زوجه صديق زوجي تبصبص لزوجي ؟؟؟

[o0Brokin-Hart0o]

زوجت صديق زوجي تبصبص لزوجي


تصدقون يا بنات أنصدمت أكثر من مره تحاول ان زوجي يشوفها وكذا مره تسألني عن تفاصيل عن زوجي لدرجه صرت اشك بزوجي المشكله انها مطالعه مقطع لزوجي واهو ياكل مصاصه تدرون شنو تقول تقول اشتهيت المصاص من شفته بالله عليكم هذي مو وقاااااحه ؟

ودايم تشكي من زوجها مع انه يموت فيها ولما اشكي من زوجي ببعض الامور تكذبني كأنها ما تبي تخرب صورته في عينها شنو اسوي معاها وش الحل ؟

اتركها فجأه مقدر لاني انا وهي بمنطقه ما نعرف فيها احد الا بعض

شككتني في زوجي صرت اخاف منه وهزت ثقتي بنفسي والله يا بنات منغثه منها واكذب نفسي شنو اسوي ؟
​

 

[التوبة عنواني]

ببساطة خففي جلساتك معاها و ما تعطيها وج تتكلم مع زوجك او تشوفه اصلا

 

[صاحبة الليل]

حبيبتي إقطعي علاقتك معاها دايركت
وش تبين بوحده محصنه وعندها زوج تشتهي مصاصه من رجل ثاني
المفروض هذي تخافي منها وتاخذي حذرك كثير ولو تقطعي علاقتك معها حتى تليفونيا أبركها من ساعه
بهاالزمن الوحده تشتري راحة بالها وأهم ماعليك زوووووووووووووووجك حطيه بعيد عنها قد ماتقدري
أعانك الله عليها

 

[رازيا]

الله يلطف فيكي ويسترك منها
اقطعي علاقتك فيها نهائيا
هذي انسانة مو محترمة ولا عندها ادب ولا خوف من الله
حطي عليها اكس اسمعي مني اذا حابة تعيشي مرتاحة اقطعي علاقتك فيها واذا مو قادرة قللي من لقائك فيها اليوم تتكلم عن زوجك بكرة يمكن تسحبه منك هذي ما عندها خوف من الله
ووجلسي معها جلسة صراحة قولي لها لو سمحتي انتي انسانة متزوجة ومحترمة عيب هذا الكلام اللي تقوليه
وبيني انك تغاري على زوجك وما تحبي حد يتكلم عليه كذا
لا تتصلي فيها ولا تعطيها وجه وقللي من زيارتكم لبعض

 

[لحن آلصبآ]

حبيبتي حاولي قدر ماتقدرين ماتشوف زوجك وخليها بعيده عنه

واذا كذبت كلامك في زوجك قولي انا اعرف زوجي اكثر منك

واعرف اطباعه اكيييد راح تسكت ونصيحه لا تلتفتين للشك والوسواس

ترى وربي راح يدمر حياتك مع زوجك وطنشي كلامها وحركاتها ولا تفكرين ابد فيها

وعسى الله يبعدها عنكم ويسعدكم ...
​

 

[باتشي وقهوه]

والله ان الحريم الخربانات كتروا ايش نسوي
دايم ادعي اللهم اني اعوذ بك من شرها واجعلك في نحرها
ودايم قبل تقابليها اقرئي المعوذات وقولي حسبي الله الذي لااله الا هو عليه توكلت وهو رب العرش العظيم اللهم اكفنيها بما شئت
ربي استودعتك زوجي وقلبه وفرجه وبصره
انا سمعت انه في ناس بتدعي بالدعاء دا والحمد له امورهم ما شيه
لان من يتوكل على الله فهو حسبه
ولاتكلميها عن زوجك وان جابت سيرته قدامك وضحي انك ما تحبي احد يتدخل بينك وبينه ولا يجيب سيرته قدامك
يعني اقطع عرقه وسيح دمه

 

[o0Brokin-Hart0o]

مشكورات على الردود

 

[اميره بكبريائي]

تشوفين وقااااحتها ولحد الان مجالستها

حبيبتي قااااااطيها قبل لاتتجرى لمكالمة زوجك

لاتستامنيها

الله يحميكي منها

 

