زوجي بيسافر افكاركم؟؟؟

[الحلا مني]

السلام عليكم خواتي

الموضوع باين من عنوانه...
زوجي مسافر بكره بغيت افكاركم ايش اسوي له عشان مااروح من باله :32:وابي شي مميز اسويه الليله ,يعني شرايكم اسوي له عشا مميز ولا احجيب كيكه ؟ايش نصايحكم؟(على فكره هو جنوبي غربي) وشكرا مقدما لكل الي راح ترد

 

[سدومتي]

ممكن تعطرين ملابسه وشنطته بعطرك اللي يحبه

او انا مره كتبت له ورقة كتبت له عن مشاعري ناحيته قبل يمكن سنه وحطيتها في الشنطة الى الان وهو محتفظ فيها

ان شاء الله اكون افدتك

الله يسخرك له و يسخره لك يارب

 

[الحلا مني]

مشكوره سدومتي انتي الوحيده الي عبرتيني:35:

 

[رازيا]

سهريه سهرة حلوة الليلة ورشي عطر من عطرك على جميع ملابسه في الشنطة وارقصي له هههههه علشان يضل معلق بعقله الباطن وما ينساكي هذا اللي بعرفه واستودعيه رب العالمين بس عندي فضول ممكن اعرف وين مسافر وليش ما تروحي معاه

 

[رازيا]

من ايميلي
زوجك بيسافر.. وودك ماتروحين عن باله ..؟


زوجك جاتله سفره في الشغل ... مدتها أسبوعين ... و اكره شي عندك لما يسافر ...

اليك الطريقه :

المواد المطلوبه .. .

1.. صورتك ... المهم تكون حلوه ...

2.. جوال زوجك ..

3.. قلم ..

مافي اسهل من كذا...

أول شي أخذي جواله وغيري اسمك بجواله وحطي (( واحشني موت)) وحطي النغمه خاصه

وروحي على التقويم اللي بجواله .. وحطي بعد تاريخ السفره بيوم يعني بيكون وصل

للديره اللي رايح لها .. حطي تذكير بمنبه يعني يرن التذكير

(( واحششششني))


واليوم اللي بعده بوقت ثاني

((ماقدر أعيش بدوونك))


و (( فدييييييتك انت على بالي على طول ))

والخ ..... طبعا غيري الأوقات وخليها يوم وترك ..

خلصنا من الجوال ....

الحين الصوره

خذي لك صوره حلوه ...

قلبيها وكتبي عليها (( بالقلم الجاف))

كتبي عليها شعر .. وكتبي عليها خرابيط يعني الاشياء اللي كان في بالي وقتها ..


مثـــــــــــــــل

بتووووحشني كثير أحبـــــــــــــك

لاتشوووف البنااااات ترى أغااااااااار

خلني على بالك على طووول ..

وغيره وغيره ... وكتبي الوقت والتاريخ ...

بعدها اخذي الصوره وفتحي شنطته ... وحطيتها في الشنطه ... يعني بيشوفها اول مايشيل الفوطه بس حطيها مقلوبه يعني صوب الكلام على شان لو كان احد معه مايشوف صورتي ..

وبس سكري كل شي ورجعي السرير ... ولامن شاف ولامن دري ...


الصبح راح اذا المطار المهم دقي عليه .. على شان تطمني طارت الطياره ولا لا ..


اول ما يرن جواله راح تشتغل نغمه واحشني موووت وبيشوف الحركات اللي بجواله


جربووا الحركه وشوفوا رده الفعل

انا جربت الإسم اللي بالجوال والنغمه...والله طريقه حلوه ولها اثرها

 

[الحلا مني]

تسلمون عالردود "سويت له الحلا الي يحبه وماسويته من زمان وكتبت له رساله حلوه وعطرت ملابس نومه والملحف وكيس المخده بعطري الي يحبه عشان يشم ريحتي وقت ماينام:32:"اختي رازيا هو مسافر مع رفيجه للعلاج وصعب اروح معاه:21:

 

[الحلا مني]

فديته مايبي يسافر بس عشان رفيجه لانه الوحيد الي عارف حالته حتى هله مايدرون وكلها 10 ايام ان شاء الله وبيرجع