ربي اني مسني الضر وانت ارحم الراحمين

[soft-girl]

رجعت لبيت زوجي بعد ماطلبت الطلاق واتفقنا اني ارجع وكانت فترة جلوسي لبيت اهلي شهرين وللاسف يابنات زوجي جا من سهرته ولا حتى سلم ..رحت ابي اسلم عليه لقيته مطفي النور ومسوي نفسه نايم....تكدرت يابنات وذبحني قلبي

 

[حبيبة حبها]

ليش انتي جيتي المفروض هو يجي ياخذك
مادري والله شتسوين بس فكري قبل اي تصرف تسوينه

والله يسخره لك ويسخرقلبه لك

 

[لمسة احساسـ]

الله يعينك وويهون عليك وحاولي انك تتفاهمين معاه وتحتوينه وربي يسر امركـ

 

[ღ لحن الحياة ღ]

حبيبتي سلامة قلبك يارب
صدقيني هو يبي يسوي ثقل عليك لاتتضايقين وبكرا راح تضحكين على نفسك
بس لاتتكدرين واعملي نفسك مبسوطة برجوعك لبيتك
ونصيحة مني انسي اللي فات :icon26:​

 

[ضحيةالظروف]

اختي لا تطلبي الطلاق عند اي شي,,, راح تندمي انتي احتوي زوجك وحاولي تصلحي الي خربتيه

 

[جنى وبودي]

ليش رجعتي بنفسك الله يهديك؟؟
والله مدري وش تسوين؟؟طنشيه ولاتكلميه وقدر الله عليك..
استغفر لله العظيم واتوب اليه

 

[دمعة ورووود]

انتي تنازلتي كثير مراح يبين في عينه مهما حاولتي لانه بظنه ان هو كسر خشمش اشلون بصلحين غلطتش
1-طلبتي اطلاق
2- بعدين رجعتيله
يعني انتي سويتي حاجز كبير بينش وبينه معناتها لازم تتحميلنه بس مو درجت الاهانه والازم اتفهمين ان انتي رجعتي بكيفك مو هو الي كسر خشمك الانه راح يعايرك بس الاتسمحين له يعارك ويكسر جناحك في هذي الفتره لازم تتوديين له وصيرين غير في البس بدلع انسانه غير عرفتي اشلون انسانه غير لبسي داخل البيت كل قصير زوغي قلبه باي طريقه كانت شنهو الشي الي يحبه منش عوديه عليه ولا تتركين بيتك ابد ابد ابد الانه الرجل يحب المراءه القويه مو ضعيفه ويمكن انتي يفكر انك ضعيفه الانك رجعتيله وانك تحبينه وبستحميلن الذل عشان انت تحبين فيبحث عن امراءه اخر قويه انتبهي حاولي في هذي الفتره تسرقين قلبه ولاتتركين البيت ودايما اهتمي بجسمك وملابسك وكل لبسي الاشياء القصيره والمغريه طبعا انا ما اعلمش عن سوالف الحريم واالله يوفقش ولا يشتتكم قولي امين

 

[ماليزيا]

ممكن سؤال؟ وتجاوبيني عليه اذا مافي احراج
ليش رجعتي؟ لأنه يستاااااااااااااااهل ترجعي له؟؟؟؟؟؟؟؟؟؟؟؟؟؟
معليش سامحيني .بس والله راح اقلك ليش سألتك هالسؤال
بعدماتجاوبيني
أسأل الله العظيم ان يؤلف بين قلوبكم ويصلح ذات بينكم وان يقذف حبك في قلبه
يااااااااااااااااااااارب يااااااااااااااااااااارب

 

[عالم الورود]

الله يسرامرك ويسخر لك زوجك يارب العالمين

 

[ام سعود11]

(اللهم يا مسخر الرياح لسليمان والنار لابراهيم سخر لي زوجها)(اللهم سخر لها زوجها كما تسخر العبد لسيده)واللهم عظمها في عينيه وقلبه

واجعلها قرةعينه

 

[soft-girl]

رجعت عشان ولدي ابيه يعيش بعز ابوه عشان مايتعقد لين كبر ويشوف اللي بسنه عايشين طبيعيين الا هو مشتت بين امه وابوه والسبب الثاني نظرة اهلي لي وللناس مابي احس اني مكسووووووووورة وسطهم ..لو زوجي يحبني وفيه ذرة حنان لي كنت بقول راجعه عشانه بس بصراحة هو مايحبني ولا يعطيني حقوقي مثل اي زوجة عايشين كأغراب في بيت واحد بس وش اسوي مابي اتطلق وانذل ..اعيش مطلقة جوا البيت من غير ماحد مايدري احسن لي واكسب على الاقل احترام المجتمع لي ادري تفكيري غلط لكن والله العظيم كل شي يهون عشان ولدي وكلنا مبتليين بهالدنيا فالحمدلله على كل حال

