زوجــج شمالي!! تعالي اسمعي سالفتي معاه

[حبيبي شمالي]

السلام عليكم ورحمهالله وبركاته



بكتبلكم سالفتي باختصـار شديــــــــد
انا جنوبيه غربيه وزوجي شمالي شرقي
قريت عن شخصيته كثير وتعلمت اشياء كثيره وطبقتها والحمدالله الوضع مستقر
قللت المشاكل والتصادمات وصرت افهم اسلوبه وطبعه وطريقته
لكـــــــــــــــــــــــــــــــــــــــن



مرتين القى محادثات مع بنات باللاب توب
ويحلف يمين ان هذه المحادثات لاخوه المراهق ((لانه ياخذ اللاب توب للديوانيه))
وناقشته و واجهته وكنت حازمه معاه بدون دموع وبجي
بالعكس كنت جديه ومفكره بكلامي الف مره كنت اتكلم بالعقل والمنطق والاخلاق
انا متأكده انه هو لكن عطيته الثقه عشان يصلح اخطاءه
وقلتله فعلا هذي حركات مراهقين ومستحيل انك تسويها
فـ صار يخلي اللاب توب بالبيت,, كـ دلليل انه ما يهمه



بعدها بفتره مسكت تلفونه اليوم بالصدفه لقيت مسج من رقم غريب والبنت كاتبه
((انا الغلطانه اني ادق عليك وتسكر بوجهي.. انت فعلا خسرتني))
انصــــــــــــــــــــــــــــــــــــــــــــــــــــــــــــــدمت يعني علاقه قديمه وفيها زعل ورضا
رحت حطيتله الريوق وراح دوامه
ما كلمته ولا واجهته
سجلت الرقم عندي عشان اتاكد.. لكن طلعلي مغلق



برايكم الحين شنو اسوي؟
بما ان معاي دليل قوي و وااااااااااااااااضح

 

[حبيبي شمالي]

بناااااااااااااااااات وينكم
ابي رايكم بالموضوع !!!!!!!!!!

 

[rozeee]

كيف الحال ياقلبي ؟
انا رأي انو زوجك اقتنع بكلامك وعشااان كذا خصر البنت وما اعطاها وجه والدليل رسالته ..
عشان كذا لاتفاتحي ابدا بالموضوع وحسيسي بالثقه وراقبي من بعيد واستني نتايج كلامك مع ...
وراح يباان اذا قطعها او لا ...
هوا ينكر عشااان مايبغى يبين لك
هذا الشي ويطيح من عينك
انا اتوقع انو من زود الاحترام لك
اسكتي عن الموضوع الفتره الجيه بس ولا تتصلي عليها ابدا
واذا حسيتي بشي من جديد واتاكدتي ساعتها عيد ترتيب افكارك من جديد..... هذا رأي تقبلي مرورري عزيزتي

 

[أحلى خوخه]

انتي عطيتي زوجج الثقه وماراح يخونها بإذن الله
ودام انها تدق ومايرد يمكن اهو موحاب يخسرج فأنها علاقته معاها
لا تتصرفين ألحين بشي لين تشوفينه رد حق هالسوالف

 

[جنون حلم]

فرصتك فرصتك فرصتك .. هو الحين يبي يكون قد الثقه لاتخربين على نفسك بالمواجهه . انتبهي انتبهي انتبهي
بالعكس حسسيه بالثقه اكثر واكثر .. وخلي لعبتك راحة ضميره .. خليه يحس بالفرق بينك وبينها
واضح انو العلاقه بينهم متوتره .. والله يزيدها .. ويقطعها ان شاء الله

دلعيه وريحيه واملي وقت فراغه بشي جديد يكتشفه فيك .. حتى ينصب تفكيره ناحيتك .. ويخف من ناحيتها .. صفه جديده مثلا يحبها الشمالي في زوجته وابدي طبقيها عليه او حتى باسلوبك بالرسايل طريقه للكتابه جديده او اي شي .. بس انتبهي لا تلصقين فيه .. موفقه يااارب

معلومه اخيره .. اهم شي يحتاجه الرجل من المراه هي الثقه .. الثقه بالمقام الاول مو بس من ناحية العلاقات بس .. لا حتى من ناحية انه يقدر يسعدك ويفرحك .. ويتحمل مسؤليتك .. في كل شي


هذي اهم شي تحرصين عليه .. سلامي

 

[جبل أشم]

تغييرتي بشكل ممتاز

ابد لا تحسسينه انك دريتي بشي او شفتي شي

امشي بالتغيير اللي حاصل بشخصيتك انشغلي بنفسك سويلك خطط عملية يعني تشتغلي على حالك تنحفي تروحي نادي
تاخذي دورات تتثقفي
تكملي
تستثمري بفلوسك
المهم مابتلاقيه الا راجعلك بكل قوة وشوق بإذن الله وناسي هذيك لأنه بالاول والاخير انت زوجته