[الـحـاالـمـه]

انا اكره ماعليا الوقاحه تقول اشتهيتها من فمو
وانتي ايش سويتي ايش قلتيلها كيف اتصرفتي بعدها ؟؟

ولسى ماتبغي تقطعي علاقتك فيها

خلاص خليها لمن توقع الفاس في الراس بعدها اقطعي علاقتك فيها اوكي

المفروض بالمره ماتعطيها وجه وتبينيلها قلة ادبها

 

[سكر اسمر]

إن لم تستح فافعل ماتشاء

هذي قليلة لحيا قال اشتهت المصاصة

الله يصرفها عنك وعن زوجك ويلهيها بنفسها

إنت لاتتكلمين بشي لا خير ولا شر تراها مو هينة لاتخرب عليك بيتك

 

[رقة ونعومة]

اقطعي العلاقة نهائيا,,,,,,,,

 

[فيونكا فوشيه]

حبيبتي كثري من عيوب زوجك قدامها ولاتمدحينه ابد

حطي بلاوي الدنيا فيه واذا قالت لا ماصدق قوولي المظاهر تخدع :24:


ولا شفتيها مابطلت حكي وقفيها عند حدها وذكريها بربها وعقابه للي تناظر غير زوجها​

 

[أخترتك A لدروبي]

الله يبعد شرها عنكم..... والله لو فيها حياء ماقالت هالكلام استغفر الله العظيم

 

[3afraa_33]

اهم شي مااااااااااااااا تقولين لزوجك راح ينبسط ويعطيها اهتمام ويصير ينتبه لكل حركاتها انتبببهي

الرجال كلهم نقطة ضعفهم وحده تعجب فيهم او تمدحهم وخاصه بالجنس الي تشتهيم يحس بحيويه وحياه و عنفوان عندها وعند سيرتها .

وهي انسحبي منها شوي شوي كانه الظروف اشغلتك عنها

يعني شوفي انا اعذاري دايم عند الناس الي ما ارتاح لهم اقول اذا جيت لازم اسهر لنص الليل لانه مرتبط باخوياه ويرجع متأخر وانا ما احب اجلس هالوقت كله ...أو عندي مشوار بالسوق وبرجع تعبانه او عندي صديقات عالمسن احب ادردش واتسلى معاهم افضل من الخرجه و والتأخير وتضييع الوقت ..ووو

 

[بنت العزيز]

الباب اللي يجيك منه الريح سده واستريح

 

[اتعبتيني يادنيا]

حبيبتي اقطعي علاقتك معها
اليوم تقول اشتهي المصاصه بكره وش تسوي
الله يكفيك شرها ويصرفها عن زوجك

 

[@اجمل عيوووون@]

حبيبتي لاتتكلمين عن زوجك قدامها سوى بزين او شين ابدا لاتذكرينه قدامها وحاولي تقللين زيارتك لها..
​

 

[دلوعة عمرو]

بكل بساطه اقطعي الاتصال معاها حاولي انك ما تعزمينها ولا تروحين بيتها انتبهي منها

واذا اضطريتي وشفتيها وتكلم عن زوجك اعطيها كااااش ولا تسكتين قولي وش فيك كل شوي تجيبين طاري زوجي وبسس هي راح تستحي وما راح تسالك عنهم مررره ثانيه

الله يحفظك ويحفظ زوجك من كل شررر

 

[مستشاره2010]

بكل بساطة اقطعي العلاقة معها وان حصل تواجهتم خليك رسمية ومتغابية لابعد درجة يعني سوي نفسك هبلة-مع احترامي-ولاتجيبي سيرة ازواجكم ابدا
وحذاااااااااااااااااااااااري:35::35::35:زوجك يشم خبر

 

[reeem.alflaa]

وقااااااااااحة
حاولي تخففين علاقتكم ببعض
ولا تجتمعون كثير
وإذا إجتمعتوا وعادت كلامها الماصخ
عطيها بوجهها
ولا تبينين لها إنج تغارين وإنج تحتقرين هالشي فيها
والله حريم ،، عندج ريل ويموت فيج
شو لج بريل الحرمة
الله يبعدها عنج