ذبحني الوسواس

[مثقفه زماني]

بسم الله
السلام عليكم خواتي..

انا ابي النصح وابيكم ترشدوني على الصواب هل انا اللي اسويه صح ولا لا

انا متزوجه اي سنه وكم شهر وعندي طفل قبل زواجي كنت اسمع عن المشاكل والهواش والضرب اللي يصير بين الازواجومشاكل الحموله وهذا عقدني لدرجه انه كذا واحد يطلبني وارفض بس النصيب والقدر خلاني
اتزوج من واحد لقيت معارضه من الاقارب ليش ؟لانه اسمروزياده على كذامو من نفس الديره وانا ماهمني الشكل كثر ماتهمني الاخلاق
مع ذالك اصريت على الزواج مادري ليه على اني كنت متخوفه حدي الحمد الله رزقني ربي بواحد طيب بمعنى الكلمه المهم
الحمدالله الحين مستقره وسعيده الحمدالله والشكر واهله ناس محترمين بس المشكله ان فيني وسواس اقول بيني وبين نفسي معقوله كل هذا السكون في بيتي وان حياتي سعيده لا اكيد بكرى بيصير شي (الحريم ماكو فكه سعيدات او لا)لان ماتصدقون والله اعيش بوسواس ماتتخيلون والحمدالله ان مايرفضلي طلب ويحبني كثير بس المشكله فيني انا هالوسواس ذابحني والله ذابحني والرجال والله ماشفت منه شي واحبه انا بعد بس خايفه من لايام اللي جايه اقول لابد بيصير شي ابي احد يشيلي الافكار والوسواس اللي براسي تكفون عطوني رايكم وراي الاستشاريات الله يجراكم خير لاتخلوني والله بحيره من امري وماابي احد يمر مرور الكرام ويطلع ..
شكرا

 

[ملكه في مملكه]

مرحبا اختي اخبارك؟ليش الوسواس توكلي على الله ولاتلتفتين للوساوس واذا حسيت فيها تعوذي من الشيطان كله منه مايبغاك تستانسين والله يوفقك ان شاءالله

 

[رامااا2009]

اي والله توكلي على الله وخلي الشيطان يبعد عنك اذا حستي بوسواس اقهريه وقومي
صلي ركعتين وتشوفين ان مامشت الحياه طبيعيه والحمد لله الله يزيدك سعاده امييين
والله يسخر لك زوجك اميييييييييين زياده
لا تخلين للشيطان مجاااااال ادحريه (هذه اجمل نصيحه مني لك )

 

[another day]

اقرأي قرآن
او اي كتاب
انشغلي عن هالاشياء اللي ماتفيدك بشي
هو طول مانتي فاضية وعندك فراغ قمتي توسوسين
استفيدي من وقتك وقضيه بالقراءة وتثقيف نفسك

 

[bordeaux]

هلا حبيبتي خلي الوسوسه على جنب وادعي ربك انه يساعدك ولا تفكرين ولا تجلسين لوحدك كثير حاولي تشغلين نفسك

 

[waf.]

اقرأي قرآن
او اي كتاب
انشغلي عن هالاشياء اللي ماتفيدك بشي
هو طول مانتي فاضية وعندك فراغ قمتي توسوسين
استفيدي من وقتك وقضيه بالقراءة وتثقيف نفسك

:clap::clap::clap:

 

[um hazzaa]

اذا جلستي تفكرين في الوسواس اخرتها لازم يصير شي لا قدر الله
وهذا كله من كثر تفكيرك
عيشي حياتك مع زوجك واولادك وخلي عنك الوساوس
احمدي ربك واشكريه على النهمة اللي انت فيها وانسي شي اسمه الوسواس والتفكير
ليش معذبه نفسك من شي ما موجود يعني لازم غصب تجيبين الغصه لنفسك
وفي النهايه كل اللي مكتوب يصير
الله يوفقك يارب ويصلح لك حالك ويشيل هالوساوس من بالك
اميييييييييين

 

[عاشقة القرآن]

السلام عليكم

حبيبتي كوني أقوى من الشيطان واقهريه هاذي محاولاته لاتخلينه يفرح ويتفرج عليج وانتي تهدمين حياتج تفائلي بالخير تجديه وثقي بربك بأنه القادر على اسعادك بالدعاء والاستغفار

 

[معاناة الحياة]

ادعي ربك انه يتمم عليكم بخير واحذري اختي من الوساويس لاتهدم بيتك

 

[المتوكله]