 

[حبيبي شمالي]

جزاكم الله الف خير عالرد
والله ريحتوني وخليتوني اتخذ قرار نهائي
ماراح اقوله اي شي عن المسجلان الكره على قولتكم بملعبي
بصراحه ان اشوف اللي يكلم بنات انسان مريض ماعنده ثقه بنفسه يدور المدح والسوالف
فعشان جذي ثقتي بنفسي زادت الحمدالله لاني اعقل واثقل منه
بس ماراح اخليها تاخذ زوجي من حضني
بحاول بكل شي اني اتغير للافضل والله يقدرني واخليه يتوب وينسا هالسوالف بدون مشاكل

 

[حبيبي شمالي]

جيل أشم
جزاج الله خير عالرد
انا حاطه ببالي اهداف بحققها ومن يوم قريت عن الشمالي
رجعت لكل هواياتي وعاداتي واهتمامي بنفسي
لاني كنت مهمله كل شي عشانه وكان اكبـــــــــــــــر خطــأ
مابي اضعف ههههه ان شاءالله ناويه ازيد وزني لان حيل ضعفت صار وزني 40 تخيلي؟
ومنتظره الوظيفه راح تشغلني اكثر وتقوي من شخصيتي
صرت اقرا كثير.. وقليله الكلام معاه لانه يحب الغموض
وما التصق فيه ابدا
وفعلا بدا يرجعلي اكثر,, وانا مستمره ليــــــــــــــن ارضي غروري منه

 

[كيوت حدي]

نصيحه ياقلبو لاتحسسينه من قريب او من بعيد او حتى دقه بالكلام انك دارية

بالعكس استهبلي اقووووى شي

وسوي كل النصايح اللي تخص الشمالي ومايجذبه بالانثى وتوكلي على الله

وخلي نيتك دايما لوجه الله

والله يسسسسسسسسهل امرك
​

 

[وردة الحنون]

اسأل الله لك التوفيق والسداد
وصلاح زوجك ونيتك وذريتك

 

[حنونة و مزيونة]

ماشاء الله درر كلام الاخوات فعلا اخوات ... اختي طبقي اللي قالوه الاخوات وما قصروا والله,,,, الله يوفقك ويهدي لك زوجك ويسخره​

 

[hadifa]

الظاهر أن زوجك اقتنع بكلامك نصيحة لا تجيبي له سيرة الرسالة اللي فات مات

وأنت بينت له أنك واثقة فيه هذا يزيد من حبه واحترامه لك

 

[عفااااري]

ماشاء الله عليج ردة فعلج ممتازة
خلاص دام انتهت العلاقة لا تواجهينه الا اذا في شي يديد

واتعلمي عن الشمالي وما يجذبه وغيري من لوكج وعطيه الثقة وحسسيه انج واثقة فيه وان شاء الله يصلح بينكم

والله يسهل عليج

 

[حبيبي شمالي]

جزاكم الله خير عالرد
والله يجعله في ميزان حسناتكم
وباذن الله اتغيير في ما يرضي ربي ونفسي وزوجي
والله يوفقنا اجمعين ويجعلنا من الصالحين ولا يلهينا بالدنيا عن ذكره

 

[أم الشبل]

سوي نفسك ما تدرين أحسن حل وشكله تأثر بكلامك زي ماقالو الاخوات وتسع أعشار السعاده في التغافل

 

[جبل أشم]

((
جيل أشم
جزاج الله خير عالرد
انا حاطه ببالي اهداف بحققها ومن يوم قريت عن الشمالي
رجعت لكل هواياتي وعاداتي واهتمامي بنفسي
لاني كنت مهمله كل شي عشانه وكان اكبـــــــــــــــر خطــأ
مابي اضعف ههههه ان شاءالله ناويه ازيد وزني لان حيل ضعفت صار وزني 40 تخيلي؟
ومنتظره الوظيفه راح تشغلني اكثر وتقوي من شخصيتي
صرت اقرا كثير.. وقليله الكلام معاه لانه يحب الغموض
وما التصق فيه ابدا
وفعلا بدا يرجعلي اكثر,, وانا مستمره ليــــــــــــــن ارضي غروري منه ))

برافو عليك وربي يقويك استمري وانسي العشيقة ولا كأنها موجودة
طالما انت مشغولة عن الشمالي طالما تلاقي يدور وراك وينشغل فيك وخليها عادة لك
واختاريلك صديقات يدعمون نجاحك وبنفس الوقت تمرحي معهم
وبالتوفيق

 

[Sقلبي كبيرS]

ماشاء الله عليك
الله يسعدكم يارب وماتشوفي شئ يكدر خاطرك
عليك بالدعاء له بالثبات