زوجي طفشني دايم يقول انتي ماتعرفين تطبخين

[رضاك يالله]

السلام عليكم ورحمه الله وبركاته
اخباررررررك ياحلوين
وش ااسوي طفشت من زوجي دايم يقول انتي ماتعرفين تطبخين شوفي طبخ فلانه ياحلوه
انا صار لي تقريبا سنتين متزوجه وحاليا عند اهلي ولمايكلميني يقول تعلمي الطبخ
لان باخذ فتره عند اهلي بسب ظرف انا بصراحه طفشت من كلامه صح انا مو طباخه بس ماعلي
واذا سويت شي يطلع حلووووو بس هو يبي مني اكون مبدعه حيل
وكل يوم اكل جديد وهو شمالي غربي ايش احل
صرت اكرررررره ادق عليه بسب ها الكلام
بدال مايقول مشتاق لك يقول تعلمي الطبخ
وش اقوله لما يقول لي كذا لان بصراحه تعبت النفسيه عندي
​

 

[دلوعه حاتم]

طيب هو من باب يحب ينصحكي مو قصده يضايقكي
انا مرره ماشاء الله طباخه واكلي حلو
بس مايعلى ع اكل ماما
وانا عند اهلي بين فتره وفتره يقول لي تعلمي الطبخ مع انو اكلي ماعليه كلااام
بس يبغاكي احسن وحده وهذا من حبه لك واهتمامه لاتتضايقي ياحلوتي...
واعتبريه حرص وداافع لك مو نكد وماتبغي تردي عليع عشان كذاا
غيري نظرتك له وبتفهميييييه ..
وماقال لك كذا الا من محبه..

 

[حبيبي دودي]

حبيبتي عندك كتاب ام عبدالعزيز (امل الجهني) رهييييب بالحرف وحاطه صور حتى للبهارات للي مرره ماتعرف وفيه كل الطبخات صيني وشعبي وحلى اشكااال واننواع وعن تجربه رهيبه وصفاتها حتى الفطاير العجينه وكل شي فيها
وفيه كتاب ام ديمه بعد رهيييب لا يعلى عليه وواضح مررره
وكتاب اسمه سناعت نوره روعه فيه الطبخات الخفيفه اللذبذه
وفي كتاب مناال العالم بس ماادري انتي من وين انا من السعوديه وشويه اتعب لمى ادور على المقادير الي تكتبها
وكمان كتاب الشيف اسامه ماعجبني مره بس يمكن يعجبك
افضلهم ام عبدالعزيز خذيها مني انا هوااااايتي الطبخ سوا اكلات رئيسيه او حلى او حتى فطاير

وتبين شوري اذا جا يوم ورحتي لحمولت سوي فطاير وخذيها واذا رجعتي قولي ان اهلك انجنوووو عليها وان ومره روحي لصديقاتك وسوي شي ووصيهم يرسلون لك ان اكلك يجنن ووريه الرسايل

هو راح يحس انك شييي خصوصا اذا امه مدحتك واذا مره تمونين على خالتك بعد قولي لها تمدحك قدامه عشان يخق ان زوجته فنانه وكيذا
انا كيذا برمضان سويت فطاير لعمانه وعماته انجنوووا عليها واذا كان كتاب ام عبدالعزيز عندك اعلمك اي وحده منهم وانجن زوجي لمى درى انهم جلسو يمدحون في طبخي
اذا تبين اي شي انا حاضره اسالي واجاوبك

 

[برنسس ديالا]

ان الحمد لله طباخه بشهاده الكل
بس مو من الفطره لا الواحد لازم يتعلم
مافيه اكثر من برامج الطبخ والنت مليان تعلمي كم طبخه جديده
والبهارات تزين طعم الاكل
واهم شئ الصحن وطريقه تقديم الاكل
والزينه كلها مكملات لبعض
والله يسخره لك​

 

[s@سوسو@s]

خذي كتب طبخ وحاولي تطبقيها
ولاتطفشي نفسك وتشيلي هم
اوقات تهتمي لشي يطلع عكس اللي تبينه

 

[رازيا]

الله يهديك عاملة زحمة والشارع فاضي ههههههه
الله يخلي النت وقوقل ما خلو شي
وعندك كتب طبخ اشتري وطبقي
لا تعمليها قصة ولو كل اسبوع تتعلمي لك طبختين ثلاث جديدة بركة

 

[ناصرة المظلوم]

لايضيق صدرك ولاشي إذا قال تعلمي الطبخ قولي أنشالله وأبشر وسايرية وبيمل يمكن يبي يستفزك لذلك قولي أنشالله

 

[arradia]

اشتري كتب الطبخ
وحاولي ترضي زوجك
الله يسعدكم ويحلي أيامكم

 

[umm yusuf]

عادي ياقلبي الحمدلله انه يقول لك ويبغاك تتعلمي وتكوني ممتازه بدل مايسكت ويخليك تضربي اخماس في اسداس

انصحك تدخلي بكثره على اقسام الطبخ في المنتديات وخاصه وانتي جوعانه وقتها بيطلع السنع كله ههههههههههههه

