دورة في اللغه الانجليزيه ..

[عالمي الخاص]

مرحبا حبايب قلبي كلكم ..

انا اليوم .. حبيت افاجئ الكل وهو انو ببأدأ معاكم بدورة لتعليم الأنقلش حتى الاحتراف بإذن الله ..

اللي اتمنى من الجميييع يستفييد منها .. اللي حتكون عباره عن عروض وكمان فيه صوت عشان مو بس تتعلمو كتابه كمان نطق .. بس ابيكم توقفو معاي وتساعدوني

واتمنى ان الكل ينضبط بالحضوور ,, حتكون فيه اختبارات .. ودرجات .. وانتم اكييد حابين تستفيديو فكل وحده هنا تدرس بضميرها .. وهي اللي بتستفيد أكيد مو غيرها وساعدوني وحطو يدكم بيدي ..

اول شغله نبدأ فيها .. الدورة فيها تسجيل فبليز العضووات اللي حابين يسجلو يبادرو بالتسجيل فقط تقول انو انا ابي انضم للدورة وانا اسجل اسممها حمشي معاهم هم فقط ..
الدورة حتبدأ من يوم السبت ان شاء الله يعني لكم من اليوم الثلاثاء إلى يوم الجمعه

يوم الجمعه بيوقف التسجيل ..

لي طلب منكم ..

ابي كل وحده منكم تدعي لي بظهر الغيب ان الله يشرح صدري ويييسر أمري ويجمعني بهم على خير .. امييين ياارب .. وان الله يحقق اللي ببالي امين يارب ..

 

[عالمي الخاص]

على فكره انا ببدأ معاكم خطوه بخطوة ..
يعني حنبدأ من الحرووف .. وكلمات عليها مممممممم ايش كماان

يعني من الألف الى الياء بإذن الله ..

 

[أم خضر]

يسعدني أن أكون أول من ترد
أنا ألأولي يلا سجليني

 

[محبة النبي]

انا راح اكون معاااكي
لاني قررت اتعلم اللغة الانجليزيه من الاسبوع اللي راح والله ارسلك لنا الله يكتب اجرك وييسر امرك

 

[عالمي الخاص]

أم خضر , محبه النبي ..

حياكم الله ..

 

[ღяόôό7.«ţήţόσόή]

السلام عليكم ورحمة الله وبركــآته..


آنـآ معك آن شاءالله...آلله يوووفق الجمييع...


يــآرب يشششرح صدرك ويسسر آمرك ويحقق لك مبتغــآك عـآجلآ غير آجل...

 

[أموره&دلوعه]

Please don't forget me :cupidarrow:​

حبيبيتي اناخاطري اخذ شهادة التوفل ومخططه ان شاء الله ربنا ييسر ع الأيام الجايه اروح اعمل اختبار تحديد مستوى ..
بإذن الله معاك ادخل الاختبار على طول
وما احتاج مستويات.. :26: ​

تقبلي تواجدي والله يكتبها بميزان حسناتك
و ربنا مايترك لك أمنيه فنفسك الا وحققها لك آآآآمين يارب. :c016:​

 

[سكروملح]

انا معك واشكرك جدا على هذا الطرح والدوره جت في وقتها لاني افكر فيها من وقتك
والله يحقق مناك ويسرامرك ياعالمي الخاص
بس مافهمت طريقة التعليم

 

[صفا الليل]

وانا والله احتاج اتعلم انجليزى اكثر بشترك في الدورة
الله يشرح صدرك ويسسر امرك

 

[عالمي الخاص]

يشرفني ويسعدني ..

الدورة عبارة عن ثمان مستويات ان شاء الله اللي تمشي معاي كوويس في المستوى السابع والمستوى الثامن بصير حكينا كله انقلش .. بس في المستويات اللي قبل جيكون عربي وانقلش ..
بعدها هالمستويات ان شاء الله بندخل بثلاث مستويات للي حابه تطور اللغه عندها اكثر تكون قواعد ..
بعد كل اربع او ثلاث دروس حيكون فيه اختبار .. طبعن كل وحده ترسله لي على الخاص وكل وحده وضميرها وهي اللي بتستفيد ومو مشكله اللي مو فاهمه شغله ارجع اعيد لها لين تفهم إنا جينا نستفيد ..
واهم شي تكون درجتك اللي تستحقينها عشان تحددين مستواك .. بعد مانخلص المستوى ككل حيكون اختبار شامل على المستوى ..

