زوجي لا انا ولا اعياله مانشوفه وابي حل

[ذابحهم غرووووري]

مساء الخير يابلقيسات
بدخل في الموضوع عطوووول
انا متزوجه صار لي 6 سنوات وزوجي يشتغل في الدمام ومايجي الا يوم في الاسبوع بس هاليوم مايقعد فيه معاي ولا مع اولاده دائما يطلع مع ربعه وانا عاذرته صراحه لانه يشتغل طوووول الاسبوع وبلارحمه بس انا ابي اكون قريبه منه بس هو مو راضي ايقول انا مو مقتنع بالفكره لاني مابشوفه بسبب انشغاله بالعمل ماراح اشوفه الا وقت النوم بس انا والله راضيه على الاقل اعياله ايشوفونه والله احس ان اعيالي يتامى دايما زهقانيين وودهم يطلعون وودهم ايكلمون ابوهم بس هو دائما مشغول مايقدر ايكلمهم بسبب العمل

تكفوووووووون عطوني حل ابي اروح معه لمنطقه عمله حتى لو ماكل ولا اشرب
ابي اتكلم معه باسلوب اقدر من خلاله اقنعه

 

[روحي واو]

وأهو مو مقتنغ تروحين معهـ .؟

ولا ليش من قبل مارحتي معه .,؟

 

[جرحني حبيبي]

ليش ماتروحين شالسبب

 

[دلوعة عمرو]

زوجك ليش رافض انكم تسكنون بالدماام ؟؟

 

[سمرء غير]

طيب هو رافض انكم تروحو معا فهمينا الله ييسر امرك

 

[ذابحهم غرووووري]

اهلين
زوجي مايبي اروح معه على قولته الايجارات مرتفعه كثييير وهو وحيد امه يعني عنده صعبه يروح اهو ايداوم وامه ماتشوف اعياله (( شالتفكييييييييير الغبي)))))) انا متزوجته والا متزوجه امه .... اي صح ويخاف امه تزعل عليه
تكفوووووون عطوني اسلوب حلو اقدر من خلاله اقنع زوجي العنيييييييد واللي ايخاف من زعل امه

 

[مايار]

انصحك بالدعا قولي يا رب وجهني لللاسلوب اللي يصلح لزوجي واقري البقره بنية ان الله يوجهك لالاسلوب اللي يصلح له لان للا انا ولاغيرينعرف زوجك اللي اكثر وحده تعرفه انتي واللي قادر ع اصلاحه وفك عناده هو الله فتقر بي من الللهو اشكيله همك ياقلبي لو بركعتين او بعد ماتقرين البيقره ة وبتشوفين شلون بيتعير لالااحسن اذا دعيتي له عند الله ولان الله لايرد دعوة مسلم بس لازم ياقلبي ان تكونين متقينه من الاجابه عشان ربي يتسجيب لك وربي يسخرة لك

 

[دانه العيسى]

خذي امه معاك ...
تتركينه هناك ليه .. ويوم واحد لاهو يكفيك ولايكفي تربيه اطفالك
اصري ع الروحه .. ترى البعد يسبب جفاء ..
كم لك وانتي وياه منفصلين عن بعض بسبه العمل الوحده تحمل سنه سنتين ..
لكن اكثر .. هذا خطاء حتى بحق نفسه هو ...
لازم يعرف انك راضيه تعيشين بشقه ع قد الحال ..وحتى لو ماهي مكمله اهم شئ معه ..
الاطفال تربيتهم تعب لازم ابو معهم يوجههم .. ويعطيهم من الاهتمام والحب ..
اصري ع الروحه معه .. وهذا حقك وخلي امه بعد تكلمه .. اكسبيها لصفك ..

ربي يسهل امرك ​