زوجي خاين يحب البنات يحب الصور الاباحيه

[نور79]

السلام عليكم
تكلمت كثيرا كثيرا كثيرا
مادري شنو اسوي معاه
يحب النت وايد تزوجنا عن طريق الحب تعرفت عليه بالنت والان لدينا بنت وولد عمر زواجنا 5 سنوات
والان للمره التاسعه اشوفه يكلم بنات بالماسنجر واي كلام كلام بالجنس ويتبادلون صور الجنس
ومن هالتسع مرات طحت عليه يتكلم بالتلفون
ياربي شنو سوي جربت معاه كل الطرق
الصراحه
الخلاف
الذهاب الى بيت الاهل
الهواش
يبجي بجي اذا قلت له خلاص انتهت علاقتنا مع بعض انا ماقدر اعيش مع انسان جذي
ياربي شنو اسوي قولولي

اخر مره قبل شهر بالضبط شفته يكلم وحده بالنت مشيت السالفه وخليتها جني انا في واحد يتحرش فيني ويطرش لي صور بالنت
قام وكسر اللاب توب

والحين انا ادخل في باسوورده الساعة 4 ونص الفجر
وهو خارج المنزل يكلم بنت
شفته بعيوني
دقيت عليه قلت له وينك حبيبي يقولي داخل المسجد لاحول لاوقوة الا بالله
سويت وياه التطنيش مافاد
قمت اطلع ولا اخبره انا ويني فيه مافاد معاه مايغار كلش مايغار
يخليني اطلع بروحي ولايسألني وينج فيه مع منو رايحه
اقوله ماتغار يقول انا اعرفج انتي منو واعرف اخلاقج


بنات تكلمت وايد معاه وحقرته وايد والحين صارلي شهر مطوفتله السالفه كلها واسوي روحي اني مادري عن شي بالفراش اعطيه كل اللي يبيه واهو يموت علي في هذا الشي على شهادته وكلامه اهو
مادري شنو اسوي

اتبعت طرق كثيره

شسوي
شسوي
شسوي
احبه وابيه لي

بس مابيه يشوف الحرام ويكلم بنات دكتوره ناعمه دخلت على الله ثم عليج ساعديني الله يخليج

 

[كلي هموم]

خوفيه بالله وبعواقب افعاله

والله يعفك ويعفه بالحلاااااال

 

[m2008]

والله حبيبتي ما اعرف شو اقولج بس تدرين ريلج يحبج وايد وايد والريال يعجبه الجنس وانتي ما شاءالله حسب ما ذكرتي مب مقصره معاه وهذا بشهادته عليج اختي تكثرين من هالشي وتبوسينه وايد وتستقبلينه ببتسامه وبوس واحضان ولا تبينين له شي صدقيني بيرجع ورجله فوق رقبته هههههههه على راي المصرييين بالمختصر اعطيه حب وايد وايد وايد وبوسسسسسسسسسسسسسسه وايد وايد وما بتشوفين الا كل خير ولا تنكدين عليه .........دعواتج لي اختي العزيزة

 

[nonoura]

الله يعينك يلى فيه طبع صعب يتغير لازم تتحملى 20 سنة وساعتها بيكبر وبتتحسن اخلاقه وبيمل لانه على مايبدو مدمن لهزه الشغلات والمدمن على الخيانة مستعد ينخرب بيته ولايترك نزواته اما التحمل او الانفصال

 

[نور79]

تعبت وربي تعبت وانا اتحمل ولا ابي انفصل بس تعبت بنات والله قلبي ينعصر عصار من الحره

 

[اسرار الحب]

الله يعينك عليه اختي ،،،

وانصحك بكثرة الدعاء له في اخر الليل وفي ساعات الاستجابة ،،،

وان شاء الله ربي يعينك

 

[بياض القمر]

بصراحه مالك الاالدعاء اما اساليب ماينفع لان واضح ان الخاينه تمشي بدمه والبنات والحركات هذي هومتعودعليها يعني انتي جربتي كل شي دقيتي كل الابواب دقي باب الله ومارح يردك خايبه ..واكثري من الاستغفار ,,,,,,,,الله يسخره لك ويعينا على هالرجال.......

 

[جوارس]

أختي العزيزة : نور....

وكأنك تتحدثين عن مشكلتي مع زوجي الذي أحبني وأحببته وقبلت به برغم ظروفه..
فعلا لا أعرف ماذا أفعل أطنش وأطوف...
لكن شعور في داخلي يقتلني ...أشعر أني متناقضة ومنافقة...وممثلة....فأكره نفسي ولاأطيق رؤيته...

علينا بالدعاااااااااااااااااااااااااء...والاستغفار.....

