زوجي قاهرني

[دلوعه جنوني]

بسم الله الرحمن الرحيم
اول مره انزل مشكله وياليت تساعدوني وربي بمووووت من الهم
انا متزوجه ليا سنتين وعندي بنوته الله يحفظها
مشكلتي مع زوجي والفلوس
زوجي ماشاء محاضر في الجامعه راتبو 8 الاف غير البدلات والشغل الاضافي
يعني ينزل ف حسابو 22 الف ريال
يعطيني مصروف 500 بالقطاعي كل اسبوع 100
و100 دخلتها عند امو ف جمعيه
المهم
وريتو فستان قلتلو ابخيط زيو قال طيب قلت خلاص اليوم نروح ناخد القماش عشان ابغا البسو ف العيد
قال مالو داعي دوبك لما كنتي ف جده اعطيتك 1800 تقضي فيها
قلت الـ 1800 ليا ولبنتي مو ليا لوحدي وانتا عارف السوق وكيف اسعارو
قال اصلا انتي ماتقدري زوجك انتي ماتحسسيني توقفي بجنبي انتي وانتي
احنا جالسين نبني وانا والله مقدرتو دا الشهر مااخدت مصروف ودي ثاني سنه لنا مع بعض
هديه زواج زي الحريم مااشوفها عيد ميلادي مره وحده اول زواجي وبس
ودحين بيروح يشتري ارض يعني عندو فلوس
والله العظيم انو الملابس اللي جالسه البسها لها سنتين من ايام دبشي
اتهرت من كثر اللبس
بنتي ماعندها ملابس كل اللي عندها لبستو والله لدرجه خالاتي صارو يقولولي بنتك ماعندها ملابس كل ملابسها قديمه والنمش بدا يطلع فيها
هوا اول ماتزوجنا قالي ماتنزلي السوق الا ف الاعياد وبس للاشياء الضروريه
انا دحين ليا سنتين مانزلت سوق ويعطيني 1800 ليا ولبنتي والله قهرني وجلست ابكي من القهر
وانا دحين دخلت الجامعه وماعندي بلايز وتنانير للجامعه ودحين العيد ناقصني مكياج اقولو ابغا السوق يقول لا
والله يابنات ملابسي الداخليه من ايام دبشي والله عففففففففففففنت
عبايتي من سنتين البسها نفسها اتهرت من كثر الغسيل
انا ماراح انكرو هوا مو مقصر ف البيت و ف بنتو من حليب وحفايظ ودي الاشياء وبجايم بس
والله كل سنه اهديلو في العيد وعيد زواج عيدميلادو وتخرجو
مامرت سنه الا واهديتو وانا ماشفت منو ولاشي
وفوق دا يقول ماتقدريني
دحين يقولي المكافاه حقتك اكيد حتساعديني فيها وفلوس الجمعيه 3000 تشتري فيها تذكره ونروح نسافر فيها
يعني برضو حاط عينو على فلوسي

والله ينات مقهوره ادري اني طولت عليكم
بس ابغاكم تقولولي ايش اسوي معاه
ولاتقولو قولي لاهلك
ماابغا مشكلتن قلت فيها لاهلي وبابا وقف ف صفو وطلعت انا الغلطانه
مع انو هوا الغلطان بس بابا طيب وعندو الحرمه لازم تسمع كل كلمه يقولها زوجها
انا ناويه اني مااسوي لا فطور ولاسحور
يبغا يفطر ويتسحر يطلع عند اهلو
صح ونسيت اقلكم قالي كلمه انا صبرت عليك كثير وماراح اصبر اكثر من كدا ورجعتك لبيت اهلك قريب
قلت عادي يلا قوم وديني قال مو دحين استنى الوقت المناسب
قلت لاتستنى الوقت المناسب ولاشي اهلي جايين ارجع معاهم لاتتعب نفسك ف التفكير ومتى موعد رميتي عند اهلي

انا ف مدينه واهلي ف مدينه
ساعدوووووووووووووووني​

 

[اغادير-]

الرجال لازم تعودينه انه يصرف عليك حتى لو عندك مكافئه لان هذا واجب عليه لان اذا ماعودتيه من الحين يصير يتساهل بهالشي وانه مو من الضروريات
انصحك تجلسين معه بوقت يكون فيه رايق وتكلمينه عن هالموضوع وقولي له باسلوب حلو انا مقدره ظروفك ياحياتي بس برضو لازم تصرف علي وانت ماقصرت معنا ومن هالكلام


