زوجات شمالي شرقي يهمني رايكن؟

[ام سارا الحلوه]

انا متزوجه طبعا شمالي شرقي كنا بصراعات 7سنين موقادرين نتفاهم وعندنا عيال تزوجنا كلنا كنا صغار انا 17وهو20 كم مره كنا بنترك بعض اهلي ببلادغيربلد اهله ....اول مره في حياتي التفت لموضوع الشخصيات طبعا الحين انا بعيده صار لي منه 3شهور بنلتقي عالعيد لي شهر من قريت هالموضوع درست وقريت كثير عن هالشخصيه قمت اطبق شوي شوي واستفدت يعني بالاتصالات لاني ماشفته طبعا انا رحت لاهلي وانا كارهته احس كل شي به خطا طبعا انصدمت ان معظم حياتي معاه تشبه قصص كثير من المتزوجات يعني مافهمته ابدا احسه بارد عصبي مايعجبه شي مايحب الجنس كثير مايضحك كثير دايما اسوي معاه تحقيق في كل شي........
الخ اكيد بتقولون شو ابى رايكم فيه تقريبا كل شي فهمته الابعض النقاط ؟

اشلون اغير شي قهرني فيه دايما زوجات اخوانه يرفعون ضغطي يخيروني اشياء عنه ما اعرفها من خلال ازواجهم كلمته كم مره وتهاوشنا ويقول انا حر مع اخواني؟ لاتقولون ليش تسمعين بقولكم يخبروني انقهر

شو اللي تنصحوني به من ناحيه شكلي صبغ مكياج حركات شو اغير شعري قصير ؟

وزني مره عالي 100ماقدرت انزل الا10كيلو وهودايم يعيب على جسمي والحين ماتم الاشهر ونص ويي شو اقدر اسوي؟

انا ركبت خزامه لانه يحبها دايم لما احط فصوص يمدحها ابى افاجاه ؟عطوني افكاركم

انا ماكنت اهتم للبس الفتره الاخيره بسبب المشاكل هل لهالشي رد سلبي منه وشو اشتري ملابس تناسب شخصيته مايمدح شي

المشكله الاخيره دايما يحط رقم سري على فونه واهاوشه ويقول اسرار عمل يقهرني شلون اغيره؟

للامانه هو كريم وقلبه طيب بس مايحب يسولفه وانا ثرثاره مااقدر اشكي له لانه مايهتم ابدا يحب السكوت واهم شي الكوره وبس؟

لاتبخلون علي كلامي ملخبط بس استحملوني ماعند حد اخد رايه؟؟

 

[ام سارا الحلوه]

تكفون ابى ردوود؟؟؟

 

[حلمي ما أكتمل]

صباحك معطر بذكر الله ..
شوفي ياقلبي جد وزنك مره كبير لازم تنحفين اشتري بنادي
خففي من اكلك كثري من السلطات كويسه مره للي يسون دايت
شعرك قصيه اصبغيه غيري من شكلك أبرزي أنوثتك بملابسك الناعمه
حاولي انك ماتثرثين كثير على زوجك خليك ثقيله وخليه يشتاق لثرثرتك
اتمنى اكون افدتك ولو بشي بسيط​

 

[ام سارا الحلوه]

تسلمين اخت حلمي ما اكتمل
والله احاول انزل بس ماينزل بسهوله؟؟

ومن ناحية اللبس شويناسبة البناطيل الشورتات القمصان؟
وودي اغير لون شعري بس يقول مايحب الا اللون الاسود؟اغيره يعني تجديد؟

 

[عذبةالوصف]

حلو انك عرفتي نمط زوجك وهذا بيسهل عليك اشياء كثير

وكمان حلو انك عارفه بعض عيوبك

كوني صاحبة همه كوني قويه واهزمي الضعف فيك
انقصي وزنك ولا تياسي لو 5 ك فيها الخير وحلوه
استمري ورح تنقص بعد هالخمسه خمسات تانيه

