زعلان مني

[الغريمه]

السلام عليكم ورحمه الله وبركاااته

خواتي انا عندي مشكله وبغيت ادلوني ع حل شو اسوي؟؟؟

حبيباتي زوجي زعلان مني ولسبب عادي هو اني عطيت نسيبي (زوج اختـي) مفتاح سيارته بيدي.. قالي ليش عطيتيه وماعطيتيني انا اعطيه وانا اللي صار كان كله ع نياتي يعني ماقصدت فيه شي.. وهو زعل مني.. وكلمته وفهمته بقصدي بس بعده معاند ومارضى ولين اليوم مايرمس وياي..وريلي من النوع اللي زعله يطول وع ابسط الاشياء يزعل مني..

ياليت اتخبروني شو اسوي لاني تعبت وانا مااتحمل ايلس وياه ف مكان واحد وهو زعلان مني؟؟

اختــ الغـريمهـ ــكم..​

 

[بريق الألماسة]

يمكن عودتيه أنك تراضيه باستمرار إذا زعل

نصيحته أعرفي نمط شخصيته وحتعرفي كيف تتعاملي معاه

فمثلا إذا كان جنوبي لاتعبي حالك وتراضيه أحسن شي له طناااااااش على التوافه وهو يمشي الموضوع

ربي يوفقك

 

[الاثير العطر]

زوجج معاه حق ليش همشتيه كأن ماعندج ريال وقمتي عطيتي نيبج المفتااح بإيدة ؟؟؟

انتي غلطتي ياماااماا

المفروض يا قلبي تروحين وتعتذرن من ريلج وتحبين راسه وتقولين له والله مادري شلون عطيته وغلط ادري اني غلطانه ومن حقك تزعل علي بس هالمره سمااح واذا تكرر ورني شغل الله طبعا بدلع واعتذار شوي

والله وياج يا قلبي

 

[الغريمه]

تسلمووون ع الردود
بس ياعزيزتي انا راضيته ورمسته وفهمته بس هو معاند ومصر على انه يتم زعلان مني..

 

[ام سامر 2008]

خليك منه يزعل شوي ورضي من حاله تدلع يزعل وتراضينه طنشي والله الرجاجيل يزعلون لااتفه الاسباب
والله حاله

 

[دلوعة زوجها....]

طنشيه احسلك

 

[m2008]

ما ادري شو اقولج..........

 

[ايامي كانت حلوه]

طنشيه ولاتراضينه وتشوفين هو اللي بيجيك ولا تقولين ماقدر خليك قويه وترا الرجال مايبون الا القويه واحنا معاك

 

[الغريمه]

تسلمووون حبيباتي ع الردود وان شالله يحنن قلبه ويرضى لان احس الموضوع تااافه وااايد ومايستاهل هذا الزعل كله...

 

[عنقود عنب]

الظاهر زوجك مثل زوجي

اذا زعل ... يالله ...يعني شوي وانذل اذا ما راضيته مليون مرة

لكن اذا طنشته ...الحال يصبح اسواء

يعني روحي لزقي فيه وراضية مليون مرة ...ولا تتحركين من مكانك الا اذا رضى عنك

ولكن بالمقابل ...زعلي ...واذا جا يراضيك سوي مثلة ... خلي زعل ثقيل

قولي له ...انا راح اصير مثلك ...لازم تراضيني مليون مرة مثل ما انا اسوي لك

عطية درس ...عشان يعرف ان الحل هو الزعل لمدة قصيرة ...وكلمة حلوة و يطيح الحطب مثل ما يقول المثل

والله يش يبط القبل من هالرجال الزعوليين

 

[to0otah]

الله يهديكو لبعض يحنن قلبه عليج

 

[تعلمت الغرام]

انتي اعتذرتي وسويتي اللي عليكي فعامليه عادي وحاولي تجربي اكثر من طريقة وقت زعله ..الطناش ولا المصالحة ولا المعاملة الرسمية واعتمديها كطريقة دايمة.

 

[widad]

طنشيه​

 

[وشحيلتي]

والله تعجبيني ياأم سامر.............شكلك ذايقة اللي ذقناه واضح من ردك..........(والله حاله)

 

[شيخه الخليج]

حبيبتي المفروض انتي تكوني تعرفي الي يزعله والي ما يزعله لازم تبتعدي عن الاشيا الي تزعله عشان تتفادي الزعله
حاولي تراضيه باشيا يحبها وبحركات رومانسيه حلوة ...
الله يبعد الزعل من بينكم

 

[ام يامن]

حاولي تدورين الشي الي يحبه وتسوينه00

 

[عطر الليالي]

ياقلبي عليك شكلك زيي انا ماارتاح الا لما اراضي زوجي
بس احيانا يطول زعلان وما يرضى بسهولة تدرين اش اسوي ساعتها
اقوم اصلي وارفع يدي للسماء وادعي من قلبي ان ربي يسخره ليا
ويحنن قلبه عليا الحمدللة غالبا ما اقوم من سجادتي الا وقلبه راضي عليا
شوية جهد مني ارجع اراضية الاقي قلبة اصفى من العسل
اجعلي الدعاء عادة يومية لك ادعي بصدق واخلاص وانت تشوفين باذن الله النتيجة بنفسك صدقيني راح ترتاحين فحياتك الزوجية وحياتك بشكل عام ربي يسخرلك الخلق كلها موبس زوجك

 

[الغريمه]

تسلموووون حبيباتي ع الردود...الله يعيني

 

[وجوووود]

شكله زوجج غيووور وايد عليج حاولي تراضينه بكل الطرق ادلعي عليه وخليه يضحك سويله حركات وان شاء الله بيرضي( شكله ريلج حده دلوووووع) الله يعينج...نفس ريلي ..الله المستعان من دلع الريايل..

 

[وردة الحنون]

ربي يكون بعونك
مادري وش اقول لك
اذا اعتذرتي مره ولا رضى خلاص طنشيه