راح اموت حيره الكل يرد :(

[شعاع وليد]

السلام عليكم​

تكفووون فيدوني​

شهر 3 دكتور في عياده خاصه كتب لي على كلوميد 3 حبات باليوم وبنفس اللحظه​

مع العلم انه مبايضي سليمه مافيهاا شي وللاسف ماخذت ابره التفجير!!​

واخذت لكلوميد مع اعشاب تقريبا بنفس المفعوول انه ينشط لين قرب موعد دوره 4 باقيله اسبوعين ​

مت شفت الموت من الالم نمت اسبوعين بالمستشفى درب وابره سيوله وابر مسكنات​

طلعت رحت مستشفى ثاني ونفس الشي تقريبا قعدت بالمستشفى شهر كامل ​

طبعا ماقلت لكم سبب دخولي "" تضخم بالمبايض الاثنين ​

وصل قياسه 9 ونص وفيه 7 و 6 و4 ​

المهم تعذبت خاصه في فتره التبويض​

بعد ماطلعت من المستشفى صار بيني وبين زوجي المعاشره مع انه الدكتور حذرني ​

انا قلت مايهم شنو يسير فيني المهم ابي عيال سبحان الله ​

شهر 5 المفروض الدوره بتاريخ 27 ماجت لغايه الحين اليوم التاريخ 4_6 _2011 سويت الاختبار المنزلي خامس يوم من تاخر الدوره وماطلع شي​

وماني عارفه سبب تاخرها لهاليوم​

الدكاتره قالوا ثالث يوم الدوره تعالي عشان اتسوين سونار وماشرفت الهانم للحين​

زوجي قال الدكاتره الخاص ضرونا واحنا نبي حمال خلاص ماراح انروح لهم ​

مع العلم احس اليوم بانتفاخ واحس انه فيه سائل برجعه وخايفه خاصه يوم نمت بالمستشفى قالولي فيج سائل وكانوا خايفين لايصعد عالراه​

ويوم تاكدوا ولا السائل بالحوض​

ماني عارفه منغثه من معدتي احس اني برجع تكرمون ماي :^:^: ​

حجم بطنى تقريبا خاف عن قبل قبل اي احد يشوفني يقولي حامل بالشهر الرابع​

تكفون فيدوني دكتوري الخاص قالي لازم عمليه ومستشفى الحكومه قالولي يخف الحاله​

وانتي تحت تاثير لكلوميد من يروح احوالج اتعدل​

المشكله الدوره مايت شسوي​

تكفووووون خواتي ساعدوووني ​

 

[شعاع وليد]

تكفون ردوا علي



وين الدكتوره


​

 

[الزوجة العفيفة]

يا حبيبتي والله ما عندي علم بس حبيت ادعيلك ربي يفرج همك وغمك ..
ويرزقك الذرية الصالحة المعافاه التي تقر اعينكم بها ......

بالنسبة للحمل اعملي فحص دم افضل باذن الله والله ييسر امرك ...

 

["حورية الأرض"]

ماعندي خبرة بس ربي يفرح قلبك ويرزقك الذرية الصالحة اللي تقر عينيك

 

[حنو الحنونة]

الله يفرج همك وهم كل مهمومه

 

[شعاع وليد]

يالبى والله فديتكم



تسلمون خواتي حبيباتي على الردود الطيبه


لاخلى ولاعدم ربي مايحرمني منكم



وياليت اشوف ردود لاي وحده عندها خبره بهالامور


ماقصرتوااااا..


​

 

[حكايا ورد]

ياحياتي الله يشفيك ويفرج همك ياااااارب ..
مادري حبيبتي الله يرزقنا الحمل السليم المعافى يااااااااااارب.....

 

[شعاع وليد]

اللهم امين ياقلبي تسلمين ياروحي ​

 

[*ام سديم*]

الله يشفيك ويرزقني ويرزقك من دون لف ولا دوران

 

[شعاع وليد]

اللهم امين يارب العلمين معاج ياقلبي​

 

[نورس المدينة]

اللهم لاتحرم كل انسانه صادقه لك في دعوتها اختي استغفري كثير وقومي اليل مجرب دعواتي لك بدريه الصالححه

 

[توحـه]

