زوجي اناني

[نعومة وحبوبة]

<span style="color:#0000cd;"><font size="3">السلام عليكم ورحمة الله<br><br>لجأت لكم بعد الله  انا وااااايد تعبانه ومهمووومه<br>حتى اني فكرت في الطلاق<br><br>المشكله هي في زوجي الاناني<br>جينا من سفر تعبانين تعب السفر وتعب الزكام ومع هذا اقوم ارتب البيت وانظف اللي اقدر عليه<br>طلبني شوربه صلحتله ...<br>اليوم الثاني ماصلحت غدا عصب قلتله جيب من برا وبكره اصلح  عصب وخرج شوي ورجع نام وانا تعبانه حاولت انام للعصر ماقدرت وهو طبعا مو بحاس فيني<br>عباله كمبيوتر مايتعب<br>قمت العصر سالته اسوي غدا مارد سالته ثاني مارد  سخنت الشوربه وكميتها تكفينا الاثنين بس يوم قام عصب وقلي دبرتي نفسك<br>ولعني ولعن اهلي<br>سكت وع طول صلحت الغدا قبل اذان المغرب وهو جاهز بس طبعا هو مايكلمني وقام يسوي حركات عناد فيني<br>يعرف اني ماداني الدخان قام يدخن بالبيت  واذا كلمته يطنش تقول مايسمع ويجيب اكل من برا ياكل ويترك الباقي بالصاله وهذي الحركة كل مانتزاعل يكررها<br>يترك بقايا اكله وراه<br>والغدا اللي مصلحته ماكل منه شي<br>انا طفح عندي الكيل  غربه وتعب وفوق هذا زوج مايقدر .... قلتله باكلم اخوي ياخذني قال جهزي عفشك وانا اوديك ومن ساعتين وانا دمعتي على خدي<br>
احنا باول سنه زواج ماعندنا اطفال انا طيبه معاه لابعد درجه ولو ان لساني طويل احيانا بس في المزح
<br>ادري علي نسبة غلط بس هو ابد مايقدر واذا عصب يجرح وااااايد  <br>يعني يوم شافني ماسويت غدا ماقال سلامات ليش ماطبختي  بالعكس شايف انه فرض واجب علي اطبخ وانا تعبانة<br><br>الحين ابي رايكم اش العمل  مابيه يتعود كل مره يزعلني ويجي يراضيني ولا كانه غلط ابد<br>ابيه يحس فيني  ويخاف من زعلي<br><br>سامحوني اذا الكلام ملخبط بس مو بيدي</font></span>

 

[نعومة وحبوبة]

انتظـــــــــــــــــركم

 

[^مي مي^]

اجلسي معه اختي وتفاااهم علي المووضوع الحل بيد رجلك

مو ترحين بيت اهلك علشان كذا

 

[رندا كووول]

هدئي بالك شوي موكل مشكله بسيطه قلتي الطلاق واكلم اهلي والم عفشي ..
انتي لسه ف بداية الطريق....وكمان راجعين من سفر وتقلبوها زعل>>>>شيئ غريب
بعدين انتي تعبانه ورتبتي البيت وما عملتي غدا.يعني هو شاف تناقض .
بس ولا يهمك لاتكبري الموضوع وطنشي ..وشيلي بقايا الاكل ونظفي وراه عااادي.
واذا هدأ كلميه عن اللي مضايقك .وتغاضي عن توافه الامور ولا تدققي .الحياه ماتمشي الا بالصبر والتغافل..
ولا تقولي اتصل ع اخوي ياخذني يعتبرها تحدي ويقولك روحي الباب يفوت جمل ""انصحك هذه الكلميه انسيها ولا عاد تقوليها""لانك اذا خرجتي من بيتك صعب ترجعي وتقولي كرامتي ماتسمحلي >>وتندمي ع خروجك
ربي يسعدك ويصلح احوالكم

 

[تشكرات]

أزيـــــــــــد على كلام رندا كووول بارك الله فيها

أن تتعرّفـــي على نمط زوجك حتى يسهل تعاملك معه ....

