مرحبآ !

من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك

آشتركي معنا الآن !

رومنسية,,بنكهة سعودية!!

إنضم
17 نوفمبر 2007
المشاركات
214
بنات مواقف روعة جاتني على الايميل وحبيت تشاركوني الوناسة ,, خخخخ

قصص رومنسيه من الزوج السعودي

لا يخفى على كثير من المتزوجات منكم حاجة الزوجة لتعبير او همسة اوحتى نظرة حنان ورومانسية من زوجها العزيز
لكن ساعات تكون هالحاجة اصعب من لبن العصفور وابعد من المريخ بسبب طبيعة بعض ازواجنا المماليح ...وعزة نفسهم اللي تخليهم يعتقدون ان
التلميح بالحب هو ضعف وتصغير من قدرهم
وانا بصراحة ما الومهم ...الوم سياسة (ياعيباة وياخزياة )اللي خلقت رجال الثلج اللي عندنا .


صديقتي زوجها سافر لدوره في عمله وطقتها الرومانسيه وتروح وتحط له ذيك الهديه اللي تعبت بتغليفها وتحط له بكل بذله رساله وورد مجفف وتقعد المسيكينه
على أحر من الجمر تنتظر ردة الفعل والكلام الحلوا اللي بيقوله لها الا يوم جاء وعيونه تتقادح من الشرر (أبوك ياللغه )وزعلان ويرمي علي كلمه خلت الدمع يكور بعينها وش اللي سويتيه خليتي أصحابي يتريقون علي كل ما البس بدله الا الاوراق طايحه منها قالوا وش فيك ياابو الشباب صاير كنك عامل بلديه ماغير تلقط في الاوراق والا الهديه الحمدلله اني شفتها قبل ماحد يشوفها وحطيتها في السياره ومافتحها الايوم رجع البيت


في ولادتي الاخيره جاني نزيف وجلطه وبعد الولاده جلست في العناايه والدكتور يقول لزوجي اذا تحب زوجتك انسى الاطفال اقل شي 5 سنوات لين تستقر حالتها يوم بديت اصحصح من البنج وكنت اتالم عمليه ونزيف والقاه فوق راسي
وطمن علي وبكل رقه قال قولي اميييييين
عاد انا فرحت قلت اكيد بيدعي لي ان الله يعافيني واني ازوج بنتي او ان الله يخليني له
قلت اناامييين
قال جعل ما تدور السنه الا انتي هنا في هالغرفه جايبه بيبي ثاني خخخخخ
قلت ياخي تجمل اصبر على الاقل لين يطلعوني غرفتي اما تدعي علي وانا في العنايه تبيني السنه الجايه فيها


زوجي محطوط على الصامت مادري يوم ولدته امه صااح او لا مع اني ماضنيت انه صااح خخخخ
البس اتزين اصبغ مره شقرا مره حمرا مره احط برونز بنتي ام ثلاث سنين قالت ليه يامام انتي سودا خخخ وزوجي مافي اي ملاحظه او تعليق
ودايم اقوله اقص شعري؟ اقلد هالحريم يمكن يحس
يقولي لااا لاتقصينه ابزعل عليك وهو شكله بعد يقلد الرجاجيل خخخ
ميير ذاك اليوم ارووح اقصه او بمعنى اصح اعرمه قصير مره واسوي هاي لايت
وطول الطريق متحمسه اقول في نفسي الله يستر لايزعل يوم قصيت شعري
<<<<احلام واوهام خخخخخخ
يوم وصلت البيت وادخل لين الشيخ ماسك الريمونت ويقلب فيه واجي وانا مرتاعه واجلس الرجال ماحكى
احسبه زعل الله يخلف على قلبي خخخخخخ
اثاريه مانتبه لشعري كله
مير تتناقز العنز بوجهي من الزعل
وانا الي التفت عليه واهد فيه انت ماتحس ماتشوف علمني ماتعب نفسي واتزين لك حرام الخساير خخخخخ
قال لا بالعكس انتبه
قلت طيب ياخي شجع امدح لو كذب قل رائيك
مابعد جتكم المصيبه
عقبها بكم يوم كلمني وانا برا البيت قال وينك قلت في المشغل انا اقصد مشغل خياطه
هو يحسب قصدي كوافير
اول مادخلت مع الباب قال زوجي الله وش هالزين وش هالحلاوه
انا طارت عيوني
واطير اركض للمرايه اشوف وجهي ليني شهبه لهبه حتى الكحل مهوب في عيوني والشعر لازق في الراس عقب النقاب
وارجع له وانا ماش ماني مستوعبه
قال لي بصراحه نيو لك مره حلو
ابو الشباب مستمر في النصب
قلت وشو انت وش تقصد اي تغيير
انقلب وجهه قال انتي وينك من شوي
قلت في المشغل
رجع لون وجه يرد قال ايه محلوه وش سويتي
قلت ضوقت فستاني خخخخخخخ
طمر دخل الحمام مادري ليه عاد هل بطنه حله خخخخخخخ او ماله وجه يشوفني او من الروعه



