زوجها جننها وهي تعبت كثيير ساعدوها يابلقيسيات ربي يسخر لكم ازواجكم

[شهد الود]

هلا حبيباتي كيفكم ؟

​

انا بدخل على طول بالموضوع عندي صديقة متزوجه لها 3 سنين وراتبهم رايح بالاقساط يعني

بعد بداية الشهر بيوم يومين يكون ماعندهم ولاشي زوجته تحاول توفر بس ماتقدر بالمررره

لانها مش موظفه الله يرزقها . المهم وزوجها اذا خلص الراتب يروح يشتغل بالتاكسي عشان

يقدرون يعيشون وهي ماتبي تدخل اهلها لانها تقول هاذي حياتي والمفروض هالاشياء بين

الزوجين هم اللي يكونون مستقبلهم ولازم مااحد يعرف عنهم شي المهم زوجها يروح دوامه

والعصر او المغرب يروح بالتاكسي يوصل مشاوير المهم المشكله لحد الان اوكي بس المشكله

انه لما يودي بنات للكلية او مجمع او غيره يتغزلون فيه ويحاولون انهم يتكلمون معاه بس هو

مشكلته يمشي مع مصلحته وين ماكانت مع انه صريح ويقول لزوجته كل شي بس المشكله

انه زوجته خايفه وحده تاخذه منها وخاصة انتوا تعرفون سوالف البنات اذا حطوا في بالهم رجال

يجيبون راسه يجيبونه وهو اذا غارت عليه وخافت عليه يتهاوش معها ويفهمها بس هو من النوع

مثل ماقالت لكم يمشي مع مصلحته حتى لو وحده تغزلت فيه تغزل فيه المهم ياخذ المبلغ

ويمشي المهم زادت المشكله وترك هالوظيفه ولقى وظيفه وراح يسوي مقابله طبعا هو صريح

مع زوجته في امور بس في امور الحريم طبعا لا المهم يقول اول مادخل الشركة الا الشركة

هاذي ماسكتها حرمه زوجها متوفي وماشاء الله وارثه كثيير يقول البنات اللي يشتغول معها

اول ماشافوا يبتسمون له اشوي ويقولن له كم رقمك لانه هو وسيم وتعرفون البنات مايصدقون

على الله يجيهم رجال كذا المهم دخل على المديره اتاري المديره رايحه فيها العن من صحباتها

تتكلم معاه وشكلها انعجبت فيه لانه هي كانت بتعطيه مرتب 1100 بس يوم شافته جنت

عليه بتعطيه 5000 وتقوله بعد شهر بخليك مدير فروعها الثلاث مع انه ماعنده خبره ودراسته

مش اوكي كثيير لدرجة حتى تدلع اسمه هو اسمه محمد تقوله اوكي حمودي خلاص انا

عاذرتك لو ماداومت او كان دوامك بالليل داوم بالنهار ولو كان بالنهار داوم بالليل وتقوله انت رحت

بيروت يعني تدقه بالكلام تبقاه يروح معها المهم طبعا ابو الشباب جالس يضحك معها المشكله

هالكلام كله قاله لزوجته وزوجته بتمووووووووت من القهر مسكينه المهم قال للمديره برد عليك

اليوم الثاني مارد عليها لانه واحد من اصحابه قاله ماتدري اظن تسوي لك سحر او تمشيك

وراها زي الكلب وانتو بكرامه المهم اقتنع بس يوم كانت زوجته تتكلم معه مااقتنع وبعد كذا

ارسلت له رساله وقالت له وينك قالها والله اسف بس دوامي يبقوني فترات طويله ومااقدر

المهم نسيت طبعا هو تكلم معها بالجوال لمدة نص ساعه تقول صديقتي طبعا مااسمعت

المكالمه بس هو قالها المهم تقوله المديرة انا بصراحه زوجي توفي وانا عرفت رجال كثيره

وكلهم يكذبون علي ولمحت انه تبقاه يكون لها حبيب وكل شي بدنيتها المهم قال الكلام

لزوجته مسكينه انقهرت وجلست تبكي لانه ليه يتكلم معها كذا ويقولها عشان الوضع

هي تقول لو راح لها والله لا يجامعها جنسيا ويسوي لها كل شي لكن هو يسوي اي شي

عشان المصلحه المهم مثل ماقلت لكم اقتنع بكلام صديقه ولا اقتنع بكلام زوجته وبعد كذا

