ربي يفرجها
New member
- إنضم
- 7 فبراير 2011
- المشاركات
- 4
بسم الله الرحمن الرحيم
السلام عليكم ورحمة الله وبركاته
الله يحييكم خواتي جميعا أحبكن في الله
ربي يسعدكم دنيا واخرة
من زمان ودي انضم لكم بس انشغل بالبيت والاولاد الله المستعان
..الصراحة انا معيشة نفسي في جو من الحزن كبير جدا ومعاناة مالها حد والسبب
صدمتي بزوجي كان يضرب المثل فينا بالحب والوئام ولكن من ثلاثة شهور فقط راح الحب في نظري
تخيلو بعد عشرة عشرين سنة يفكر بالزواج قال ايش يجدد شبابه ..سبحان الله ما يصير يجدد شبابه معاي
وانا ولله الحمد مو مدح في نفسي بشهادة الجميع على قدر من الخلق والجمال بفضل الله وعندي اولاد وبنات
والي يشوفني عطاني اصغر من سني ويبان زوجي اكبر مني بمراحل ويفكرونه شايب عمري38 متعلمة وهو كذلك
تحملت عصبيته سنين ولما صرت اعرف اتعامل معاه فكر بغيري يقول حلو التجديد خاصة بعد تشجيع من اصحابه المعددين
واذا الحيت عليه وقلت قصرت بايش معاك يقول ولا شي بس اذا عصب قال انتي متعالية علي وتناقشيني وانا ابغى وحدة
اقولها يمين تمشي شمال تمشي تخيلو يبغاني امعة وهبلة مع اني اصلا مطيعة ودائما في البيت وما احب الخروج
المشكلة اني ما قدرت اقنعه فاستسلمت لامر الله وقلت الخيرة فيما اختاره الله
بس المشكلة لما خطبها كان الوضع عادي وقال هي او غيرها وهي مقبولة شكلا ومحترمة ومن عائلة طيبة وفي اواخر العشرينات
تعمل معاه في نفس الشركة ..ويتيمة الاب ومقاطعة اهل ابوها واعمامها خطبها زوجي ووافقو لكن عرفو اعمامها وجدها فمنعو الزواج
لانها ما خذت رايهم وقال زوجي خلاص لكنها تمسكت فيه هي واهلها وقالو ما عليك منهم خلنا ننتظر يمكن يموت جدها وتصير الولاية لاخوها بالله هذا منطق يستنون الجد يموت استغفر الله يارب ماحد يعرف متى اجله ..وقالوا خلال سنة ان شاء الله
يمكن تتغير الاوضاع طبعا اتصالات بينهم وكلام حب واشتياق على اساس يمكن يتزوجها ومن كثر ما تبين له تعلقها فيه تعلق هو
فيها اكثر وصار يتكلمون اكثر من ثلاث مرات باليوم وضحك ووناسة وانا اذا دقيت قال عندي شغل قمة القهر
طبعا عرفت المكالمات والرسايل من جواله بس ما بينت له اني اعرف كتمت في قلبي وزدت عليه جرعات الحب والحنان
وصرت ادلعه اكثر وكل يوم لوك جديد وارسل له رسايل الحب مع انه اصلا ما يحب الرسايل
يتكلمون بالماسنجر وهو ولا عمره كان يستخدمه واذا قلتهله ترى ما يجوز تكلمها قال احنا مخطوبين وهي محترمة وطيبة واحسن منك ضحت عشاني ووقفت في وجه اهلها انتي ما ضحيتي عشاني
سبحان الله ..مشكلتي عاطفية بزيادة نفسي اكرهه عشان ارتاح واحس كل تصرفاته الزينة معاي يسويها مجاملة عشان ما انكد عليه ويريح راسه قلبي متحطم للاخر ..كيف قدر ينساني بسهولة ويحب غيري عشانها اصغر وبتدلع عليه
كيف ما يشوف لها عيوب ابدا ويكذب انه مو حب ولكن التزام ادبي نحوها ...هههه شي مضحك..واخر شي يقول تراني عقدت عليها بعدين
قال اكذب عليك بس اشوف ردة فعلك بعدين لما اصريت عليه يقول الحقيقة قال عقدت عليها فعلا بعدين حلف انه ما عقد وينتظر الفرصة المناسبة ما صرت اصدقه ولا اثق فيه ..يقول يمكن خلال سنة اوسنتين
اتزوجها الله اعلم
ويبغاني اتعذب سنة انتظر يتزوجها ولا لا يارب كن معي الله يربط على قلبي
وتدق عليه وهو معانا حسبي الله ونعم الوكيل وياويلي اذا قلت عليها كلمة مو زينة ..
اخر شي البارح ادق عليه ما رد لانه يكلمها فضلها علي يكلمها في الطريق وهو يسوق ولما اكلمه يقول سكري تبغيني اسوي حادث وهي عادي معليش ..آلمني هذا الموقف وبشدة حسيت بجرح كبير وكرامتي انهانت
سامحوني هذي قصتي باختصار وما زلت اعيش احداثها بكل حزن .