مرة شريت شموع والله انا نفسي ماقتنعت بس صديقتي كانت معي بالسوق ولزمت علي أشريها
المهم بعد ماعلمتني طريقة توليعها ووين أحطها بغرفتي <<<<<< أخبرها إذا طفا الكهرب وبس
عطرت الغرفة وولعتها دخل أبو الشباب وعلى طول ولع اللمبات كلها المشكلة ثريتي ام خمس لمبات
واتجه مباشرة للشموع ونفخها
وقال ليش مولعتها هو الكهرب كان طافي
؟؟؟؟؟؟؟؟؟
لاعادت عليها من شموع ومن رومانسية
قلت لا بس أجربها هي تشتغل ولا لا <<<<<< امحق رد حاشا صارت جهاز مو شمع


وحده تبي تسوي ليله لوباقي ليله على ما قالو...وحاطه شموع وحاله يوم وصل سبع البرمبه....وإلا يقول الله يقطعك خنقتينا بثاني أكسيد الكربون ....الأخ مدرس علوم ...تقول من عقبها حلفت وقلت التوبه....


وحدة اعرفها ..كانت في بداية زواجها من 10 سنوات ناقر ونقير مع زوجها بسبب صغر سنها وطيشها ...وبعدين شوي شوي مع العيال والسنين عقلت المرة
وخفت مشاكلهم وهي حاسة بهالتغيير وفرحانة بهالنضج اللي وصلت لة وتبي زوجها يلاحظ ...يلمح ....يحس ...عمك اصمخ وهو اكيد انة حاس بس عقدة التعبير مانعتة ..) المهم ..
ماش شافت الرجال ما جاب خبر قامت تلمح لة المرة ..وفي ساعة صفا ..جت مشخصة وقعدت تميلح عندة وتسبل هالعيون
وتتلصق ..قالت :ماحسيت ياحبيبي بشي متغير في حياتنا ؟؟(تستدرجة الضعيفة
قال: وشو مثل ايش ؟؟(مازال الطناش سيد الموقف
قالت :يعني ماحسيت بتغيير ..؟؟(مازالت تتأمل
قال:مدري ...مثل وشو ؟؟(غيٌر عن ايش )
قالت :يعني ما حسيت شي تغير فيني مثلاً؟؟؟؟(ملت من التلميح وجابتها على بلاطة
قال:فيتس انتي ؟؟؟؟؟(بدا يفكر ويهوجس
....وهي مازالت الإبتسامة شاقة وجهها
..وعيونها
تبربش ...وتتميلح ...تنتظر الجواب الشيق ...ليتها طاحت على براطم طخومة قبل تسأله)
قال:مممممممممممممم ....بطنتس عرعر
....!!!!!!!!!!!!!!!
فجأة
زالت كل معالم الفرح والتميلح من خشتها ...وبدأت الدمعه تفحط في مقلتيها
...
..(لا تعليق
...)


