليكي رسميه بالتعامل مع اولاده
زوجك واضح انه ضعيف الشخصية امام زوجته
خلي لسانك دائم معاه حلو بالتدريج ثم تكلمي حتى قداكم عياله
لاتتكلمي كلام زي الصغار يمسكوه عليك
سوي الي في رأسك بصمت
الاستغفار
الدعاء
الصبر تشوفي النتيجه!!

 

[المتغيرة للأفضل]

حبيبتي فعلا كلام زوجك صحيح يعني ايش تبغي يسويلك يتخانق معاهم ولا يطردهم من البيت واضح انهم منغاظين منك وزوجك يبغى يمتص غضبهم ويخفف شوي من حقدهم عليك قدري زوجك واعلمي انه يحبك ويحميك لكن بطريقه غير مباشرة يعني يخفف عنك نظرهم وحقدهم وتخيلي لو دافع عنك بالكلام سيحقدون عليك وربما افتروا عليك وعملوا لك مصيبه لاسمح الله انت اطلبي من زوجك بيت لوحدك لو غرفتين ومطبخ بشرط انك ما تحتكي فيهم ولا تشاهدينهم ابدا وبذلك تسلمي من شرهم حاولي دائما ان تبعدي عنهم ولاتكوني بالمكان الذي هم به وطالبي بحقك بسكن مستقل عنهم

 

[nadoo]

تبي الصراااحه انتي غلطانه اولا الحرمه ماينرفزها اللي الي يطنشهااااا طنشيييهم
طناش طناش يعني سوي الواجب مرحبا اهلين
وبس
تلاقيهم يجروو ورررراك ودلعي زوجك قدامهم واذا صار وتكلمو اضحكي بس مو بحقد لا اضحكي عادي وردي ببرووود والله يموتو واسمعيها من مجربببه

 

[شموخ الجبلين]

مشكورات على الرد والله يابنات فيه مواقف وش كثرها معاهم دايم يحطوني في موقف محرج
يابنات ان بيت لوحدي بس صار شوي تعديلات في بيتي وجلست عندهم 10 ايام
انا ماامدح نفسي انا معاهم جدا طيبه حتى قبل لايتزوج الولد الكبيركان كويس معاي جداااااااااااااااا
بس لما تزوج تغير علي
المشكله انا انسانه جدا عقلانيه يعني اذا سلمو سلمت بس مشكلتي زوجي وضعف الشخصيه اللي هوفيه الحين يطالبني اني اسلم عليهم واحترمهم وهم غلطانين علي
الحين زعلانه انه ليش يوم ماجاءني ماسلمت عليه
انا صررررررررراحه يوم صار المواقف اللي معاي قعدت ابكي وهو ولا على باله يوم جت رغبته الجنسيه قعد يترجى مادري وش اسوي

 

[غدير الكويت]

حبيبتي عادي الزوج لمن يتقرب لزوجته يعتبر هذا اعتذار ومدام انج في بيت ابروحج خليج مرحه وبشوشه مع زوجج وهم خليج رسميه مع القيام بالواجب وان شاء الله يفرجها عليج وشي طبيعي عيال زوجج مدام امهم معاهم ما راح يتقبلونج لو شتسوين بس انت خليج احسن منهم وحاولي ما تحتكين فيهم وايد بس قومي بالواجب اتجاههم​

 

[ليل العيون]

الله يصبرك

الغالية مثل ما قالوا البنات خليكي جادة في تعملك معهم وطنشيهم ولا تردي عليهم

 

[راجية المغفره]

نفس كلام الاخت غدير الكويت
وحطي نفسك مكانهم واعذريهم
بس خلك رسميه معاهم
وزوجك لا تشتكينهم له لانه ماراح يرضى عليهم بالعكس يمكن ينفر منك لانه راح يحس انه جاب لنفسه وجع الراس بالثانيه
خلي شغلك الشاغل ان زوجك يرتاح عندك ارضاء لله وحفاظا على اسرتك
وحاولي انتي وهو انكم ماتبينون انكم مبسوطين مع بعض قدامهم عشان ما تثيرون غيرتهم

 

[ياربي انصرني]

الفتره الي انتي جالسه عندهم فتره زمنيه معينه وتعدي حاولي ان تصبرين عليهم واكيد زوجة الاب غير مقبوله عند ابناء الزوجه الاولى ار من رحم الله 000

