ذبحها الشك

[اموت علي]

الشهر عليكم مبارك

يااحلى بلقيسيات

ماراح اطول عليكم
وراح ادخل بالموضوع

وش الحل مع الزوجه الشكاكه

اللي تنبش ورى زوجها :19:

والوسواس ذابحها:33:

هاذي سلمكم الله اختي
كل يوم والثاني فاجعتني
بقصه :39:

مره تقول قيه ارقام غريبه
بجوال زوجي

ومره تقول اذا شافني جايه
سكر الجوال

ومره تقول زوجي حاط رمز
قفل لجواله ليششششششششششش:30:

واللحين تقول انه صار يدخل النت
ومقهوره مرررره من هالسالفه

لانه ماكان يعرف شي اسمه نت


طيييييب كيف افهمها انه عاادي
كل هالاشياء
والله انها مقطعه قلبي دمعتها
على خدها خايفه من شبح الخيانه

لانه صار لها موقف بغت تموت
وعلمتها عن هالمنتدى وياليتني
مادليتها عليه خخخخخ امزح لاتزعلون
بس صارت تقراء قصص البنات اللي تقطع القلب وزاد عندها الوسواس


بس اللي عندها حل لاتقصر الله يجزاها الفردوس ويريح بالها
ويسخر لها زوجها ويرزقها من حيث لاتحتسب

وهذا العشم في خواتي بهالمنتدى الرائع

 

[اموت علي]

انتظركم

 

[شموخ الاحزان]

والله كانك تتكلمين عني اشك في كل شيء يسويه لوحاجة بسيطة مع انه بعض الاحيان يحلف لي انه ماعنده هالخرابيط لكن ذبحتني الوساوس والظنون ياليت اللي عندها حل تعلمنا

 

[انا الفراشة]

اختي الغاليه اشعر بحبك لااختك وخوفك عليها
بس انتي قوليله لاتكونيني سبب لخراب بيتك بكرا الرجل مع الزن صدق يسويها وتفتحين باب مسكر وهي راح تبطل ومع الايام تتعود ع ترك هالحاجات ..
يارب يشفي اختك ,,,
ويسخر لها زوجها يارب​

 

[اموت علي]

اختي
شموخ الاحزان

مشكوره لمرورك

وكان الله في عونك

 

[اموت علي]

اختي انا الفراشه

فعلا كلامك صحيح كثر الزن

راح يخرب بيتها المشكله هاذي مسيطره على تفكيرها

 

[اموت علي]

خواتي وييييييييين ردودكم

اللي تبرد القلب

انتظركم




لاتردوني لاني اول مره اطلب منكم شي

 

[فوشى بلقيس]

كلام الفراشة صحيح ترى كثر الزن تحط الشئ في باله وتفتح عيونه
انا بعد ساعات تجيني هالجالة بس اتعود من ابليس وصراحة انا ما كنت كذا ابدا بس من كثر ما نشوف ونقرا في هالمنتديات حتى ساعات اقول ما راح ادخل على هالاقسام
والله صارت لي مواقف مع زوجي من السنين ما ربطتها بالخيانة بس الحين دايم اتذكرها واقول الى نفسي ليش سكت واكيد خاني وليش سوى كذا استغفر الله العظيم اتمنى ساعات المواقف تنعاد علشان اعرف ويش صار
المهم خلها تتعود من ابليس ومدام ما شفت شئ خلاص وترى فيه حكمة يقولونها البنات هنا في المنتدى لا تنبشين ورى زوجك انتى الا بتتعبين وخليه على ربه هو يحاسبه ساعات احب احطها في بالي على الاقل علشان صحتي
وي هدرت وايد ما صدقت ينفتح الموضوع:31::31:

 

[مَلآمِحْ حُلمْ]

الله يعين الشك ذبااااااااااااااح
ماله علاج غير تزيد ثقتها بزوجها و اذا جاها فكر الخيانة الزوج تستغفر الله
و مدام زوجها عاقل و يصلي و ماله في هالأمور السيئة تتطئن​

 

[ظلي له مهابه]

يقول الله تعالى ( إن بعض الظــن أثــم )
وللأسسف هذي ظنون وشكوك تدمر عليها فرحها وساعدتها ولاتعيــش فرحها وياليــت بقدر المستطااع تبعد عنها هالتفــكير بكثــرة قرآآتها للقرآن وكثر ذكر الله على لســـانها وتدعي الله كثيــر وتتصدق وربي بيفـــرج لها هالهم والله يفــرج لها همها ويبعد عنها كل الظنون والشششكوك المخيفه عنها ..


لاتنسيني من دعوآآتكـ ..

 

[ظلي له مهابه]

ايــه يا حلووه نســيت أقولك كمان تقولين لأختك لاتجلس تتبع زوجهــا والا تجسس عليــه لأنها هي اللي راح تتعب ولاراح تدمر حياته ..

وبقولك قصــه أختي ..

وحده كاانت مثل اختك كذا تششك دايماً بزوجها وتخاف انو متزوج عليها والا أنو يعني من هالخرابيط يكلم بنات المهم وفكرت بيوم من الايام تكون تتبعه وتجسس عليـه وبعد فتره اكتشفت أنو متزوج وانقهرررت مره و واجهــت زوجها وقالها زوجها انا ماحبيت أنك تعرفين علشاان ما ابي اضيــق صدرك ولكن اللحين مدامك عرفتي فخلااص وصااار يعاملها مثل مايعامل الاولى يوم لها ويوم لثــانيه فعلشششان كذا انتبهي قولي لأختك او أي أحـــد لاتججسسسسسسوا ترى التجسس بيدمر ويتعبك مررره .. وبسس واسسفه على الكلام الكثــير ..

