ريلي الخيانه فدمه......شو اسوي

[جمرة غضى]

هلا خوااااتي

انا كذا مرة كتبت مشكلتيه..............بس هالمرة خلاص ماقدر
اتعامل أو اثق فزوجي مرة ثانية.........خاين كذاب

شو يشوفني جدامه اذا كل مرة افوتله واقول يمكن يعتدل بس مافي فايده
شو اسوي ياربي والله تعبت

واخر موقف صاير اكتشفت ان بطاقته جديمه عنده عاطنه وحده

وقال والله انا بايعنه حق ربيعي ومدري ربيعي منو عاطنه

ودقيت على البطاقة طلعت وحدة وحلفلتلي انها متزوجة وانا اللي عاطنه البطاقة اكيييد مب
ريلي وان اهي اتعرف حرمته.......وتمت تنصحني اونها ديري بالج علي ريلج ومدري شو

ومن قبل شوي شفت هالرقم يدقله بغيت ارد بس للاسف سكرت قبل...

وطبعا الحبيب قافل تلفونه لانه له سوابق واكتشفته....ومقدرت ارجع ادق

ويت عنده وقتله بكل هدوء مع ابتسامه خفيفة انت خاين وكذاب وانفجرت فويه

ومستحيييل اسكت عنك اكثر وبفضحك عند الكل

وطلع طبعا شرد وادقله مايرد ويسكر فويهي

وطرشتلها مسجات انه ما يخصه فيني بعد اليوم

ويروح يتعرف لان مايهمني وانا مب ناقصه امراض

ولو تطلقت راح احصل احسن منه مع العلم انا عندي ولد 5 شهور

واونه يلمح يبا عيال...وقبل هالسالفة اليوم العصر قتله مستحيل ايب

حد ثاني لين ما اتاكد من حياتنا مع بعض لان دوم مشاكل مع العلم بس سنه ونص

صار لنا متزوجين...

شو اسوي معاه احترت انا مدري بالضبط علاقته فيهن لاي درجه تلفون بس او غيره

مع العلم انا صغيره بعدنيه وتونا متزوجين وجي عيل بعدين شو راح يصير


شووووروووا علي شوا اسوي دخيلكم لاتردوني:cupidarrow:

 

[*مسلمة*]

استخيرى الله

 

[ضيعتنى العاطفه]

والله يالحبيبه اذا الله ماهداه لك والله لو وش تسوين ماراح ينفع معاه لا النصح ولا الصياح ولا ترك البيت اسالينى انا لى ست سنين من الخيانه الى تجرعتها تجرع من يده وبالاخير الحين صار مو هو اكبر همى وحطيت اعصابى بمويه باااااااااارده ابرد من دمه والتفت لنفسى وناستى وهو اخر انسان ادور على وناسته ليه احرق عمرى واجلس اندب حظى وهو جالس مبسوط وهات ياغزل ووناسه


الا احقره وماخليه اكبر همى اعيش لنفسى ولعيالى وهو بالطقاق اذا تسنع تسنع حق نفسه لان كل نعجه معلقه مع عرقوبها

وهو وحده راح يجنى ماسوت يدينه اذا مو الحين بعدين

وفوضى امرك لله ونصيحه اشغلى نفسك عنه والله انه هو راح يدورك ويسال عنك والا تقصرين فى حقوقه علشان مايكون له عذر انتى سوى الى عليك والباقى اتركيه لله واكثرى من الدعاء والاستغفار والله يجعله قره لعينك ويهديه لك ويصلحه قادر ياكريم ورجال الحريم اجمعين ودمتى خير

 

[حبيبتي]

هلا أختي جربي تسوين كلام أ.ناعمة من القصص الي موجودة في المنتدى
أهتمي بنفسج وسفهي له وادخلي دورات أو طوري نفسج وكملي دراستج
يعني خلي زوجج أخر اهتماماتج أهم شي أنتي
لانه مهما تهاوشتي معاه وواجهتي بيكذب
بس انتي اصبري وغيري في نفسج ( تغيري لنفسج مش لزوجج)
أهم شي تكونين واثقة من نفسج

والله يهديه ويوفقج يارب

 

[دلـوعـه]

آآآآآآآآآآآآآه من هالرياييل واللي يسوونه فينا

انزين اذا الوحده تفكر انها اطنشه هو وتهتم في نفسها كيف اا هو مايخلي لها مجال تسوي هالشي

يعني انا زوجي يخوني وفكرت بكلامكم .. بس هو مايخليني اشتغل كل مكان يطلع فيه مئة عله وحتى لو فكرت اخذ لي دورات مايخليني يقولي شو تبين فيهم

حتى لبسي صار يدخل فيه اذا فكرت البس اكسسوارات وحركات يقولي انتي كبرتي على هالسوالف مع اني للحين صغيره شو الحل

السموحه منج جمرة غضى طلعت حرتي في موضوعج

الله يعينا ويصبرنا على هالرياييل وانانيتهم

 

[دلع-قطر]

http://saaid.net/flash/xxxxx.swf


اهديه هاذا الرابط بالايميل

جعل ربي يسنعه

 

[دلع-قطر]

كل مره تطالب بحقهااا واكبر من حقهاااااااا ولا تسكت لهاااااااااا
تاخذ حقها وتححقره هو بيجي يركض وراهااااااااااااااااااااااااااااااااااا
سوي اي شي يخليج تطنشين له اعتبريه طوفه بالبيت
حتا الطوفه انظف منه الخاين الزاني وقولي له بالفم المليان عين الله ما تنام ولو لمست غيري ولمستني جعل ربي يراويك اياها بالدنيا قبل الاخره وحسبي الله ونعم الوكيل

وعقوبه الزنااااااااااا بالدنيا بيشوفها قبل الاخره

 

[أميره]

يا هلا ..