الأخوات معهم الحق لماذا تفتحين باب الشيطان لكي يخرب عليك حياتك وتتوقعين البلاء قبل وقوعه
ليس كل الرجال سيئون منهم من يحب ويخلص ابعدي الوياوس عن نفسك اجعلي ثقتك بالله اقوى من أي شئ فتنزرع فيك الثقة بالنفس اعملي مع نفسك وزوجك وابناؤك ما يرضي الله واكثري من الإستغفار ولا تجعلي الوسواس يدمر حياتك -هذه نصيحة من أختك بالله وفقك الله ورعاك

 

[تحيه للعلم]

المثل يقول اللي يخاف من الذيب يطلع له :surrender:

وكل ما يت لج هالوساوس سجدي سجود شكر على النعمه اللي انتي فيها ودايما احمدي الله واثني عليه

وادعيه ان يتمم نعمته عليكم وانا من رايي انج تحويل هالوساوس الى تهيئه نفسيه لحل المشاكل

يعني لا بد بيصير مشاكل وانتي بعدج بأول الطريج لا تقعدين انتي والوساوس حاور زاور لا تعلمي

شلون تحلين المشكله لو لا سمح الله حصل لج مشكله والمنتدى بين ايدج وفيه انواع المشاكل وحلها

ولا تفتحين للشيطان مجال يخرب عليج وان شاءالله موفقه :blush-anim-cl:

 

[memo_a]

عزيزتي تعوذي من ابليس وشيلي هالوساوس من راسك اذا وكل مشكلة ولها حل ليش تنكدين على نفسك بهالأفكار وبعدين المشاكل الكبيرة اللي تسمعين عنها مثل الضرب واللذي منه ما تجي الا من ناس مريضين نفسيا

 

[ام غمازة]

شيلي الوساوس من راسج هذا شيطان و ااشكري ربك و لئن شكرتم لازيدنكم

 

[محرومه من زوجي]

يابنت الحلال خلي الوسواس على جنب
وعيشي حياتك بكل سرور

 

[*روعة*]

تعوذي من الشطان واسعدي زوجك
زمثل ماهو مب مقصر انتي بعد حطيه فوق راسك
وزي ماقالو الأخوات القران والذكر والدعاء
ورددي هالدعاء داااائماً(االلهم اني اعوذ بك من زوال نعمتك وفجاءة نقمتك وتحوّل عافيتكوجنميع سخطك)
وقولي بعد(اللهم ادمها علينا نعمه واحفظها من الزوال)

 

[مجرد إسم]

يا اختي عيشيي حياتك وخليك في حدود يومك

والله من جد الوحدة من كثر ما تسمع من ذي المصايب يجيها وسواس وذا شي طبيعي
لكن اللي مو طبيعي انه تكون حياتك مستقرة ماشاالله وانت ترضخي لهذا الوسواس من دون اي داعي

لذلك انصحك اختي باذكار الصباح والمساء لا تسيبيها نهائي واقريها كاملة من كتاب حصن المسلم
وكمان كل ما جاك هذا التفكير اقري دعاء التشاؤم برضو تلقيه في حصن المسلم
اللهم لا طير الا طيرك ولا خير الا خيرك ......الخ

 

[@باونتي@]

قال سبحانه وتعالى..(قل أعوذ برب الناس*ملك ألناس*اله الناس*من شر ألوسواس ألخناس*أللذي يوسوس في صدور ألناس*من الجنة وألناس)
صدق الله العظيم
اعتقد اني جاوبتك الجواب الشافي باذن الله
اقرئي هذه الايه صباح ومساء وعندما يوسوس لك الشيطان
ويفضل قرائة الاذكار اليوميه معها وقرائة جزء من القران يوميا لابعاد وسوسة الشيطان عنك
وبالتوفيق.............

 

[توكلي على الله]

يا عزيزتي من توكل على الله كفاه وبعدين تفائلي بالخير تجدية
بالتوفيق

 

[دنياالامل]

نصيحتي لك ياقلبي عيشي لحظتك ولاتضيعينها وانتي تفكري في بكره اصلا ياقلبي ماحد يضمن انه ينام ويرجع يقوم مره ثانيه هذه احلى لحضات حياتك لاتخلي الشيطان يفسدعليك وارجوك حافظي على اذكارك صباح ومساء واكثري الاستغفاروشوفي كيف تبعد عنك وساوس الشيطان

 

[مثقفه زماني]

من جد اشكركم على الكلام اللي يبهج الصدر من جد مشكورين والله يوفقكم انشاءالله