زوجتي والمطبخ...!!!!!

[الوف]

][ بسم الله الرحمن الرحيم ][








][ ناصر يحاجي زوجته عايشة من الصبح ][




ناصر : عويشه .. مشتهي أذوق أكله من إيدج !!

عايشة : !!! ها .. إي إن شاء الله .. ألحين أزهب الريوق ..

ناصر : يالله بطني ذابحني من اليوع .. هالله هالله بالأكل الزين ..





( بعد ساعة ) ..




ناصر : عويش .. شصار على الريوق ألحين الظهر ليلحين ماتريقنا !!!

عايشة : ألحين ألحين .. الصبر زين ..

ناصر : لو ماخذين جباتي وسمبوسه وصمون وفلافل وآش .. أبرك ..

عايشة : كاني يبت الريوق .. أكيد بيكون أحلى ريوق ..

ناصر : طولتي .. ذبحنا اليوع .. !!!

عايشة : شسوي بعد باظبط الطبخة عدل ..

ناصر : شنو هذا !!!

عائشة : هذا بيض بس شوي محروق ..!!

ناصر : الله يهداج صايرة فحمة موشوي محروق .. وين باجي الريوق عيل كل هالمدة شتسوين !! ..

عايشة : ها .. !!! ...ماكو بس البيض إحترق ثلاث مرات .. وكا عندك الزيتون أنا مسويته والللبنة شغل إيدي والطماط انا مقصصته والخيار بعد .. كله شغل إيدي .. بعد شتبي ..

ناصر : ماشاء الله كل هذا والله تعبتي ..!!! جهود تشكرين عليها ..






( بعد ماكلوا )




ناصر : ها شنو ناويه تسوين لنا على الغدا ..

عايشة : هااا ... بعد ... ؟؟

ناصر : إي ليش الناس ماياكلون غدا .. ؟؟ شتعرفين تطبخين ؟؟

عايشة : أنا بصراحة اخاف من الدياي حتى لما اطبخه .. واللحم عرد ماأعرف له .. والسمج زفر وقشوره تخرب اناملي الرقيقة ..!! ومو متعوده أطبخ أنا أساسا عند اهلي ولا مستعده أتعلم ؟؟؟

ناصر : الله !! .. شناكل عيل ؟؟

عايشة : أنا ماأقدر أطبخ لازم خدامه .. ونقزر بأكل المطاعم وايد حلو أكلهم ..

ناصر : ( مساكين عيالنا ) بموتون يوع بدون الخدامة ..!!

الله المستعان ..






مسكين ناصر !!



هذا يمكن يكون مثال واقعي لحال بعض الفتيات والزوجات اليوم ..
الطبخ مهمة صعبة وتجربة شاقة .. وتعتمد الفتاة فيها إعتمد كلي على الخادمة ..
وبعض الفتيات تقول :

من شروطي يحطلي طباخة أو طباخ !!
لي هالدرجة الطبخ مهم !!
إذا طبخت راح أنشغل عن زوجي وتربية الأجيال .. فمن الأفضل تركه !!
الطبخ له آثار صحية كبيرة جدا وممكن احترق .. !!

خوش مبررات ..



رأيكم

- هل ترون من الضروري أن تكون الفتاة بارعة في الطبخ ؟؟

- هل تصح مقولة الوصول إلى قلب الرجل من خلال معدته ؟؟

- هل عدم معرفة الزوجة بالطبخ يعتبر خلل وتقصير ؟؟

بارك الله فيكم
__________________


م ن ق و ل

 

[ام حسنين]

هههههههههههههههه مسكين ناصر والي مثل حا لناصر الله يهديهم بعض الاهل مدلعين البنات ومخلينهم على كفوف الراحه طيب وبعدين ال يمتى الدلع الزايد لا تطبخين لا تسوين لا تفعلين الله يهديهم
بنسبه للاسئله حلو ان المراءه تعرف تطبخ مو شرط ماهر بس على الاقل تسوي بيض ورز عدل هههه
وسؤال الثاني مو كل الرجا ل الوصول الي قلوبهم عن طريق الطبخ بس اكيد بيفرح اذا زوجته تعرف تطبخ

اكيد الزوجه اذا ما تعرف تطبخ هذا تقصصير منها انها ما تتعلم تطبخ
مشكووووووووره حبيبتي موضوعك مره حلووووووووووه وكسر خاطري ناصر الحمد لله ان زوجي مو مثل ناصر ههههههههههههههه تحياتي

 

[قلب حر]

موضوع حلو ...
وعلى قولة ام حسنين ...مو شرط ماهرة بالطبخ ...بس المهم تعرف تطبخ اكل ممكن اكله ..خخخخخخخ
لانه مهما كان لا يمكن الاعتماد على الخدم ..ولا على المطاعم ...
واذا كانت ماهرة ..اكيد بيكون شيء حلو ...
...وبصراحة حتى اللي ما تعلمت في بيت اهلها ..تحاول تتعلم ..واكيد راح تنجح ..
مشكوووووورة على الموضوع

 

[زهرة البوادي2006]

لو كنت رجال وزوجتي رجعتها بيت اهلها يعلموها الطبخ وبعدين ارجعها انا عندي من الضروريات البنت تتعلم الطبخ