والله اختي عورتي قلبي ...

اختي لازم تقعدين مع زوجك قعده صريحه ..

لازم قبل ما تقعدين معه تكونين مجهزه و مرتبه افكارك صح ...

و تكونين متهيأه نفسيا و تكون اعصابك هادئه عشان تعرفين كيف تاخذين وتعطين معه في الكلام بكل ثقه ..

خوفيه انك اذا ما تسنع انك راح تتركينه او تخبرين اهله ..

لكن اختي بكل هدوء ..

وربي يهدي زوجك و يسعدكم ..

لا تنسين اختي طمنينا عن اخبارك ..

اختك أميره ..

 

[الجوووري4]

الله يعينج اختي ... اليال اذا قامت مرته تبينه جدام هلها وهله ملاك بجناحين بيصدقون هالشي و ما بيصدقون ان تظهر منه الزلّه .. ابوي اذا مافاد فيه النصح و الكلام و قفيله حد من اهلج ريال يفهمه انه ما خذج من بيت اهلج يهينج والا يلعب في حسبتج واذا فيج قصور مش الخيانه حلّه ...واذا مووول تعذر منج الصبر ومنه يعتدل خلي البيت يحترق على راسه واشتري رحتج ... بس لااااااااااااه صاغهم الصايغ ومات يعني !!!

 

[الشرقية]

دامك باول الطريج وبعدك صغيره صلي استخاره لان هالصنف من الرجال متعب ........ متعب جدا

حتى لو طبقتي كل الطرق الي موجوده بالمنتدى ورديتيه لك ماراح تعيشين معاه بثقه وراح تتوقعين
تكرر الخيانه باي وقت


صلي الستخاره عشان ماتندمين

 

[جمرة غضى]

مشكورين خواتي على الردود الطيبة اللي اثلجت صدري

بس مافي فايييده حاولت اكلمه وبكل هداوة،،،وطبعا هالسالفة جديمة بعد ما عرسنا باربع شهور تخيلوااا

وتميت اتحمل واتحمل وبعد 5 شهور ماقدرت وخبرت اخواني يرمسونه ورمسوا اخوانه واعتد ل فترة ورد

ومايهمه اي شي.......ويقولي نتي شكاكه مافي شي

والارقام والصور والمسجات كل هذا شواااااا

والله حتى فبالي افضحهن ومدام يطرشن صورهن انا بنشرهن بلبلوتوث

وبنشوف....ولاتقولون استر عليهن لان هالاصناف ماينعمل خير معاهن

 

[مساء111]

بسم الله الرحمن الرحيم

لا تغضب لا تغضب لاتغضب
لاجل صحتك ولاجل شبابك
اما هو فقولي حسبي الله ونعم الوكيل اللهم اصلح شأنه كله ولاتكله لنفسه طرفت عين
وعند خروجه من المنزل استودعي الله سمعه وبصره وقلبه وكل سكناته وكل جوارحه واستودعي سيارته وموبايل
لاتستغربي ولا تضحكي انها مجربه ولله الحمد والمنه
اعيش مع الخيانه وامام ناضري من اكثر من 14 عشر عاما
وفقدت خلالها الكثير من شبابي وصحتي وجمالي
وهو ما زال في قمة الشباب والنشاط
وما زلت احاول واجرب ولن ااياس ان شاء الله
ولكن الانسان يضعف وينسى ويتعب
ويتالم
فاسال الله العلي العظيم ان يلهمنا واياكم من امرنا رشدى
وان يسخر لنا ازواجنا فيما يحب ويرضى
انه سميع الدعاء المجيب للضعفاء
دمتم بود

 

[تواصل]

اختي العزيزة جمرة غضى

ما اقول غير الله يكون بعونك انا زوجي يخوني صار له سنوات وانا ساكته ومتحملة مو عشانه ولا حبا فيه بس عشان اولادي ما اريدهم يتربوا بعيد عن ابوهم تصدقي حتى مع الشغالات يخوني بس محتسبه هالشي عند رب العالمين وكل سته اشهر يروح تايلاند و المصيبة انه يحلف لي انه عمره ما خان بس أنا متأكده انه يخونني بس الحين ما اهتم فيه مهتمه بنفسي ودراستي واولادي فقط واشوفه الحين هالايام بادي يتغير شوي شوي ولله الحمد واتمنى ان الله يهديهدم جميعا