جلسوا يوم كامل ماعندهم ولا شي ياكلونه المهم قال لها من يومين وبالتحديد الفجر انه

بيسافر عند واحد من اصحابه عنده فيلا بمصر ويبقى يروح لانه طفشان قامت هي عارضته

طبعا هي خايفه انه يتعرف على بنات ويجامعهم بس طبعا ماقالت له انا خايفه من كذا

طبعا صب غضبه كله على زوجته وقالها كل ماابقى اتكس سويتي لي سالفه وهالشي كله

منك وانتي عاجبك هالعيشه اللي عايشينها ، مشكلت زوجها مثل ماتقول انه دايمن يفهمها

غلط تقول شي يفهمها شي ثاني المهم هو سافر وقفل جواله وهي الحين تبكيييييييي وربي



قطعت قلبي ياليت اساعدها بس مااعرف اسوي واستئذنتها اني اعرض مشكلتها عندكم ويارب


تلقى حل لانها بجد تعااااااااااااني كثييييييييير وتبي تعرف كيف تتعامل معااااااااااااه لانه تعبت كثير وهي تحاول تفهمه وهي مايفهم الا يمشي ورا مصلحته​

 

[حلاوه قهوه]

الله يصبرها عليها بالصبر
يارب يكون فعونها شو هيدا الرجال الي جننونا
وربي خلاص انخنقت حسيت بحالها
الله يكون معها يارب
عليها بالدعاء وان شاء الله ربنا يفرج همها وهم كل المهمووومين​

 

[السر المكنون]

حبوبه ما أملك إلا الدعاء لها والله يفرجها معاها ويفتحها على زوجها ويهديه ويصلحه ويصده عن البنات وخصوصا المديره الأرمله ويارب لاتخليه يشوف إلا غير زوجته ويصبرها ......... اللهم آميييييييين
وانشالله البنات يفيدونج​

 

[اكره وداعك]

تروح تتاكد اذا جاء الشركة قريب واذا متاكدة انه سافر مصر مالها الا ان تستودعه الله ولمن يرجع تفاجئه بتغيير تعمله لنفسها وبيتها وانها انبسطت وهو مسافر ولاهمها شي عشان مو كل مازعل عرف كيف يقهرها لوجا وهي زعلانه ومتضايقة

 

[الجواااان]

قصتها فيها تناقض كبيــــــــــــــــــــــــــــــر اولها/1- قلتي مايعلم زوجته عن القصص اللي تصير مع الحريم

(صريح مع زوجته في امور بس في امور الحريم طبعا لا)

(المشكله هالكلام كله قاله لزوجته وزوجته بتمووووووووت من القهر مسكينه)
ثاني شي كيف مايلقون شي ياكلونه وهو رايح لمصر ؟؟؟

 

[عيون العرب]

بسم الله الرحمن الرحيم

*******

عليها بالصبر والدعاااااء وقيام الليل

والله يهدي زوجها ياااااااااارب​

 

[سهاارى]

السلام عليكم ورحمة الله وبركاته
اختي العزيزه اتركي الخلق للخالق هو المدبر ةوهو المتصرف في مصير خلقه
ومالك غير الدعاء واكثري من الاستغفار حتى يستجيب البارئ دعائك
ولك خالص تحياتي

 

[شهد الود]

تسلمون على الردود والمحاوله بس وش الحل مشي ورا مصلحته كيف تتعامل معاه؟؟؟



اكره وداعك هي متاكده انه راح لمصر بس المديره يقول انه نسى امرها عشانها وهو مش عشانها عشان صاحبه اقنعه انه هالمره يمكن تسوي له سحرر








الجوان هو راح مصر على حساب صاحبه



تسلمون على الردود بس ابقى حل مسكينه وربي مقهووووره بقووووووووووه وتبكي بحرقة ونفسيتها تعبانه مرررررررررره​

 

[ام خالوودي وبس]