جارتى كانت والدة جديد وجلس زوجها يتفكر بالولد لية عيونه كذا وفمة على مين يخرع
ورا اسود؟
وخذ يعدد اقبح الخصال واخر شئ التفت على الام وقال
ما كنه يشبهك
تقول لنا لحظة قالها مت صياح وهى نفاس
<<وترا جارتى فلقة قمر هى وولدها بس رجلها عيار



موقف رومنسي مع زوجي العزيز
كنا مسافرين برا وقاعدين نتمشى بمكان رايق وهادي ومافي احد غيرنا
قام يتلفت بعدين قال ترى مافيه الا انا وانتي
انا تحمست قلت اكيد بينتهز الفرصه عشان ياخذ راحته معاي ولا يقوللي كلمه حلوه ولا اي شي!
قال
لو قتلتك هنا والله محد بيدري عني !!!!



حبيت اعترف لكم بشي خطير بعد 14 سنه زواج قالي زوجي انا احبك والله قالها وشفايفه ترتجف وياله اطلعت حشى كانها سياره مغرزه


انا لي 4 سنين وانا احفر بزوجي لعل وعسى اطيح على بئر الرومنسيه عنده لكن للحين ما طلع شئ شكلي بلقى بترول من كثر الحفر ......... وياما وياما انصدمت من ردوده وياكثرها تخيلي مرررررررررررره كنت مسويه ليله رومانسيه بدون ما يدري وحركات المهم كنت حاطه اوراق لازم يجمعهم علشان يوصل للمكان اللي انا فيه يعني يبيله ابو عشر دقايق على ما يجمعها ويوصلي انا سمعت الباب فتح ورحت على طول اشغل الشموع على اساس انه لسى بيدور على الاوراق شوي الا طويل العمر داخل علي بالغرفه انا طبعا
وش جابك وش تتوقعون الرد
تخيلوووووووووووووووووووووووووو ووو وش رده لما سالته وش جابك ليش خربت يا شينك
........ الخ قاااااااااااااالي ابي الحمام ابي .......(يعملها بالعامي والعامي القصيمي )
انا وقتها اغمن عليه اغمن عليه وش ذاااااااااااا البيت فيه 6 حمامات ضاقت على هالحمام

ولا يشوف شكلي قميص نوم وكشخه وشموع وفواحات وورود واخرتها بـ....... بس جد كانت صدمهقويه ووقتها كنت توي ما كملت 6 شهور زواج تخيلي قعدت اصيح وعلوم بس الله يخلف علينا ياااااااااااااارب والى الان وانا احاول بس اقل من اول بكثير بديت افقد الامل وقلت له شكلي بغسل يدي بكلوركس وبوقف عملية الحفر خخخخخخخخ



وحده تقول توفت وحده يعرفونها وزوجها زعل على حرمته مرة .. يوم رجعت من العزا
تأثرت الاخت وقعدت تحكي لزوجها عن زعل هالزوج وحبه لزوجته ومن هالكلام .. وبعدين تقوم تسأله
الا حبيبي اذا مت بتزعل علي كذا ؟؟
قام زوجها وبكل رومانسيه وحب وحنان رد :
انتي موتي حبيبتي بالاول .. وانا لا ازعل عليكي زعل محد زعله فهالدنيا !!!



وحده مطفوقه وبها نوعا من الجفاسه واذا ضحكت اضربت الى قدامه
بعنى احسن للك لا تضحكينها ..جلست تللك الفتاه عند بعللها وجلست تتميلح وتتدلع عند زوجها ...تبي يتغزل فيها
قال تصدقين ان اول مره احس ان قدامى """مره
فيه وحدة متزوجه شايب في ليلة الدخله هي جالسه في غرفة النوم والباب مسكر والعريس الشايب يبغا يشوفها ورفس الباب برجله والعروسه اغمى عليها ودوها المستشفى0وفيه وحدة متزوجه رجال كبير وليلة الدخله نزلت العدسات والرموش التركيبه وهو جالس يشوفها
قال لها اثر الجمال اللي فيك كله تر كيبه
انا اول مستحي منك بس الحين عادي اقدر انزل سنوني التركيبه عندك
احلللللللللللى رومنسيه صح