عندك ملفات الشمالي موضيعه كثير في قسم الزوج والوزاج
اغلب زوجات الشمالي مثلك (((((كــــــانــــــوا)))) بيعانون
بس بهمتهم وتركيز على هدف (اكسب زوجي ) قدرو يوصلو لهدف بعون الله

استعين بالله وابدائي اقراي وطبببقي <وهذا المهم
لاتستسلمي للشيطان والضعف اللي ممكن يخرب بيتك

وتاكدي انك عمرك مابتخسري
وحاتكبري قدرا عندالله اولا ثم عند زوجك

 

[عذبةالوصف]

هذه بعض تجارب زوجات الشمالي الشرقي:


تجربتي مع الشمالي الشرقي الشرس كيف روضتة وجعلتة كالخاتم بأصبعي..

http://www.niswh.com/vb/showthread.php?t=322919



الاستايل المفضل لدى الرجل الشمالي في الملابس والاكسسوارات والتسريحات ^_^ تفضلوووووووا

http://www.niswh.com/vb/showthread.php?t=331722


وان شاء الله اشوف اخبار تسعدني

 

[نووووفه]

1 لتخفيف الوزن انقعي زنجبيل مع نعناع في ماء حار لمدة 5 دقايق واشربي 4 كاسات في اليوم
2لاتتركين مجال للحريم انهم يستفزونك او يزرعون فتنه بينك وبين زوجك واذا وحده قالت لك شي عن زوجك قولي عاااااارفه
3احترمي خصوصية زوجك
اما اختيارك للبس على حسب جسمك اذا كان مفصل اولا
الله يصلحكم لبعض

 

[ام سارا الحلوه]

تسلمين اختي عدبة الوصف والله ماقصرتي ربي يسعدج...

 

[زحل..]

اول شي خليه يثق فيك يعني بلاش مسكت الجوال والرقم السري الي فيه خليه براحته حاليا
الرجل بشكل عام يجي بالمدح يعني امدحية دايم بس بشي يعجبك انه يسويه
لاتتدخلين بتصرفاته مع اخوانه هو حر انتي تنقصين من رجولته اذا علقتي عليه
اهتمي بنفسك بوزنك غيري قصة شعرك البسي حلو سوي مناكير بدكير اذا جلستي معه اهتمي فيه واذا انشغل عنك بلاب توب او غيره اهتمي بنفسك سوي اضافرك
حطي كريم
ودايم خلي الميك اب عليك بشكل خفيف وخلو وتكلمي بصوت ناعم وهاديء ومغري واكليه بيدك وامسحي على جبينه ودلعية ع الاخر فاجاية بليله رومنسيه او عشاء رومانسي
والله يوفقك يارب

 

[نورة66]

السلام عليكم

اختي الحبيبة الله يفتح لك ابواب الخير

اولا فعلا حطي في بالك ونصب عينك ان الشمالي يهتم كثير للجسم "غصب عنه"
من النوع اللي نفسه تصد بسرعه .
فاولا ادعي الله ان يعينك على النحافه وانتي بعافيه تامه
ثم خذي بنصيحى الاخت اكثر من شرب الزنجبيل والشاي الاخضر
يحرقون الدهون ومع الوقت يسدون نفسك عن الاكل وتصغر حجم المعده
وشرب الزنجبيل يجمل البشرة ومقوي جنسي للمراة ويدفي منطقة المهبل


ولابد انك تغيري طبعك في كثرة سؤاله انا كنت مثلك اتحسس لما اسمع شيء من اهله
عن امور تخصه وانا اخر من يعرفها ولكن هذا طبع فيهم ليس انتي فقط المقصوده كل زوجات الشمالي
يشتكون من نفس المشكلة غير انك انتي تزيديني باقتحام خصوصياته كالرقم السري وو
انا زوجي كل شيء رقم سري ولا اقوله ليش تحط ارقام
وبالفعل لما تغيرت في نفسي واهتمامي واصبحت هاديه وقد ما اقدر اعطيه الحريه
وقد ما اقدر ما اسال عنه بالرسايل او اتصل فيه
بدا بفضل ربي يتغير للافضل ولكن لازم يكون عندك طووووول نفس وصبر واعصابك في ثلاجه
لا اسئلة لا عتب لا تفتيش لا صوت عالي

والله يوفقك واي سؤال انا في خدمتك

 

[رازيا]

للرفع

 

[عائشة الخطيب]

نبغى مواضيع اكثرعن الشمالي الشرقي كملوا

 

[معلمة متألمة]

حبيبتي......

