رضيعي يخاف من الناس

[aso0ola]

سلام عليكم

مشكلتى رضيعي لما يشوف حد او حد يحمله يتم يصيح ويصارخ
مايبي غيري والله تعبببت
ودايما مفشلنى قدام الناس مايروح عندهم ويتم يصارخ ويصيح فوجههم

 

[فلسفة أنثى]

وعليكم السلام ...

هذا الشيء طبيعي اختي
لانه يبداء يتعرف على الناس
واي وجه غريب يصيح ...

واغلب الاطفال حتى لو يشوف الشخص دائماً
مايبي غير امه

وكل ماكبر كل صار الوووضع عادي عنده ...

الله يخليه لك ويخليك له ان شاء الله

بالتوفيق ...

 

[توتونجد]

طبيعي يا قلبي

يكبر ويصير عادي وضعه

 

[ღ اُمـ رامي ღ]

عاجي في اطفال كثير كذا يصيرو متعلقين بحضن امهم خصوصا الي يرضعو طبيعي
انتي حاولي لا تحمليه دائما الا للضرورة
يعني وقت التحفيظ الرضاعه وقت انك تحطيه في سريره
غير كذا لا تعوديه بالمرة خليه حتى لو بكى صدقيني امي نصحتني واستخدمت هالاسلوب مع ودلي
وماشاء الله من هو بيبي اجتماعي ويتقبل اي حدا يمسكه ويلعب معاه​

 

[aso0ola]

اها

يعطيكم العافيه وماقصرتووو


بس في فرررق كبير بينه وبين ولد اختى
والاثنين نفس العمر
هذاك عكسه يصيح عسب يشلونه
هذا يصيح مايباهم يشلونه يخاف

 

[aso0ola]

الله يخليه ويصير اجتماعي انا خوفي يصير نفس اهل ابوه (زوجي) منعزلين ومستحيين عن الناس

 

[حلو القصيد]

انتي عوديه اطلعي روحي خليه يشوف الناس

وعادي لانو بدا يفرق بين الوجيه اللي تعود عليها واللي لا

خليه اجتماعي كل يوم خليه يشوف

والله يحفظه لك

 

[غرك سكوتي]

بنتي كانت كذا بلقو تجلس مع الحاضنه اول مر تصيح صراخ يقطع القلب يعني بعد ثلاث اسابيع افهمت اني مراح اتركها وتعودات بس حلو الجري بنت ماتتكلم وحزينه قدام ناس

 

[عسـэšζـــل]

ليش كم عمره

 

[جارة حرم مكة]

هذا شي طبيعي في اغلب الاطفال لا تخافي انا ولدي كان زي كذا مع الوقت تعود من كثر مانروح لبيت اهلي وبيت اهل زوجي ومن كثر الزيارات تعوووودصار سم الله عليه يلعب مع كل واحد يشوفه لا وياخذ طبايع الرجال صار يحب الكورة كثير مع ان عمره سنه وخمس شهور ومايبي يجي مع البنات يعننني رجاااال الله يخليه لي ويعطيني بره ويصلحه هو وخواته ...آآآآآآآآآآآآآآمين

 

[مييسو]

كل طفل يختلف عن الثاني ولدي مايخاف اي احد يشيله عادي مايبكي وبنت اختي اصغر من ولدي وتصيح احد يشيلها تخاف

 

[ياحبني لنفسي]

مع الوقت يتغير

 

[احساس الدنيا]

عادي انا بنتي من عمرها 3 شهور فضييييحة تروح لاهلي ولا اهل زوجي وصررريخ الين اخرج من عندهم وكرهت الخرجة والناس منها


وسبحان الله دحين قريب 5 شهور لوحدها سارت تضحك للناس ومع اني ما اخرج دايما في البيت لا تخافي مع الوقت يتغير ربي يخليه لكي ويحمي