ربي يخليها لعين ترجيه للي ترد علي

[ياكريم الطف]

يابنات تكفون شورو
علي
زوجي مطلق زوجته من السنه الماضيه بشعبان
وخطبني برضو بشعبان
يعني طلقها من هنا وتزوجني من هنا
وزوجته من النوع الي خربان منتهيه
وخرابة بيوت
تزوجها عن قصة حب
وما بني على باطل فهو باطل
المهم طلقها بعد زواج دام خمس سنوات
بدون اطفال
المهم
هي تحب زوجي موووت
حاولت كذا مره تخرب بيتي
بس زوجي واقف لها وبنفس الوقت
يكلمها
كيف مادري
وشكيت كذا مره بإنه يطلع وياها
سالفه طويله عريضه
من حصلت ليومي هذا
بس زوجي تغير الحمدلله خف عن أول بكثيييييييييييييييييييييير من ناحية ميلانه لها
وصار يهتم فيني غير عن السنه الماضيه
بررت له
بإنه توه طالع من تجربه وأنا لسى ماعرفني زين وقدرت أكسبه
بتعاملي الطيب معه

الحين جاتني فكره
أبي أسويها بس خايفه عواقبها ماتكون في صالحي
فكرت احط رقم ولي امرها في مركز زواج
وأحط مواصفاتها ومواصفات عريسها والي الغالب تنطبق في شخصية زوجي
تشوفون إني أفكر صح ؟؟
والا غلطانه ؟
أنا متخوفه من حاجه
إنها تتزوج ويطلقها زوجها وتتحلل
وتقوم بعدها تلف على زوجي
وتعرفون حيل النساء وكيدهم
وبالذات هالنوع
طبعا زوجي
ابي اقلكم انه طلقها وهو مقتنع تماما انها مو كفو زواج وان زواجه منها غلطه
كان في عوامل ثانيه اجبرته يتزوج منها
زوجي شمالي شرقي
وطيب وحنون لأبعد درجه

تكفون ربي يرزقكم الي تبونه دلوني وربي محتاجه مشوره
مابي اكلم احد من اهلي عن موضوعي ولا ابي اكلم احد من اهله
انتم هلي وناسي رجيتكم تردون علي
حتى لو بدعوه
​

 

[أم لطيفه]

الحمد الله ان الله هدى زوجج
ما انصحج ابدااا انج تفعلين شي
تخيلي لو زوجج عرف بالموضوع بيتغير تفكير من نااحيتج
وبتطلعين انتي رااعيه المكاايد
فكري زين قبل ما تسوين اي شي
والله يوفقج مع زوجج

 

[>> غادة <<]

اختي الكريمة ,,

طبعاً خطأ اللي تفكرين فيه

تخيلي لو انها تحللت لزوجك ورجعت ,وش بيفكك منها

عالاقل هالحين تكلمه وتقابله بالدس زي الحراميه

لكن اذا تحللت ورجعها راح تكون موجودة بحياتك بقواية عين وراح تسوي المستحيل وتطيرك من البيت

فلا تفكرين ابد تزوجينها


ولي تعليق ,,

ماعتقد ان زوجك شمالي شرقي ,,

الشرقي مستحيل يتزوج وحدة كانت معاه على علاقة ,, ولا يحب المغامرات ولا له خلق عليها

اتوقع زوجك غربي لانه متهور وصاحب مغامرات


المهم حبيبتي خليك واثقة من نفسك واهتمي بحالك

ولا تخلين اي وحدة تزلزل كيانك



بالتوفيق

 

[مجنونة ميدو]

حبيبتي لا تستعجلين الامور وتنقلب عليكي وانتي بعد استعملي كيد النساء لتكسبي زوجك في صفك ولا يقدر يستقنى عنك وعن سالفة زواج طليقته اتركيها لله وكثري استغفاااار والله يكفيك شرها واذا مسختها مررره دخلي احد من اهله مثل امه او اخته والله يوفقك

 

[قطـــــريه]

شيليها من بالج .. ونصيحة مب حلوة تقولين ان المره منتهيه حتى لو صحيح .. استري عليها الله بيستر عليج ..

 

[المثابرة دود]

كان الله في عونك حبيبتي ولاتتهوري اسألي احد اخواتك خليها معاك في كل خطوة عشان تساندك وتصصح لك الخطأ اذا كان موجود وتعينك على المشاكل بعد الله وربي يهدي زوجك ويخليكم سمن على عسل يارب

 

[امال بعيدة]

الله يكون في عونك

 

[دنيا حظوظ]

الله يخليكم لبعض ويبعد عنكم الشر

 

[لمار9994]

طبشيها ولا تفكرين فيها ركزي علا زوجك وبسسسسسس لانك لو تملكتي قلب زوجك يصير واثقه فيه مايهمك احد

 

[كنز حبايبي]

خليها بحالها شنو تبين فيها لا تغامرين من حفر حفر لاخيه وقع فيها انتبهي لحياتك والله وخلي هالكلمه على بالك اللهما اكفنا شرها بما شئت ودعي لها بلهدايه ودعي لزوجك قولي الهما اغسل قلب زوجي منها ومن حبها وصب غلاي في قلب زوجي صب صب



واللهما ابعد عنا بنات الحرام وعيال الحرام اللهما امين اللهما سخر ازواجنا لنا يارب

 

[محبة الكوثر]

أنا في راي أطلب من الله اليها ان يسرى امرها وتبتعد عن زوجيش أفضل من فكرتك

 

[الأسطـــــورة]

نصيحة شيليها من باللك بس انتبهي على زوجك


والله يعينك على هالدوامة

 

[تلميذة ناعمه]

حبيبتي لاتفكري فيها وطنشيها متل ماقال البنات وزوجك اعرف بمصلحتو يعني اكيد مادام طلقها باقتناع فمش معقول يرجعها وهوي عارف اديه عانى منها...

حبيبتي اذا زوجك معك تمام وحياتك ماشيه منيح فخلص شيليها من راسك والله يبعد كيدها عنكن...
وادعو الله لك بالتوفيق وان يحفظ زوجك لك ويحفظك له وان لايفرق بينكما ابدا...\

تقبلي مروري...

 

[نفسي اضحك]

قولي الحمد لله شيلها من بالك

 

[دنياxدنيا]

استغفر الله

 

[أسأل ربي توفيق]

الحمد الله ان الله هدى زوجج
ما انصحج ابدااا انج تفعلين شي
تخيلي لو زوجج عرف بالموضوع بيتغير تفكير من نااحيتج
وبتطلعين انتي رااعيه المكاايد
فكري زين قبل ما تسوين اي شي
والله يوفقج مع زوجج


​

​

​

 

[المصيوته]

خليها في حالها
واهتمي بنفسك

 

[المراءه الذهبيه]

لا تعبين نفسك بالتفكير
و وكلي امرك لربك وقولي(وافوض امري لله)
من توكل على الله كفااااااه

 

[عابـــرة سبيل]

الله يخليكم لبعض ويسعدكم ...
وجعله تتزوج وتفتكين من شرها ...

 

[هاااي]

ما ادري ومو متزوجه بس اقوول الله يبعدها عنك
سبحان الله وبحمده سبحان الله العظيم ...سبحان الله عدد ماكان وعدد مايكوون وعدد الحركات والسكون اتمنى انكم تذكرون الله دائما وانكم ماتنسوني من دعائكم لاتنسوني محتاجه الدعاء لي ولاهلي