رفضت اتصور مع الاجنبيه فقال زوجي هم اشرف عنج

[أم ضماير]

كيف يمكن لزوج ان يقول لزوجته أن هالاجانب اللي مايعرفوا ربهم هم اشرف عنها
كنا في تركيا فجات لي وحده من السياح تبغا تتصور وياي علا بالها معلم سياحي ...لاني كنت لابسه العباه والشيله .....و أكيد رفضت ..فرد علي زوجي انا استحي اكون وياج يعني فشلتيني......الحبيب يبغاني اتصور وياهم .....تركته ورحت ..وجاء لي حسبالي رح يتأسف مني على هالكلمه ...بس اااااااااااااااااااااااااااااااااااااااااااااااااااااه .....قلت له صوري ماتطلع مع هالاشكال والحمدالله ان صوري في البيت وبس.......قال لي انتي لوتعرفين ان هالناس اشرف عنج وحرام عليج هالعباه اللي لابستنها ......شوهتي سمعت الاسلام .....

يارب تصبرني .....زوجي تزوج علي من وحده عربيه متبرجه ...ودوم احس انه مايغار ابد


خلاص رح انهي هالعيشه وياه ...بعدي شباب والحمدالله وجميله والف واحد يبغاني ويغار علي ...تحملت كل شيء منه الا هالشيء ما أقدر اتحمله

يارب لا أسألك رد القضاء ولاكن أسألك اللطف فيه

 

[@لورا@]

ياعمري الا الحجاب لاتنازلين عن ولا بكنوز الدنيا وحتى لو على طلاقك
هذا هو ستر المرأه وديننا الحنيف أمرنا بكذا

 

[ألذ البنات]

الله يعين قلبك ويثبتك على الراي السديد

 

[أحساسي كتلوني]

الله يعينك حبيبتي
بس انتي جايبة منه اولاد

 

[أم ضماير]

الله يعينك حبيبتي
بس انتي جايبة منه اولاد

للاسف نعم عندي ثلاث أولاد ..........بس لماقلت له الحمدالله اني ماجبت منك بنات قال أحسن علجان ماتعقدين فيهم

 

[خلودالحربي]

حسبي الله ونعم الوكيل علية هذا الصراحة مايستاهل بنات الحمايل الملتزمات المتمسكات بدينهن..

 

[ريميشي]

طيعي زوجك إلا في معصية الله لا تطيعينه
الله يصبرك ويقويك

 

[أحساسي كتلوني]

ياربي كيف معاملته صدج انه مايستاهل
بس اجولج نصيحة يلسي عشان اعيالج
وهو متى تزوج عليج قبل السفر ولا بعد
هذه السفرة

 

[بدون نك وكلي لك]

الله يصبر قلبك​

 

[الشتاء الدافئ]

ماشاء الله تبارك الله الله يثبتنا وياك على الدين والطاعه ....
طنشيه ولا يهمك وانتي مبين عليك امراءه صاحبة شخصيه قويه ورأي حكيم
فانتي قرري اذا هذا الاب قدوه جيده لاولادك ومستمره معه عشان يربيهم ويهتم فيهم
فتمسكي فيه عشانهم اما اذا كان عكس ذلك ومتزوج عليك وغاثك في عيشتك
فاستخيري في الاستمرار معه وادعي له بالهدايه الله يعينك ويسدد خطاك..

 

[أم ضماير]

ياربي كيف معاملته صدج انه مايستاهل
بس اجولج نصيحة يلسي عشان اعيالج
وهو متى تزوج عليج قبل السفر ولا بعد
هذه السفرة

حبيبتي هو تزوج علي الحين من سنه ونص .....وهالسالفه هي اليوم لاني حاليا في تركيا
بغينا نغير جو ويابعض بدون العيال .....بس شوفي اللي حصل ؟ هو أبد ماعنده احترام لي

 

[هداااااااايه]

ياسلام يااختي اهنيك على جهادك في سبيل الله
انت مع الله والله راح يكون معك وكل شتيمه من زوجك او اهانه راح يرفع به الله قدرك بأذن الله
اختي وحبيبتي اصبري واصبري عليه من اجل الله ثم من اجل اولادك والعاقبه للصابرين والله معك

 

[@@الجوهره@@]

استغفر الله هالرجاااااااااااااااااااال جنو وقعدو
والله ماعرفنا نرضيهم ولاعرفو يرضونا مااندري وش الحل معهم
والله لو انا تاجرات وعندنا بيوووت ملك وموظفات ماحتجنا لهم بس الشكوووى لله
الله يعينا عليهم

 

[تقوي الهجر]

الله يكملج ابعقلج ويثبتج علي دينج

 

[أحساسي كتلوني]

شوفي حاولي تجوليله انا شو الي امقصرة معاك عشان انت اتعاملني بهذة الطريقة
هل لاني متمسكة في ديني أو لان في شي ثاني مب عايبنك فيني

شوفيه شو برد عليج ؟

وبعدين خليه يعرف انج مب منزعجة من كلامة
وجوليله انك عارفة نفسي عند ربك بدون ماانت اتجول

 

[وهم79]

اختي الغاليه
زوجك شكله غربي
صح لا تعصين ربنا وفخر لكل مسلمه الحجاب
لكن البزر وهو بزر تكلميه على مستوى عقله والرجال طفل كبير

انا بنسبه لي ما فيها شي لو توصورت معي بالعكس فخر يشرفها انها تتصور معي وانا محجبه
وحتى زوجك قوليله وبكل ثقه انت نظرتك لي وكلامك لي يرفع من قدري ما ينقصه ودامك متفشل مني
الاجنبيه وهي اجنبيه تبي تتصور معي لان حجابي عجبها كيف وانت يالمسلم ما اعجبك ومنحرج منه
حاولي تتعاملي مع زوجك بالبيت مثل الغرب في بيتك من ناحيت اللبس والكلام والحركات
ودام في اولاد وعشان كلام قاله موب منقص من قيمتك بالعكس يرفعها
لا تطلبي الطلاق وتعاملي معه بحكمه وحيله وكيد الحريم

 

[@@الجوهره@@]

اختي الغاليه
زوجك شكله غربي
صح لا تعصين ربنا وفخر لكل مسلمه الحجاب
لكن البزر وهو بزر تكلميه على مستوى عقله والرجال طفل كبير

انا بنسبه لي ما فيها شي لو توصورت معي بالعكس فخر يشرفها انها تتصور معي وانا محجبه
وحتى زوجك قوليله وبكل ثقه انت نظرتك لي وكلامك لي يرفع من قدري ما ينقصه ودامك متفشل مني
الاجنبيه وهي اجنبيه تبي تتصور معي لان حجابي عجبها كيف وانت يالمسلم ما اعجبك ومنحرج منه
حاولي تتعاملي مع زوجك بالبيت مثل الغرب في بيتك من ناحيت اللبس والكلام والحركات
ودام في اولاد وعشان كلام قاله موب منقص من قيمتك بالعكس يرفعها
لا تطلبي الطلاق وتعاملي معه بحكمه وحيله وكيد الحريم

كلام وهم صح صح

 

[ام طوطو]

الله يعينك

 

[حمرونه]

الله يصبرك يارب ويثبتك ويثبتنا وياكي على الدين يارب
الله يسخره لك ويهديه يارب...امين

 

[طفشانة على طول]

الله المستعان اسأل الله لك الثبات وانت على حق
وادعيله بالهدايا والصلاح واكثري من الاستغفاررررررررر​