زواجي الثاني سينهار والسبب إنسانه بدون ضمير ..

[أسرار زوجها]

السلام عليكم ورحمة الله

أحتاج منكم إلى نصيحة لأني منهارة جدا وأشعر بالتعب

تزوجت من حوالي عشرين يوم وهو الزواج الثاني لي .. زوجي ولله الحمد طيب معي و حنون وماقصر معي بشئ طوال هالفترة

لكن قبل يومين الشيطان وسوس لي وفتحت جواله .. وليتني مافتحته

تفاجأت بكمية كبيرة من أرقام البنات .. و رسائل غزل ..

لكن اللي صدمني أكثر هو وجود اتصالات ورسائل من طليقته .. و حتى بعد زواجنا فيه بينهم علاقة مع العلم إنه مطلقها من حوالي سنة

حاولت أستحمل لكن ماقدرت .. و استجمعت كل قواي وهدوئي وجلست معه بكل هدوء وسألته هل له علاقة مع طليقته .. أنكر تماما و طلبت أشوف جواله ورفض بحجة إنه إذا أنا واثقه فيه مايحتاج أفتش في جواله


حاول يضحك معي ويهدي أعصابي و يحسسني إنه يجبني وكان حريص إني ما أتضايق و طلب إني أنسى الموضوع واتجاهله


طبعا أنا ماقلت له إني فتشت جواله وشفت الرسائل .. فقط قلت انه جاني خبر من ناس أثق فيهم انك على علاقة مع طليقتك



تكفون شوروا عليه بالحل كيف اتصرف وهل اللي سويته صح أو غلط

 

[أسرار زوجها]

للعلم أنا ماجبت له طاري رسائل البنات وارقامهم


فقط كان تركيزي على علاقته بطليقته

 

[فريدة من نوعي]

الله يعينك حبيبت يو يفرج عنك و يريح بالك حاسة فيكي صراحة بس ما أقدر أفيدك إلا بالدعاء و الإستغفار و هدي أعصابك
و بحسن معشرك و خدمتك له في الفرا شو غير الفراش بتكسبيه و بتنسيه طليقته و غيرها
بالتوفيق يا قلبي

 

[[.مزاجي صعب.]]

حبيبتي هذا شي طبيعي 000اكيد للحين مانساها بس انتي تقدرين تنسينه طليقته واكيد للحين ماتعلق فيج لاتزعلين من كلامي للحين ماعرفج عدل لانه ماعرفج الا من عشرين يوم حبيبتي تقدرين تنسينه طليقته انتي وشطارتج 00000واذا بغيتي شي مني انا حاضره 0000 بس فكري بعقلج اكيد مانساها 0000ولاتكبرين الموضوع شوفي بعد ست شهور او اكثر يعني بعد مايتعلق فيج فتشي جواله شوفي للحين هم مع بعض ولا لا 0000وقولي له حبيبي اذا الكلام اللي وصلني صدق صدقني ماعاد لي قعده عندك وبس اسكتي منه بعدين شوفي شو بيصير وخبريني 00000قلبي معاج

 

[لقيت اللي تمنيت]

الله يكون بعونك اختي

 

[some1]

أنا أنصحك تراقبي الوضع عن بُعد حبيبتي
رح انصحك نصيحة اخت
لا تصدقي ولا رجّال
لانهم سهل عندهم الكذب
ولكن انصحك بالبُعد عن الوساوس
بس راقبي عن بُعد
وخليّك حذرة وكوني الصدر الحنون والمُحبة له والعشيقة بنفس الوقت
وصدقيني
هو اختارك
و تركها
وبالنسبة للبنات
اذا انت تشبعيه ليش يتطلع للغير !
يعني طولي بالك وان شاءالله الأمور تسير للأحسن
أنصحك بالاستفادة من تجارب الأخوات اللي مرُوا بظروف مُماثلة علشان الاستفادة القُصوى
وصدقيني والله
ما رح يجيب العند نتيجة عن الأزواج
دائما" الكذب موجود عندهم
و مُمكن اذا شك انك تراقبي موبايله
يضطر يجيب موبايل ثاني برقم جديد ويستعمله
ويتركه في مكان آمن ، بالسيارة مثلا"
وانت ما رح تعرفي شو عم بيصير حواليك،،
خليك هادئة - أدري انه صعب عليك - ولكن فكري بمصلحتك بالنهاية
والله كريم

