ردو علي بسرعة

[المظلومه39]

انا يااخوات جالسة ببيت اهلي تقريبا ستة شهور وان زوجي هو اللي مطلعني من بيته قصدي من بيت ضرتي لاني جلست عندها ثلاثة شهور وانا صابرة عليه علما انه تزوج علي مرتين وانا ام عياله وعشت معه عشر سنين وكان لا يعدل وصبرت عليه علشان عيالي والان يقول انا ماابيك وطلعت وتركت عيالي عنده والحين جاب زوجته الثالثة عند الثانية اللي سكنت عندها وتقريبا قبل شهر ارسلتله رسالة اول مرة ارسل لان اهلي يقولون اصبري وقلتله ودي اعرف وضعي وارسل وقال ثلاثة ايام ويكون الرد ولا رد علي وبعد ثلاثة اسابيع قلت وين الرد وصار لي عشرة ايام ولا رد علي وش رايكم يابنات ارسل مرة ثانية والا اسفه وحتى الوالد كلمه يوم صار الشي ولا عطانا سبب مقنع انه يبي يطلقني حسبي الله على الظالم

 

[قهوة مارس]

طيب خلي ابوك يقوله اذا ماحسمت الامور ترى بشكيك للمحكمه وهي تفصل بينكم ..

لانه مو صحيح يخليك معلقه كذا .. خير هي سايبه ..

وانتي ياختي الزمي الاستغفار .. وعسى الله يفرجها لك يارب ..

 

[المظلومه39]

شكرا يااخت قهوة مارس ابوي مستحيل يشتكي عند المحكمة ويقول اصبري وانا مليت من الصبر

 

[نواره99]

لاحول ولا قوه الا بالله مدري شاقولج اختي الله يصبرج ويسخر زوجج ويهديه لج يارب
اكثري من الاستغفار وقراه القران والدعاء والله يسهل امورج

 

[سلــمى]

غلاتي على ايش تصبري
حتى مافي شئ واضح قدامك علشان تصبري عليه
هو اكيد مبسوط مع حريمه وما يدري عنك
حركي الموضوع من جهتك انتي وما عليك من احد
كلمي ابوك بحزم وجدية انك مليتي من هالوضع وتبين تعيشين حياتك
مو ضروري تتزوجي بس على الأقل تكوني بحريتك وتقدرين تشوفين عيالك
اذا ابوك ما ترحك وشايف انك لازم تصبرين لين ما يضيع عمرك اجل انتي تحركي
روحي المحكمة وارفعي دعوة خلع
وان زوجك شفتي منه انه ميال للصلح اجل خير حطي شروطك الي اهمها
بيت منفصل وهذا الشرط لا تتنازلين عنه لو ماعنده ما كان عدد هذا حقك الشرعي لاتتنازلين عنه
العدل في المبيت ولو يكتب ورقة للقاضي بهالشئ علشان يكون الزام له وكمان علشان يعرف انك مارح تتركين حقك
مالك في حريمه وحريمه بعد مالهم فيك لا يدخلون في حياتك وانتي بعد لا تتدخلين في حياتهم
واتعلمي حياتي فن القوة وفن كسب الزوج ولا تدمري حياتك في حين ان زوجك مستمتع في حياته وفي احضان حريمه
غلاتي
هذه حياتك انتي وحياة عيالك
ما عليك منه
عيشي انتي وانبسطي وخلي عيالك بعد ينبسطون ويعيشون حياتهم
ما يستاهل احد ياخذ منك حياتك ويسرق عمر وفرحة اولادك واستقرراهم
موفقه

 

[المظلومه39]

هلا يااخت سلمى بالنسبة لعيالي يجون يوم واحد بالاسبوع وتبين اروح للمحكمة اهلي يرفضون ويقولون هو لازم يتحرك لانه هو اللي مطلعك

 

[محرومه من زوجي]

شوفي حبيبتي
ارسلي له
قولي ابي الرد الحين مو معقوله اكون معلقه عطني الرد عشان اروح اشوف حياتي
اذا ماتبي ترد بروح للمحكمه ماابي انتظر
يعني تهديد لو مارحتي للمحكمه

 

[المظلومه39]

يعطيك العافية يااخت محرومة من زوجي على هذا الرد والله يفرجها لي ولك عاجل غير اجل وينصر كل ظالم ان شاء الله

 

[المظلومه39]

انا انتظر ردودكم يااخوات وش اكتب بالرسالة اللي سارسله له والا ماارسل واصبر

 

[صفحه جديدة]

الله يعينك ويفرج همك لاتنسين فيه شي مهم الد عاء واستغفاري كثيروالصدقه تدفع البلاء

 

[روكا]

شوفي حبيبتي
ارسلي له
قولي ابي الرد الحين مو معقوله اكون معلقه عطني الرد عشان اروح اشوف حياتي
اذا ماتبي ترد بروح للمحكمه ماابي انتظر
يعني تهديد لو مارحتي للمحكمه

صح قوليلو كدة حتى لو تهديد يمكن يجيب نتيجة واذا ما جاب
سامحينى أهلك سلبين بحقك جدا


كلمى انتى أمه أو أبوه أو أى حد يحترمه ويخاف الفضيحة أمامه
أختى واضح انك لا تريدين الطلاق (ومن منا أعانك الله)
لذلك كلميهم عن وضعك بس وقوليلهم شوفولى حل والناس فى اغلب الاوقات لا تطرح موضوع الطلاق
وان صمم هو خلاص هتعملى ايه مع السلامة وان شاء الله ربنا يعوضك خير
بس لازم تحطين حد لمشكلتك هذة
ولو طرشتيله مسج اكتبى فيها مثلما قالت اختنا محرومة
عليك بالدعاء ةواللجوء الى الله
هو خير معين

 

[بالاحلام]

اختي الحبيبة ليش ترسلي له رساله خليك قويه وكلميه مباشرة وانا من رائي دام انه قالك بصريح العبارة تخرجي من حياته معناته ما عاد يبيك فاطلبي ورقتك منه ووشوفي حياتك والله يعوضك خير