زوجي بيجنني

[انا حلى]

السلام عليكم

تكفون دلوني

اولا انا زوجي شرقي جنوبي

من فتره زوجي طلب مني اسوي له حساب بالفيس بوك يقول بشوف وش سالفته وفعلا سويت له ولا اضاف الا اصحابه

بعدها باسبوعين قال ترى جتني اشياء على الايميل وطلب اضافات وتراني خبصت ومدري وشلون جوني بنات في حسابي وعادي دخلت وحذفتهم

هذا الكلام من خمس شهور

امس دخلت اشوف الفيس بوك ومريت عليه الا اشوفه عامل اضافه لبنتين ووحده منهم يسولف معها يوم واجهته انكر تخيلوا يقول ابدا ما سولفت معها جنني وريته ويقول موب انا مدري وشلون صار كذا

طبعا هو من عوايده كذا يسوي الشي وينكر ما استغربت

كنت وقتها معزومة قمت لبست وطلعت ويوم رجعت حطيت راسي ونمت واليوم ما ادري وشلون اتصرف معاه تكفون دلوني

هو ولا همه ولا كان صار شي وانا اغلى من جوا بس ما بينت

تكفون دلوني انصحوني وش اسوي فيه مقهوره مره

 

[الحلا قصيمي]

الله يكون بعوونك

راقبيه بس بدون مايحس عليك

ومثلي كانك صدقتيه واذا مسكتي عليه دليل

واجهيه فيه طبعا بالبدايه بيكون صعب عليك

انك تسوين نفسك مصدقته بس في ماعليه

تحكمي في اعصابك شويه وحاولي

والله يخلي لك زوجك ويبعده عن عشيقات السوء

 

[أخت في الله]

بسم الله الرحمن الرحيم

حياك الله غاليتي

الفس بووك مثلما له سلبيات له إيجابيات...وأنتي من دافع إيجابياته علمته لزوجك وسجلتي له فيه.... إذا كنتي أكملي معروفك غاليتي ووجهيه للصفحات التي يخصصها بعض شيوخنا الكرام فيه والمفيدة للعباد..وإلى كل شىء بعيد عن المحرمات....
أخبريه بسلبياته وإيجابياته وقولي له....

أنا يازوجي صنعت لك حساب في هذا الموقع التواصلي لما فيه من خير كبير ولتتواصل مع أصحابك وتتوصال مع إخوان آخرين تتبادلو الأفكار والمعلومات وتنشؤون صداقات..بل وتتعاونون على البر والتقوى والتنافس على إنزال أمور مفيدة يستفيد بها المتواجدون فيه كخطب دينية ودروس وبرامج جديدة وأشياء من هذا القبيل حيث فيها الإفادة.. وأفهميه أن من إيجابياته أنه هو محرك الربيع العربي الذي أوصل صوت الشباب المدافعين عن الحرية والكرامة والحق وكيف يشكلون كتلا لتنضيم الصفوف ..ومنهم من يشكلون تنظيمات وحلقات للتعاون على نشر فكرهم التوعوي للناس الذي لايخرج عن نطاق الإسلام

وفي المقابل أفهميه وقولي : يازوجي هذا الموقع مثل ما هو برنامج فيه من المميزات الكثيرة ففيه من السلبيات العديد منه.. ومن بين سلبياته أنه فيه اختلاط شديد وهذا الإختلاط ليس له إنضباط فهو بدون مشرفين ولامراقبين .. ومثلما فيه من شباب صالح..فيه شباب وفتياة أخذتهم الغفلة عن الله وانشغلوا فيه بالمحرمات ...

وأنت يازوجي تعلم أن الله عز وجل أمرنا باتباع المعروف وتجنب نواهيه وغضبه ..وأنت يازوجي نسان صالح يتقي ربه وتعلم الصالح من الطالح
هذا الفس بوك يازوجي كسكين يساعدك في تقشير تفاحة لتأكلها فيكون مفيدا لك ... أو تأخذ بيدك هذا السكين فتقتل به نفسك والآخرين فيكون هالكا لك ..... ولك الإختيار ..فإما تجعل منه موقعا مفيدا لك يكسبك أجر الدنيا والآخرة أو تجعل منه حفرة نار لك من حفر جهنم...ولك الإختيار ... وأنا أحسن ظني بك أنك لن تختار إلا مرضاة الله

أنهي كلامك هذا وتوجيهك ........... ثم استعيني بالله واتم المراقبة له فيما بعد....... فإن اعتدل كان ذلك مانبغي ..... وإن لم يعتدل تنتقلين لتشديد اللهجة ...وبإذن اللع يعتدل ويبتعد عن ماهومحرم........ واصبري غاليتي فإن الله مع الصابرين

.............................
أسأله تعالى أن يجنبه الفتن ماظهر منها وما بطن وأن يرشده للصلاح ويبعد عنه المفاسد

 

[دمعه مشتاق]

نفس الشي صار لي بس دايم اضيق عليه واعصب مره اذا حسيت بشي واقعد اصيح هو يخاف يصير لي شي يهجد بعدين صار يحلف براس امه وابوه وان شاء الله يكون صادق
الله يعيننا ويسخرهم لنا بجاه كل من صلى وقام