لاتطبخي ابدا وانتي شبعانه صدقيني يطلع طبخك اي كلام لانك وقتها بتطبخي بدون نفس

اتعلمي واحنا كلنا كنا مثلك واتعلمنا مش عيب اللي يتعلم العيب اللي يقعد يندب حظه ويقول انا مااعرق

 

[ذهب ماسي]

ولا تشيلي هم ياعسل ماخلقت الدنيا في يوم شوي شوي تعلمي اللين تصيرن محترفة وعندك نفس بالطبخ
انا ماصرت فنانة الا بعد عشر سنوات خلصت دراسة ونويت اتفرغ للمطبخ صرت فنانة
عندك منتتدى عالم حواء ادخلي قسم الاطباق المجربة والله خيال شوفي تجارب غيرك وطبقيها شيء مضمون لا تجربين في الرجال مسكين
ونصيحة جيبي دفتر ووثقي فية الاكلات اللي تعجب زوجك وترى على فكرة الرجال يحبون المشاوي والصواني المحمرة في الفرن وهي الاسهل والاضمن والاطعم

 

[الجرح نازف]

والله بسسسسسسسسسسسسسسسسيطه وانتى مكبرتها ترا ذا نوع المزح عند الرجااااال

وغير كذا تعلمى الطبخ من النت وكل يوم
على السفرة حطى طبق رئيسى وحلا سفرة وسلطه واكثر من صنف اذا كسرة ضهرة المقاضى بيقول خلاص لا تعلمى الطبخ بس فى رجال يحبو طبخ امهاتهم
وفى رجال يحبو الطبخ الشعبى وناس تحب الاكل المنوع الى كل يوم صنف حتى اسمه ما يعرف شوفى زوجك ايش يحب وابدعى له

 

[القوية]

حبيبتي والله تزوجت وما بعرف أقلي بيضة.........وسمعت من زوجي وأهله الكثير من التعليقات ........وبعدين تعلمت وصرت أطبخ أهم منهم .........وبعدين عندك النت والكتب بتخليك أحلى طباخة خلي عندك ثقة بنفسك ولا تدققي على كلام زوجك .........مشكلة بسيطة ربنا يوفقك

 

[مجروحه يازمن]

تعالي عندي الحل
.......زوجك ماهمه الا بطنه وهذول الرجال يموتو بالمره اللي تطبخ
اول شيء لاتتحطمي انا كنت مثلك
وكان زوجي يقولي هالكلام يقوول
الاكل جيد مو ممتاز وصرت بس اجلس اقوول ذووق المكرونه بالباشميل تصدق زوجة اخي تقوووووول مكرونتك غير عالناس
وبعدين اكتشفي اش الاكل اللي يحبه زوجك
مثل زوجي يحب التقاطيع والكرشه والخبز والايدامات ويكره المطاعم وكنت عند اهلي تبوله مكرونه نقانق











بس حاولي حطي على الصحن ليمون ورشي بقدونس وامدحي طبخك قولي سويت شوربه تدوخ فلانه تمدح في طبخي وقولي زوج اختي يمدح اكلي فلان وعلان يعني استفزي العقل البطن عنده وبس

 

[اخر ايامي]

والله اكره شي عندي الطبخ متزوجة من خمس سنوات واكره اطبخ يعني الغداء اطبخة بالبيت لكن العشى يطفشني كثير واغلب شي نجيب من برى لاني ما احب اسوي عشى يعقدني احس الاكل يتكرر كثير وزوجي مضايقة هالشي
لكن غصب ولما تعبت بعد الولادة قبل سنتين زاد هالشي وصار حتى الغداء نفس الشي مع ان عندي كتاب طبخ ممتاز ومشهور لكن صار عليه غبار لاني ما افتحة اخب الاكلات السريعة والسهلة لاني اكره اطول بالمطبخ وخصوصا لما صابني الوسواس لو طولت بالمطبخ تزيد الوساوس ويضيق صدري الله يكون بالعون

 

[نضوج أنثى]

لا تنسين أقرب طريق لقلب الرجل معدته هالمقوله فعلاً صحيحه وصراحته لك وانتقاده مو معناها تنقيص من شأنك ابدا الرجال عادةً لما مايعجبه شي ما ينمقه او يجمله يقوله بكل صراحه ودفاشه وعفويه فلا تزعلين وتكبرين الموضوع يمكن انتي فعلا اكلك لذيذ بس مايعجبه ياقلبي الناس اذواق واذا فتح لك مالوضوع قولي له ابشر خليه يحس انك مهتمه وتحاولين عشانه اقل شي مو تزعلين وحاولي تطوري نفسك في الطبخ مو عيب إننا مانعرف نتقن الأكل العيب نجلس نفكر بالكلام ومانحسن بنفسنا اجتهدي شوي شوي تلقين نفسك طباخه ماهره وحبي هالشي عشانك وعشان زوجك ولمصلحتك وحاولي تتعلمين من امك الطبخ اذا كان يعجبه اكلها كل مره خذي منها المقادير زين او لما تزورينها كل اسبوع قولي لها ابيك تعلميني كل اسبوع طبخه راقبيها واتعلمي منها وطبقيها شوي شوي خلاص تصيرين ولا احسن شيف لا تدققين حبيبتي مو كلنا نعرف نطبخ ولا كلنا ماهرات في المطبخ