 

[رومانيه]

الله يعينك صرااااحه مشكله خطيررررره

 

[أأسرتني الجروح]

الله يكون بعونك وخليك حريصه عليه وهااديه معاه في كل الامور واحمد ربك انه كويس وحنون والله بعضهم شين وقوة عين يعني حق بنات ومغازل وفوق هاذا اخلاقه زي الزفت معاك لكن حاااولي تجذبينه لك وانت وذكائك والله يوفقك ياااارب ويسخره لك ومايشوف غيرك

 

[سمو 2008]

الله يكون بعونك
المهم انتي لاتخربي بيتك عشانها
وخلك معه ولا تنكدي عليهع وعليكي يمكن هي تكلمه من شان يرجعها وهو مطنشها

 

[شموخ الكويت]

رسائل شنو بالضبط غزل ولا كلام عادي

وهل هو مرسل لها بعد

يمكن هي الي تتحرش فيه

يعني وش الي يمنعه يرجعها قبل لاياخذك ؟

 

[×××دلــــــع×××]

حبيبتي دلعيه في الفراش علشان نايفكر فيهم

والله يعينك

 

[أم فهد 123]

لا تبينين له انج تعرفين ولا مهتمه ولكن ظهري مهارات الانثى اللي تشغل زوجها وتبعده عن الحرام وكوني معاه طول الوقت باتصالات ومسجات وطلعات واكيد طليقته تحس بالغيرة

 

[أسرار زوجها]

الله يساعدني على مصيبتي

حاولت قدر الامكان أكون هادئة جدا ولا أزعل منه واترك لهم الفرصة

بالعكس صرت اكلمه وادلعه واقول اني مشتاقه له .. بس بالقلب غصة ماني قادرة اتحملها


هو مصر على الانكار تماما .. وأنا أخاف اتجاهل الموضوع ويزيد هو في علاقته بها

 

[حبيبت رشيد1]

حبيبتي هذا شي طبيعي 000اكيد للحين مانساها بس انتي تقدرين تنسينه طليقته واكيد للحين ماتعلق فيج لاتزعلين من كلامي للحين ماعرفج عدل لانه ماعرفج الا من عشرين يوم حبيبتي تقدرين تنسينه طليقته انتي وشطارتج 00000واذا بغيتي شي مني انا حاضره 0000 بس فكري بعقلج اكيد مانساها 0000ولاتكبرين الموضوع شوفي بعد ست شهور او اكثر يعني بعد مايتعلق فيج فتشي جواله شوفي للحين هم مع بعض ولا لا 0000وقولي له حبيبي اذا الكلام اللي وصلني صدق صدقني ماعاد لي قعده عندك وبس اسكتي منه بعدين شوفي شو بيصير وخبريني 00000قلبي معاج

انا مع الاخت

 

[ناناسي]

الله يفرج عنك

 

[نبع الحنين]

انا مع الاخت مزاجي صعب ​

 

[بسمة الكويت]

السلام عليكم
حبيبتي هذه تجربتج الثانيه وحرام تخسرين حياتك وتخربينها بيدج
ما سمعتي ان الصبر مفتاح الفرج
انتبهي تخربين بيتج بايدج
المفروض تكونين تعلمتي من تجربت الاولى ومو حلوه بحقج تخسرين زواجج الثاني
اللي سويته عين العقل بينتي له انج سمعتي من ناس
خلاص قفلي المووووووضوع ولا تطرينه جدامه واهم شي اكلي قلبه بغلاج اشغليه ترا الرجال اذا فضا راح يدور على من تشغله
وعدي اللي شفتيه بجواله امرقديم او تجارب سايقه ما يغنونه عنج
اهم شي حبيبتي اشغليه واهتمي فيه حبيه ولا تطرين زواجه او زواجج السابق
انتهى الماضي وعيشي حياتج وعسى الله يفرجها عليج يارب

 

[أسرار زوجها]

جزاكم الله خير


وياليت أحد ينصحني كيف أشغله عنها وأخليه ينساها

 

[أم مصرية]

حبيبتى مهى كانت قدامه و انتو يادوب ليكو 20 يوم فقط فإنسى هو لو كان عايز يرجعها كان ردها توكلى على الله و إستمتعى بحياتك