زوجي قال لية عمرة ما حلم فيني في منامة

[لامانع]

موضوعي غريب إشوية :tears: وهذي أول مشاركة لي في مواضيع المنتدى:bigsmile: وأتمنى من الإستاذة موزة إنها إتحلل شخصية زوجي في هذا الموضوع .:sad_1 في يوم قالي زوجي مب لازم الريال يحلم إبمرتة قلتلة ليش أنا أحلم فيك تقريباً شبة يومي قال لية معقولة أنا ماأذكر إني حلمت فيش إلا متين أو ثلاثة إهنية أنا إنصعقت وقلتلة معقول عشرة خمس تعشر سنة ما حلميتني إلا إشوية قلتلة إنتة كذاب قال لي كيفش لاتصدقين:schmoll: أريد أعرف فية ريايل مثل زوجي علشان اتطمن من هذا الموضوع.:icon1366:

 

[aldana]

أعذريني حبيبتي ... سؤالك ضحكني شوي !!!!!!!!

وأنت بتحاسبين الرجال على أحلامه ؟؟ يا بنت الحلال أنا ما عمري حلمت بزوجي ولا أذكر أنه حلم فيني ........ ولا أظنه له سبب ..فالأحلام مالها علاقة بالحب مثل ما تتصورين .

طيب الرجال من النوع إللي ما يحلم مثلاً وش بتسوين ...بتلاحقينه بالحلم ؟ لا بيدك ولا بيده .

فكري بالواقع ...أقرب وأسهل لك ... لا تحاولين السيطره على خصوصية زوجك وأحلامه ...مهما كان لكل شخص تركيبته وعقله الباطن الخاص فيه ..ولا لك أي سلطه على هالموضوع .

وخري عن النكد الله يجزاك خير . ترى السالفه مو سالفة موزة ولا ناعمة ... يبيلها شوية مرونه وتقبل منك .

 

[الدلع]

ههههههههه اي اول والله سوال يضحك وغريب انا قاعده اقرا السؤال اكثر من مره قلت اكيد فيه غلط انا ما قاريته عدل خلني اشوف الردود لي بس تاكدت اللي قاريته صح ..................... اعذريني
موشرط الحلم مو بكيف الرجال واكيد رجال ما يحلمون بزوجاتهم ....................وبعديم انتي تحلميمن بزوجك يوميا غريبه

 

[لامانع]

مشكورين على ردودكم بس أنا ماعندي مشكلة بس حبيت أعرف فية ناس يومياً شو سوو في يومهم يظهر في أحلامهم وأنا بغيت أعرف هذا الشى .

 

[aldana]

لا حبيبتي صححي معلوماتك .... مو كل الناس سوى ... فيه ناس تحلم كل يوم ... وفي ناس ما تحلم إلا في السنه مره أو مرتين وانا منهم .

ولاااااااا شرط ابداً يحلم الشخص باللي يصير في يومه أبداً ولا ما كان صار للأحلام معاني وتفاسير حبوبتي .

في نظري الحلم لازم يكون له هيبته ...حتى أني إذا أحد قالي حلمت فيك ... أقول خير اللهم أجعله خير يارب ...وآخذ بالإعتبار أن لهالحلم معنى وتفسير ويهمني كثير .

أما لو زوجي قالي كل ليله أحلم فيك أبي أقوله خفف العشاء حبيبي عشان تنام مرتاح .

 

[أمة الله]

ههههههههههه
انتى بتهزرى ولا بتتكلمى بجد

بتحاسبى جوزك على أحلامه!!!
:e136:

طبعا شئ طبيعى
فيه ناس أصلا مابتحلمش خالص
​

 

[سجايا]

هيه وانا رائيي مثل باقي الاخوات الحلم مش دليل الحب ابدا يالغالية.

 

[ام سلوم]

ممششششششششششششش لازم يحلم لان الحلوات وااااااااااايد

 

[البتول]

ههههههههههههههههههههههه
بروح بسال رجالي يحلم فيني ولا لاااااا
يا ويله وسواد ليله اذا ما كان يحلم فيني

 

[عنقود عنب]

الحمد لله انا تو قبل اسبوعين تقريبا .. قال لي زوجي ما ادري وش اللي خلاني احلم فيك ذاك الحلم اللي بالي بالكم ...خخخخخخ

قلت له متأكد اني انا اللي في الحلم والا واحده غيري ؟؟؟؟

قال ...تطمني تطمني انت .. وانا اقدر احلم بوحدة غيرك ؟؟؟

هذا يا اختي يا حبيبتي اول مرة يحلم فيني زوجي بعد 22 سنه زواج

فانتي لا تستعجلين راح يحلم فيك اذا كبر ......ههههههه

 

[وميض البرق 10]

هههههههههههههههههه

 

[زهرة البوادي2006]

موضوعك فعلن غريب تعرفي اختي انتي شكلك تحبي الخيال يعني قبل النوم تجلسي تفكري في زوجك ويمكن هذا يتحول الي حلم واحلام سعيدة

 

[بيونه]

أنا مره قال لي حلمت فيش ميته .... وهو يضحك... :tears:
ضحكت بوجهه وقلت له يعل الموت ياخد عدويني .. :sad_1:
قال تقصدين من ؟؟؟.. قلت الي يفرحون بموتي!! .... قال افا يم فلان ... انا امزح ... قلت له اني بعد امزح ... :icon30: محد أحسن من أحد !! :surrender:

 

[نفرتاري]

عادي يا بنت الحلال
انا صار لي 19 سنة متزوجه
زوجي أصلاً لو قال انه حلم .. يبقى الموضوع فيه إن

شوفي الناس أنواع
فيه ناس تحلم وناس لأ
وعموماً الناس اللي تحلم هذي نومها اصلاً خفيف
واللي ماتحلم .. نومها ثقيييييييييييييييل

معلومة علمية:bigsmile:​

 

[aldana]

ههههههه لا والله يا نفرتيتي ...معلومتك أكيد معكوسه ... أنا نومي خفيف ولا أحلم

 

[حب عذري]

الله لايشغلنا الابطاعته يارب

يابنت الحلال وسعي صدرك ولا تهتمين .............انا زوجي اصلا مايتحلم خير شر الا كل سنتين مره وكمان كل 3 سنوات..........

حبيبتى لا تزعليييييييييييييييييييييييييييييييين من الردود البنات يحبون يوسعون صدرك

والله معاك

 

[shama]

لول انتي نفسي انا بين فتره وفتره لازم اسأله حلمتني وان ما حلمني اوصيه انه يحلمني اليوم لول

 

[دلع الشرقيه]

ههههههههههههههههه انت كاتمه على انفاسه كداليه حتى في الحلم عاوزه تطلعين له انت طول الوقت عنده خليه يشم نفسه شوي بهزر معاكي بس اختي الحلم مو على كيفه انا مافكرت باهالشي :bye1:

 

[pinky-qtr]

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

 

[نسيم الربيع]

أنا دايم لما أسأل زوجي بشو حلمت يقولي مركز الأحلام عندي خربااااااااااااااااان هههههههههههه

زوجي يمكن من يوم ما تزوجت حلم عشر مرات أو أقل دايم يقولي أنا ما ألحلم متعطل عندي الجهاز