الشمالي ..... عشان يحبج.. حبي روحج..
اهتمي بروحج... بالمطبخ... ثقفي روحج.... اهتمي بالعيال...

ابتسامج لاتفارق وجهج... الزعل والصراخ مايجيب اي نتيجه مع الشمالي غير هذا يخرب انوثتج.... ونعومتج...

الهدووووء واللين والهوووون ابرك مايكون.... اهتمي باغراضه لبسه اكله مكانه.. سوي لج جوّج الخاااص بالبيت.. انشغلي بالبيت وبالعيال وبروحج عنه...... (مو تزودينها وتعطينه طااف ) يعني الثقل زين مع الشمالي وخليه يشوف انه مو اهم شي بيحاتج.... ترى الشنمالي لو شاف انه اهم شي عندج بيتعبج وبيطلع روحج.. ومسأله انج تصيحين وتصارخين وتزعلين لو شفتي منه اي شي يضايقج... مايفيد معاه...

ادبيه بالثقل والغموووض والهدوووووء لاتتنرفزين..... وربي ما من الزعل الا الاهم والمرض والقهر فوق ذا كله انه ماراح يجيب اي نتيجه معااااه....

واقري عنه واقري عن تجارب الخوات اللي ازواجهم شماليين..

من جد طينتهم ثقيله بس لما تثقلين ويشوف انه مو اهم شي بحياتج ينجن ويصير اخف من ثوبه حتى لو تصنع الثقل والرسميه..... عا رفه طبعم الثقيل والرسمي والجااااااااف واعرف لما تضيع علومه ويمثل الرسميه...

حبيبتي ..... الشمالي لازم تطولين بالج معاه...... الزعل مستحيل يجيب اي نتيجه معاه فلاتتعبين روحج وتجيبين لروحج الهم

واهم شي الزمي الدعاااااء و..غاليتي.... لما نقوّي علاقتنا بالله اقسم بالله يتسخر لنا كل مانريد ويفرج لنا كل كرب...... وربي كنت ف مصااااايب لايعلمها الا ربي ولا فرجها الا ربي وحده...... لم اشكو لغيره ولم يدري بها الا هو سبحانه..........

قلبي وربي معاج...​

 

[ام سارا الحلوه]

اشكر كل العسولات البلقيسيات اللي ردوا...

بس انا موقادرة اخد راحتي لانه قاعد مع اهله في البيت يعني مقدر البس براحتي ماعندي خصوصيه الا بحجرتين وصاله وكل مااقنعته انه نستقل بروحنا يقنعني مرة راتبه قليل ومره اهله موقادر يتركهمم واللي قاهرني اهله مدلعينه كانه طفل والحين بيدخل 30 يعني موصغير وفوق هدا مايخفي عنهم ادق التفاصيل انا ابي اتغير واكسبه ويقول كل شي لي انا ما انكر ان اهملت نفسي سنين بسبب جفاه معي والمشاكل بس انا احط اللوم على الحمل والولاده خربت جسمي واشغلتني كثير الحمدلله اربعه و راء بعض الكبير 6سنوات بس الحين توبه بوقف 10 سنين تزوجته ووزني 58والحين 100وانا يمكن تكلمت عن وزني كثير لانه دايما يرمي اخطاءه على جسمي اسد نفسه ....الخ بس والله مسويه مجهود ومب قادره انزل ماخليت فحوصات ولاشي وماتم قدامي الاشهرونص وكل يوم يتصل يقول ضعفتي.....!!احاسه حاط وزني براسه مدري بنات هل الجسم ممكن تترتب عليه مشاكل كثيره؟؟والله الحين مستسلمه لاي حبوب المهم اضعف عشان اشوف اخرتها معاه .

