زوجي جنوبي غربي.. ولا عرفنا نصرف الراتب..

[خالة عيال اختها]

السلام عليكم


اخواتي زوجي يصرف بشكل كبير واذا جا نهاية الشهر مايصير عنده ولا شي ولااقصد انه مقصر فينا او شي.. والمشكله مافيه تدبير منا حنا الاثنين.. وابي اقتراحاتكم.. لو اقوله نحدد مصروفنا مايتعدى بالشهر ميزانيه معينه.. عشان نقدر نجمع ورانا حياة قدام وعيال.. متزوجين من 7 سنين.. وعندي طفلين..


بس اللي خوفني خفت يكون فيه سلبيات بعدين.. بالنسبه لي انا ماصرف احب امسك واجمع.. هو عكسي يصرف يصرف.. فكرت اقوله زي ماكتبت بالاول بس خفت مع الوقت يصير ماعاد يصرف مثل ماابي اذا ترقى بوظيفته وصارت العيشه احسن من الحين..
وهو من النوع اللي مايعطيني شهريا ولا من كثر طلباتي اصلا.. وخفت اقوله ابي شهريا يصير مايعطيني زياده لو بغيت شي اكثر من شهريتي خفت يحدد لي مصروف وانا بكيفي..:30:

وعندي الواحد يصرف يصرف ولا يكون عنده الخير ويمسك.. ولاابي تصير نتيجه عكسيه بحياتي مابي اسبب لنفسي هالشي..

هو جنوبي غربي.. وشلون اتعامل معه من ناحية الصرفيه.. ابي تجاربكم حبايبي..:38:

​

 

[لروووو]

مرحبا
شوفي حبيبتي ابويا عودنا اننا نعمل حساب المستقبل اذا عليكم ديون فكروا كيف تقضون
الدين بسرعة حتى ماتتلخبط مادتكم وافتحوا حساب في البنك حولوا فيةمبلغ وخلو استقطاع من الراتب حتى ماتملوا واذا امكن شوفوا مشروع ولو بسيط يكون دخل للمستقبل ومافي زي العقار
واتمنى انو مابالغت جالسةاحقق احلامي على حسك
امزح

 

[الزين ولدي]

والله مادري شقولج انا عندي النقيض زوجي جنوبي غربي بس مايحب يصرف علينا ومقصر بعد

 

[فديت انفاسه]

لازم يكون فيه تخطيط حق صرف راتب يعني من الاشيا المهمه للاقل اهميه
يعني اول ماينزل راتب توزعونه ع الاشيا الي تبونها صرف البيت واحتياجاتكم ... و والخ
يعني تحطون مبلغ تقديري حق كلشي والي يبقى تحطونه في البنك في حساب خاص وماترجعون تسحبون منه يعني تخلونه للمستقبل او لاصار شي مهم لاسمح الله واحتجتو

 

[خالة عيال اختها]

مشكورات حبايبي .. انا ودي اني اقوله وشرايك قبل لانصرف الراتب نوزع الاهم في الاهم... بس خفت مع الوقت يصير ماعاد يشتري الا الاشياء الضروريه ويشوف الاشياء الفرعيه مثلا اشتري جوال جديد.. ساعه جديده... يشوفها انه مالها داعي ومو شي اساسي.. خفت ينقلب علي الحال انا وعيالي.. هذا مقصدي..

 

[ميس الشمال]

كم رااتب زوجك

وقسمي الرااتبب للمطبخ للتنظيف للمووونه للكهرباء للفواتير الجوال

ولك مصروف خاص وله مصروف خاص

والبااقي بظرف للحاجه

كمان مصروف فسحه للصغار للمدرسه

بالعكس مافي احسن من التنظيم والتقسيم

 

[LEMONA]

