زوجك يشتريلك ملابس داخليه؟؟؟؟؟؟؟

[الغلا فطامي]

مرحبا يا بنات شخباركم عساكم بخير


يا بنات ودي اعرف رايكم بشى انا زوجى مسافر وكله يدق على يقول اشتبينى اجيبلك وانا جاى

عاد انا ادرى اهو مو ذاك الزود بذوق الحريم يعنى دايم ماتعجبنى الاشياء اللى يجيبها

بس طبعا لازم اجامله واسوي روحى طايرة من الفرحه:clap: هالمرة يا بنات قلت خل اعوده يشتريلى ستيانات مادرى شلون بيكون اختياره بس قلت بجرب وبنفس الوقت اعوده كل ماراح مكان يشتريلى هالسوالف من نفسه


اشرايكم ولا مو حلوة ؟؟؟؟؟؟؟؟؟؟
واللى زوجها متعود يشتريلها هالسوالف ياترى يكون مستانس لما ياخذهم ولا بس عشان يجامل زوجته

يعنى قولولى الريال يحب هالسوالف

ناطره ردودكم لا تطولون يا حلوات:bigsmile::flex:

 

[بيالة شاي]

يعتمد على زوجك وطبيعته .....واذا مسافر بلاد عربيه مااعتقد حلوه يدخل محل قمصان نوم ويقعد يتنقى

انا مره جربتها وهو كان رايح امريكا قلت خلينا نشوف ذوقه شلون وقلت له يروح فيكتوريا سيكرت

انصدمت يوم جاب لي بيجاما نص كم بعد هههههههه ......حسيت ان مايحب يدخل هالاماكن وهو راح مجاملة لي

 

[(A7LA)]

الحركة اللي عملتيها حلوة و روعة و زوجك باعتقادي مبسوط منها كتير ...:icon30:

بدي احكيلك سر .. من سنة تقريبا سافر زوجي و انا كنت زعلانة كتير و طلبت منه على التلفون بدي ملابس داخلية نفس ما انتي طلبتي بس في نوع بينفتح من الأمام :blushing:

لما رجع حكالي انه ما لقى النوع اللي بدي اياه بس جابلي قميص نوم حلو و ناعم و طبعا "أسود" :blush-anim-cl:

عشان هيك اعتقد انه الزوج ما بعرف يشتري اندر وير و الله اعلم...

 

[DARK ANGEL]

يا الغاليه..... صعب الريال يشتري أندروير لمرته...
لأنه لازم يدخل هالمحلات وتكون غالبا كلها حريم....
ولازم يعرف القياس ... وإنتي أدرى بقياسج واللي
يناسبج أكثر منه لأنه ( رجل).... أنا من رأيي عوديه
يشتري لج عطور .... ساعات... روجات وشدوهات
ألوان هو يحبها.... شور جل وكريمات معطره يحب
ريحتها وتكون على ذوقه...... والله يسعدج دووووم... :blush-anim-cl:

 

[دموع الوله]

مرحبا
عن تجربتي الخاصة:clap::clap:
خليه يشتريلج قمصاااان النوم :msn-wink::msn-wink:مش الملابس الداخلية:blush-anim-cl::blush-anim-cl:

 

[zenah]

بالعكس حرررررررركه رووعه جونان:icon30:
حتى لو ماجاب اللي تبين
يكفي ان الحركه منك مثيرة بالنسبه له:shiny:

 

[الغلا فطامي]

تسلمون حبيبى على ردودكم الحلوة واللى فرحتنى

بس انا والله ما كان قصدى من الحركه الاندر وير لالالا انا كنت ابى اعوده ابى لما يجى يسافر مره ثانيه اهو يشتريلى من غير ما اقول

وترانى عطيته قياسى


اما بالنسبه لقمصان النوم لا تخافون بعد وصيته وقلتله ابيك تشتريلى شى تحب البسه لك

فديتكم اله لا يحرمنى من ردودكم

 

[كلام الورد]