بعد شهر من الزواج ..
(كنت لابسه قصير وعرياااان و متكشخة .. )
قالي زوجي ..
ايش الملابس هذي اللي انتي لابستها في البيت
مره ثانيه لا تلبسين كذا .. و اذا بتلبسين كذا خليك بعباتك احسن
عشان محد يشوفك ..( جالسه لحالي بالشقه)

و مره كنا جالسين و برضو متكشخة و لابسه قصير ..
صرخ في وجهي فجأة و قالي ..
اللي يشوفك يقول رايحة زواج مو جالسه في البيت
ايش الملابس هذي ..ليه لابسه كذا ..؟؟
قلت عشانك حبيبي ..!!
قال .. ما ابغاك تلبسين عشاني و تحطين مكياج
لأنك بصرااااااااااحة منتي حلووووووووووه بالمرررررره
( بشهادة الكل جمييييييييييله )

و مره جلست اقوله انت ماعمرك طلبت مني ارقصلك ؟؟!!
قالي .. احمدي ربك اني ما شفتك ترقصين .. و خرج من البيت معصب ..!!!

مره كمان بعد الزواج بسنه .. قالي احنا المفروض ما نسوي..... إلا في الشهر مره
اصحابي يقولون كذا احسن



مره اخوي عطاني هديه تخرجي مدها بقوووه لي قال خذي بنفخه
قلت له قول تفضلي بدلع<<تعلمه الرومانسيه عشان بعدين اذا تزوج
قال احمدي ربك اللي جبت لك؟؟<<<بغت تصيح قلت بتقول لزوجتك هالرد؟
قال ايه ولا عندي فيها تبيها الحمدلله ما تبيها اخذها انا<<<برووووووووود



موقف حضرته في السوق وكانت في قسم الانجري وفيه مصري وزوجته وكانت سمينه جدا وكان يقلب في قمصان النوم وطلع واحد ويوريه لزوجته ويقولها :بصي ده بيخرش بيهوس ..حيطلع عليك جنننااااان وحياكل منك حته ياعسل.. وبعد شوي مرت على سعودي وزوجته تقلب في قميص وتقوله وش رايك اخذه ؟.. الا ويرد عليها وهو معصب..:الله من زين الجسم عشان تشترين قميص نوم... ؟؟"يتمسخر عليها" امشي بس ..مع انها موسمينه ..


منأوووول

 

Um Maryam

New member
إنضم
10 يونيو 2007
المشاركات
332
ههههههههههههههههههههههههههههه
تسلمين والله ظحكتيني،،،،ربي يحفظج
 

روح البندر

New member
إنضم
3 سبتمبر 2007
المشاركات
698
ههههههههه حلوه
بس ترا مهو كل السعوديين كذا انا قوزي قمه فالرومنسيه اصلا ماتعلمتها الامنه>>>وهو يقول لي اني انا علمته اياها:blush-anim-cl:000صح تجى حركات نص كم بس الغالب رومنسيين:icon26:
 

وله المشااااعر

ملكة متوجة
إنضم
14 ديسمبر 2007
المشاركات
3,311
ههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه
مشكوره ........مشكوره..................مشكوره
 
إنضم
17 نوفمبر 2007
المشاركات
214
هههههه هلا بكم حبيباتي ,, تصدقون أن خلقي كان ضايق وودي اتمشكل مع أبو الشباب بس يوم قريت الايميل انفتحت اساريري واستانسنت ,,حظ سي السيد بأاا
 

بنت المجد

New member
إنضم
15 أغسطس 2007
المشاركات
103
وسعتي صدري الله يوسع صدرك بالعافيه
مشكوووووووووووووووووره حبيبتي
 

RedRose

Active member
إنضم
4 يوليو 2007
المشاركات
4,214
ههههههههههههههههههههههههههههه

الله يعين الحريم مساكين

اذكر مرة قبل ما اتزوج وحدة من صديقاتي كانت متزوجة ,,, قلت لها حطي ورقة لزوجك في المحفظة مقصوصة على شكل قلب واكتبي فيها احبك