كلنا نعاني من الماديات انا زوجي مايصرف علي يصرف على نفسو بس مع انو مرتاح دباب وسيارة وجوال اخر شي وكل الاكترونيات والاشيات المريحة
وانا تشوفيني وجه فقر مايصر ف على ولا كسوة رمضان ولا حج ولا يحزنون ولا ملابس وحامل حتى ملابس حمل ماعندي ولا مستشفيات شي يبط الكبد
غير ادبر نفسي من شغل المكينة ولا ابيع ذهب لي حتى حافز بيحرمني رزقي منه مو راضي يفتحلي حساب دعيت عليه ربي يقطع رزقو زي ماقطع رزقي

 

[غاده 2]

الجنوبي الغربي بطبيعته مبذر .. بس يتأثر باللي حوله بسرعه .. يعني انتبهي يتأثر فيك ويصيير ماااسك هنا تعيشيين المعااانااات الحقيقيه ...
بالنسبه للمستقبل الجنوبي الغربي مااايمسك فلوسه الا القروووض ...
قدموا قرض واشتروا فيه ارض او شقه او اي شي والبنك يصير يسحب من رصيده بشكل اآلي ... اما يجمع في حساب من نفسه هذي مستحيله ...
وبالنبسه لمصروفك انتي احسبي كم تصرفين بالشهر ... اذا كان صرفك كثير ..
يعني اكثر من المصروف اللي احتمال يقدره لك .. على كذا اسكتي ولا تحطين نفسك في مأزق انتي غنيه عنه ...
واذا كان صرفك اقل من المصروف المتوقع ... طالبي يصير لك مصروف .. بس المصروف مع الجنوبي الغربي يبي وحده حاازمه ..
لانه فيه احتماال يصير مزنووق ويجي يعظمها عندك فيما معناااها اتخلي عن مصروفك هذا الشهر ...

 

[وحيدة في الغربة]

ويلي انا زوجي مثلك تماما
الله يعينا

 

[خالة عيال اختها]

مشكورات خواتي اللي ردوا...

خواتي بدل ماتدعون عليهم ادعوا لهم دام الله بيستجيب الدعوه..

صدقتي اختي مايمسك فلوسه الا القروض..


الله يعينا وياكم خواتي



من جربت تقول لزوجها وش رايك نقسم الراتب للأهم والأهم .. وهل لو اقوله يصير بعدين يمسك ولا اقدر اشتري شي الا الضروره؟

 

[غاده 2]

انتبهي حبيبتي تصرفين تركيزه على الرااتب بعدين يصير يركز على طلباااتك ...
ويصير يكب فلووسه يمين يساار واتني لك تتفرجين بس ...
وهنا المعاناات الحقيقيه اللي تستحق انك تكتبين عنها موضووع ...
حااولي تدبرين اموورك من تحت الطااوله بدوون ما تلفتيين انتبااهه لتبذيره ..
يعني الاهم اشترووه اول الشهر والمهم بعدين وهكذا .. وحاولي ترفعين لك مبلغ معين للزنقاات بدوون مايدري وبدوون ماتفتحين معه موضووع الرااتب ...
اكلمك عن تجربه اختي الجنوبي الغربي اذا صاار ماااسك ماينطاااق ... لانه يمسك من جهه ويكب من جهه مااالها داااعي يعني قمة القهر ...
وهذي هي الحرمه دااايما تجني على نفسها ...

شي اسمه تقسيم الراتب هذي فلسفه ماااايفهمووونها الجنوبييين ... اتمنى نكوني فهمتيني ...
وبعدين فيه ملائكه عند كل صبح ومساء تدعي اللهم اعطي منفقا خلفا اللهم اعطي ممسكا تلفا ..
وانتي اختااري لنفسك تبين التلف او الخلف ؟؟؟؟
اللي يزيد عن حااجتكم اتصدقوا فيه خلوا الرصيد على الزيروا وشووفي الخيير والسعه تبي تجيكم من كل صوووووب ...

