زوجات المغتربين تعالو شوي ...

[دنيتي ضحكه]

السلام عليكم
انا زوجي مغترب من حوالي اربع سنين يمكن كل سنه نشوفه شهرين او اكثر شوي
وانا بحكم شغلي ما اقدر اسافر معه
وعندي ولد عمره خمس سنوات ونص وبنوته عمرها 3 وشهرين
بنتي ماتعرف ابوها جت فتره تحسب السايق ابوها والله تعبت
وولدي اليوم اول ماصحى من النوم رفض الفطور وماقام من سريره جيت عنده وسالته ليه زعلان
انا انصدمت لمن قالي ماتوقعت انه يجي يوم ما اعرف شو ارد عليه
قال ماما
بابا ليه مايحبنا
قلت له لا بابا يحبنا واحنا جاهزين بنروح له الاسبوع الجاي قال اذا رحنا مانبي نرجع او يجي معنا
اااه ياطفلي ماعرفت شنو ارد انا اكثر منك تعبت الفرقى تعبت المسئوليه
قلت ان شا الله حبيبي
قال قولي وعد
قلت وعد<<احس وعدته ومابيدي حيله
امس هو راح يلعب مع عيال عمه شكلهم قالو له شئ لانهم دايم يعايرونه انو ابوكم مو عندكم
لا ما اقدر بنات كيف اتعامل مع ولدي ياقلبي
اليوم شاحب لونه ومنطوي وكنت واعدتهم اليوم نروح الملاهي بس رفض قال مابي اروح الا مع بابا ؟؟؟؟؟؟؟؟؟؟؟
اقول لابوهم والا اسكت لان لو قلت له اتوقع بيحاول يرجع لان هو مو في حاجه الغربه
لاتسالون شؤ يشتغل لان ما اقدر ارد
وانا ودي اقوله ابيه يرجع تعبنا فراق

 

[لغيرك لاتخليني]

حبيبتي..دام انه مو بحاجه للغربه ليش مايرجع
خلي ولدك يكلم ابووه ويقوله تعااال او انتي قوليله ايش قال ولدك
وليش طيب ماترووحين معه
مهمااا كان خاصه الولد يحن لابووه ويحب يكووون يمه
كلمي زووجك دام انه ماله داعي بعده عنكم حتى انتي بينيله انك مشتااقتله وتعبتي من بعده عنك
وان شاء الله يقر عينك انتي وعيالك بشووووووووووووفته

 

[رازيا]

ما ادري ليش مكبرة الموضوع وهو صغير
اتصلي على زوجك وقوليله كل شي عن اطفاله يسئلوا عليه وهم مشتاقين له
عزيزتي صعب الزوجة تجلس تربي اولاد صغار بروحها لازم رجال معاك يساعدك
قوليله اولادك مو راضين ياكلوا ولا يلعبوا كله يسئلون عنك
لا تقصرين قولي كل شي له ولا تخبي عليه
اما انتي تروحي عنده تعيشي او هو يجي ويترك شغله ويشوف له شغل عندكم
اضغطي عليه لين يرجع مع شوية دموع منك يمكن يحس على حاله شوي الله يهديه ويصلح حاله ويسخره لكم

 

[نور زوجها]

مهما كان شغلك زوجك ابدى

 

[تشكرات]

كل الكلام اللي دار بينك وبين ابنك انقليه لزوجك بحذافيره وباحاسيسه

ولا تخبّي شئ عنه ...الأاطفال في هذا العمر يحتاجون لأبيهم

نفسيّآ وعاطفيّآ ....وبعدين زوجك مو محتاج لهذه الغربه ومعاناتها

عائلته أولآ ....

أنــا حزنت على موقف بنتك الصغيره تحسب السواق ابوها ههههه

حتى هذا الموقف قوليه لزوجك ( والبنت عزيزه وغاليه على أبوها )

ربي يجمع شملكم ...