ربي يشرح صدرك ويجعلك قرة عين لزوجك ...

 

[دانة الشام]

بالله عليكي أهذه مشكلة تحتاج أن تلمي عفشك وتقرري الذهاب لأهلك ؟؟!!! الموضوع حتى لايستحق أن تفتحيه عاتبيه بدلع وابدأي يوما جديدا غدا بالخير والبركة .. ربي يهنيكي بحياتك ويسعدك.

 

[عنقود عنب]

الله يصلح حالكم

تعرفي اول نصيحة نصحتني فيها امي الحبيبة قبل زاجي ما هي؟؟؟

قالت لي ....يا بنتي ...الرجال ما يهمة نظفتي البيت او لا

اهم شي يشوف اكله جاهز في موعده

وفعلا...هذه نصيحة تكتب بماء الذهب

هو يرجع من شغلة ..مو مهم عنده انا نظفت المطبخ او الثلاجات او غرفة الضيوف او غسلت الملاسب

لا

هو اهم شي يشوف سفرةالطعام جاهز ...وبعدين انا حرة في بدا اي عمل ارغب فيه

نظمي وقتك ..ولكن...اهم شي صلحي لك طبخة عشان يسكت عنك

يقول المثل ...الطريق الى قلب الرجل ..معدته

 

[ياعاشقه الورد]

الحركات الي يسويها عشان يغيظك طنشييييييييييها ولا تحسسيه انها ضايقتك الحين يعني شيلي الاكل ولا جا لا تعلقي وبعدين انشالله في وقت تكونو هادين تكلمو مع بعض ووضحيله الاشياء الي تضايقي منها

بعدين هو معصب خليه لحاله يهدي مدامك سويتي اكل وهو ما يبي خلاص خليه براحته ياكل من الاكل الي جابه وانسي مووضع تروحي لاهلك كل شويه وبالذات وانتي معصبه

انصحك تصرفي عادي عشان يعدي المووضع يعني رتبي البيت وسوي الاكل واجلسي تكلمي وكانه ماصار شي وبعد ما تحسي زوجك هدا كلميه بهدوء

 

[قلبي ؟؟؟؟]

الله يصلح لك زوجك
نصيحه مني اختي اعرفي نمطه تفهميه وتفهمي احتياجاته

 

[نعومة وحبوبة]

حبيباتي
اشكركم على تفاعلكم معي

بس حبيت اوضح لكم اني عديت الموضوع عادي في البداية
وصلحت غدا وانا تعبانة مع انو لعني ولعن اهلي وانا ساكته اما حكاية انه يدخن جوا البيت كبييييره

برضه انا تعبانة واذا ع تنظيف البيت كلها غرفة وحمام اكرمكم الله

الحين ارجع اكلمه عادي بعد كل اللي سواه وانا لي يومين ماكلمه واذا كلمته مايرد فاعطيه نظرات من فوق لي تحت
بكره يتعود ولايحسب لزعلي حساب
يعني حكم علي اني خفيت ولا حتى سالني ويعصب ويقلبها مشكلة

 

[نعومة وحبوبة]

اللهم ارني الحق حقا وارزقني اتباعه وارني الباطل باطلا وارزقني اجتنابه

 

[الى الله امضي]

ياربي نفسي اعرف كم عمرك

حبيبتي انا زوجي يفصخ ملابسه وراه وهو ماشي اجمعها وارتبها على قلبي عسل

فنجاكلهن القهوه اصبه له واكله بيده

اخدميه بعيونك خلك من الجزع والتذمر ولا عاد تقولين بروح لاهلي بروح لاهلي اذا هذي المشكله التافهه بتوديك لاهلك اجل مصيبه تصير بينكم وين بتروحين