 

[المقتولة]

حبيبتي فديتج ... انا اول ما ينزل راتبي احول منه مبلغ لبنك ثاني وما اخذ بطاقة صراف منهم .... اووكي ... وهذا المبلغ ما اصرف منه ولا اسحب منه الا بالشديد القوي مثل ما يقولون .... يعني مثلا راتبي 10000 ... احو ل منه لبنك ثاني 5000 وما اطلع بطاقة صراف الى ... والباقي اصرف على نفسي وعلى البيت بشكل يكفيني لين اخر الشهر .... واللي بالبنك الثاني اتعاجز اروح الا اذا كان احتاج صدق يعني لو مو محتاجه صج ما بروح واوقف بالكاشير ساعه عشان اسحب ... فهمتيني .. وبها الشكل تجمع معاي مبلغ ادفع زكاته سنويا بس ما استخدمه لاي شي ثاني لاني احتاج اسوي لنفسي شي بالمستقبل ....

وان شاء الله تنفع طريقتي معاج حبيبتي... انتي جربيها شهر شهرين وشوفي النتيجه .... والله يوفقكم ... وتراني انا وريلي صريفين درجة اولى بعد .... وعندنا بنتين وسواق وشغاله وايجار واعطي اهلي واصرف على البيت وكل شي من ها المبلغ اللي يتمي لي ... بس انا الحمد لله اعرف ادبر امور ما شاء الله ...

 

[حجازيه ذوق]

لاتفتحين عيونه على شي كان غافل عنه ترى بعدين انتي اللي بتندمي وبقوه
خليه يصرف احسن من يخزن الراتب وبعد كم يوم يجيب زوجه لك جديده
ترى كثير من الرجال بالاول يصرفون ومايشترون الا الغالي لكن الزوجات بعضهم الله يهديهم يصيرو يقولون لا هذا غالي فيه ارخص منه وبعضهم تقول خلني انا اروح معك السوبرماركت واجيب اشياء ارخص من الاغراض اللي انت تجيبها وبعدين مع الوقت يتاثر فيها ويصير مايجيب لها الا من ارخص الاشياء والزوجة لو علمت زوجها مسك يده شوي بيقفلها مره وحده وبيصير يحاسب على كل ريال ماعندهم وسطيه لكن المفروض انتي تاخذي منه كل شوي كم مبلغ وتقولي باشتري بعدين تشتري بشي بسيط وباقي المبلغ توفريه عندك بدون مايدري وكل راتب اطلبي مبلغ عشان حاجه معينه مثلا ووفري من المبلغ لك ومع الوقت بيصير مبلغ كبير تستفيدو منه وقت الزنقات مثلا قولي فلانه والده اعطيني مبلغ بزورها او اجيب لها هديه وكبري في المبلغ شويه بعدين جيبي بشوي منه هديه والباقي وفريه لك مايدري انتي وش جبتي لو كل شهر على الاقل توفري ميتين ريال اخر السنه مبلغ وقدره وبكل مناسبه اطلبي منه ووفري لك اهم شي مايحس ان عندك فلوس
ترى الجنوبي الغربي طبيعه حريص على الفلوس لومايفرط بالريال بسهوله لكن زوجك انتبهي لاتخربيه وفري بدون مايحس

 

[انوا رة الرياض]

انا زوجي زي زوجك لاكن اقنعته بعد معناه طويله وساعته كثير وكنا يجي اخر الشهر ماعند مناكل اونصرف وقنعته وقنعه زملاه انه لازم يرتب اموره ويعطين مبلغ خاص ليه ونوزع الباقي ويكون معي المصروف والحمدلله ارتحنا احنا الاثنين وكنا في مشاكل غير ان الراتب نصه قروض لاكن كذا صرت امسك وانا مومسرفه عكسه احط الاولويات وبعدين جزء لترفيه واذا بقي ادسه وما اقله لانه علطول هات نصيحه من مجربه والي يبقاء ادخره موتصرفيه خليه لازمات

 

[ياغيابه]

انتي صديقتي من هالحين تعالي اعلمكـ











































بس اللي يزود لي :25:
ههههههههههههههههههه

 

[ياغيابه]

سمي بالله ..