 

[دنيتي ضحكه]

لغيرك يسلمو والله حنيت وكل يوم اقول خلاص تعال مافيه فايده
يقول بامن مستقبل عيالي بس صار على حسابي انا وعياله


رزايا عذره الوحيد انو عياله صغار مايفهمو
حاولت كثير اني اسافر عده بس ماقدرت لاني ما احب الغربه
ويشوفني مربيه عياله زين كل ماقلت له تعبت يقول لا فيك الخير والبركه
والدموع نشفت من كثر ماشافها

نور زوجها
لا حرام اترك شغلي بهالسهوله
لانو انا تعبت لمن وصلت للي انا فيه في يوم وليله اتركه
مستحيييل
هو وظيفته هنا مرموقه بس يطلع برا علشان يتدبل الراتب 3 اضعاف
ما ابي فلوس كرهتها
الله يحنن قلبه علينا

 

[دنيتي ضحكه]

تشكرات قلت له سالفه بنتي قال توها صغيره تكبر وتعرف
قلت ماسمعتها وهي تقول للسايق بابا
كان تقطع قلبك
صرف الموضوع ولا تكلم فيه
ان شا الله اليوم اذا كلم بنسوي مناحه انا وعيالي علشان يرجع ولا نسافر له لاننا نبيه في ديرتنا مانبي نتعذب برا

 

[الأميرة شهرزاد]

حبيبتي
هوينها و تهون إن شاء الله
إذا كلم زوجك خلي عياله يكلمونه و يقولوا له كل اللي بقلوبهم عشان يحن و يرجع
و إنتي بعد لا تقصرين معه حاولي فيه
إذا إنتم مو في حاجة الحمدلله خلاص لازم يرجع
و الله إني حاسة فيك لأني مريت بنفس التجربة لكن سفرته كانت شهر بس
و الله يرد لك زوجك و يسخره لك و لأولادك يااااااااااارب​

 

[دنيتي ضحكه]

يسلمو شهرزاد
مشكلته ابد مايسمع من عياله
اذا كلمهم مايخليهم يشكون يسكتهم بجيب لكم وبسوي لكم وهم يسكتون

 

[ايمومي]

ربي يعينك

 

[nosa6-1]

والله صعبة صدقتى قديش الواحد بيتحمل لو زوجك فى نفس البلد ايلى فيه انا جيبى عيالك وتعالى نسلى بعض بس قلت اضحكك وربى يفرحك عن قريب يارب وادعيلى انا بعد معاك

 

[حنين احضان]

طيب هو ياقلبي مامل من الغررربه
كم له مغتترب؟؟؟

 

[زحمة جروح]

• مشكلتك فعلا غريبه لازم واحد فيكم يتنازل يعني اربعه سنين وهو لوحده في غربه فكري واستخيري الله زوجك اولى فيك وبعياله
• يابنت الحلال انا ما ادري اذا الوقت فاتك ولا لا بس الحين اذا رحتوا عنده راح يتملل بسرعه تعود على الهداء وراحه هناك ماتخافي على زوجك هنا وحدة تاخدة منك لو بحرم حتىلو كان عسكري ترى عندهم طرق ملتويه لهذي الامور نحناهنا في بلادنا ورجالنا يخوووونوا كيف برا ومغريات كثيره
• المهم حاولي الحين تسوي عادة تاهيل للعيالك قبل تروحوا انها فتره بس وغلط كمان توعديه اذا انتي مارح تتنازلي ولا ابوه
• فكري واستخري يابنت الحلال واذا انتي موظفه حكوميه يعطونك الحاق بزوجك اجازة من غير راتب ورحي خليه هو يصرف هناك عليكم ويعوضكم على اربعه سنين
• واذا ماتحبي الغربه اعتبيرها فترة ومحطة من حياتك ياالغلا تغير فيها شويه خذي لغه وعيالك يتكلم لغه كمان طالعي في ايجابيات هناك وزجك له فتره هناك يعيني يعرف كل شي واموك تمام من مستشفى ومدارس وغيره الحمدالله
• الله يسهلك امورك يارررررررررب

 

[دنيتي ضحكه]

ايمومي يسلمو
نوسه الله يهونها عيك وعليه لو انك قريبه نتسلى سوا
هههههههههه
حنين لاياعمري مامل الله يكرهه في السفر ويرد لنا
صارله اربع سنوات مغترب

 

[حنين احضان]

الله يعيينك ياقلبي ..
بس انا اضم صووتي لاختي زحمممة جرووح
واللله صااادقه ...
ايه هونييها وتهوون انشاءالله

 

[دنيتي ضحكه]