السلام عليكم
اختي ما لها الا تدعي ربها وتستغفر وان شاء الله تلاقي فرج لمشكلتها
انا لو مكانها وزوجي اول شي انو صريح معاي وهو لو يبي يسوي غلط
ما يجي ويقولي كل الحكي الي صار بينه وبين اي حرمه وثاني شي تخليها واثقه من نفسها ولا تبين انها مقهورة وعادي ويمكن زوجها مو صادق بكلامه واذا وسيم خلص يعني الكل بناظرة مو شرط حبيبتي الرجال بجيبه مو بشكله والحريم دايم يدورون على الي معاه فلوس ويمكن بس يبيها تغار عليها وهي ولا كنه شي صار واذا جاه ولا تفتح معاه الموضوع وتكون طبيعيه تتحمل اشوي انا عارفه انها محترقه وبتنهار بس لازم تسوي كذا ولا تجيب طاري الحريم ولا تقول وش سويت صدقيني هو انسان مؤمن ويخاف الله وعنده زوجته وحلاله ليش يروح ويدرو الحرام ان بعض الظن اثم وتتكل على الله في كل الامور ويمكن زوجها زهقان من شي وراح يغير جو وان شاء الله انو بيرجع احسن من اول وهي خليها تكون ذكيه اشوي وتتعامل معاه وانها واثقه منه وانها تبيه يروح ويشتغل ودايم خليها تدعيله قدامه الله يبعد عنك ولاد الحرا وبنات الحرا ويبعد عنك اي شي حرام عشان ربي يوفقك والله ما ني عارفه وش اقول بس هي عارفه طبيعت زوجها وعشرت عمر لازم تعرف كيف تحل مشكلتها ولا تبكي وتنقهر وهو مبسوط وش بتستفيد غير الهم والامراض لا سمح الله واعذروني على الاطاله والله يسخر لها زوجها ويهديه ان شاء الله وشكرااااا

 

[شهد الود]

تسلمين يا قلبي ام خلودي اللي بصراحه ردك اثلج صدرها مسكينه يوم قريت لها كلامك


تقولك الله يعطيك العافيه ويسخر لك زوجك وتبلغين بااولادك

 

[عايزه اضعف]

الله يعينها

انا حاسه انه خياله واسع :bigsmile:
معقول هيك كل البنات بيجروا وراه
والمديره اول ما شافته علطول ما قدرت تداري اعجابها ؟؟!!:sad_1:
شكل زوجها بحب يبين لها ان دون جوان :schmoll:​

 

[sweet student]

الله يهجيه لها

ويبعده عن الحرام

 

[ياربي انصرني]

تحاول هي تبحث لزوجها وظيفه ثانيه غير الاماكن اللي يكون فيه احتكاك مع النساء وتدور ان شاء الله بتلقى

واذاكان تبغى شغله شريفه ومايحبونها البنات هي الاشتغال في سوق الخضار اعرف كثير من اقاربي

كانويحتقرون هذه الشغله وبعد مادخلو فيها كسبتهم ذهب000الانبياء عليهم السلام كانو يرعون الاغنام
ونوح وداود عليهما السلام كانو يشتغلون في الحرف000

ولي قريب كان يشتغل في جامعة الملك فيصل في الاحساء وكان اخر الشهر يتسلف من الدكاتره فلوس ونصحه احد الدكاتره ان يذهب الى سوق الخضار في الصباح الباكر وقبل الدوام لسوق الخضار ويتكسبالرزق هناك

وبعدسنه من استقال من عمله في الجامعه واشتغل وصار يكسب اضعاف اضعاف راتبه من سوق الخضار

الشغل الشريف موعيب ولاحرام ولكن الرزق عند الله000

وقولي لصديقتك تردد هذا الدعاء سمعته من الشيخ الجليل صالح المغامسي حفظه الله يقول اذا ضيق عليك في الرزق فردد(حسبنا الله سيؤتينا من فضله انا الى الله راغبون)

عليها بترديدها هي وزوجها لايفتر لسانهما عنه وتحرص هي وزوجها على قيام الليل وكثرة الاستغفار فالله سبحانه وتعالى يحبس عنا الرزق بسبب ذنوبنا 000

عليها البعد هي وزوجها عن المعاصي والتقرب الى الله فالله سبحانه وتعالى لايقبل دعوةعبد قلبه لاهي عن الله000

اسئل الله العظيم ان يفرج لها وصب عليهما الرزق صباصبا 000ونسيت ان اقولك هذا الدعاء (اللهم صب علىينا
الخير صبا صبا ولا تجعل عيشنا كدا كدا

 

[أسأل ربي توفيق]

لاحول ولاقوة الابالله

 

[كناري الغرودة]

ماقول الا الله يعينها عليها والله بلش ذول الرجال