اول حاجه مافيه شي اسمه نبي نقتصد لزوجكـ ولافيه شي اسمه نمسكـ يدينا وندخر ومن هالكلام ؛ كل مافي الامر يا ابو فلان انا اجتهدت وقلت اساهم معكـ واشارككـ المسؤليه وقلت اصير مديرة اعمالكـ وانسق لكـ بعض الامور التافهه اللي ماتعجزكـ لكن حبيت استعرض نفسي قدامكـ وفرد عضلاتي ( طبعا هالكلام بمرح وابتسامه على شوية خجل على ميانه على مدري وشو ) انتي قدها .




لنفرض ان الراتب في اليوم الثاني من كل شهر >>> عالمها مختلف زهريه البنت ؛ مالكـ بالطويله المهم .. انتي ياطويلة الشوارب هههههه تجيبي ورقه وقلم في اليوم الاول من الشهر قبل الراتب بيوم وكماااان تسمي بالله وتصلي ع النبي ولنفترض الاتي ( طبعا انتي ادرى بظروفكم لكن راح اتكلم عن الظروف السائده ) .






















1- الاقصاد او الاجار (00000) << المبلغ وقدره
2- الكهرباء (00000)
3- الجوال (00000)
4- اغراض المنزل = يشمل الاغذيه ومواد التنظيف (00000) << تكوني كاتبتهم بالتفصل بورقه على جنب وتقريبا عارفه سعرهم او عندكـ خلفيه .
5- البقاله = اذا كنتم تفتحون حساب عند البقالات مثلا (00000)
6- مصروف الاولاد في المدرسه (00000)
7- تتعرفي على سعر البترول او البنزين لسيارة زوجكـ يعني بكم يفللها عادةً وتتعرفي لكم يوم يجلس البنزين في السياره تقريبا >> تقريبا ( لنفرض السياره يوكن بنزينها بـ50 ريال فررررضا تكفي مشاوير 5 ايام ) هنا تحسبي كم في الشهر من 5 ايام وتصرفي 500 ريال وتوزعي لكل 5 ايام 50 ريال تحطي ظرف وتكتبي عليه البنزين ويكون اللي فيه كله خمسينات فقططط عدد الاسابيع .
8- الباقي ( اذا فيه اشياء مهمه رئيسيه او ضغوط معينه فقط والا يوضع بضرف ويغلق )




الجوال: اذا كان فيه اكثر من جوال فأنا اقترح ان يكون كل شهر جوال واحد مثلا هالشهر جوال زوجكـ ؛ الشهر الجاي جوالكـ ... وهكذا دواليكـ

طبعا بتقولين ايش يعرفني كم فاتورة الكهرباء تختلف من شهر لشهر -صحيح - لكن غالبا تكوني عارفه تقريبا بين كم وكم تتراوح الفاتوره وتقدري تجسي هذا الشي عن طريق استخدامكـ للكهرباء وتقييمكـ مع ان غالبا التقييم يخدع صاحبه لكن هي محاولات وتارجح مع التركيز راح تعرفي تقدري الامور . فـتحطي رقم افتراضي مثال : غالبا الفاتوره تنزل من 250 ريال الى 400 هنا كم ممكن تحطي تقدير لها ..!! نقول 500 ريال ان زاد خير وبركه وان جت على حدها الا انتي متهيئه نفسيا للمبلغ ماتنصدمي .

