زوجي راميني واخوي سرقني واهلي عادي عندهم

[دمعة الذيب]

اقري سورة البقره
وما نقدر الا ندعي لك بالفرج

 

[ندوش2010]

ما اعرف شو اقولج غير انج تصبرين و تدعين ربج في الايام المبروكه
اختي ليش ما دوريلج على وظيفه لا تقولين ما شي وظايف و شغل صدقيني اختي تقدرين ممكن تشتغلين اي شي ممكن تشتغلين و انتي قاعده على النت
لا تستسلمين ولا تقولين هاي نهاية الدنيا قولي الحمدلله على كل حال و ان شااااء الله ربي بيعوضج
اختي دوري سعادتج و اخلقي السعاده في البيت حاولي تغيرين بعض الامور و الاشياء بدون عصبيه او نزاع ابسطي نفسج تفائلي لا تفتحين للحزن باب لانه هالشي يعكس عليج وااااااايد انا من رايي انج تاخذين كل اغراضج و اغراض خواتج الغاليه و الثمينه و تحطينهن في صندوق و تحتفظين فيهن في مكان مستحيل اخوج يوصل له لان هاي دنيا ما تعلمين شو ممكن بكره يصير
ثاني شي انتي لازم تتواصلين مع الانسانه الي يحبها باي طريقه كانت حتى لو عن طريق اخوج على اساس انج تتعرفين عليها و قوليلها عن حالته بكل صراحه بدون ما تجرحينها بالكلام قوليلها ان لو هي حابته و تريده تاخذه بالحلال و تبعده عنكم و ماله داعي للهدايا الي توصلها منه يعني هي الوحيده الي تقدر توقفه عند حده لين متى بتسكتون اعرف ان اهلج يحققوله رغباته خوفا من الفضايح قدام الجيران و مستحيل في يوم من الايام يبلغون عليه الشرطه انا اختي اعرف طبيعة اهلنا و مجتمعاتنا
بس هذا الغلط ان نسكت على الغلط حاولي اختي تتصرفين
الله يوفقج و يستر عليج في الدنيا و الاخره و يهدي اخوج يا رب العالمين

جزاك الله خير حبيبتي ورحم الله والديك انازوجي له منصب كبير في الدوله بس رفض يوظفني ووظف خواته وبنات اخته وانا الله عطاني بكرمه ومن رزقه من غير واسطه بالعقد وراتبي زين بس انها هناك في ديره ثانيه يعني في مقر سكن زوجي والله يهدي ويجي واداوم ​

 

[ندوش2010]

اخواتي البلقيسيات لكم دعوة مني في ظهر الغيب وعند فطري بان الله يجعلكم من عتقاء هذا الشهر الكريم
وان يرزق كل واحده اضعاف ماتتمناه وان يفرج هم كل مهمومه وان يرزقني ويرزق كل محرومه بالذريه الطيبه وان يرد كل زوج الى زوجته
والله اثلجتم صدري بدعواتكم ومشاعركم الجميله فكأن الله حقق لي مااتمنى ​

 

[احلم بالجنه]

الله يفرج همك والله انك عورتي قلبي ليش البنت بهذا المجتمع مهضوم حقها والله قهر

 

[الريم 2008]

فعلا دوري لك وظيفه وادعي ربك

 

[نور زوجها]

الله يفرج همك يارب