زعلني الشمالي كيف اتصرف معااااه.....

[طموح أنثى’’]

السلام عليكم ورحمة الله وبركاته


كيفكم ياحلوين ...؟ ان شاء الله بخير


حصلي موقف البارح مع زوجي وحابه استشيركم...


اتمنى ماتقصروا معاي..


طلعنا البارح نتمشى وجلسنا في حديقه تعشينا الحمدلله بس اولادي الله يحفظهم

تركو عشاهم يعني ما كملو اكلهم وراحو يلعبو بالمراجيح


المهم جاني ولدي الصغير وقالي ابغى الساندوتش حقي

<<<طبعا انا من اول ماجلسنا اتألم من بطني وظهري<<<الدوره جايتني


المهم قالي الشمالي اعطيه شوي مو كله قمت انا فكيت الكيس وماشاء الله على ولدي

اخذ كل الساندوتش وبدا ياكل الا الشمالي عصب قال انا ماقلتلك اعطيه شوي قلتله عادي خليه ياكله


وعصب علي وقال اااه يالقهر لو مو قدام الناس كان عرفت كيف اتعامل معاك

انا بينت له اني زعلت من كلمته بطريقة جلستي ونظراتي قام قال طالعي فيني وطالعت فيه

قال انا لما اقول شي تنفذينه من غير ماتفكرين قلتله اسفه وماعاد اعيدها خلاص الله يخليك
اللي فيني انا مكفيني اقصد الالم والتفت على اولادي

وعصب علي وقال يلا قومي انت مو حقت تماشي وقمت وطلعنا السياره


وجالس يسب ويخاصم ويدعي علي وانا سااااااااااااااااكته


وصلنا البيت ونمنا وصحينا اليوم وانا ماكلمته حتى على الغداء كلمت الاولاد ينادونه

بس خايفه يزيد هو في عناده ويطنشي


شورا علي كيف اتعامل معاه الحين


اطنشه ولا اتكلم معاه

اواكون ثقيله معاه واتكلم معا برسميه؟؟؟؟


لاتحلاموني ردودكم


مودتي لكم

 

[تشكرات]

حصل خير باذن الله .....هكذا الشمالي حريص جدّآ ويدقّق على كل

صغيره وكبيره ....لكن طوّلي بالك حبيبتي ....المفروض ما تعتذري

مباشرة ....أنت لم تخطئي أبدآ ...كان ممكن تتحايلي على وضعه

( كأن تقولي أوكي حبيبتي حصل خير ) وتعدّيها ( حتى تطفئي

شرارة غضبه وتدقيقه .....

الآن ......روحي عند زوجك وخذي معك أي مشروب يحبّه وأجلسي

بجانبه ( وأفتحي أي موضوع آخــر .....غير موضوع المشكله ...)

وكأنّ شيئآ لم يكن .....واذا تكلّم وحاور وناقش في المشكله بيّني

له وجهة نظرك ( ولكن بيّنيها له بشكل هادئ ومن غير توتّر ) ..

وحاولي تفضّي الأشكال بأسلوبك وطريقتك والتي تتماشى مع

نمط زوجك ....ربي يوفقكم ..

 

[شيهانة نجدية]

تصرفي عاااااااادي ماكان شي صاير واضحكي عادي وسولفي لان ذا طبعة ياعمري ماتقدرين تتحكمين فيه هو قلبة ابيض بس اذا غضب لاتادية قولي ابشر وعاملية ماكان شي صاير خليههههههها سياسة عمر مو اليوم وبس لالالالالالالالالالالالالا كل حياتك وبتشوفي بس اصبري وادعيلي ان ربي يسخر لي الشمالي اللي عندي ويفتح لي ربي فرج من عندة

 

[الفردوس مطلبي]

كوني رسمية لانه هو الغلطان ... لكن احترميه واذا طلب منك اي طلب نفذيه بصمت ... بعدين اذا شفتي الوقت مناسب قولي له ممكن اكلمك بموضوع ...ثم بيني له انه مثل ما انك تحترمينه لازم هو يحترمك ويرحمك ... وليكن نقاشك معه معتدل ليس باستعطاف ولا بشدة ...

 

[-موج-]

تصرفي عاااااااادي ماكان شي صاير واضحكي عادي وسولفي لان ذا طبعة ياعمري ماتقدرين تتحكمين فيه هو قلبة ابيض بس اذا غضب لاتادية قولي ابشر وعاملية ماكان شي صاير خليههههههها سياسة عمر مو اليوم وبس لالالالالالالالالالالالالا كل حياتك وبتشوفي بس اصبري وادعيلي ان ربي يسخر لي الشمالي اللي عندي ويفتح لي ربي فرج من عندة

اتوقع هذا الراي يناسبك وانت الادرى بزوجك لكن في هذا التصرف نوع من التطنيش الي بعقل والي يخلي زوجك يدوووخ وصراحه كان حاولتي تكسرين قلبه على ابنه مثلا تقوليله مسكين جوعااان من اللعب تعببب وهكذا حتى ينسى يتمشكل وياك ويفكر بابنه..