بتقولي نفس الحكي للمواد الغذائيه ؛ وانا بقولكـ من خلال نزولكـ السوبر ماركت تكوني اخذتي فكره او تقدر تحددي المركز اللي غالبا تقصدونه في هالامر وتبحثي عن عروضه في النت اذا كنت من السعوديه بقولكـ امثله منها : العثيم - بنده - السدحان - بست .... الخ او من خلال المنشورات تمرين وتاخذينها قبل الراتب وانتم رايحين اي مشوار على طريقكم .
الارز = اشتري 10 كيلو اذا ماتستهلكونه او زوجكـ من اللي يحبو التنويع ؛ اذا عندكم عزايم والا زوجكـ كل يوم ارز لا اشتري اكثر .
السكر = نفس الارز وفكرته .
الدجاج = كرتون >> اعتقد يكفي :$ وش قولكـ
<<< احس ما باقي الا اكتب الاغراض اللي تشترونها كل شهر وياويلكم تتغير :dddd بس انا احاول اقرب لكـ الصوره تحمليني << غثيثه
القهوه - الهيل ... الخ .
الخلاصه : الاشياء الرئيسيه راااح تطوووول معكم وتخف عليكم بعض الامور وتلاقي فرصه لشراء اشياء اخرى في حياتكـ .



مواد التنظيف كوّني لها مكان مخصص ومتسسسع : منظف الملابس جيبي خريطه >> 10 كيلو واكثر ؛ لاتقولي وين احطه لو بالسطح او ع الدرج ( اشتري حاويه << زباله بغطا وفرغيه فيها ) .. الكلور اكبر حجم اي نوع كان .. المنظف اليومي للمطبخ اكبر حجم .. ديتول مبيدات حشريه ملطفات جو مكانس مناشف ملمع زجاج منعم ملابس .... الخ اشتريهم بالشهر الثاني >> راح يكفونكـ 5 شهوووور بالذات اذا كنتي من الذربات اللي بيتها داااايم نظيف لان الاوساخ ماتتراكم فـ قليل احتياجها للمنظات مثل الكلور وغيره .. ( طبعا لازم تكوني موزونه الاستخدام ومقتصده بدون تبذير ).
نفس فكرة المواد الغذائيه .

البقاله : حددي مبلغ معين بس توصلون له يقفل الحساب واتمنى يكون مبلغ بسسسيط من 100 ريال الى 200 بحيث يكون للاشياء الفوريه مثل الخبز البطاقات ... الخ الامور الاخرى تشترينها مع المواد الغذائيه فما من داعي للبقاله .

مصروف الاولاد : اظن بدري صح ..!! ولو كان خطاء خلينا نقول 3 ريال للواحد او 2 ريال مع فطور منزلي واضربيها في 30 يوم واجمعيها بظرررف .



اذا تبين تجمعي لا تقولي لزوجكـ وفر ولكن اطلبي منه قولي ممكن تعطيني هالمره زياده ..!! بعد كم يوم قولي صرفتها او سلفتها ناس او فقدتها او اي شي .. حاولي قد ماتقدري تحطي بالغرفه حصاله صما ما تنفتح الا بالكسسسر وقولي له عندي لعبه وبنفس الوقت تحدي ومغامره خاطري نجربها انو قبل تنامو اي فراااااطه خرده تحطوها فيها وطبعا مستحيل احد يفتحها الا بكسرها وما تنفتح الا للشديد القوي او اذا كلشششش مافيه صبر نخليها نهاية الشهررر .
ايضا ممكن تصرفي الباقي ميات (100) وتحطي لكل يوم وحده .. يعني تفترضي ان كل يوم راح تصرفون 100 مع العلم انكـ تحاولي قد ماتقدري انكم ماتصرفوها كلها او تتجاوزون يوم ماتصرفون فيه شي .




والا اعطوني الباقي احفظه لكم >>>> لا يروح تفكيركـ بعيد بشغلها لكم بسسس :d هههههههههه فارقيهم بس .




احسني ممله وكلامي كثير لكن يعلم الله اني بحاجة الدعاء فـ اسـألكم باللـه
من اعجبها او استفادة فل تدعي لي بالشفاء وان يهب الله لي ما اتمنى بأهون
الاسباب والدعاء لايهم ان اقراءه هنا ولكن اريده بظهر الغيب بقلب سليم ونيه
لايشهد لي بها الا اللــه ..