زوجي تغير وابي حل؟؟؟

[a7saas]

السلام عليكم ورحمة الله وبركاته
اخواتي البلقيسات كيف حالكم
اتمنى منكم ان تشاركوني في مشكلتي وتعطوني الحل
انا متزوجه لي تقريبا ثلاث سنوات من فتره ولدت ومن بعد الولاده لاحظت زوجي متغير من ناحيه وحده بس وهي
وقت النوم مايقول قومي نامي يتركني على كيفي مع العلم انه قبل الولاده كان ماينام الا بوقت نومي
وامس قلتله اذا بتنام قولي عشان انام معاك لانه سمعت ان عدم نوم الزوجه مع زوجها يسبب البعد بين الازواج
بس الاخ فهم هالشي غلط وحسب اني ابغى الجماع
عموما اليوم قام نام ولاعبرني وانا قايله له اذا بتنام قلي عشان انام معاك
اتمنى من الخبيرات يجاوبوني ويعطوني الحل علما انا من بعد الولاده بس تغير من النوم اما الناحيه الجنسيه ماتغير
وجزاكم الله الف خيررررررر

 

[نارمين]

حبيبتي يمكن عشان الطفل الجديد يبيك تكوني على راحتك

 

[سمتي الوفاء]

ممكن انشغالك بالطفل سبب هذا العائق فكوني كما لولم تكوني حامل

 

[نعومه كول]

عادي اختي لاتكبري الموضوع عادي جدا
انا لاني اسهر وزوجي نوام
دجاجه
خخخخ
عادي يصبح علي وينااااام خوخوخخوخو

 

[بقعة ضوء]

اي مثل ما قالو الأخوات

عشان البيبي يمكن يسهرك وبتخلي النور شغال
وزوجك وراه دوام ,,

لا تحطي براسك ,,

 

[فستقه خضره]

الوضع عااااااااادي و ما يستدعي القلق أبدا ً
ما دام زوجك ما تغير عليج من النواحي الثانية فحطي في بطنج بطيخة صيفي
و إذا على وقت النوم ..
نومي البيبي و روحي نامي يم زوجك إلى ما تحسين انه صار في نص حلمه قومي لطفلج
و الله يوفقكم
تصيرين خوافه من كل شي
هنيئاً لزوجك بج .. تخافين عليه من النسمه
الله يوفقكم و يسهل عليكم كل عسير
موفقة

 

[ام صفاء]

بسم الله

اختي احساس : صباح المحبه وصباح الطاعه والرحمه

من اسمك سارد عليك ..

ما شاء الله عليك الى هذه الدرجه تهمك راحة زوجك .. بارك الله فيك ونعم الزوجة انتي .. رائعه

كوني كذلك دوما ...

اختي .. الامر عادي ويحصل هي تغيرات جديده لاجل الضيف الجديد طفلكم ...

فقط وفري الراحه لزوجك دون تقيد حرية اوقات نومه .... وسيكون الامر طبيعي مع الايام وربما زوجك يواجه مشاكل في العمل تشغل باله .. ويرد ان يرتاح لوحده

ملاحظه : حبيبتي لا تكتبي بعض الكلمات بطريقه مباشره .. مثلا كلمة الجماع استبدليها ( الفراش )
يعني الامور الجنسيه لا توضحيها كثير بل استبدليها بجمل تؤدي نفس الغرض

تحياتي لك

 

[M!ss Heart]

راي من راي الاخوات

وكل زوجة ولها احساسها...

ربي يوفقج ويا ريلج ويصلح بينكم


:
.

 

[هالةالقمر]

حبيبتى
ليه تضايقى نفسك
اذا شفتيه رايح ينام ادخلى الغرفه معه
واجلسي معاه العبي في شعره حاولى تنوميه بطريقتك
ونامى ولو ما عندك نوم بعد ما ينام خلاص اطلعى
خليه يتعود انك لازم تكونى موجوده وما يعرف ينام من غيرك
من غير ما تتكلمى او توضحى له

 

[منبع السعادة]

والله عزيزتي احس الموضوع عااااادي لا تخافي ولا تقلقي خليه ينام لان الرجال وراهم شغل الصباح ويتعبوا وايد
انتي ريحي وهدي لان وراك بيبي يحتاجك بعد الله يوفقك

 

[a7saas]

مشكوريييين اخواتي ع الرد والله يجزاكم خيرررررر