ذكري زواجي

[أمل منسي]

السلام عليكم ورحمه الله وبركاته...


صبااااح الخيير <<< للي يقري موضوعي في الصباح
مساااااء الخيير <<< للي يقري موضوعي في المساء


:in_love: هذا أول موضوع أكتبة في مملكة بلقيس ... طبعا مايحتاي اقول أنا شكثر أستفدت من هذه المملكة
وأسمحو لي اذا كان مكان موضوع غلط :in_love:



بختصار الموضوع كله عن.....

ذكري زواجي :in_love:
ممم ..ذكري زواجي قرب ... بيكون في نهاية هالشهر .. وهي الذكرى الثانية لنا <<< الله يخلينا لبعض :in_love:
محتاجه منكم أفكار غربية وحلوووه لهذا اليوم
أبي أفكار غريييييييييييييييييييييييييبة
بليز اللى عندها أفكار حلووة لهذا اليوم لاتبخلي علي...




في ذكري زواجنا الأولي كنت حاملة وفي الأشهر الاخيره من حملي وماكان لي بارض اني أسوي اي شي حق هاليوم مع انه الذكري الاولي لنا المفروض أني اشتط وأتحمس بس الحمل كان شي متعب بالنسبة لي :dunno:
ومع ذلك ماتجاهلت هاليوم "ذكري زواجي الاولي " وتعبت نفسي واااااااااااااااااااااااااااااااااااااااااااااااايد
بقول لكم شسويت
((رحت السوق وخذت هدية حق ريلي عبارة عن ساعة رولكس + طقم عطورات ومعاها مجموعه أستحمام))
مو قلت لكم أني تعبت عمري واااااااااااااااااااااايد :shiny:
بس الشي اللي أحرجني في الذكري الاولي أن ريلي هو اللي جهز كلشي
بقول لكم شسوو عشان تعطونى افكار غير اللي سواها لي
قال لي الصبح وهو رايح الشغل أروح بيت هلى أتغدي عندهم لان اليوم بيكون عنده غدا عمل وبيتاخر وانه متى ماخلص شغلة بيمر علي .... وأنا ماصدقت خبر على طول رحت بيت هلي لوووول ... المهم الظهر طرش لي مسج عن ذكرى زواجنه انه اليوم وأنا رديت علية بمسج وبعدها فليل اتصل لي وقالى لاتعشين انتى معزومه اليوم على العشي ورحنا تعشينا في أحدي الفنادق وبعد العشي يه القرسون يايب الفاتوره وفوقها علبه مثل علب الخاتم طبعا ريلي قدمها لي :in_love: وكان "خاتم الماس"
صج استانست ع الهدية وبعدها رحنا البيت انصدمت أول مادخلت الغرفة كانت الأضاءه خفيفة وشموع وحركات كان عند مدخل الغرفة أستاند ورد طوله تقريبا لين نص الطوفة وعباره عن ورد أحمر وفي نص هالاستاند علبة ساعه ... استخفيت علي الساعه ...وبعدها دخلت الغرفة حصلت باكيه ورد على السرير ومع الباكية علبة داخلها كوليكشن عطورات شانيل صج أنحرجت أنه اهداني أكثر من شي وانه مرتب الغرفة وكلش بالورد :in_love:



عاد هالسنة انا مب حامل ولا شي وابي أنا اللي أفجأه بالهذكري
بليييز أبي أفكار غييييييييييييييير وغريييييييييييييييييييييبة



لاتقولون لي :
أرتب الغرفة وأغير فيها لانها بتطلع تقريبا نفس حركاته اللي سوااها ... وأنا من طبعي دايما كل شهرين او شهر بالمره اغير من الغرفة وأسوي أجواء وحركات
فمابي هالفكره

ولاتقولون لي:
احجز فندق ... لان ريلي من طبعه كل 4 شهور يحجز لي فندق ويسوي لي سبرايس واحنا من كم أسبوع طالعين من الفندق
فمابي هالفكره


فلبيييز ساعدونى بفكاركم

وشاكرت لكم مقدما

 

[شمعة بلقيس]

ماشاء الله تبارك الله الله يسعدكم ويهنيكم احجزي في شاليه لمدة يومين او اتفقي معاه انكم تسافروا وتحتفلو برا

 

[بنوته كلها حزن]

