رجاءلاتهمل رسالتي زي اللي قبل ردو الله يعافيكم

[اصل المحبه]

السلام عليكم/مابي اطول في الكلام راح اقول سالفتي///
اناوزوجي صريحين مع بعض وواثقين لدرجه انه لويصيرمعه موقف مع اي وحده من الحريم يجي يقولي مره حصل وبالصدفه جلس جنب وحده وطلبت ايميله طبعاهوعطاه الايميل لكن موالشخصي عطاه واحد ثاني طبعا هوعلطول قالي على السالفه وقال انه بس كذا عطاه ايه بس علشان رجال يعني على قولتهم فشله يردها
المهم هوطنشها بالمره لدرجة انها جابة رقمه من غير مايعرف وتفاجاءبعدوقالت له باني انا موعجبه فيك واحبك طبعا زوجي رد عليها بانه مومال السوالف وقال انه انا مترتبط وعندي اولادوالحمدالله هي قالت انامابي منك الا انك تكلمني وتراسلني فقط لاني انا مريضه كلها كم يوم بموت طبعا زوجي ماصدق تحقق من هالشي وفعلاصارت مريضه هوجاب برنت كامل عنهاالمهم ان زوجي ماصرح لي انه بداء يكلمها ويتراسلون انا بالصدفه اخذت مره الجوال لقيت فيه مسج مرررره غزلي المرسل طبعا من البنت اناجيت ودقيت لان زوجي مايجي بجواله زي هالاشياء ابدردت الانسه انا مجردماسمعت الصوت سكرت انا بعدها خلاص بنفجر:icon28:
لاني ماتوقعت هالشي من زوجي ناديته صارحته قال انا قايل لك بس ماقلت اني رجعت اكلمه بس وربي وحلف لي انه اول مره تصير معه وانه يبي بس يسايرها لانه مريضه مريض خطير لدرجه حتى انه ممنوعه من الزواج لاوبعد جابت رقم ام زوجي لاني زوجي طنشها على حسب كلامه وحول يبعد عنها بس تحاول تقرب له بكل الطرق لدرجة ان زوجي طلب اني اكلمه بس طبعا انا رفضت ((انا محتااره وش الحل زوجي يقول اصبري فتره وتعدي وانا احس باني ماقدر))؟؟؟؟؟؟

للمعلوميه//كتبت موضوعي الصباح اليوم ولما رجعت على اساس اشوف الردود لقيته ممسوح ليه ممكن اعرف الاسباب؟؟؟

 

[نايس هواوي]

المريض يطلب من الله الغفران والسماح موب يروح يسوي علاقات محرمه والله انك طيبه اصري على زوجك يتركها مريضه ولا طيبه خير ان شاء الله وانتي وش دراك انها بتموت عن قريب يمكن عمرها اطول من عمرك فتحي وانهي العلاقه

 

[المنقبة]

شنو مريضة مريضة تروح تسجد لله وتدعي الله يشفيها ريلج مب دكتور ولا طبيب نفسي لا تسكتين على هالحال باجر الحال يطور و اذا سكتي على هالمشكلة باجر كل يوم يقولج بحكي مع فلانة وعلانة لانها مريضة
موفقة حبيبتي بس ريلج ما شاء الله صريح بسرعة تتفاهمين معاه مب مثلنا بعض الرياييل تكشفيه وينكر يلوع جبدج

 

[70o0oR]

ليش رفضتي تكلمينها

كلميها وهزئيها وقولي والله لدعي عليك

وزوجك لا تخلينه يكلمها وازعلي عليه ليه يغير رقمه علشان ما تقدر توصل له

 

[هزي يانواعم]

قصه غريبه مريضه تغازل ماتخش العقل مرها بعدين افرضي مريضه من هي على شان يتكام معاها ام بغت تموت ايش عليه منها بعدين ايش الفشله الا الفشله انه يعطيها وجه المهم قصتك فيه تناقضات شويوحده مريضه مرض خطير تدور رجال ماتقدار تتزوج على شان يبعد الشبه عنه الي يقوله هذا من وين جايب هاذالمعاومات ليه تجيب رقمه وتدوره ياماما بنات الحرام واجد يمكن وحده تعرفك وتبي تخرب بيتك خاليكي قويه مادم زوج زين لا تخسرينه على شان وحده مريضه نفسيا وقفيه عند حده قولي له بنات اعرفهم كثيره يحسدوني ويحاولون يخربون بيتي بكل الوسائل او مثل طرشي رسائل تهديد على جولك الخاص بانه وحده تخرب بيتي خاليه فيها انه بتجيب تسجيل مكلاماتك وتسجيل بافديوا وانه بترسله لي سوي روحك ماعرفتها بس رسائل تهديد خاليه يحس انه خربات بيوت وبيخاف منه ويبعد عنها وهديده قولي لو رسلت رسائل وصار كلامه صح ترى بفضحك عند اهلك سوي كل الحيل حتى لو تقولين انه تهددني بتنقل لك الايدز باي طريقه

 

[عنااايد]

وش هالاستهبال فيه احد عاقل يسوي هالامور يعني العافيه بيد زوجك اذا ربي كاتب لها تموت بتموت واذا ربي كاتب لها العافيه بتعيش
زوجك وشو يعني علاج لهاااا ارفضي ودافعي عن حقوقك وكرامتك قولي لو انا ترضى اكلم شباب تحت اي ظرف من الظروف
قولي تختار يارضاه يارضااي انا وبسلامتك
قليله ادب صراحه المريض يشكو بثه وحزنه لله وهذي تكلم واحد متزوج وناشبة له
وتاكدي من سالفه المرض بطريقتك الخاصه اخاف لعبه مسوينها عليك

 

[وردة الحجاز]

الآن مع دخول الأفكار الغريبة على مجتمعنا أصبح هناك أمور غريبة وأفكار دخيله علينا

منها إن المريض يعيش بالحب فترة أطول وبالحب والعشق يمكن أن يقوى ويتغلب على مرضه

يمكن هالانسانه دخلت على زوجك من هذا الطريق وهو صدقه ..