 

[ابداااع أنثى]

الله يفرج همك والله مادري ماذا اقول لك عليك بالدعاء له بالهدايه والاستغفار ،،،،

 

[نور79]

اليوم واجهته بس بطريقة ثانيه دخلت على ماسنجره وتكلمت معاه على اني فتاة ترغب في التعرف وتعرف علي وقمت اشكي له زوجي اللي يخوني وقلت له كل شي عنه والاخ الطيب يعطيني النصايح وشلون اتصرف معاه
بكلام طويل تناقشنا بالنهاية قلت له خلاص مابي هالانسان وبنفصل عنه ابيه يطلقني يقولي لالالا سامحيه قلت واذا مسامحته لحد الحين 12 مره
قال كلميه ناقشي وراح يبطل علشانج وماراح يعيدها قلت له حلف لي 12 مره وكل مره يعيد قال لالالا اسمحيلي هذا مو ريال موكفووو

قلت واذا قلت لك ان زوجي انت
وان زوجتك يا فلان
,,,,,,


سكر النت
وسكر الموبايل
وانا في بيت اهلي قلت ماني راجعه بيتي بظل جم يوم قمت صليت قيام الليل بسورة البقرة ودعيت الله بدعاء خالص مالي غير رب العالمين فقط سبحانه اللهم يهدي زوجي واصلحه اللهم امين امين امين ادعولي ياخواتي ادعووولي

 

[أحلى عسل]

الله يصلحه ويهديه ويبعدعنه بنات الحرام بس ترى أغلب الشباب الحين كذا يعني تمسكي بزوجك لأنه يحبك وحاولي تصلحيه وتغيريه ومالك الاربك قومي صلي في الليل وادعي ربك وأكثري من الاستغفار

 

[عاشقة الاسحار]

الله يعينك حبيبتي لكن مالك الاربك هو قادر انه يهديه اطرقي باب الكريم ولا تستعجلي الاجابه انا الله قريب مجيب
استخدمي معه اسلوب الحلب اللي قالت عليه الدكتوره ناعمه يعني خوذي كل طاقته
وامتدحي قدراته الجنسيه وبيني اعجابك فيه جنسيا
اتكلمي معه بامور الجنس وايد وايد لان زوجك شكله نعجبه هاالسوالف
كوني كيوت دائما واهتمي بشكلك وجسمك واهم شي نظراتك خليها ساحره
جددي لبسك والبسي حاجات جديده ولا تتكلمي بموضوع الخيانه وبيني انك واثقه فيه زياده

 

[الحُرّه]

صح دامه يحب هالاشياء تفنني له!

شبعيه من هالجانب عشان مايحتاج

اتبعي كل الطرق

خليه يسويها 3 مرات باليوم هدي حيله ههههه

 

[نور79]

بنات مو سالفة هدة الحيل كل شي بالعقل يعني وانا مااقصر معاه بكل شي والله يعلم وهوو فوقي وعالم بكل شي
بس الله يهديه والله الحين صارلي ثلاث ايام في بيت اهلي ولا دق علي ولا شي اااااااااااااه ياقلبي
تعبت معاه والله تعبت

 

[عمة الكل]

ليه طلعتي بيت اهلك وعلى اي اساس هل صار بينكم نقاش ولا بس على الماسنجر

 

[دمعه حزن]

بصراحه هالرجال ماله الا المواجهه من الرجال علشان يوقفونه عند حدة ويعتدل والا ان جت على زوجته ما عطاها وجه ..

 

[rosecat]

لا يا دمعه انا رأي مو من رأيج مع احترامي لكي عزيزتي
المشكله بين الزوجين صغيره ومن الممكن حلها
لكن المشكله عندما تخرج عن البيت تكبر وتكبر وتكبر
حليها اختي بلكلام وطولي بالج والصبر مفتاح الفرج

 

[عنااايد]

أقول اذا لم تستح أفعل ماتشاء
بصراحة زوجك ماعنده جنس المسؤلية وبعدين إلا متى وانتو تقولون نزوات واشبعيه جنسيا وسوي وحطي
ليش المرأة اللي المفروض دايم تدافع عن زوجها حتى لو كان الغلطان زوجها
اختي خليك فس بيت اهلك وانا فهمت من كلامك انك لما كلمتيه بالماسنجر كان إنسان فاهم وعاقل في ردوده ويقولك بنفسه هذا الرجل مايستاهل............
هو ماكلمك ولا اتصل فيك لان موقفه ضعيف جدا ولانك حطيت الحبل على رقبته بلسانه هو
زوجك متفشــــــــــــــــل منك

 

[الحمدلله]

حكايتي نفسها

والان انا ببيت اهلي ماقدر اعيش مع انسان خاين لاني سامحت المر ه الاولى وكافي بس

تركتله عيالي الثلاث ورحت وهو بكيفه مايهمني بشوف حياتي

ي
الازواج الحين يبي يكون عيله واطفال ومظهر اجتماعي ولازم في عشيقه!!

 

[أم جسومي]

الله يعينك ياأختي ويصلح زوجك ويهديه لك
زوجك مدمن على المكالمات وهو عارف إن
اللي يسويه خطأ لكن أدمن عليها موقادر يتركها
نصيحتي لك أختي الدعاء له بالهدايه
ودائماً ذكريه بالله عز وجل , ابحثي في
النت عن قصص دينيه عن المعاكسات
وخليه يقراها . يمكن يتعظ
الله يفرج همك ياأختي ويكون بعونك​