بزه
New member
- إنضم
- 18 مارس 2010
- المشاركات
- 16
:8:السلام عليكم ورحمه الله وبركاته
ريلي ينني الله يسامحه ويهديه طبعا ما أدري ليش تزوجني لين الحينه عايش في عالمه الخاص وهادني روحي صار لي سنه مزوجه وعندي ياهل الله يحفظه ويخليه .لين الحين متعلق في امه ويسمع كلامها في كل شئ وهو ترتيبه الثاني بعد أخوه وفي عنده بعد أخوان أصغر عنه وكلهم كبار ريلي عمره 30 بس امه وابوه معتمدين عليه في كل شئ مصاريف خواته ولا طلعات أهله وأنا أمخليني عالهامش تخيلوا حتي لو صدف يطلعني نرد البييت زعلانين وهو يطلع حرته وتعبه فيني ليش؟؟ أنا شو ذنبي أتصوروا مايبي يصرف على يقولى ليش؟؟ أنتي مالج صرفيات ليش إنتي أداوميين ووييين راتبج؟؟؟ وإذا عطاني ساعات خرده يقولى رديهم لى دبل!! بس أنا ماردله
لأن هو ما أمقصر على أهله ومقصر على. حتي فالاعياد نضارب لانه يصلي العيد ويشل معاه أمه وابوه وعقبها يتحوطون و أنا أمسويلى طاف هادني فالبيت...أشل بعمري وأسير أعيد أهلى في مدينه ثانيه .. عيزت وياه أنصحه وأذكره بحقوق الزوجه واقله أحاديث وكلامي دوم هباءا مثورا ويرد ويكرر أفعاله وحتي يوم ولدي فديته يكون مريض يهدني وينام حجره ثانيه ولا حتي يتفيج يساعدني !!! أحترت كلما بغيت أدخل أبويه في الموضوع يهددني يقولى بشوفين شئ ما شفتييه ... ففكرت أصبر عليه لين ينفذ صبري ما بقول ولا كلمه لاني خلاااااااااااااص وصلت آخر المشوار بشل بعمري وبرد لأهلى لأنه ما يستاهلني.. مشكلته أنه حاط في باله أنه ماخذ وحده برع العائله بيتحكم فيني وعلى هواه جنه أنا لعبه من ألعابه متي ما بغي يلعب فيها ومتي يمل مني فرني على صوب وأنا أحس أن حياتي معاه بتنتهي بطلاق لأن عمي إلى هو أبو زوجي مزواج صارله 7 مرات أمعرس وله عيال من كل إلى خذهم وأهلى فديتهم من النوع العالقليين ودوم ينصحوني ويدرون بكل إلى يصير بحاتي بس ساكتين لأن يشوفوني صابره ... بس أحساسي وعواطفي اندفنت ولا أحس لا بالفرحه ولا بالسعاده ولا بالحب ولا شئ والله ما حسيت بالرومنسيه مع زوجي وحتي يوم أتزوجني, أهلي وااايد راعو ظروفه الماديه حتي سويتلي عرس بسيط ولا سرت شهر العسل وعقبها شفت الجذب : راتبه أوكي وعندهم خير .. ويوم أسيير أعراس أهله أتكون أعراسهم احلى عن عرسي بوايييد ويسافرون شهر العسل بس هو جذب علي وعلى أهلى وكان يقول ماعندي وأحيينه دايسني دوس وكلمت أمه عشان تنصحه ما قالت ولا شئ كأنه ولدها ما مسوي ولا غلط وكله يجذب عليها يقولها إن زوجتي دووم في بيت أهلها وأنا اكون قاعده في البيت مب طالعه ولا مكان...الله المستعان والله كريم والحمدالله ........فشو رايكم أصبر ولا كل واحد يشوف دربه لأني تعبت نفسيا وأهلى ندموا أنهم زوجوني لشخص ينافق يدعي الصلاح والهدايه بس من ناحيه هو داهيه..
ريلي ينني الله يسامحه ويهديه طبعا ما أدري ليش تزوجني لين الحينه عايش في عالمه الخاص وهادني روحي صار لي سنه مزوجه وعندي ياهل الله يحفظه ويخليه .لين الحين متعلق في امه ويسمع كلامها في كل شئ وهو ترتيبه الثاني بعد أخوه وفي عنده بعد أخوان أصغر عنه وكلهم كبار ريلي عمره 30 بس امه وابوه معتمدين عليه في كل شئ مصاريف خواته ولا طلعات أهله وأنا أمخليني عالهامش تخيلوا حتي لو صدف يطلعني نرد البييت زعلانين وهو يطلع حرته وتعبه فيني ليش؟؟ أنا شو ذنبي أتصوروا مايبي يصرف على يقولى ليش؟؟ أنتي مالج صرفيات ليش إنتي أداوميين ووييين راتبج؟؟؟ وإذا عطاني ساعات خرده يقولى رديهم لى دبل!! بس أنا ماردله
لأن هو ما أمقصر على أهله ومقصر على. حتي فالاعياد نضارب لانه يصلي العيد ويشل معاه أمه وابوه وعقبها يتحوطون و أنا أمسويلى طاف هادني فالبيت...أشل بعمري وأسير أعيد أهلى في مدينه ثانيه .. عيزت وياه أنصحه وأذكره بحقوق الزوجه واقله أحاديث وكلامي دوم هباءا مثورا ويرد ويكرر أفعاله وحتي يوم ولدي فديته يكون مريض يهدني وينام حجره ثانيه ولا حتي يتفيج يساعدني !!! أحترت كلما بغيت أدخل أبويه في الموضوع يهددني يقولى بشوفين شئ ما شفتييه ... ففكرت أصبر عليه لين ينفذ صبري ما بقول ولا كلمه لاني خلاااااااااااااص وصلت آخر المشوار بشل بعمري وبرد لأهلى لأنه ما يستاهلني.. مشكلته أنه حاط في باله أنه ماخذ وحده برع العائله بيتحكم فيني وعلى هواه جنه أنا لعبه من ألعابه متي ما بغي يلعب فيها ومتي يمل مني فرني على صوب وأنا أحس أن حياتي معاه بتنتهي بطلاق لأن عمي إلى هو أبو زوجي مزواج صارله 7 مرات أمعرس وله عيال من كل إلى خذهم وأهلى فديتهم من النوع العالقليين ودوم ينصحوني ويدرون بكل إلى يصير بحاتي بس ساكتين لأن يشوفوني صابره ... بس أحساسي وعواطفي اندفنت ولا أحس لا بالفرحه ولا بالسعاده ولا بالحب ولا شئ والله ما حسيت بالرومنسيه مع زوجي وحتي يوم أتزوجني, أهلي وااايد راعو ظروفه الماديه حتي سويتلي عرس بسيط ولا سرت شهر العسل وعقبها شفت الجذب : راتبه أوكي وعندهم خير .. ويوم أسيير أعراس أهله أتكون أعراسهم احلى عن عرسي بوايييد ويسافرون شهر العسل بس هو جذب علي وعلى أهلى وكان يقول ماعندي وأحيينه دايسني دوس وكلمت أمه عشان تنصحه ما قالت ولا شئ كأنه ولدها ما مسوي ولا غلط وكله يجذب عليها يقولها إن زوجتي دووم في بيت أهلها وأنا اكون قاعده في البيت مب طالعه ولا مكان...الله المستعان والله كريم والحمدالله ........فشو رايكم أصبر ولا كل واحد يشوف دربه لأني تعبت نفسيا وأهلى ندموا أنهم زوجوني لشخص ينافق يدعي الصلاح والهدايه بس من ناحيه هو داهيه..