.. دعواااتكـ ,,

 

[دلـــوعـــة]

حبيبتي قوليلها ان بعض الظن اثم
وقوليلها (( ولاتجسسوا ))
ترا مو لازم الواحد يعرف كل شي قاعد يصير حوله
مرات الغفلة تكون نعمه ... ولاتتابعه وكأنه مابقى بالدنيا الا هو وانها هي المسؤولة عن تصحيح سلوكه
الافضل انها تهتم بنفسها وسلوكها وتشوف عيوبها
هذي مشكلة الحريم كل واحد تتابع زوجها وتبيه خالي من اي خطأ (( الملاك اللي يمشي على الارض )) وهي تكون عيوب الدنيا فيها ومو دارية
تفكير الحريم منحصر بالخيانه فقط .. دامني ما اخونه معناها انا افضل سيده على وجه الارض وهو مايستاهلني
مع انه يمكن رغم خيانته الا انه هو افضل منها
وقوليلها (( يا أيها الذين آمنوا لاتسألوا عن أشياء إن تبدو لكم تسؤكم ))
حبيبتي والله كله الوحده تجيبه لنفسها
خوفيها بهالجملة (((( اللي يخاف من العفريت يطلعله )))) هههههههه عشان تبطل هالتفكير السلبي وكل ما جا في بالها تغيره على طول
اختك ينقصها الثقة بالنفس اولا لازم تنشغل بنفسها وتطورها وتزيد ثقتها بنفسها
وتدعي ربها انه يحفظ لها زوجها دوووم بقيااام الليل
والاستغفار والله لي معاه مواقف عجيبة .. ذكريها فيه
وحسن الظن بالله شيء مهم جداً
اذا تصورت لحياتها التعاسه والخيانه وانها راح تكون ضحية ززوج غير مخلص صدقيني هذا اللي راح يصير
حتى لو كان زوجها مخلص لها .. بتفكيرها واقتناعها بهالشي راح تدفعه للخيانه
التفكير هو منبع السلوكيات والسلوكيات تعبر عن الشخصيه والشخصيه هي اللي تحدد كيف الناس يتعاملوا معها
فخليها تبدأ بتصحيح تفكيرها وبإذن الله راح تعيش حياة سعيدة

::

وارجع واقول لاااااااااااااااا للتجسس
خليها تتغاضى عن كثير امور وتصفي النيه مع زوجها (( وتدع الخلق للخالق ))
اذا شافت شيء بالصدفة واضح وضوح الشمس انه خيانه وقتها تتصرف تصرف ثاني
اما انها تدور وتنبش هذا شيء غير صحيح

 

[اموت علي]

تشكراتي القلبيه لكل البنات
اللي ردو لاخلى ولا عدم

وبصراحه ضحكت كثير من اللي
قالت اللي يخاف من العفريت يطلع له
:19:

ياحبي لك
خخخخخخخخ الله يقطع شيطانك
والله صادقه

خخخخخ بس لو بقولها بيطيح قلبها
مع اني متاكده انها قرت كل الردود

وانا والله ماقصرت اقول لها زوجك يخاف ربه ومستحيل يسوي هالخرابيط
حتى لو سوى شي يغضب ربه
وطاح من عينك
خلاص اتركيه وتفرغي لنفسك

ياذا الرجال اللي اشغلونا:23:

 

[ام البوبو]

ياحليلها اختك
انا اقول لو تتفرغ لنفسها
وتطور من مهاراتها وتساعد في الجمعيات الخيريه ودور الايتام عندهم نشاطات وحفلات يتمنون حد يشارك او يساهم في الجوائز وتشوف الفرحه بعيونهم راح تحس بفرحه وسعاده وانها مو فاضيه حتى تجسس عليه بالعكس راح تلقينه مبهور بشخصيتها ويتمنى يلقى منها لحظه او ريق حلو
بوسه لك يااحلى اخت
ليت كل الخوات قلوبهم على خواتهم مثلك ماشالله تبارك الله

 

[أم سدين]

يا اختي لا تفكيين باب للشيطان عليك لانه يفرح انه يفرق بينك وبين زوجك كبري عقلك واتعوذي من الشيطان والله يجننك لدرجت انه يخيلك صار الشئ استغفري في اشياء نفكر فيها انه الحياه حلوه انه سبحانه انعم علينا بالعافيه وعندك زوج وباْذن الله ترزقون بالذريه الصالحه ابعدي عنك الافكار الشيطانيه تعيشيين بسلام .

 

[نبراس الدعوة]

خليها تكثر من الاستغفار وتعوذ من الشيطان لانه وسواس و لاتهدم بيتها

 

[حلمي صعب]

اعوذ بالله من الشك تراه يدمر والشيطان يلعب عليها الله يهينها بس افضل شيء لاتفتش وراه واذا حست نفسها عندها فضول بتفتش تقول هالعباره وبس اللهم فوضت امري اليك وتوكلت عليك والله بيساعدها