وسوتها مسكينة ,, وقالت اكيد بيدق علي الحين ... وتنتظر تنظر ما دق ابو الشباب

يوم رجع البيت ,,, نفس الشي ,,, على الصامت خخخخخخخخخخ عجبتني الكلمة

في الاخير سألته : حبيبي ما شفت شي في محفظتك ؟؟

قال : ايه حركات الافلام المصرية :icon28::icon28:
 

22ASMA22

New member
إنضم
28 نوفمبر 2007
المشاركات
35
هههههههههههههههههههههههههههههههههههههههههههههههههههه
مواقف رووووووووووووووعة

ضحكتيني اضحك الله سنك


 

شتات

New member
إنضم
17 يونيو 2007
المشاركات
64
عاد انا بصراحه يااعالي واتمنى انك تاخذين رايي بسعة صدر من جد كلامك زعلني وغثني مصوره الرجل السعودي بشكل مقزز جداا
حرام عليك والله مو هذا الواقع واللي يقراه من خارج السعوديه يتوقعهم كذا فعلا
وفيه مبالغه كبيييييييييييييييييييييره جدا
والله مافي احن واروع واجمل من السعودي اذا حب بجد تلاقين مشاعر عميقه عمرك ماحلمتي فيها
يمكن تكون فيه بعض الحالات الشاذه بس هذا مايخليك تعممين الفكره
بصراحه اشك انك سعوديه
 

دفء الشتاء

New member
إنضم
28 نوفمبر 2007
المشاركات
302
ههههههههههههههههههههههههههههههههههههههههههه

بس حبايبي ترا الرجال واحد السعودي والمصري اللي ربي خلقه شين بيصير شين لييييييييين يموت واللي زين بيصير زين لييييييييين يموت
 
إنضم
4 نوفمبر 2007
المشاركات
292
هههههههههههههههههههههههه جالسه اضحك بنص الليل والكل نايم بسم الله مشكوووووووووووووووووووووووره
 
إنضم
21 يناير 2008
المشاركات
798
بصرااااااااحه تعبت من الضحك00 وتراي اخذت الكلام من باب المزح يعني (نكت) يمكن بعضها حصل لكن نعيد ونقول القله 00ومعك ان السبب التربيه
 
إنضم
27 نوفمبر 2006
المشاركات
117
هي فعلنا بضحك لاكن اناشوف اخواني واعمامي وكل اقربي مدللين حريمهم ولايزعلونهم ولاهي شينه تقولين متزوج ملكه جمال من الغزل
 
إنضم
4 فبراير 2008
المشاركات
4
من جد وسعتي صدورنا الله يوسع صدرك.
ان اذكر وحده من زميلاتي كانت ساكنها في مدينه تبعد عن اهله ساعه ونص تقريبا وبتروح لاهلها بلويك اند قامت كتبت على المرايه كلام رومانسي لزوجها عشان اذا رجع يقراه وهم في الطريق جاء حرامي للبيت وسرق ذهبها لمن رجع زوجها وشاف البيت مسروق اتصل على اخوه لمن جاء اخوه دخلو غرفت النوم قاله اخوه شف وش كاتبلك الحرامي شكله يعرفك خخخخخخخخخخخ
 

حبيبي ربي

New member
إنضم
7 مايو 2007
المشاركات
413
لو حاطة العنوان رومنسيه بنكهة عربية افضل لانها السمة الغالبه للعرب

مع انه فيهم رومانسيين وايد مثل زوجي الحبيب لما حطيت له في شنطة ملابسه قلب فيه احبك الى يومك معلقها على التسريحه يتذكرني:icon26:
 

عزيزة.نفس

New member
إنضم
31 أكتوبر 2007
المشاركات
2,016
ههههههههههههههههههههههههههههههههههههه
ايوالله انكي صادقة {{{{{ صم عمي فهم لا يعقلون }}}}} الله لا يبلانا
بس تدرين :shiny: احس ان حنا لنا دور بعد :shutup: انا زوجي ما صار رومانسي الا بعد ما تعرفت على هالمنتدي :a025:
المصيبة اني ما تعرفت على هالمنتدى الا بعد زواج زوجي :a037: بطلنا ما نبي رومانسية
 
أعلى