 

[شوكولآطآ]

اتركي الحبوب ولا تستسلمين لأي شيئ ذي صحتك لو جاك شيئ تركك ورآح لغيرك

ابدئي خطوات سليمه عشان توصلين لنتائج سليمه ومرضيه

اول شيئ مشآكلكم كثيره ودآيم ناقر ونقير نصيحه من أخت مجربه

طنشي كل مايضايقك منه

تأكدي هو مايسوي كذا إلا لأن طبعه كذا لا يعاندك ولا يستفزك ولا إنه مايحبك لا بالعكس يحبك ويغليك بس هو طبعه كذا

كوني هادئه ، ناعمه ، ولا تتركين كلمة حآضر في كل شيئ يطلبه منك ولكن إحتفظي بعزتك لنفسك وإحترآمك وثقتك

لا تطلبين منه كل ماتريدين مثل يفتح رمز الجوال ، يخبرك بأسراره ، خذيها منه أنتي بحكمه و رويه

إذا شافك هادئه رآح يجيك بنفسو لأنه بطبعه هادئ يحب الهدؤ والرآحه خليه يشوف في البيت السكينه والرآحه وأطفال مرتبين وهادئين وأم واثقه ومربيه ناجحه وفي نفس تقدرين تمتصين تعبه وزعله وبإذن الله ماتندمين


إذا سألك مره ثانيه نحفتي ؟ قولي له كلهم يقولون نحفت بس أنا باقي أبغى انحف اكثر عشان صحتي وعشان السمنه ماتجيب الا الأمرآض

وابدئي مشوار الألف ميل .. لا تستسلمي ولا تملي

دآم إن وزنك الأصلي 58 معناته بترجعين له بإذن الله بس حاجتين انتظمي فيها و ثقي تمآما إنك بتنزلين بسرعه لأن جسمك كله مويه رآح ينزل من أول ماتشدين على نفسك
1/ ريجيم كيميائي
2/ رياضه بإنتظآم يوميآ

استمري وثابري .. شهر تقدرين تنزلين فيه 30 كيلو من وآقع تجارب ارآها بنفسي
وبتشوفين نتائج مبهره


الشيئ الثاني /
بما إنك عايشه مع أهله الشمالي بمجمل الحآل يحب الملآبس الساتره حتى في البيت البسي القصير الى اسفل الركبه او البنطلون اللي عليه بلايز طويله الى الفخوذ البسي الإكسسوارات عادي ونوعي وشكلي ورآح يحبك بها الإستايل

لا تستلمي للمشآكل او إنتقاداته لجسمك بالعكس افعلي الشيئ لنفسك فقط وفي تفس الوقت استري نفسك لنفسك لا تفعلينه حتى يرضى ولكن حتى يرضى ربي فيرضيه عنك؟

لا تغيرين بس شكلك ولكن نفسيتك اضحكي كثير ، تعمدي المواضيع الي تخلي مزآجكم رآيق

مواقف مضحكه صارت لك عند أهلك أو أطفالك او في الشارع <~ ادري مارآح يضحك ويوريك إنو مبسوط هو كذا

بس مع الوقت بيتعود لأنه مايظهر كل شيئ عنده إنتي تكلمي وأضحكي واتركيه عادي كأنك شفتيه ضحك ومات من الضحك و انشغلي بأي شيئ وانسي الموضوع

اشغلي نفسك عنه لا تقعدين في وجهه 24 ساعه ولا تسألينه كثير خليه هو يسأل عنك وهو يسألك

واي موضوع ينرفز لا تصارخين على طول ولا تعصبين ولا شيئ <~ ريلآكس خذي الأمور ببساطه

حتى يهدئ وتكلمي معاه بهدذؤؤؤؤ وقولي وجهة نظرك بكل هدؤ وأتركيه سوآء أقتنع فيه او ما اقتنع لأنه بإختصار حتى لو أقتنع مارآح يظهر لك
وإذا أقتنع رآح يسويه من نفسه بدون ضغط

الله يسعدك ويسهل أمرك ويسخركم لبعض

 

[زحل..]