 

[soft-girl]

ابرفع الموضوع عشان اختي ماليزيا ..محتاجة وقفتكم معاي يابنات

 

[الجواااان]

اسال الله العظيم في هذي العشر مباركه ان يسخرلي ولك ازواجنا وييسر امورنا يااارب العالمين وبنات المسلمين

 

[soft-girl]

امين يارب

 

[حنونه وايد]

الله يسخرة لك حبيبتي

 

[اسوار2009]

احتسبي الاجرفي رجعتك الله يفرجهاعليكي وعليناواتعلمي من المنتدى الحمدالله ربناسخرلناالمنتدى علشان نتطورونتطوربيوتنابمايرضي الله وادعي ربك يسخره لكي ويسخرلناازواجنايارب العالمين

 

[soft-girl]

والله يابنات زوجي من جيت البيت ماشاف وجهي رحت الدوام وتعمد يتغدا قبل ما اجي وقبل مايطلع المغرب كلم الخدامة عشان تجهز العشا يبي يوصل رسالة ان انا منيب محتاج منك اي شي..بذمتكم مثل هالزوج كيف اتصرف معه؟؟دايم اشوفكم تقولون تقربي وتوددي منه وسمعيه كلام حلو طيب اذا هو يتعمد يصد عني ويجرحني بتهميشي وتحقيري كأنني مو موجودة بالبيت وانا من جد بتصرفاته هذي صرت احس اني مو عايشة ببيتي يسهر مع ربعه لين 2 بالليل واذا جلس يومين بالاسبوع يدخل غرفته من 8 بالليل ويسكر الباب ..ماتتصورون يابنات شلون معاناتي معه ..احيانا انبسط اقول خله يتمادى بظلمه عشان ربي يعاقبه عقاب شديد وينكسر قدامي واتشمت فيه..استغفر الله العظيم ما احب يجيني هالشعور عشان نفسيتي ماتتعب اكثر وتصير طاقتي سلبية واحيانا احس براحة عظيمة لما اتذكر ان الله فوق واكيد بينصرني عاجلا ام اجلا

 

[غدير الكويت]

الله يعينج رخصتي نفسج لمن رجعتي كان لازم اتصححين الوضع واتحطين شروط ويحس انه وراج ظهر بس الحين ماكو فايده خلي احد ثقه يتدخل ويشوف الوضع واذا ما يبيج ليش اتنزلين من كرامتج ودزي له هالآيه "فإمساك بمعروف أو تسريح بإحسان"

 

[أحب الحياة]

الله يكون في عونج يارب بما انه يسوي هالحركات سوي نفسج عادي اهتمي بنفسج وبولدج وبيتج عيشي حياتج وتقربي من ربج أكثر صلي قيام الليل وأدعي ربج انه يرده لج ردا جميلا وأوصيج بالاستغفار ترا له مفعول السحر
هو يبي يقهرج بهاي الحركات سوي نفسج ولا هامج بالمرة بس لاتقصرين معاه في شي قومي بواجباته على اتم وجه
وان شاء الله ربي يحنن قلبه لج

 

[soft-girl]

اختي غدير الكويت هلي تدخلوا بس تعرفين الرجال قد مايقدرون يحاولون يصلحون بدون مايغلطون على بعض والريال مايبي يطلق وبنفس الوقت انا اعرف انه ماراح يقبل بشروط فشنو الاحسن اكون معلقة ببيت اهلي وولدي معاي واكون عالة عليهم غير شماتة زوجات اخواني والناس ولا اكون معلقة ببيت ريلي وساترة على نفسي من غير ما احد يدري؟ ..زوجي كبير واخذته وهو كبير صعب اربيه من جديد ..والله لايرزقج بزوج قاسي مثل زوجي..ظروفي خلتني انجبر على اني ارخص بنفسي بس انا الحين اعامله مثل مايعاملني مطنشته مثل ماهو مطنشي ..اهم شي قاعده ببيتي ومتمسكة فيه اكون متزوجة جدام الناس واتظاهر بالقوة ولا اكون مطلقة الكل ينظرلها نظرة اشفاق وشماتة وكل شي يهون عشان ولدي