• مشكلتك فعلا غريبه لازم واحد فيكم يتنازل يعني اربعه سنين وهو لوحده في غربه فكري واستخيري الله زوجك اولى فيك وبعياله
• هذا اللي انا دووم اقوله خلاص كفايه غربه تعبنا بس الله يعين
• يابنت الحلال انا ما ادري اذا الوقت فاتك ولا لا بس الحين اذا رحتوا عنده راح يتملل بسرعه تعود على الهداء وراحه هناك ماتخافي على زوجك هنا وحدة تاخدة منك لو بحرم حتىلو كان عسكري ترى عندهم طرق ملتويه لهذي الامور نحناهنا في بلادنا ورجالنا يخوووونوا كيف برا ومغريات كثيره
• لا الله يستر عليه
• بس هو ينبسط اذا جينا عنده وينبسط اذا جانا ما ودي انه يفارقنا حتى عياله يتعلقون فيه بس يسافر يبدوون ينسسون
• المهم حاولي الحين تسوي عادة تاهيل للعيالك قبل تروحوا انها فتره بس وغلط كمان توعديه اذا انتي مارح تتنازلي ولا ابوه
• انا عارفه اني غلطت لمن وعدته بس ابيه يقوم ويرجع زي اول وان شا الله ابوهم بيرجع معنا
• فكري واستخري يابنت الحلال واذا انتي موظفه حكوميه يعطونك الحاق بزوجك اجازة من غير راتب ورحي خليه هو يصرف هناك عليكم ويعوضكم على اربعه سنين
• لا انا مستحيل اترك وظيفتي ومايعطوني الحاق اكثر شئ احصله ثلاث شهور متواصله ما اترك وظيفتي عقب التعب اللي شفته
• واذا ماتحبي الغربه اعتبيرها فترة ومحطة من حياتك ياالغلا تغير فيها شويه خذي لغه وعيالك يتكلم لغه كمان طالعي في ايجابيات هناك وزجك له فتره هناك يعيني يعرف كل شي واموك تمام من مستشفى ومدارس وغيره الحمدالله
• انا الحمد لله عندي لغات مو لغه وعيالي يتعلمون انقليزي اللحين والدوله اللي هو فيها صعب جدا اروح لها مستحيييل
• الله يسهلك امورك يارررررررررب

تسلمين اللهم اميييين

 

[nosa6-1]

اقولك اختى ايش رايك تاخدى اجازة سنوية من شغلك وتروحين عنده تشوفى الاجواء لو عجبتك القعدة خليك مع زوجك والله ترى العمر يمشى واحنى ما ندرى وحبيبتى لا تزعلى نفسك كل شى وله حل بادن الله

 

[دنيتي ضحكه]

يسلمو
اخر المستجدات كلمت زوجي وخليت ولده يكلمه وقعد الولد يبكي يقول تعال مانبي نجيك ما احب ..........الدوله اللي هو فيها
قال ابوه لاانت بتجي وبنروح البحر وبنروح الملاهي اللي تحبها
ودار حوار طويل عريض
اخر شئ قال انتي السبب انتي تشيشين الولد عليه تبينه يكرهني
ياربي قلب السالفه عليه وانا مالي ذنب
اول مره تصير بيننا مشكله
قفلت الخط وانا ابكي دق مارديت ارسل مسج قال تعالو ويصير خير
ارسلت له
اذا تبينا تعال انت واترك كل شئ علشاننا نحتاجك بيننا
دق ولا رديت لان ما ابي اضعف اعرف نفسي احن له
ارسل بتجون وبتصلح الامور انا احبكم وكل ذا علشانكم
ارسلت له لا مابنجي وبكنسل الحجز وبروح لاهلي تبيني تعال لي عندهم ونتفاهم
دق وكسر الجوال من كثر ما دق
ارسلت ماعندي شئ ازيده لاتتعب عمرك مابا ارد
ارسل بالحرف الواحد
قسم بالله لو ماجيتي ورحتي لاهلك لاخذ عيالي واحرق قلبك
ياويلي كل ذا يطلع منه
وانا وش سويت له ما ارسلت له شئ وقعدت ابكي لين نشفو دموعي
بعد تقريبا 3 ساعات
ارسل انا اسف والله اني احبك واغليك بس انتي تقهريني على بالك انا مبسوط وعيالي يكبرون بعيد عني
انا برجع بس اصبرو شوي
وان شا الله تجون ونتفاهم على كل شئ
ارسلت له يصير خير
وارسل لي مسج حب وغزل
وبس
اسافر والا لا
احس اني توهقت

 

[لغيرك لاتخليني]

يسبحااااااااان الله انتي مكبره الساالفه رووحي له وخلي عيالك يفرحوووون
اهلك لاحقه عليهم..
يعني زين منه حاجزلكم وقال تعاالوو في غيره لااااا
ياابنت الحلااال بلاش عناااد وروحي لزوجك

 

[دنيتي ضحكه]

لغيرك ياعمري انا ما كبرته
انا المشكله الولد بيتعقد وهو ولا هامه ولاهو بحاجه الغربه والمرمطه