ريحووووني الله يريح بالكم

[نواره99]

يابنات انا المفروض تجيني الدوره يوم الاحد الي فات
يعني الحين متاخره علي اسبوع
انا يوم السبت الي قبل موعد الدوره سيت تحليل دم وماطلع حمل وسويت تيست وماطلع حمل
خواتي يقولون يمكن يكون حمل متاخر ومايبين الا بعد عشر ايام
وانااقولهم هالشهر مو طبيعيه يعني احس بالالم اسفل الظهر والبطن مع دوخه
طمنوني في امل اكون حامل هالشهر ولا لا:sad_1:

 

[فديت دنيتي]

ان شاء الله يارب تكونين حامل..:icon30:
مافي شئ بعيد عن رب العالمين..خلي املج بالله قوي ياقلبي:icon26:
وربي ان شاء الله يطمنج وتشوفين النتيجه انج حامل..:shiny:
وننبسط لج..طمنينا عليج حبيبتي..:bye1:​

 

[فرحةالكادي]

ان شاء الله تكونين حامل وانا مريت في مثل هاالشيء وبصراحه طلعت حامل بس مابان الحمل عندي الا بعد 15يوم تقريبا

الله يرزقك يارب العالمين الآحسن استني لك فتره وعيدي التحليل وانشاء الله خير
ولاتنسين تبشرينا
وتطمنينا
عنك
​

 

[نواره99]

يعني في امل من كلامكم
ان شاء الله يارب ويعطيكم العافيه وويوفقكم يارب
مشكوورين ع الرد

 

[ياليت اني]

الله يرزقك ويفرح قلبك يارب

 

[وصايف ليل]

باذن الله يانواره تكوني حامل
يارب ياكريم تفرح قلب اختى نواره بحملها
بس اهم شي لاتفكرين بالموضوع كثير

 

[شهــد]

حبيبتي ماودي احبطك من كلامي.. بس انا الشهر اللي طاف صار عندي نفس اعراضك وزيادة عليي صرت مااحب اكل رز وعندي عطر مااحب اشم ريحته نهائياً.. وسويت تحليل دم وسويت تست وطلع ماكو حمل.. وفعلا بعد 12 يوم من تأخير الدورة شرفت وقالت السلام عليكم.. وهالشهر نفس الشي اليوم 11 ماشرفت ولا سويت تحليل ولاهم يحزنون وكمان عندي احساس قوي ان بكرة بتجيني لاني احس بألامها مو طبيعية..


الله كريم وان شاء الله انتي تطلعي حامل.. لاتيأسي من رحمة الله..

​

 

[محرومه من زوجي]

الله يفرح قلبك بالحمل
وطمنينا عليك تكفين

 

[ريحانة القلوب]

الله يطمنك ويارب تتطلعين حامل

 

[نواره99]

وصايف تسلمين حبيبتي اي المشكله اني وايد افكر راح احاول ماافكر خلاااص
شهد ان شاء الله ماتجيج الدوره هالشهر وتبشرينا بالحمل
محرومه من زوجي تسلمين يالغاليه والله يسمع منج ويفرح قلبج بخروج ريلج ورجوعه لكم

 

[نواره99]

الله يطمنك ويارب تتطلعين حامل

اميييين يارب مشكوره حبيبتي

 

[فرحةالكادي]

يعني في امل من كلامكم
ان شاء الله يارب ويعطيكم العافيه وويوفقكم يارب
مشكوورين ع الرد

والله اني أدعي لك من كل قلبي:in_love:
​

 

[نواره99]

والله اني أدعي لك من كل قلبي:in_love:​

مشكوره يالغاليه:cupidarrow:

 

[نواره99]

:sadwalk:

 

[بيـور]

انا دورتي بعد دورتك بيومين وحللت بعد ماتاخرت علي الدوره بيومين وطلعت حامل

وكان زوجي مصر ان ما احلل قبل ماتتاخر علي الدوره عشان يمكن يطلع سالب وننصدم

يعني حبيبتي سوي التست بعد ماتتاخر عليج الدوره بيومين او 3 وممكن مايبين الا بعد سبووع

اعرف وحده مابان حملها الا بعد 3 شهوور بس كانت تدري انها حامل ماتجيها الدوره بس مايبين فالتست سبحان الله

يمكن الهرمون ضعيف ويمكن التست مو قوي

دام الدوره ماجاتج وفي الم فالظهر فا انشالله حمل باذن الله

بس جربي اتسوين تست احين لان تعتبر احين تاخرت عليج سبوع صح؟؟


وننتظرج اتجين اتبشرينا في سباق الانجاب​

 

[يرووونه]

يارب تكونين حامل الله يرزقك وهو على كل شئ قدير

 

[ملكة الدموع]

انشالله تكونين حامل والله يفرحج انشالله ودوم حياتج بالسعادة يارب

 

[خلية نحل]

حبيبتي انشاء الله تكونين حامل
بس لاتفكرين كثير وتوكلي على الله
وعسى فيه خيره ماتدرين الله يكتب لك الصالح لنا ولك

 

[نواره99]

انا دورتي بعد دورتك بيومين وحللت بعد ماتاخرت علي الدوره بيومين وطلعت حامل ​

وكان زوجي مصر ان ما احلل قبل ماتتاخر علي الدوره عشان يمكن يطلع سالب وننصدم ​

يعني حبيبتي سوي التست بعد ماتتاخر عليج الدوره بيومين او 3 وممكن مايبين الا بعد سبووع ​

اعرف وحده مابان حملها الا بعد 3 شهوور بس كانت تدري انها حامل ماتجيها الدوره بس مايبين فالتست سبحان الله ​

يمكن الهرمون ضعيف ويمكن التست مو قوي ​

دام الدوره ماجاتج وفي الم فالظهر فا انشالله حمل باذن الله ​

بس جربي اتسوين تست احين لان تعتبر احين تاخرت عليج سبوع صح؟؟​

وننتظرج اتجين اتبشرينا في سباق الانجاب​

اي اختي الحين صارلي 9 ايام قلت انتظر لين 15 يوم بعدين بسوي
ماراح افكر واعور راسي يمكن خير ان شاء الله الشهر الجاي يصير ومشكوره ع المرور والله يثبت حملج وتولدين بالسلامه يارب:in_love:

 

[نواره99]

خليه نحل يرونه ملكه الدموع الله يسمع منكم وانتوا بعد ان شاء الله تبشروني بحملكم هالشهر والله كريم