اول شي الله يسعدكم ويهنيكم ولا يغير عليكم

ثاني شي اهو ماخلى شي ماسواه ومهما فكرتي تسوي بتلقينه شي مو يديد

امممممممممم الصراحه مادري شنو اقولج تسوين لان اغلب الفكر واذا مو كلها مسوينها

فكره اختي شمعه انكم تروحون شاليه حلوه ممكن انكم تقضون هاليوم بره او على البحر

يعني تحتفلون بهاليوم بره وحاولي تشترين هديه ماقدمتيله مثلها شوفي شنو ماشريتيله

ممكن تاخذيله طقم ملابس مع اكسسواراتها او تشترين تلفون يديد فكري بشي ماشريتيه وماسويته

مو عارفه شنو اقولج بالضبط لان اغلب اللي اعرفه سويتوه فكري واخذي اراه اشخاص قريبه منج

 

[انيسه]

والله صادقه اختنا احجزى شاليه لو يوم اهم شي تغير جو

 

[أمل منسي]

مشكووووووووووووووووووووووووووووووووووورين حبايبي على مروركم وأرائكم

عجبتني فكره الشالية
وعندي كذا فكره اذا صارت بقولكم عنها


بعد مازلت في انتظار المزيد من الافكار

^_^ لاحد يبخل عني بالافكار

 

[yes we can]

الله يخليكم لبعض ويهنيكم ويبعد الشيطان عنكم

اممم انا اقول تعزميه على موفي نايت وتجهزي المكان كويس ويكون الموفي بوربوينت عنكم وعن الزواج وصوركم وصور البيبي !

ممكن تحطي معاها كيكه فيها صورتكم سوا بيوم زواجكم بعدها قدمي لو هدية بسيطه مو لازم التكلفه بدليها بشي بسيط يستعمله كل يوم ..

اذا ماعجبتك نفكر بفكره ثانيه

امممممم

او تحجزيلو برحله بحريه وتفاجئيه يومين كذا وتخلي ولدك عند اهلك !

او تسافرو المكان اللي رحتو عليه بشهر العسل وتطلبو نفس الغرفه وتقوليلهم هني مون خليهم يعملو اللازم بس

 

[عبير القلوب]

الله يوفقكم ويحرسكم وداري على شمعتك

 

[احلى ست]

الله يوفقك

 

[الامومه]

شاليه على قوات الآخت واشتري اغراض السباحه مايو نوع من التغير
بالتوفيق يارب

 

[طاطا]

اللهم بارك

 

[أمل منسي]

مشكوووورين خواتي على اقتراحاتكم الحلوووو
واشكرج اختي yes we can على افكارج الرااااقيييه

انا بديت اجهز لهذا اليوووم
وحجزت شاليه كنوع من التغييير وطلبت منهم يرتبونه على اساس انه حق عرايس لووول
وخذت حق ريلي هديه (جوال + مجموعه عطورات ) واحتمال اني اخذ له مجموعه اقنر (ساعه وقلم وأزره) لين الحين ماخذتها بس افكر اخذها او لا

شاكره لكم تفاعلكم الراااقي معاااي

والله يهنيكم ان شاء الله ويتم لك السعاده في حياتكم ياااااارب

^_^

 

[شيخـ الزينات ـة]

انا بنزل بموضوع مستقيل بعد كم دقيقه عن كيف تحتفلين انت وزوجك بذكرى زواجكم ليت تقريه ويفيدك تقبلي مروري

 

[دلوعة وحبوبة]

ماشاء الله عليك اختي البنات ماقصروا بس حبيت أنبهك تحصني نفسك زين العين حق

 

[البيت السعيد**]

ما شاء الله لا إله إلا الله،

تبارك الرحمن

الله يخليكم إلى بعض،

وإقري المعوذتين على روحكم

 

[ناعمة المشاعر]

ماشاء الله تبارك الرحمن

الله لايغير عليكم ويخليكم لبعض

وربي يسعدكم ان شاء الله وجعل ايامكم كله سعاده وهناء

 

[نونه الحلوة]

ربي يسعدج يااارب
عندي فكرة سويتها بعيد زواجي خذت فستان ابيض وحجزت تصوير وسويت مسكت عروس وطلبت عشا كأني عروووووووس والله ان ريلي تهبل على هالحركة
يااااااارب اكووووون افدتج ..