والله يسخر لك زوجك

 

[حلااميرة الزوق]

ماليك الاالصبروالمسايسة ياقلبلى دورى فى قول التعامل مع الرجل البخيل وغيرى طريقتك وكونى صبورة حبيبتى هناك مشاكل تشيب الراس وفيها تتمنى الواحدة ان تكون لاتملك لقمة وتكون مرتاحة ياقلبى مشكلتك بسيطة جدا

 

[ضحكات الزمان]

عوديه بكل الطرق
انا ضليت فتره مع زوجي حتى اقتنع
والحين الحمد لله لي مصروف شهري اخد منو اللي ابغاه
اما كل طلب تروحين عندو تطلبين مو حلوه تتعبين وتتعبينه معاك
اتفقوا على مصروف شهري يشمل كل شي
انا كدا مع زوجي حتى الهدايا اللي واجب علي اهديها للحريم
اضفتها عالمصروف وهوا شايل ايده وارتاح وريح
حاولي معاه باللين مو بالشده وربنا يسعدك

 

[احلى سمايل]

أقنعيه يزيد المصروف بإسلوب وفي وقت مايكون رايق حتى تخرجوا من دوامة المشاكل المادية لأنها طول عمرها ماراح تنتهي الله يعينك

 

[نيكولا]

نتو جالسين تبنو بيت صح..البناء يستهلك كثير لكن برضه نت من حقكك تلبسي وتغيري ،،وطريقة عقابه بالاكل غير مجديه ،عذرا يعني سطحية الفكرة لو مالقى اكل عندك يروح لامه ول لمطعم يعني موش مشكله

من كلامك حسيتك لساتك صغيرة وخبرتك بالحياة قليلة فانصحك وبشده التاكد من نمط زوجك وروحي لملفات نمط زوجك واطرحي مشكلتك وراح يساعدوكوا بالكيد والافكار،،بالتوفيق

 

[aso0olah]

نصحية لاتعطيه ولا ريال للمكافأة ولا تعوديه تشتري لنفسك ملابس ولبنتك من المكافأة

 

[رومانسيه بطبعي]

انصحك انك ماتعطينه لو تشوفينه يتققطع عندك

والله والله نصيحه انا صارلي زيك بس انا على خفيف الرجال ماينعطون وجه وفلوسك من حقك انتي وبنتك

دام انه مايعطيكي

والله يهدي و يوفق الجميع

ودمتي بخير

 

[fl0o0ry]

يممممممممممممه من بخيل وكمان عينه ع فلوسك ؟؟
وفلوسه على مين تنصرف ؟؟؟

لاتعطيه ولا فلس مايستاهل الله عاطيه يروح يصرف ع نفسه ويصرف على بيته
من حقك انه يصرف عليك ولاتعوديه خلك قويه هو اللي يصرف لاعودتيه انت اللي تصرفي والله بتتعبي معاه

 

[نووووفه]

لا يااختي الله يصلحك لاتدخلين المواضيع في بعضها
من واجبه انه يصرف عليك وعلى بيتك وانتي من واجبك تطبخين له وتهتمين في بيتك مهما كانت المشاكل لاتقصرين في واجباتك عشان ما يفضحك قدام اهله واهلك
وتنقلب المشكله عليك بدل ما يكون هو غلطان تصيرين انتي الغلطانه والكل بيصير ضدك
المشاكل في كل بيت لكن البنت العاقله هي اللي تحرص على واجباتها وما تخلي لاحد مجال انه يعيب فيها او يتهمها بالتقصير
مشكلة المصاريف هي المشكله الازليه في الزواج وتقريبا معظم المتزوجات عانو منها بس اللي تسكت خلاص يحس الزوج انها مهي محتاجه ويتعود ما يعطيها
اما اللي تصر انها تاخذ حقها في البدايه تتعب وبعدين يتأقلم الزوج وخلاص يتعود
ويصير يعطيها
​

 

[دلوعه جنوني]

مشكووووورين على النصايح اخواتي
والله يهديه ويصلحو يارب