وإذا خلصنا بإذن الله على خير بيكون فيه اختبار تحديد مستوى ..

طريقه الدروس انا اكتب كل شي واشرح وعندي مقاطع صووت عشان تعرفين كيف تنطق يعني تصيرين عارفتها كتابه ونطق كاأنك تدرسين عن بعد ..

وإن شاء الله ربي يكتب لي الخير ,, ويوفقك يارب ..

* على فكره اخر موعد للتسجيل بكرى لأني بس بمشي مع اللي سجلو معاي وياليت تواجدهم بالمنتدى يومياً .. عشان مايفوتهم أي دروس أو اختبار .. ومو في صالحك تتراكم عليك الدروس ..

إن شاء الله السبت بنكون في أول درس اللي هو الحروف الابجديه الانجليزيه .. وياليت الكل يكون موجود ..

هذه الفكره والله يووفق الجميع ..

لا تنسوني من الدعاء لكم خالص تحياتي

 

[rozeee]

انا حااابه اشترك ياعسل .....

 

[عالمي الخاص]

تشرفينا ياعسل انتي

* اكرر واعيد لمعلومه الجميع التسجيل بينتهي في تمام الساعه 12 مساءً

1- أم خضر
2- محبة النبي
3- ღяόôό7.«ţήţόσόή
4- أمورة & دلوعه
5- سكر وملح
6-صفا الليل
7- rozeee

<< إلى الان سبع عضوات

ان شاء الله تستفيدون وتدعون لي :$ والله يوفق الجميع ..

 

[منااااااااوة]

لحظه وقفوا وقفوا
انا معكم بليييييييييييييز ابي ادخل ف دورتك

 

[أميرة الخيال]

السلام عليكم

سأنضم إليكن إذا كان التسجيل مفتوحاً بعد

 

[عالمي الخاص]

8- مناوة
9- أميره الخيال

شرفتونا حبايبي

اكييد التسجيل مفتووح بس ياليت تستعجلون لأنو اذا بديت بالدورة اسفه ماأأقدر استقبل احد لأنو حيكون شغلي مع اللي اشتركو معاي .. بس ممكن تقدرين تستفيدين لو مع نفسك مو صعب ابدن

انا ليه طلبت تسجيل مع انو عادي لو ماسجلتي وبديت بالدورة
بس لأنو حنعطي درجات وتكون مناافسه وبالاخير نعطيكم شهاادات طبعن الشهاادات من عندي :22:

بس انتي تقدرين تروحين لأي معهد تسوين اختبار تحديد مستوى ويعطونك شهاده معتمده إن شاء الله

:32:

 

[أم محمد]

الحمد لله أنني وصلت قبل البدء

وأرجو أن تسجليني معكم بالدورة

وجزاك الله خيرا وأحسن إليك وسهل أمورك وحقق أمنياتك

 

[ام عبد الصمد]

السلام عليكم
جزاك الله خير على الدورة اليوم علمت بها
اتمنى تتقبلوني معكم
وجزيتم عغنا كل خير

 

[عالمي الخاص]

10- أم محمد
11- أم عبد الصمد

ياليت يغلق المووضوع

 

["تراتيل القمر"]

أختي عالمي الخاص ..

أنا جديدة هنا ودخلت هنا خصيصاً عشان أتعلم ..

ياليت تضموني معاكم ..بليييز قبل مايقفل الموضوع ..

وكمان صاحبتي تبغى تسجل معانا بس يمكن ماتقدر تدخل اليوووم ..

الله يوفقكم ويوفقنا يآآآارب ..

 

[عالمي الخاص]

حياك ربي ..

اوكي التسجيل عام أي أحد حاب يستفيد يتفضل ماراح أرد أحد

والله يحيي صاحبتك ..