سبحان الله ..هذه من خطوات الشيطان ..يدخل له من باب الرحمة والشفقه ثم يوقعه في الحب والفتن

اختي حاولي جاهدة وبطرق دبلماسية تتفاهمي مع زوجك وتبيني له حرمه ذلك وأن قصد الرحمة والشفقه لا يعفية من

تحمل الإثم والوزر

 

[ملكة ببلقيس]

طيب اذا صارت هي تكلم زوجك و عذرها انها مريضة
طيب شو عذر زوجك لما يكلمها ؟؟؟؟!!!!
ياختي فكري زين وانتبهي لزوجك
واذا كنت واثقة من زوجك ماانت واثقه من بنات الناس و الشيطان

 

[*الصمت*]

مرررررررررررررررة الموضوع ماعجبني انتي شكلك طيبة
لو واحد مريض ويموووت بعد ساعه كان بيرضى تكلمينه
انهي الموضوع بطريقتك وكلميها وتحسبي
وموضوع انه جابت رقم امه ...؟؟؟ مادخل مزاجي فية انا

 

[سرووور]

انتبهي وأنقذي عشك قبل فوات الأوان

 

[لحن المطر ~]

حبوبه ما بينتي شو مرضها اولاً << اذا كان الايدز فمعروف هدفها شو
ثانياً انتي مو صديقته عشان يقولج شو في باله وتسكتين انتي زوجته ومن حقج تمنعينه عن اي شي يهز كيان اسرتج

يعني يداري مشاعرها المريضة ولا يداري مشاعرج انتي ؟؟؟

عجيب امرج

 

[ترانيم الألم]

ياحبيبتي موضوعك ذكرني بموضوع وحده كتبت مشكلتها قبل فتره........انه زوجها يكلم وحده معاقه وماتمشي وكل ماصدها تطيح في المستشفى وتدخل العنايه وامها ترسل له تقول بنتي بتموت.........وبعدين اكتشفت الزوجه صور لها في جوال الزوج وهي لابسه بنطلون وواقفه مافيها لا اعاقه ولاشي ولا بعد اكتشفت انه بينهم سكس فون واشياء اعوذ بالله.............انتبهي ياعمري لا تطحين بنفس المطب..........حتى لو مريضه الله يتكفل فيها اش معنى تبي زوجك هو الي يعطيها رعايه روحيه ماتروح تستغفر وتقعد وسط اهلها تتودع منهم............وبعدين زوجك يرضى تكلمي واحد بحجة انه مريض وكم يوم بيموت:busted_red:؟؟؟؟؟؟؟؟؟؟؟وانتي ياروحي غلطتي من البدايه مو عشان انه زوجك يصارحك بكل شي تثقي فيه ثقه عمياء.............اصري عليه يقطع علاقته فيها هذا حقك............

 

[عنقود عنب]

عزيزتي

انهي هذه المهزلة قبل ما تدخلون في مصيبة

 

[عروسة الربيع]

حبيبتي انتبهي
تذكرت قصة وحده اعرفها كان زوجها يكذب عليها عشان تطمن له وماتشك فيه
يقولها والله اصدقائي عزموني في مخيم لما جيت لقيت بنات واعتذرت وجيت عشان مابي اخونك وكان دائم يقولها في بنت اتصلت علي وقلتلها انا متزوج وقفلت الجوال بس مايبغاها تشك في الأخير اكتشفت انه يخونها
بس انا مااقول هالكلام عشان تشكين في زوجك بس عشان تاخذين حذرك ومو كل شي تصدقينه من الرجال

 

[ميوسه]

عزيزتي

من البدايه ليش زوجك يعطيها ايميله ايش دخل الرجوله بهالامور

انتبهي من زوجك وراقبيه وبيني المسموح له والممنوع

وقوي شخصيتك


وهالعلاقه البسيطه بينهم البي انها تنتهي وبكل قوتك

 

[...ليووونه.....]

:icon28:

المريض يطلب من الله الغفران والسماح موب يروح يسوي علاقات محرمه والله انك طيبه اصري على زوجك يتركها مريضه ولا طيبه خير ان شاء الله وانتي وش دراك انها بتموت عن قريب يمكن عمرها اطول من عمرك فتحي وانهي العلاقه

تسلم يداك وفيته وكفيته

 

[كلكوليت]

ياسلام على زوجك بس
اسمعي هاذي بنت حرام وتكذب علىزوجك وهوعارف انها تكذب عليه وهي تمثل عليه المرض وهو يمثل انه مصدقها خليك حاسمه معاه وخليه يحلف انه معاد يكلمها ويغير رقمه ولا ترى بيروح من بين يدينك وانتي تتفرجين ياحلوه