وواضح انهم مشحونين نفسيا ويعانون من تراكمااات وزوجك يلتزم الصمت وعاجز ان يجد حل وسط يرضيكم

لذلك حاولي تقليل الاحتكاك فيهم وتقليل الزياراات والاجتماعات حتى تخف حدة التوتر واستعيني بالصبر والصلاة والدعاااء ان يؤلف بين قلوبكم ويسخركم لبعض واجتهدي في الدعااااااء في الثلث الاخير من الليل واكثري من الاستغفاااار وتصدقي فالصدقه لها مفعول عجيب000

 

[تباشير المطر]

واضح انكم ساكنين مع بعض في بيت واحد
اطلبي من زوجك ينزلك في بيت لحالك
وخليكي بعدكذارسميه معاهم كلهم

 

[نور1199]

اقهريييييييييييهم واحقريهم
انا امى كانت زوجة ثانية برضو وكنت اشوفها كيف تتصرف
والله كانو اخوانى من ابويا الي انا مااتشرف انى اقول انهماخوانى لنهم منجد احقر خلق الله
كانو يكرهونا كره مو طبيعي بس امى والله كانت تعجبني اذا ضايقونا هي تقهرهم وتطنشهم وتدلع ابويا قدامهم اقسم بلله شويا يذبحونا وكانت تغطي على اولاده برضو عشان تكون رسميه معاهم ولا سلام ولاكلام
واذا ضايقوها تضحك تضحكة عاااااااالية هما ينقهروووووو
الى يقهرك اقهريه بس من تحت لتحت عشان لايرحو يتشكو لابوهم وهما الي بداو

 

[medomajed]

مدام انك في بيت لحالك وبس 10 ايام فترة وتعدي اصبري واحتسبي الجر عند الله تعالي

 

[medomajed]

مدام انك في بيت لحالك وبس 10 ايام فترة وتعدي اصبري واحتسبي الاجر عند الله تعالي



​

 

[مييم]

مادام انها عشرة ايام مقدور عليها

 

[.PRADA.]

استغفر الله احسن لي ما ارد

 

[بنت الحشام]

بصراحة و بدون تزييف او زخرفة انا تثلج صدري هوشات التعدد و غثاه و بلاويه

اللهم عافنا و لا تبتلينا بما ابتليتهم به

اختي انتي رضيتي تصيرين ضره تحملي اللي يجيك ... كان الله بعونك

 

[.PRADA.]

استغفر الله احسن لي ما ارد

لازم ابرر ردي , اختي انا استحاله اتعاطف معك لاني جربت زوجه الاب , ابوي تزوج على امي بعد 30 سنه عشرة وكانت زوجته من جد ما تشرفنا .
لاتتوقعي عيال زوجك بيحبوووك انسييييييييييييييييييييييييييييييييي انسي
انتي اخذك زوجك وناسه بس لاتتوقعي ان زواجك هذا استقرار .
خليك وناسه انتي بعد وطنشي ولاتدققين واجد اذا قعدتي تشكين ترى زوجك بيرميك وياخذ غيرك لانه مايبي زوجه يبي وناسه افهمي .

 

[رمال البحر]

فرج الله همك بس لا تتحطمي من هذه التصرفات بل اسالي الله أن يفرج همك وياريت تعيشي ولو ببيت صغير لوحدك حتى لو كان بقربهم

 

[يارب اغفر لي]

لا تحطين عقلك بعقلهم 00خليكي احسن منهم
وعامليهم باحسن ممايعاملوكي ولك الاجر ان شاء الله

 

[شموخ الجبلين]

اشكركل رد علي بادب
واقول اللي تقول خليك تستاهلين اقولها انا ماني صاحبه القرار والاختيار ابوي اجبرني على الزواج وعمري18 سوي
على شان ياخذ مهري ويتزوج فيه
انا جدا محطمه لان حتي بنتي تصيح وتقول ياماما انا استحي اقول انك الزوجه الثانيه
ولما تشوف اخوانها يسووووون المعامله لهم تقول ليش انا وش سوينا لهم
فيه زوجات عايشين تعاسه مع ازواجهم ويتمنون يتزوجون عليهم حتى يصير الشر على الثانيه
فيه زوجات عايشات سعادة وهي الثانيه
في الحياة تختلف المقاييس