كلوميد والمبايض طبيعيه ؟
على اي اساس تعطيلك كذا
شكل عندك مشكله ثانيه تاخر الحمل
الله يهديك اختي كان رحتي دكتوره ثانيه المهم
اتكلي على الله واتركي العلاج
لفتره ترتاحين فيها لاتسخدمي اي منشط انتبهي لاتتفجر عندك المابيض
وخليك على الطبيعه
وربي يكتب لك الذريه يااارب قريب عاجل
اشربي ميراميه بعد انتهاء الدوره ضروري
بقولك على شئ اذكانت تحاليلك انتي وزوجك سليمه ركزي على ذالشي
بقولك على شئ مجرب للحمل باذن الله راح تدعين لي وكله طبيعه مايضر
السمسم يتم مضغه جيدآ لمده اسبوع من تخليص الدوره صباحا ملعقه كامله
ميراميه بعد انتهاء الدوره حاولي تسويها كثير
ونجي للاهم فيه عند العطار دواء اسمه الفوه يجي اعواد زي القرفه تاخذي ملئ يدك في كوبين ماء
يغلى النار لمايصير لونه احمر ثاني يوم في الدوره بعد الفطور جيدا عشان ماتقلب كبدك الله يعين اصبري وتحملي حاولي تسوينه 3 مرات اومرتين في ذالك اليوم المهم قدر استطاعتك بس ثاني يوم
راح تطول معك الدوره لاتخافين اناخذت معي تسع ايام تقريبا
وبس
التنيجه تبان في شهرين .. ممكن تحملين من اول شهر وممكن ثاني شهر
ادعي لي اناراح اكتب تجربتي في موضوع مستقل ابحثي عن مواضيعي

 

[مريوم الحلوه]

المشكله انج اخذتي كلوميد ومع الكلوميد اعشاب تنشط طبيعي راح تكبر البويضات والغلط الثاني ان ماعطتج ابره تفجيريه

والمطلوب من اللي تاخذ كلوميد ماتاخذ ابدا معاه اي اعشاب تنشط لان هو منشط
ويكون في متابعه تبويض وبعد ماتشوف حجم البويضه وصلت للحجم المطلوب المفروض تعطي ابره تفجيريه
3 حبات مااظن تسوي كل هذا الا حاله نادره مش في الكميه الغلط في طريقه
انا انصحج الحين تروحين لدكتوره واعملي تحليل حمل واذا مافي حمل خل تبحث عن سبب تاخر الدوره
وان شاء الله خير

 

[شعاع وليد]

الله يجزاكم الف خير على هالاهتمام والردود اللي ترد الروح


بس ارجع واقول انه الدوره طافتني صار لها اسبوع هل هذا تاثيرالتضخم؟


يعني ممكن تخربطت الهرمونات عندي؟
وهل يمكن يسير حمال فالتضخم؟


انا باذن الله باجر راح اروح المستشفى وراح اعرف كل شي


وبالنسبه للاخت توحه مشكوره ياقلبي عالوصفه وراح اطبقها باذن الله صج بعضه ماعرفته بس اكيد العطار

راح يعرفه مشكوووره فديتج


وبالنسبه للاخت مريوم هو الدكتور كتب لي على الابره بس انا ماخذتهااا صارت عندي ظروف


وبالنسبه لزوجي شهر 11 اللي فات فحص وكان كل شي طبيعي وممتاز بعدها باربع اشهر او سته تقريبا


فحص لقى كل شي نازل


يارب تفرجها علينا انا بس الحين ابي ترد عافيتي بالاول تالي ادور الحمال لان الدوره مانزلت وخايفه التضخم

سوه شي لمبايضي وباذن الله باجر راح اعرف وراح اقولكم اهني بهالصفحه


يسلمووو حبايبي ماتقصرون خواتي ربي مايحرمني منكم


دمتم بود


​

 

[شعاع وليد]

سوري تاخرت عليكم


نمت بالمستشفى يوم سوولي تحاليل وطلعت موووحامل للاسف


وعطوني اللي ينزل الدوره والاكياس

والحمدلله ماباقي غير 3اكياس فقط وصغر حجمهم اشوة


صار حجمهم اللي 3 واللي 4 بعد ماكان 9 و 7


وناطره الدوره تنزل من دواهم بعد اسبوووع

​

 

[دلوعة سعوودي]

طالما انك مافيك شي ليش يكتب لك كلوميد 3 مرات ؟؟؟؟؟؟؟؟؟؟ ولي زادها الاعشاب اللي شربتيها ومفعول الاعشاب اقوى من المنشااااطات شي طبيعي راح يطلع لك اكياس وتتأخر الدوره لانك خربطتي على نفسك وصار عندك خربطه بالهرمونات لاتستخدمي ولا شي خليك طبيعيه اللين تروح عنك الاكياس.. الله يشفيك يارب ويرزقك بالولد الصالح ​