ام خالد ودلع
New member
- إنضم
- 5 نوفمبر 2014
- المشاركات
- 25
بنات الله يعافيكم ابيكم تساعدوني في مشكلتي اللي دمرت نفسيتي. صار لي متزوجه تقريبا 5سنوات ومن عرفت زوجي اثق فيه ثقه عمياء ولامره لاحظت عليه شي. وكان دايم يسولفلي انه يكره الحريم ولايطيقهم. فجأه طحت على رسايل خاصه بتويتر مع بنات . قريت وحده يقول فيها ابغى اكلمك تكفين بسمع صوتك ولاقدرت اكمل باقي الرسايل لان جتني ضيقه ونزل ضغطي من الصدمه. معقوله مخدوعه فيه كل هالسنين وتوني انتبه لسوالفه الوسخه. انهرت وواجهته وحلف انه خويه. قالوا للحرامي احلف. انا متأكده انه هو وبعدها شفت كم تغريده يحاول فيها يحتك في البنات بعدها حقدت عليه ونفرت منه ماعاد ادور رضاه واكثرت المشاكل بينا وانتزعت الثقه حاول ادوس على قلبي وانسى ماقدرت وصرت واقفتله في كل طلعه وين رايح ومتى جاي وان طلع من البيت كل نص ساعه ادق اسأل وينه. بنات جاني وسواس وتعبت ابغاكم تساعدوني بحل يريحني لانه فوق هذا كله متشدد علي من ناحية البرامج مثل انستقرام ويفتش جوالي وكم مره طلب مني اقطع علاقتي بأقاربي وصديقاتي بس مارضيت وجلست انا وياه في حرب وزعل ورحت لاهلي ودق يعتذر ... ومره كنت حامل بالتاسع وتعبانه حراره وكحه شديده وطلعني امشي فالبر قبل يوديني لاهلي عشان اولد عندهم مرت سياره من بعيد. مقابله المكان اللي احنا نمشي فيه شفتها وصديت عشان مايسوي سالفه ويقول تستعرضين.. لكن ماسلمت منه جاني وتكلم علي بصراخ وبألفاظ بذيئه ومد يده يقول ليه لما شفتيه ماجيتيني. مع انه قريب مني مابينا الا كم متر. شفتوا الغبينه والقهر . وداني لاهلي تعبانه ومضروبه ومذلوله بلا ذنب سويته ومع هذا ماعلمت اهلي وكاتمه بصدري. حياتي معه موب عاجبتني مع انه طيب وكريم معي لكن وسوسته وعصبيته وتسكيرته علي طفشتني من العيشه معه. احبه لكن مااحب طبعه ابقى واتعذب نفسيا لاني شوي وانجن والا اتطلق وارتاح وانا معي 3اطفال.اللي عندها خبره والا حل مقنع تساعدني ماعندي الا انتم محد يدري عن حياتي ومشاكل ولاأبغى اتكلم لاحد حتى لو أمي