حبيبتي الغلا من رأيي انك تعودينه يشتريلك اشياء غير الملابس الداخليه لأن المحلات برى كلها حريم وبعضهن قليلات ادب وينبسطن لاشافوا الرجال جاي هالاماكن تبدأ تتميوع وووتتلزق ,, احسن لك اشتريها بنفسك عشان يتفاجأ اذا لبستيها له مو يصير عارف شكل الشي

 

[الغلا فطامي]

اختى كلام الورد


مشكورة كثير على ردك

 

[حبر و ورق]

حبيبتي بلعكس الفكره مره حلوه
عطيه قياسك وخليه يشتريلك اندر وير وقمصان
منها يجيب على ذوقه فتعجبه وتعرفين بعدين ايش يثيره
ومنها مايتخسر على هدايا وملابس غير ذوقك
انا كذا رايي وانتي شوفي اللي يناسبك

 

[ورد ابيض]

انا زوجي ما بتعجبه الفكرة ابدا , لكن لما نكون بمحل ملابس داخلية بيتلون وجهه بالوان قوس قزح وبكون يأشرلي بعيونه عاللي عاجبه وكأنه عامل عملة ....

 

[راح الأمل]

الحركه وايد حلوه وما فيها شيء
أنا مره زوجي سافر ومن غير ما أقوله جاب لي ملابس داخليه وايد حلوه وكانت من دوله أوربيه
وقال لي انا احب هالنوع وهالشكل ومن يومها عرفت ذوقه وشنو يحب وما يحب :blush-anim-cl:

 

[dainty333]

انا اعشق اقمصه النوم..وملابس الاندر وير..كثيرررر...وحتى هو يقولي اتخيلك اول ما اوديك السوق تروحين لمحلات الاندروير وهالشغلات...قلت له من كثر ما احبك وافكر فيك....امدحه مشان هو جنوبي..
المهم مره صار لي شغله...وأتعبتني كثير...وحتى صرت متضايقه..وحاول هو يهديني...وكنوع من انه يخفف عني راح وشرى لي..اندر وير رووووووووووعه...ولفه واهداني اياه..انبسطت كثيررررر...منه خصوصا انه اول مره يعملها واعتقد انها اخر مره...ههههههه

 

[الغلا فطامي]

تسلمون حبايبي عالرد

انا راح اشوف اذا كان فرحان واهو يعطينى اياهم وبشوف بعد بيفتح الموضوع ولا لا عشان اعرف انبسط او لا

لانه اذا انبسط بيعيد وبيزيد فالموضوع

 

[وردة ندية]

مرة شفت رجال كبير في العمر بس مو شايب لكن بعد مب شاب
عمرة يمن في ال50 اجنبي اوروبي في دبنهامز الرياض
يشتري انواع واشكال من هالشغلات بيجامات وقطع داخليه فوقية وسفلية ههههه

ولا قال فشلة ولا ما فشلة خم لزوجته ولا عليه من احد

 

[لتوفي]

قولي له تعال وجيب من هنا جد كل اصحاب المحلات القمصان النوم وسخات الله يرجعه بسلامه

 

[سونيتا]

يعتمد على زوجك وطبيعته .....واذا مسافر بلاد عربيه مااعتقد حلوه يدخل محل قمصان نوم ويقعد يتنقى

انا مره جربتها وهو كان رايح امريكا قلت خلينا نشوف ذوقه شلون وقلت له يروح فيكتوريا سيكرت

انصدمت يوم جاب لي بيجاما نص كم بعد هههههههه ......حسيت ان مايحب يدخل هالاماكن وهو راح مجاملة لي

فعلا يعتمد على الزوج ..... وانا كمان مره زوجي بأمريكا وجابلي قمصان نوم رووووعه من فكتوريا سيكرت من غير لا أطلب منه وكان ذوقه بالشغلات هذي حلووووو ....فابلعكس أنا أشجع الوحده اللي تطلب من زوجها يشتري لهااا من الشغلات هذي او تاخذ رأيه فيهاااا لانها بالاول والاخير هي تلبسهم له ​

 

[الغلا فطامي]

تسلمون حبايبى على ردودكم وفالنهايه مثل ما قلتوا يعتمد على الزوج
وانشاله ننطر ليما يجى ويبان المستور اذا مستانس ولا عادى