لا اخت شوكولاطا الريجيم الكيميائي يرهل الجلد ويرجع الوزن بسرعة ويضعف العضلات اساليني انا مجربتها وندمت ندم شديد

 

[ام سارا الحلوه]

اختي شوكولاطا
(اول شيئ مشآكلكم كثيره ودآيم ناقر ونقير )

هدا المقطع جيتي عالجرح والله
واشكرج واشكركل البنات والله احب اسمع و اقرا نصايحكم على طول.....

 

[شوكولآطآ]

اختي زحل : فيه أنوآع كثيره من الريجيمات وتقدر تلآقي أللي تبغا

بس بحكم إنها تبغى تنحف في خلآل شهر ونص بشكل ملحوظ فأنا شفت إن هذا الريجيم أفضل حل بإذن الله

أما الترهل وترجع بسرعه إذا إنتي نسيتي نفسك ورجعتي على نفس نظآمك رآح يرجع كل شيئ
إلا إذا حملت فالله المستعآن ، ولكنها تقول ما رآح تحمل خلآص

فعشان كذا نصحتها فيه ، وأسأل الله أن ييسر لها مافيه الخير لها ولحيآتها

 

[رندا كووول]

انا متزوجه طبعا شمالي شرقي كنا بصراعات 7سنين موقادرين نتفاهم وعندنا عيال تزوجنا كلنا كنا صغار انا 17وهو20 كم مره كنا بنترك بعض اهلي ببلادغيربلد اهله ....اول مره في حياتي التفت لموضوع الشخصيات طبعا الحين انا بعيده صار لي منه 3شهور بنلتقي عالعيد لي شهر من قريت هالموضوع درست وقريت كثير عن هالشخصيه قمت اطبق شوي شوي واستفدت يعني بالاتصالات لاني ماشفته طبعا انا رحت لاهلي وانا كارهته احس كل شي به خطا طبعا انصدمت ان معظم حياتي معاه تشبه قصص كثير من المتزوجات يعني مافهمته ابدا احسه بارد عصبي مايعجبه شي مايحب الجنس كثير مايضحك كثير دايما اسوي معاه تحقيق في كل شي........
الخ اكيد بتقولون شو ابى رايكم فيه تقريبا كل شي فهمته الابعض النقاط ؟
مدام عرفتي نمطه حيسهل عليك التعامل معه
اشلون اغير شي قهرني فيه دايما زوجات اخوانه يرفعون ضغطي يخيروني اشياء عنه ما اعرفها من خلال ازواجهم كلمته كم مره وتهاوشنا ويقول انا حر مع اخواني؟ لاتقولون ليش تسمعين بقولكم يخبروني انقهر
لاتسمعين لكلامهم وطنشيهم وهو حر مع اخوانه لاتتدخلي بينهم
شو اللي تنصحوني به من ناحيه شكلي صبغ مكياج حركات شو اغير شعري قصير ؟

وزني مره عالي 100ماقدرت انزل الا10كيلو وهودايم يعيب على جسمي والحين ماتم الاشهر ونص ويي شو اقدر اسوي؟

انا ركبت خزامه لانه يحبها دايم لما احط فصوص يمدحها ابى افاجاه ؟عطوني افكاركم

انا ماكنت اهتم للبس الفتره الاخيره بسبب المشاكل هل لهالشي رد سلبي منه وشو اشتري ملابس تناسب شخصيته مايمدح شي
ادخلي قسم الزوج والزواج وشوفي اللي يناسب نمطه
المشكله الاخيره دايما يحط رقم سري على فونه واهاوشه ويقول اسرار عمل يقهرني شلون اغيره؟
هاذي خصوصياته مالك حق تدخلي فيها ولاتفتشي في جواله واغراضه حتى لاتنعدم الثقه بينكم
للامانه هو كريم وقلبه طيب
هذا اكبر سبب يخليك تتمسكي فيه وتحافظي عليه
لاتبخلون علي كلامي ملخبط بس استحملوني ماعند حد اخد رايه؟؟

الله يوفقك ويسخره لك

 

[نفحة زهور]

ما عندي خبرة .. الله يوفقج عزيزتي