خليك ريلاكس وهاديه ورايقه

كيف تزعلين انه ترك اكله وراه ههههههههههه ياحبني لك

اخدمي زوجك بعيونك وتشوفين وش يعطيك

اعترض على كلام الاخت اللي تقول النظافه مش مهم عند الرجال اهم من الاكل لا والله زوجي يصوم الليل والنهار ولا يشوف او يشم شئ في البيت

انتي جزوعه مرررررررره بعدين الزكام مايعتبر مرض عارض صحي بسيط مايمنع اسوي غدى اصراره انك تسوين غدى لانه مشتاق لطبخك ولاكل البيت

وقابلتيه بالجزع والتذمر كسرتي خاطره والبيت مثل ما اسلفتي غرفه وحمام عشر دقايق وانه يلق

الله يكتب لك اللي فيه الخير

 

[الى الله امضي]

تصحيح فنجان القهوه

اما حركتك انك تسالينه اسوي غدى ولا لا

تكفين لا تكررينها يجيب المرض السؤال حلال يقوم يعضك عضه ههههههههههه امزح معك

خلاص وقت وجبه صلحي واجبك هذا

لو استشير زوجي يوم اصلح غدى والا لا انجلط من السؤال

اتفقي معه مثلا يوم في الاسبوع يجيب من برى

يوم الراتب يجيب من برى ومن ذا الحركات

 

[يالبى راشد وبس]

مع الاخت الى الله امضي بارك الله فيها ما قصرت كفت ووفت

 

[سالي.]

اووه ياكرهي لشغل البيت انا زيك دائما زعل علشان طبخ والغسل الله يعيننا على هالرجال الي مافيهم ذرت احساس الله يسخره لك ياررب

 

[ميمي 89]

هدي حبيبتي شي طبيعي هل مشاكل تكون من بينكم في بداية زواج بذات بعده مافهم طبعك ولافهمتي طبعه

بطلب منك تسوي شي

اولا تاكدى مافي علاقات او خيانه من بعيد لبعيد من غير مايحس

ثاني شي لما يدخل ويترك الاكل في صاله سوي نفسك عادي مش مضايقه ولاهمك هو كل مايزعل يسوي هل شي يعني يمسك نقطة ضعفك (لاتخلينه يعرف نقاط ضعفك ابدا )

واذا طلب منك تسوي الغدا استخدمي اسلوب ذكي اكثر لاتقولي له تعبانه قولي له والله ملح خلص او الدجاج مخلص شي اساسي في طبخه ومب موجود وهو بيكون تعبان ومارح يقدر يطلع ف بيختصر الموضوع وبيطلب من برع

وقولي له والله خاطري اسويلك بس مشكله مافي دجاج

وخليك كتومه قد ماتقدرين وغامضه لاتكوني واضحه معاه ويستغلك واستخدمي اسلوب التطنيش

 

[ام اقمرين]

انتي معاكي حق المفروووووووض يقدر لانك تعبانه ويجيب من برا
لكن يمكن لانك طولتي لسانك عليه او شي ثاني
لو جبتها باسلوب ثاني ممكن يجيب لك
حاولي تغيري من اسلوبك ولسان الطويييل
هههههههههههههههههههههههههه
احنا كذا ياالحرييييييييم
تعاليله بلمسايسه
وهدي اعصابك لو نرزك عدييييييها وسوي نسك كانه مو ريلاكس

 

[ICE-P]

اتوقع انه مقصر معك بحقوقك عشان كذا انتي ماتتحملين يتذمر ويحاسبك صح ؟

عموما هو اناني وعارفه قصدك وزوجي نفس زوجك لو اجلس شهر ارتب ويمر علي كم يوم تعب وارهاق شوي ويموت
بس عاااادي مره لايهمك
خليه ينتفخ ينتفخ لين يطق ههههههههه انتي بس امسكي لسانك وطنشي صدق انك تعبانه كان بها ماصدق بكيفه لاتجادلينه