 

[طموح أنثى’’]

اخواتي مشكورات على ردودكم


الان هو خارج ومعاه الاولاد طالعين يتمشوا


لان انا عندي اختبار بعد بكره حجلس اذاكر


طلبت منه اشياء كتبتها في ورقه وقلتله ابغى هالاشياء ومن ضمنها حاجه خاصه فيني

قال هالشي ما ابغى اجيبه قلتله ليه قال لانه لك واناالشي اللي لك ما ابغى اجيبه عشان تتأدبين قلت طيب

وسكت


الحين هالشي ابغاه ضروري كيف اتصرف؟

 

[عنيدة زمانها]

والله مدري اش اقولك الشمالي من جد متعب الله يعيني ويعينك ويعين كل وحده متزوجه شمالي

 

[روزيلاند]

اممم اتوقع قال مارح اجيبه لانه لك : يبي ينرفزك !!!
ورح يجيبه معاه وهو راجع احتمال كبير والله اعلم

لانه لو من جده مايبي يجيب مارح يقولك


وبالنسبه للموقف : مو معقول تنرفز عشان الساندويتش اكيد فيه شي منرفزه منك قبل ؟؟!!

 

[طموح أنثى’’]

مشكورات حبايبي على الرد



وربي يالغلا انه هالشي اللي زعله


بالرغم انه من اول ماطلعنا مروووق


بس اتوقع انا السبب لأنه حصل بينه وبين ابوه خلاف من يومين

وابوه زعلان منه يمكن عشان كذا متوتر ويبغى اي موقف يطلع فيه حرته

 

[ورقه توت]

الله يكون في عوننازوجات الشمالي لابدمن طوله البال والتتطنيش نفس طريقه الي عندي اكيدزعلان من شى وحب ينفث عن غضبه لاتزعلي نفسك هوبنفسه بيجيب الغرض ويكلمك بعدبس اصبري وطمنيناشوصارمعك

 

[مدري وش اسمي]

طنشي وانسي الموضوع بس لاتجلسين ع الرايحه والجايه تقولين اسفه

انتي ماسويتي شي !!!

والله يعينك ويسعدك

 

[اهديك عمري]

لاتزعلين ياعمري
اكيد عنده ضغوطات نفسيه
بس انتي هدي الوضع
الله يسخر لك زوجك يارب​

 

[طموح أنثى’’]

مشكورات حبايبي على الردود

والله يسخر لنا ازواجنا يارب

 

[الوجه المليح]

لما قال لك اعطيه شوي من السندويتش مو كللو

كان عليك تبرري له وتقولي شفت بعينك حبيلي ان الولد كان يبيها كلها وخطفها من ايدي وكنت تجنبتي غضبو ووفرتي الراحة لنفسك احسن من قولتك خلليه ايش فيها لان جوابك هذا قلل من امره لك واحس بانك عاندتيه وما سويتي اللي طلبو منك

وزدتي الامر سوءا لما زعلتي وبينتي زعلك لانو اصلا هو مااحس انو غلط معك بالعكس انت اللي غلطتي عشان ما نفذتي اللي قالو

واذا استمريتي على زعلك رح يعند اكثر لانو في نفسو وااثق انك الغلطانة ومكملتيها بالزعل
ا
هذا تحليلي لما حصل بينكم يجوز يكون صحيح ويجوز لا

اما الحين في رايي انك تنسين الموضوع وتصرفي معه عاادي ولاتعتذرين ولا شي

خلليك طبيعية


ملاحظة

ما ادري ليه اغلب الخرجات والتمشيات اللي بنقوم بها مع ازواجنا بتنتهي بالزعل

هاذي من تجربتي اكثر من مرة انا وزوجي اول ما نخرج نكوون مروقيين تمام بس في وسط الخرجة او اخرها بنكملها بالزعل ونجي للبيت زعلانين والله ما ادري ليه لدرجة اقول لو قعدت ببيتي احسن هاذي لاحظتها اكثر من مرة وقبل ما نخرج اقول خلليني استانس بس كانو في شي يصير يزعلني منو او يزعلو مني غصبا عنا

ما ادري ايش هو

شو رايكم اخواتي

وحتى اختي متزوجة قالت لي نفس الشي انها وزوجها يخرجون مستاانسين ويرجعون متزاعلين ههههه

 

[زوجة شاهين]

الله يفرج همك ... وما قصروا البنات

 

[طموح أنثى’’]

الحمدلله على كل حال


مشكورات يالغوالي على الردود

 

[ام احلى بنت]

معليش طموح من زمان اعرفك واتابع مواضيعك والمشكله انه انت مثل ماانت ماتغيرتي لاتزعلي مني بس لاني احب لك الخير نبهتك
الشمالي متوتر
المفترض كنت لطفتي الاجواء لانك عارفه ان عنده مشكله مع ابوووه
خلي كلامك لين واظهري طاعته حتى في الاشياء الصغيره بنظرك
هو طلع يمشيكم وانت جازيتيه بالتبويز والمشكله اعتذرتي بالكلام ام الافعال لا جلستي زعلانه ومبوزه
بيعرف انه مجرد تسكيت له لااكثر
انصحك تحفظي مواضيع العضوه يوم مشرق اخر عن الشمالي وتبدي تطبقي ماتدري قد ايش استفدت من مواضيعها عن الشمالي الله يجزاها الف خير

 

[الماسة الحب]

صحيح هذا الشي تكرر لي اكثر من مره
ليش بنطلع نستانس ونرجع متزاعلين.؟؟

الله يهدي لك زوجك الشمالي ...

 

[طموح أنثى’’]

ام احلى بنت

مشكوره على ردك


كلامك صجيح يالغلا

بس لاتلوميني وربي كنت بموووت من الالم

عشان كذا تعاملت مع الموقف بهالطريقه


الله يرحمني برحمته

 

[استغفرالله@]

طولي بالك ولاتدققين وازعلي بصمت وراح يراضيك ومعروف الشمالي اذا سب انحاشي وسكري اذونك لانه اذا عصب نسى كل شي بس اذا ارتاح بيعتذر منك وربي يسعدك ويسخره لك