ماني قادرة اكون طبيعية معاه وانا مجروحة ما اعرف انافق ما اعرف امثل حتى الكذب ما اعرف اكذب
اذا كان الشي مو خارج من قلبي ما اقدر اتصنع وهو عارف اني عرفت انه يتكلم معها بس ينكر انه عايش قصة عشق وحب معها
وخايفة كل ما طالت الايام يزيد التعلق وانا اكون على الهامش..كيف المفروض اعامله وكيف اتصرف معاه
ادعو لي اخواتي فأنا بحاجة لدعواتكم ربي يوفقكم ويسعدكم دنيا واخره
السلام عليكم ورحمة الله وبركاته
الله يحييكم خواتي جميعا أحبكن في الله
ربي يسعدكم دنيا واخرة
من زمان ودي انضم لكم بس انشغل بالبيت والاولاد الله المستعان
..الصراحة انا معيشة نفسي في جو من الحزن كبير جدا ومعاناة مالها حد والسبب
صدمتي بزوجي كان يضرب المثل فينا بالحب والوئام ولكن من ثلاثة شهور فقط راح الحب في نظري
تخيلو بعد عشرة عشرين سنة يفكر بالزواج قال ايش يجدد شبابه ..سبحان الله ما يصير يجدد شبابه معاي
وانا ولله الحمد مو مدح في نفسي بشهادة الجميع على قدر من الخلق والجمال بفضل الله وعندي اولاد وبنات
والي يشوفني عطاني اصغر من سني ويبان زوجي اكبر مني بمراحل ويفكرونه شايب عمري38 متعلمة وهو كذلك
تحملت عصبيته سنين ولما صرت اعرف اتعامل معاه فكر بغيري يقول حلو التجديد خاصة بعد تشجيع من اصحابه المعددين
واذا الحيت عليه وقلت قصرت بايش معاك يقول ولا شي بس اذا عصب قال انتي متعالية علي وتناقشيني وانا ابغى وحدة
اقولها يمين تمشي شمال تمشي تخيلو يبغاني امعة وهبلة مع اني اصلا مطيعة ودائما في البيت وما احب الخروج
المشكلة اني ما قدرت اقنعه فاستسلمت لامر الله وقلت الخيرة فيما اختاره الله
بس المشكلة لما خطبها كان الوضع عادي وقال هي او غيرها وهي مقبولة شكلا ومحترمة ومن عائلة طيبة وفي اواخر العشرينات
تعمل معاه في نفس الشركة ..ويتيمة الاب ومقاطعة اهل ابوها واعمامها خطبها زوجي ووافقو لكن عرفو اعمامها وجدها فمنعو الزواج
لانها ما خذت رايهم وقال زوجي خلاص لكنها تمسكت فيه هي واهلها وقالو ما عليك منهم خلنا ننتظر يمكن يموت جدها وتصير الولاية لاخوها بالله هذا منطق يستنون الجد يموت استغفر الله يارب ماحد يعرف متى اجله ..وقالوا خلال سنة ان شاء الله
يمكن تتغير الاوضاع طبعا اتصالات بينهم وكلام حب واشتياق على اساس يمكن يتزوجها ومن كثر ما تبين له تعلقها فيه تعلق هو
فيها اكثر وصار يتكلمون اكثر من ثلاث مرات باليوم وضحك ووناسة وانا اذا دقيت قال عندي شغل قمة القهر
طبعا عرفت المكالمات والرسايل من جواله بس ما بينت له اني اعرف كتمت في قلبي وزدت عليه جرعات الحب والحنان
وصرت ادلعه اكثر وكل يوم لوك جديد وارسل له رسايل الحب مع انه اصلا ما يحب الرسايل
يتكلمون بالماسنجر وهو ولا عمره كان يستخدمه واذا قلتهله ترى ما يجوز تكلمها قال احنا مخطوبين وهي محترمة وطيبة واحسن منك ضحت عشاني ووقفت في وجه اهلها انتي ما ضحيتي عشاني
سبحان الله ..مشكلتي عاطفية بزيادة نفسي اكرهه عشان ارتاح واحس كل تصرفاته الزينة معاي يسويها مجاملة عشان ما انكد عليه ويريح راسه قلبي متحطم للاخر ..كيف قدر ينساني بسهولة ويحب غيري عشانها اصغر وبتدلع عليه
كيف ما يشوف لها عيوب ابدا ويكذب انه مو حب ولكن التزام ادبي نحوها ...هههه شي مضحك..واخر شي يقول تراني عقدت عليها بعدين
قال اكذب عليك بس اشوف ردة فعلك بعدين لما اصريت عليه يقول الحقيقة قال عقدت عليها فعلا بعدين حلف انه ما عقد وينتظر الفرصة المناسبة ما صرت اصدقه ولا اثق فيه ..يقول يمكن خلال سنة اوسنتين
اتزوجها الله اعلم
ويبغاني اتعذب سنة انتظر يتزوجها ولا لا يارب كن معي الله يربط على قلبي
وتدق عليه وهو معانا حسبي الله ونعم الوكيل وياويلي اذا قلت عليها كلمة مو زينة ..
اخر شي البارح ادق عليه ما رد لانه يكلمها فضلها علي يكلمها في الطريق وهو يسوق ولما اكلمه يقول سكري تبغيني اسوي حادث وهي عادي معليش ..آلمني هذا الموقف وبشدة حسيت بجرح كبير وكرامتي انهانت
سامحوني هذي قصتي باختصار وما زلت اعيش احداثها بكل حزن .
ماني قادرة اكون طبيعية معاه وانا مجروحة ما اعرف انافق ما اعرف امثل حتى الكذب ما اعرف اكذب
اذا كان الشي مو خارج من قلبي ما اقدر اتصنع وهو عارف اني عرفت انه يتكلم معها بس ينكر انه عايش قصة عشق وحب معها
وخايفة كل ما طالت الايام يزيد التعلق وانا اكون على الهامش..كيف المفروض اعامله وكيف اتصرف معاه
ادعو لي اخواتي فأنا بحاجة لدعواتكم ربي يوفقكم ويسعدكم دنيا واخره
