البيت السعيد**
New member
- إنضم
- 3 يناير 2009
- المشاركات
- 603
بسم الله الرحمن الرحيم
والسلاااام عليكم ورحمة الله وبركاااته،
طبقنا لليوم يصلح لوجبة غذاء أو حتى عشاء، لأنج بتسوين المقبلات والإيدام في نفس الوقت،
طبق المحاشي واللي عبارة عن كوسا وورق عنب، ومعاه ريش لحم،
ريش بالمحاشي
المقادير:
كيلو ريش مغسول ومبهر ليلة كاملة بالبهارات التالية (فلفل أسود، ليمون أسود مطحون، نص كوب عصير ليمون، دقوس، سنوت، بهارات مشكلة، ملح، قليل من صلصلة الصويا)
أوراق ورق العنب
كوسا مغسولة ومحفورة بالكمية اللي ترغبين فيها، بس آنا ما كثرت حطيت أربع حبات فقط عن خاطري،
بطاطس مقطعة شرائح
الصلصة اللي صبيتها فوق المحاشي:
(أربع حبات طماطم كبار مقطعين، فصوص ثوم مفرومة، علبة معجون طماطم، علبة عصير طماطم ماركة كي دي دي، نص كوب ماء)
(أربع حبات طماطم كبار مقطعين، فصوص ثوم مفرومة، علبة معجون طماطم، علبة عصير طماطم ماركة كي دي دي، نص كوب ماء)
الحشوة اللي إستخدمتها لورق العنب والكوسا بعد:
(كوب صغير رز، ملعقتين كبار نعناع مجفف، ربع كوب عصير ليمون، حبة طماطم صغيرة مفرومة، حبة بصل متوسطة مفرومة فرم ناعم، حبة جزر كبيرة مفرومة، ملعقة دقوس، رشة كركم وملح، لب الكوسا بعدما فرمته)،
(كوب صغير رز، ملعقتين كبار نعناع مجفف، ربع كوب عصير ليمون، حبة طماطم صغيرة مفرومة، حبة بصل متوسطة مفرومة فرم ناعم، حبة جزر كبيرة مفرومة، ملعقة دقوس، رشة كركم وملح، لب الكوسا بعدما فرمته)،
الطريقة
تاخذين الريش وتحطينهم في قدر على حسب كمية الريش، وتقدرين تحطينهم على طبقتين،
أحين صفي شرائح البطاطس،
هذه الحشوة اللي راح نستخدمها حق ورق العنب والكوسا،
إبتدي في حشو ورق العنب وصفيهم فوق البطاطس،
نفس ما ذكرت الكمية على حسب القدر أو الأشخاص، هالعدد وايد علينا، لكني حبيت أغطي القدر كامل، وخب ما شاء الله ما ظلت ولا حبة.
وهذه الكوسا عقب ما حشيناها،
غطيت الكوسة بالألمنيوم لأني راح أسدحها فما حبيت تطلع الحشوة أثناء الطبخ،
وهذه الصلصة، خلطتها مع بعض وتخلينها على النار شوي، بس خمس دقايق علشان تمتزج المكونات،
المفروض بعدين تخلينها في خلاط العصير علشان المكونات كلها تنخلط زين، لكن عصارتي مختربة فصبيتها على المحاشي، ومع الطباخ ذاب الطماط ولا يبين معاج،
بعدين غطيه بصحن بايركس أو فخار متين، آنا حطيت مغطاة جدر ثاني مثله لكن حجمه أصغر،
صكيه بالألمنيوم، والمغطاة، وخليه على نار هادية لمدة ساعتين،
عقب ما يجهز، شلي كل شي بالترتيب في صحن بروحه وبعدين رتبي على راحتج ولا تنسين تصبين من الصلصة على المحاشي والريش، والطعم ولا أروع، لذييييييييذ جداً وعلى ضمانتي،
وهذا شكله عند التقديم،
ومطرح ما يسري يمري، وبالعاااااااااااافية على قلوبكم. :3:
التعديل الأخير بواسطة المشرف:
