السلام عليكم ورحمة الله وبركاته
خواااتي ~ أنا تووي عروسٌ بـ السنة الأولى زواج
صار لي تقريبًا (5) شهور من تزوجت ^_^
الحمد لله من أيام الملكة زوجي متفهم ورومانسي وخلوق
وتزوجنا بـ فضل الله وكان أروووع من الروووعة نفسها !!
ما شاء الله أخلاق ووسامة وشهامة ورجولة
بس مع الأيام بدأت تظهر عليه غيرة زااايدة جدًا جدًا جدًا
يغار من أهلي ~ أخواتي ~ حتى من بنت أخوه الصغيرونة !!
يغار من الهواء إذا تنفسته وربي تعبت تعبت تعبت
مع إني قبل الزواج كنت اجتماااعية مرررة وعندي صحبات ش كثرهم
بس من ارتبطت خففت اتصالاتي وزياراتي لـ درجة إني صرت له وبس
والله ما أخرج عند أحد غير أهلي أزورهم كم ساعة ورجع من دوامه أخذني معه
حتى صحباتي يتصلوون عليّ وما أرد لـ أنه زوجي مجنووون ومهبل فيني !!
ومن شهرين تقريبًا وأنا بس أبكي أبكي أبكي أبكي ما عدت أتحمّل
لـ أنه بدأ يتكلّم بـ أسلوب استفزازي ويعيد أحداث حفل ملكتنا وحفل زواجنا
يقول إنه ما انزف ولا اتهنى في التصوير لـ أن أمي كانت ناشبة له !!
مع إن أمي خلتنا نتصور بـ راحتنا وكيفنا وخرجت من الغرفة
ويقارن بين زواجنا وزواج أختي اللي بعدي ~
يجلس يعيد ويزيد بـ أسلوب إنه فاهم وعارف ومدريش ...
ويوم قلت له ليش تعيد هالكلام اللي صار وانتهى بتوفيق ربي
قام يلومني وقال لي إن كلامي كلام بنات شوارع !
ويقول خواته مو كذا زيي ~ لـ أني ما عندي أسلووووب
مع إني الحمد لله بنت ناس وقبل كذا حافظة لـ للقرآن والحمد لله
وعلى وقت زواج أختي يقول إنتي تعبانة همك الفلوس والذهب
مع إني والله لبست من الموجود ولا طلبته أو لمحت له
تعبت وبكيت كثير كثير وهو يقول هذي دموع تماسيح
تكفووون ساعدوني ش أسوي وربي تعبت
خااااصة إني توي حامل بـ الشهر الأول
وهو بعد ما يحرق أعصابي ويستفزني
يقول لا تبكين عشان اللي فـ بطنك !!
تكفون قولولي وش شخصيته بالضبط وشلون أتعامل معها
مع العلم إني أحبه موووت وأسعى إنه يكون سعيد
وهو يحبني كثييير بس يخربها أكثررررر !!
