ردو على تكفوووو

[الحـــزينه]

من من ثلاث ايام رحت موعدي وعندي الم وقاستني الدكتوره قالت فاتح 1سم والحين هذي يومين ولا في الم ولا شي ويش اسوي مشيت مافي الكفايها ومارست الجنس وشربت دارسين ولا حاسها باي طلق وهل يصي الجماع وقت الطلق ولا انا طفشت وتعبت ابي اولد والله احاتي ابي حل يفتح ارحم ​

 

[ملامح الطفوله]

حبيبتي انتي شكلك بكريه
وعلى ماسمعت ان البكريه تخلص التاسع كامل وبعدييين تولد
اللي اعرفه اليانسون حلو
والحليب المحلى بالعسل
والمشي حلو بس لاتعبي نفسك بكثرة المشي
امشي لك كل يوم ساعه
وبعدها خذي دش واسترخي خذي كفايتك من النووم
ولاتخافي انشاءالله تولديين بالسلامه
والعقبه عندنا يااااااااااارب
ويارب يجعلها ولاده ميسره وسهله

 

[الحـــزينه]

مشكوره حبيبتي بس هذا حملي الثاني

 

[الماسة غير]

لاتستعجلي على نفسك بما إنه فتح سم فأكيد راح يفتح أكثر
بنت خالتي كذا فتح لها سم ومافتح السم الثاني إلا بعد يومين وظلت كذا وبعدها باسبوع بيوم واحد انفتح رحمها 5سم و تسهلت ولادتها و ولدت بنفس اليوم مع إنها زهقت وفكرت تسوي عملية بس الحمد لله ولدت طبيعي
فلا تخافي
والله يسهل عليك يا رب​

 

[كلي امل فيك]

السلاا. ...
انتي نفس حالتي البارح ولقته 1س هذا بعد مشي ساعه وجماع. ....
ولما رديت البيت شربت قرفه وياليتني ماشربتها مسكتني الام الله لااوريك من البارح لليوم مع انه كان معي طلق....بس الله يسهل للجميع

 

[مزاجي وبس]

الله يسهل لكم يارب
وتقومون بالسلامة

 

[حيرني آمرگ]

حتى انا مفتوح 1 سم واليوم شربت حليب وعسل مع ملعقه قرفه
واحس بالام تروح وتجي الله يستر بس >> يوم قربت الولاده خرعت
الله يسهلك ويسهل لي ولكل حامل ياااارب

 

[الحـــزينه]

مشكورين ماقصرتو والله يسهل ولادتني

 

[شمس الضحا]

الله يسسهل عليك حبيبتي و تشوفين البيبي سليم معافى يا رب